Dagblaðið Vísir - DV - 09.09.2011, Blaðsíða 15

Fréttir | 15Helgarblað 9.–11. september 2011
n Gæti tekið nokkra mánuði að fara yfir undanþágubeiðni Huangs Nubo n Ráðuneytið
segir erfitt að tímasetja ferlið n Tugir hafa fengið undanþágu á síðustu 5 árum
Mánuði getur tekið að
fara yfir beiðni Nubos
„Ég myndi segja að það tæki allmarg-
ar vikur að fara yfir málið og fá botn
í það með pappírum og öllu saman,“
segir Jóhannes Tómasson, upplýs-
ingafulltrúi í innanríkisráðuneytinu,
aðspurður hve langan tíma hann telji
það taki ráðuneytið að fara yfir und-
anþágubeiðni Huangs Nubo vegna
kaupa hans á Grímsstöðum á Fjöll-
um. „Allmargar vikur geta verið sjö til
átta og þær geta verið sautján,“ bæt-
ir hann við til nánari útskýringar. Jó-
hannes segir þetta vera mjög óvisst
ferli sem erfitt sé að tímasetja. Hann
segir það fara eftir því hve mikið farið
verði í málið og að hugsanlega þurfi
að kalla eftir frekari gögnum. Að-
spurður segir hann engan hámarks-
tíma vera uppgefinn, ráðuneytið taki
sér allan þann tíma sem þarf til að
fara yfir gögn málsins.
24 hafa fengið undanþágu
Lögum samkvæmt er einstaklingum
og fyrirtækjum utan EES-svæðisins
óheimilt að fjárfesta hér á landi nema
að fenginni undanþágu frá innanrík-
isráðuneytinu, líkt og Nubo hefur sótt
um.
Frá og með árinu 2007 hafa 24 ein-
staklingar og félög utan EES-svæð-
isins fengið leyfi til að fjárfesta hér
á landi. Langflestir hafa fengið leyfi
til fasteignakaupa en eitt leyfi hefur
verið veitt til kaupa á fimmtán hekt-
ara jörð á þessu tímabili. Til saman-
burðar er vert að geta þess að jörðin
á Grímsstöðum á Fjöllum sem Nubo
hefur gert bindandi kauptilboð í er
um 22.500 hektarar.
Af tíu þjóðernum
Þeir sem hafa fengið undanþágu frá
íslenskum lögum til að fjárfesta hér
á landi á síðastliðnum fimm árum
koma frá Bandaríkjunum, Ástralíu,
Indónesíu, Rússlandi, Argentínu,
Mön, Úganda, Ísrael, Malasíu og Kína.
Langflestir, bæði einstaklinga og fyrir-
tækja, koma frá Bandaríkjunum.
Samkvæmt upplýsingum frá
ráðuneytinu hafa einnig verið
skráð á hverju ári eitt til fjögur til-
vik þar sem erlendir aðilar með lög-
heimili á Íslandi hafa keypt eignir.
Þeir aðilar þurfa þó ekki að fá leyfi
hjá ráðuneytinu til kaupanna þrátt
fyrir að hafa ekki íslenskan ríkis-
borgararétt.
2007 – 9 aðilar fá leyfi, þar af 7 vegna
íbúða og 2 vegna sumarhúsalóða.
2008 – 3 fá leyfi, 2 vegna fasteigna-
kaupa, einn vegna 15 hektara lóðar úti
á landi.
2009 – 3 fá leyfi, allir vegna
fasteignakaupa.
2010 – 5 fá leyfi, allir vegna
fasteignakaupa.
2011 – 4 fá leyfi, allir vegna fasteigna-
kaupa.
Undanþágur Sólrún Lilja Ragnarsdóttir
blaðamaður skrifar solrun@dv.is
„Allmargar vikur geta
verið sjö til átta og
þær geta verið sautján.
Vill undanþágu
Upplýsingafulltrúi
hjá innanríkis-
ráðuneytinu segir
allmargar vikur geta
liðið þar til niður-
staða fæst í mál
Nubos hér á landi.
Jeppasýning
í Öskju
Bílaumboðið Askja býður til jeppa-
sýningar á laugardag þar sem glæsi-
legir Mercedes-Benz-jeppar verða til
sýnis. Á meðal þeirra jeppa sem verða
til sýnis verður ML-Class-, GL-Class-
og GLK-sportjeppinn en í tilkynningu
kemur fram að hann verði boðinn á
afmælistilboði og kosti um 8,8 millj-
ónir króna. Þá verður einnig til sýnis
G-Lander-jeppi og auk þess breyttur
Mercedes-Benz Sprinter-ferðabíll
með 35 tommu dekkjum. Jeppasýn-
ingin verður opin frá hádegi til klukk-
an fjögur en gestir sýningarinnar geta
fengið að reynsluaka Benz-jeppun-
um. Í tilkynningunni segir einnig að
heitt verði á könnunni.
Stal snyrtivörum
Karlmaður var dæmdur í tíu mán-
aða óskilorðsbundið fangelsi
fyrir fjölda afbrota í Héraðsdómi
Reykjaness á miðvikudag. Maður-
inn, sem hefur setið í gæsluvarð-
haldi frá því í síðustu viku, er meðal
annars dæmdur fyrir að hafa stolið
fjölmörgum snyrtivörum, svo sem
hárblásara, varalit, andlitsfarða og
fleiru. Þá var hann einnig með yfir
hundrað kannabisplöntur á heim-
ili auk þess sem á honum fundust
kannabisefni. Hann er einnig sviptur
ökuréttindum ævilangt fyrir að aka
ítrekað undir áhrifum vímuefna.
Brotaferill mannsins nær aftur til
vetrarins 2008 til þjófnaðarbrota
sem framin voru seint í sumar.