Dagblaðið Vísir - DV - 09.09.2011, Blaðsíða 22
22 | Fréttir 9.–11. september 2011 Helgarblað
É
g er frek/ákveð-
in stelpugeit
með bein í nef-
inu.“ Þannig
lýsti fyrirsætan
Hildur Líf Hreins-
dóttir sér þegar hún
tók þátt í Sam-
keppni Samú-
els í fyrra. Hild-
ur Líf vakti mikla
athygli í síðustu
viku fyrir vitn-
isburð sinn og
sérstæða fram-
komu í dómsmáli
gegn Ríkharð Júl-
íusi Ríkharðssyni,
foringja Black Pi-
stons, og Davíð Frey
Rúnarssyni. Hún ját-
aði við aðalmeð-
ferð í málinu að hafa
farðað fórnarlamb-
ið eftir hrottafengn-
ar árásir mannanna.
Hildur Líf vakti þó
fyrst athygli þegar hún
ásamt fleirum stóð
fyrir svokölluðu VIP-
partíi á skemmtistað
í eigu Ásgeirs Þórs
Davíðssonar sem er
betur þekktur sem
Geiri á Gold finger.
Partíið var umdeilt
og fékk mikla um-
fjöllun í fjölmiðl-
um. Þar svaraði
Hildur Líf eftir-
minnilega fyrir sig
og sagði að „fólk
gæti bara halt
sitt eigið partí“
ef það væri ósátt
við hennar. Sú
setning fór eins
og eldur í sinu um
netheima og í kjöl-
farið varð Hildur Líf
þekkt. Hildur, sem
á mikinn bakgrunn
í íþróttum, lýsir sér
sem skynsamri lít-
illi prinsessu með
harða skel.
Algjört íþróttafrík
Hildur Líf var afrekskona
í íþróttum og æfði hand-
bolta með ÍR í mörg ár.
Hún var valin oftar en einu
sinni í 40 manna úrtak fyrir
landsliðshóp yngri en 16 ára í
handbolta og var talin efnilegur
leikmaður. Að sögn æskuvin-
konu hennar var Hildur Líf eng-
in skvísa í grunnskóla. „Alls ekki.
Við áttum ekki gallabuxur fyrr en
í 10. bekk, máluðum okkur aldrei
og vorum alltaf í íþróttagalla. Við
vorum algjörir strákar. Við vorum
mestu íþróttafríkin í skólanum og
vorum meira á handboltavellinum
en heima hjá okkur,“ segir æskuvin-
konan í viðtali við DV. Í grunnskóla
var Hildur Líf „ósköp venjuleg stelpa“,
sem hvorki reykti né drakk. Hún hékk
ekki með vinsælu krökkunum en átti
tvær bestu vinkonur sem einnig stund-
uðu íþróttir af miklu kappi. Svo íþrótta-
mannsleg var hún í útliti og fasi að hún
var kölluð „Hildur massi“ af öðrum
nemendum og var lögð í einelti af
hópi krakka innan skólans. Hildur Líf
hefur sagt í fjölmiðlum að hún hafi átt
erfiða æsku og hafi þess vegna slitið
öll tengsl við fjölskyldu sína. Æsku-
vinkona hennar kannast ekki við að
miklir erfiðleikar hafi verið á heim-
ilinu.
Sækir í athygli
Hildur Líf ólst upp hjó móður sinni
í Breiðholtinu og gekk í Breiðholts-
skóla. Hún skipti um skóla á lokaári
sínu í grunnskóla þegar hún flutti til
föður síns í Kópavoginn en hélt áfram
að æfa handbolta með ÍR í Breiðholti.
Það er erfitt að ímynda sér Hildi Líf,
eins og hún kemur fyrir í dag, ómálaða
í íþróttagalla en að sögn þeirra sem til
þekkja var það eftir 10. bekk sem hún
lagði íþróttagallann til hliðar og fór á
háu hælana. Hún eignaðist kærasta
en að sögn vinkonu Hildar sem hef-
ur þekkt hana í mörg ár, var það þá
sem hún breyttist úr íþróttastelpunni í
ljóshærðu skvísuna sem hún er í dag.
Þessi sama vinkona er ekki í sambandi
við Hildi í dag og segir þær hafa vaxið
hvor í sína áttina. Hún segir Hildi Líf
sækja í athygli og dramatík og aldrei sé
nein lognmolla í kringum hana. Hún
segir að upp úr 10. bekk hafi Hildur
Líf byrjað að laðast að karlmönnum
sem höfðu misjafnan bakgrunn: „Ég
held að hún sé bara óörugg með sig.“
Undir niðri er hún alveg klár stelpa.
En hún breytti ekki bara útliti sínu
heldur líka málrómnum og hvern-
ig hún talar. Hún var alls ekki svona
mikil ljóska eins og virðist vera í
dag. Ég held að hún sé bara í ein-
hverju hlutverki til að fá athygli.“
Hildur Líf fór í Fjölbrautaskólann í
Breiðholti eftir grunnskóla en hætti
þar eftir eina önn.
Lítil prinsessa með harða skel
Hildur Líf hefur verið iðin við að
koma sér á framfæri sem glamúrfyrir-
sæta og tók þátt í Samkeppni Sam-
úels 2010, eins og fram kemur í upp-
hafi greinarinnar. Þar kynnir hún
sig sem dæmigerða steingeit: „Ég er
frek/ákveðin stelpugeit með bein í
nefinu, er samt inn á milli skynsöm,
lítil prinsessa … með harða skel.“
Hún segist einnig vera dugleg í rækt-
inni og iðin í íþróttum: „Ég hef alltaf
verið í sporti. Mamma henti ofvirka
barninu sínu í fimleika þriggja til fjög-
urra ára gömlu. Síðan hef ég æft nán-
ast allt sem hægt er að æfa og fer líka
reglulega í ræktina.“ Þar segist hún
jafnframt eiga góðar minningar úr
æsku og nefnir sem dæmi þegar pabbi
hennar gaf henni írskan „setter“ sem
hún nefndi Leó. Hún lét Leó draga
sig um hverfið á hjólaskautum og þau
hafi brallað ýmis prakkarastrik saman.
Hildur Líf hlaut einnig titilinn Miss
janúar í Skvísuvaktinni sem Ásdís Rán
stóð fyrir á Pressunni árið 2010. Þar
segist hún vera góðhjörtuð stelpa og
áramótaheit hennar sé að verða enn
betri manneskja.
VIP-partí með glæpamönnum
VIP-partíið áðurnefnda þótti heldur
misheppnað því fátt þess fræga fólks
sem sem vonast var eftir að léti sjá sig
mætti. Sjálf segir Hildur Líf á Pressunni
partíið hafa verið eitt allsherjargrín:
„VIP-partíið var líka svakalegt djók.
Bara það að hafa hleypt fullt af glæpa-
mönnum inn á staðinn á sama tíma og
fullt af viðskiptamönnum finnst mér
svakalega fyndið og allt í kringum part-
íið var djók. Sá sem sér ekki húmorinn
í því hefur ekki húmor.“ Hvort Ellý Ár-
manns og Sigríður Klingenberg hafi
hlegið dátt innan um glæpamennina
er ekki gott að vita, en þær voru svo til
einu fulltrúar fræga fólksins, ef svo má
að orði komast. Hildur Líf hélt fljót-
lega aftur partí ásamt vinkonu sinni, í
þetta skipti var það haldið á Akranesi.
Það var aðeins lokaður hópur sem fór
með á Skagann og voru þar Jón stóri
og Geiri á Goldfinger fremstir meðal
jafningja.
Margslunginn karakter
Hildur Líf er kunningi Jóns stóra en
þau ásamt hópi fólks fóru meðal ann-
ars á Ungfrú Vesturland og á Mótel
Venus og skemmtu sér saman. Þar
var einnig Geiri á Goldfinger og Rík-
harð, sem er fyrrverandi kærasti dótt-
ur Geira. Það má segja að þetta sé einn
stór kunningjahópur sem tengist í
gegnum Geira. Einn kunningi Hildar
Lífar, sem ekki vill koma fram undir
nafni, en þekkir vel til þessa hóps, seg-
ir hana vera „margslunginn karakter.“
Ennfremur segir hann Hildi vera fína
stelpu, en eilítið týnda. Aðspurður
úti samband Hildar Lífar við Ríkharð
segir hann margar sögur hafa verið
á kreiki, hann viti ekki betur en þau
séu bara vinir. Hann segir hana vera
mjög meðvitaða um allt sem hún geri.
„Hún væri mjög góður mafíósi. Þú
veist aldrei hvað hún er að hugsa eða
plana og hún fær sínu framgengt. Hún
er ekki eins vitlaus og hún gefur sig út
fyrir að vera, hún er alltaf plottandi
eitthvað þessi stelpa. Allt sem hún ger-
ir þjónar einhverjum tilgangi.“
Taldi fórnarlambið vera á leið í
atvinnuviðtal
Hildur Líf var fengin til að bera vitni
í Black Pistons-málinu svokallaða.
Hún var á heimili Ríkharðs Júlíusar
Ríkharðssonar, sem sagður er vera
höfuðpaur Black Pistons, á sama
tíma og fórnarlamb ofbeldisverk-
anna var þar. Fram hefur komið að
hún farðaði yfir áverka fórnarlambs-
ins. Sjálf sagði Hildur Líf fyrir dómi
að hún hefði haldið að fórnarlambið
væri að fara í atvinnuviðtal og hann
hefði sjálfur beðið hana um að farða
sig. Hvað hún var að gera heima hjá
Ríkharði sagði hún vera einkamál,
en eftir ávítur dómara sagði hún að
þau hefðu bara verið að tala saman.
Eins og kom fram í DV vakti vitnis-
burður Hildar Lífar í málinu athygli
og furðu. Hún ásakaði saksóknara um
að vera með stæla við sig og sagði við
dómara, þegar hann reyndi að leið-
beina henni að tala rétt í hljóðnemann,
að hún væri ekki þroskaheft. Vinkona
hennar, sem sat á meðal áheyrenda,
kallaði „heyr, heyr,“ Hildi Líf til stuðn-
ings en óhætt er að segja að þessi fram-
koma sé óvenjuleg í réttarsal.
Nefbrotnaði í líkamsárás
Sjálf hefur Hildur Líf verið fórnarlamb
ofbeldis en fyrrverandi kærasti hennar
Skúli Steinn Vilbergsson, Skúli Tyson,
var sakfelldur fyrir að kasta bjórglasi í
andlit hennar á skemmtistað í Kefla-
vík í janúar 2009. Hildur Líf nefbrotn-
aði og hlaut nokkra skurði í andliti.
Skúli Steinn sagði Hildi Líf hafa spark-
að í klofið á sér og ósjálfráð viðbrögð
hans hafi verið að kasta glasinu frá sér
en Hildur neitaði því og sagðist hafa
sparkað í lærið á honum eftir að hann
hafði niðurlægt hana fyrir framan vin-
konur. Tvö vitni í málinu sögðu fyr-
ir dómi að bæði Skúli Steinn og Hild-
ur Líf hafi sett sig í samband við sig og
beðið um að vitnisburður þeirra yrði
þeim í hag. Hildur Líf fór fram á skaða-
bætur að fjárhæð 1.600.000 krónur en
Skúli Steinn var dæmdur til að greiða
henni rúmlega 400.000 krónur. Hann
fékk að auki fimm mánaða skilorðs-
bundinn dóm til þriggja ára.
Flink í förðun
Samkvæmt heimildum DV stefndi
hugur Hildar Lífar á fyrirsætustörf í
Bandaríkjunum og telur hún að áverk-
arnir og örin sem hún hlaut í kjölfar
árásarinnar hafa eyðilagt fyrir sér at-
vinnumöguleika á þeim vettvangi.
Hæfileikar hennar liggja einna helst í
því að hún þykir flink í förðun án þess
að að vera lærð á því sviði en vart verð-
ur um það deilt að hún hefur einnig
hæfileika til þess að koma sér á fram-
færi. Hún þykir skapmikil og ákveðin
en báðir eiginleikar geta ýmist talist til
kosta eða ókosta. Óvíst er hvað fram-
tíðin ber í skauti sér hjá Hildi Líf en
samkvæmt heimildum DV hefur hún
lengi stefnt á að flytja til Noregs.
„Skynsöm lítil
prinsessa“
„Svo íþróttamanns-
leg var hún í útliti
og fasi að hún var kölluð
„Hildur massi“ af öðrum
nemendum.
n Var strákastelpa sem lifði fyrir handbolta n Valin í landliðshóp undir
16 ára n Sögð sækja í athygli og dramatík n Breyttist í útliti í 10. bekk
Hanna Ólafsdóttir
hanna@dv.is
VIP-partíið Hildur Líf, lengst til vinstri, ásamt gestum. Þarna sjást meðal annarra Sigríður
Klingenberg og Ásgeir Þór Davíðsson, eigandi skemmtistaðarins Goldfinger.
Hildur Líf
Hildur Líf hefur
vakið mikla
athygli að
undanförnu, en
hún bar vitni í
svokölluðu Plack
Pistons-máli
með eftirminni-
legum hætti.