Dagblaðið Vísir - DV - 09.09.2011, Side 32

32 | Ættfræði Umsjón: Kjartan Gunnar Kjartansson kjartan@dv.is 9.–11. september 2011 Helgarblað
S
kúli fæddist í Reykjarfirði
í Árneshreppi á Ströndum
og ólst upp í Kjós í Árnes­
hreppi og á Djúpuvík. Hann
lauk prófi frá Héraðsskólan­
um í Reykjanesi 1942, frá Samvinnu­
skólanum 1950 og stundaði nám við
framhaldsdeild Samvinnuskólans
1950–51.
Skúli var verkamaður við síldar­
verksmiðjur í Árneshreppi og á
Skagaströnd, stundaði sjómennsku
um hríð og stundaði verslunarstörf
hjá Kaupfélagi Skagfirðinga og Kaup­
félagi Hellissands á árunum 1951–
55.
Skúli var framkvæmdastjóri Jök­
uls hf. á Hellissandi frá 1961, var
varaþm. af og til frá 1971, alþm. Vest­
urlandskjördæmis 1979–91 og ann­
aðist rekstur gistihússins Gimlis á
Hellissandi frá 1991–2001. Hann var
síðan aðalhvatamaður að byggingu
Hótel Hellissands sem tók til starfa
2001.
Skúli var formaður Verkalýðs­
félags Árneshrepps 1946–47, sat í
stjórn ungmennafélagsins Eflingar
í Árneshreppi og ungmennafélags­
ins Reynis á Hellissandi, var oddviti
hreppsnefndar Neshrepps utan Enn­
is 1954–66, 1970–74 og 1978–81, sat í
Flugráði í tólf ár, var formaður Skóg­
ræktar­ og landverndarfélagsins und­
ir Jökli frá 1991, var formaður Vest­
urlandsskóga og hefur setið í fjölda
nefnda á vegum hreppsins og Alþing­
is, einkum um sjávarútvegsmál. Hann
hefur setið í ráðgjafanefnd Þjóðgarðs­
ins Snæfellsjökuls frá stofnun 2001.
Skúli hefur skrifað greinar um
þjóðmál í blöð og tímarit.
Skúli var sæmdur riddarakrossi
hinnar íslensku fálkaorðu fyrir
félagsstörf nú í sumar.
Fjölskylda
Skúli kvæntist 23.6. 1955 Hrefnu
Magnúsdóttur, f. 24.6. 1935, fyrrv.
verslunarstjóra. Hún er dóttir Magn­
úsar Ólafssonar, sjómanns í Fáskrúð
á Hellissandi, og Ástu Sýrusdóttur
húsmóður.
Börn Skúla og Hrefnu eru Ari, f.
8.1. 1956, hagfræðingur og deildar­
stjóri í Landsbankanum, búsettur í
Reykjavík, kvæntur Jönu Pind og eiga
þau þrjár dætur; Hulda, f. 9.3. 1958,
fulltrúi við Félags­ og skólaskrifstofu
Snæfellsbæjar, en maður hennar er
Hallgrímur Guðmundsson, starfs­
maður Fiskmarkaðs Breiðafjarð­
ar, og eiga þau þrjár dætur; Drífa, f.
12.1. 1962, kaupmaður á Hellissandi,
en maður hennar er Viðar Gylfason
íþróttakennari og eiga þau tvö börn.
Systkini Skúla: Sigurbjörg, hús­
freyja í Krossnesi í Árneshreppi, nú
látin, var gift Eyjólfi Valgeirssyni
bónda; Ágúst Jóhann, bílasmið­
ur í Kópvogi, nú látinn, var kvænt­
ur Kristínu Guðmundsdóttur hús­
móður; Alda Sigrún, húsfreyja í
Tungunesi í Fnjóskadal, gift Stefáni
Kristjáns syni bónda.
Foreldrar Skúla voru Alexander
Árnason, f. 6.8. 1894, d. 11.1. 1970,
bóndi í Reykjarfirði og í Kjós, og k.h.,
Sveinsína Ágústsdóttir, f. 7.6. 1901, d.
3.11. 1987, húsfreyja.
Ætt
Alexander var sonur Árna Júlíusar,
strandapósts og b. í Reykjarfirði Alex­
anderssonar, b. á Fremri­Þorsteins­
stöðum í Haukadal Bjarnasonar, b. á
Þóroddsstöðum í Hrútafirði Daníels­
sonar. Móðir Alexanders á Þorsteins­
stöðum var Kristín Hallgrímsdóttir,
frá Borðeyri Jónssonar. Móðir Árna
Júlíusar var Hólmfríður, ljósmóðir
Björnsdóttir, b. í Hrútatungu Björns­
sonar.
Móðir Alexanders í Reykjarfirði
var Björg Jónsdóttir, b. í Munaðar­
nesi Bjarnasonar.
Sveinsína var systir dr. Símonar
Jóhanns prófessors, föður dr. Bald­
urs lífefnafræðings. Sveinsína var
dóttir Ágústs, b. í Kjós í Reykjarfirði
Guðmundssonar, hákarlaformanns í
Kjós, bróður Jórunnar, ömmu Bjarna,
langafa Sigríðar Ellu Magnúsdóttur
óperusöngkonu og Gunnars Þórð­
arsonar, tónskálds og hljómlistar­
manns. Guðmundur var sonur Páls,
b. á Kaldbak, ættföður Pálsættar Jóns­
sonar, b. í Stóru­Ávík, bróður Sigurð­
ar, langafa Sigurðar Friðrikssonar, afa
rithöfundanna Jakobínu og Fríðu Sig­
urðardætra. Móðir Guðmundar var
Sigríður, systir Jóns, afa Stefáns frá
Hvítadal. Sigríður var dóttir Magn­
úsar, b. í Hafnarhólma Jónssonar og
Ingibjargar Jónsdóttur ,,glóa“, í Goð­
dal og ættföður Glóaættar Arnljóts­
sonar.
Móðir Ágústs var Guðríður Jóns­
dóttir, b. í Kjós Þórólfssonar. Móð­
ir Sveinsínu var Petrína Sigrún Guð­
mundsdóttir frá Krossnesi Ólasonar
Viborg.
S
verrir fæddist á Akureyri og
ólst þar upp auk þess sem
hann var í sveit á Sandhól­
um í Eyjafjarðarsveit. Hann
var í Lundaskóla, Steins­
staðaskóla í Skagafirði, Hrafnagils­
skóla og Glerárskóla og stundaði
nám við Verkmenntaskólann á Ak­
ureyri.
Sverrir sinnti landbúnaðarstörf­
um á Sandhólum, á Brattavöllum
og á Bægisá, starfaði hjá Bústólpa
og hjá Þrifum og ræstivörum á Ak­
ureyri en hefur lengst af starfað við
vörubílaakstur og vinnuvélastjórn­
un.
Fjölskylda
Kona Sverris er Elín Helga Kolbeins­
dóttir, f. 25.8. 1982, starfsmaður við
dvalarheimilið Hlíð.
Börn Sverris og Elínar Helgu eru
Aron Máni Sverrisson, f. 9.8. 2006;
Rakel Nótt Sverrisdóttir, f. 8.8. 2009;
Elvar Logi Sverrisson, f. 16.7. 2011.
Albræður Sverris: Sigtryggur
Ómar, f. 5.4. 1977, d. 10.1. 1982;
Garðar Hvítfeld, f. 15.3. 1979, starfs­
maður hjá Becromal.
Hálfsystkini Sverris, samfeðra:
Helga Margrét, f. 15.3. 1990, nemi;
Leó, f. 15.12. 1991, starfsmaður ISS
á Akureyri; Ómar Berg, f. 26.7. 1996;
Kristrún, f. 14.1. 1998.
Systir Sverris, sammæðra, er
Andrea Rún Halldórsdóttir, f. 22.6.
1993.
Foreldrar Sverris eru Jóhannes
Rúnar Sigtryggsson, f. 27.4. 1957,
bóndi á Sandhólum, og Guðný
Sverrisdóttir, f. 3.9. 1956, starfsmaður
hjá Þrifum og ræstivörum á Akureyri.
Stjúpfaðir Sverris er Halldór Ingimar
Tryggvason, f. 6.6. 1957, starfsmaður
hjá Þrifum og ræstivörum.
Á
gústa fæddist í Reykjavík og
ólst þar upp. Hún var í Breiða­
gerðisskóla og Réttarholts­
skóla og stundar nú nám við
Menntaskólann í Kópavogi.
Ágústa stundaði verslunarstörf á
unglingsárunum, m.a. í 11­11 og Aktu
taktu, starfaði við Leikskólann Vina­
gerði í Reykjavík í tvö ár en hefur starf­
að í Íslandsbanka frá 2007.
Fjölskylda
Sonur Ágústu er Guðmundur Örn
Ingason, f. 26.6. 2004.
Bræður Ágústu eru Kristján Odds­
son, f. 18.1. 1989, nemi við Háskólann
í Reykjavík; Ívar Oddsson, f. 11.12.
1990, nemi í Danmörku.
Foreldrar Ágústu eru Hafdís Sig­
urðardóttir, f. 5.10. 1961, bókari, bú­
sett í Reykjavík, og Oddur Kristjáns­
son, f. 5.10. 1962, kerfisfræðingur.
Ö
rnólfur fæddist í Reykjavík
og ólst þar upp. Hann lauk
stúdentsprófi frá Mennta­
skólanum í Reykjavík 1951,
stundaði nám í náttúru­
fræði í Háskólanum í Lundi 1952–59
og lauk þaðan fil.kand.–prófi 1960,
var aðstoðarkennari við Háskólann í
Lundi 1955–60, lauk prófi í uppeldis­
og kennslufræði við Háskóla Íslands
1967 og stundaði framhaldsnám í
kennslufræði við Edinborgarháskóla
1974–75.
Örnólfur var stundakennari við
Menntaskólann í Reykjavík 1959–60,
kennari þar 1960–67, við Mennta­
skólann í Hamrahlíð 1967–80, deild­
arstjóri í líffræði þar 1972–76 og var
rektor Menntaskólans í Hamrahlíð á
árunum 1980–95.
Örnólfur var námsstjóri í líffræði
við barna­ og gagnfræðaskóla 1971–
74, sat í landsprófsnefnd 1968–73, sat
í Náttúruverndarnefnd, síðar Um­
hverfismálaráði Reykjavíkur, 1970–
82, var varaformaður stjórnar raun­
vísindadeildar Vísindasjóðs 1978–87
og sat í Námsgagnastjórn 1979–87.
Örnólfur var ritstjóri Náttúru­
fræðingsins 1966–67 og var umsjón­
armaður þáttarins Nýjasta tækni og
vísindi í Ríkissjónvarpinu frá stofnun
þess 1967 og til 1980 en síðari árin,
ásamt Sigurði Richter.
Örnólfur gaf út nokkrar kennslu­
bækur og kennsluleiðbeiningar í
líffræði, erfðafræði, efnafræði og
lífeðlis fræði og hefur þýtt fjöldann
allan af fræðibókum og barnabók­
um. Hann hefur haft umsjón með
íslenskri útgáfu nokkurra þýddra
bóka og bókaflokka, meðal annars
Fjölfræðibóka AB, Heimsmetabókar
Guinness og Heimsstyrjaldarinnar
1939–1945. Þá hefur hann skrifað
fjölda greina í ýmis tímarit og er
enn að í þeim efnum. Hann er nú að
vinna að riti um Dýrafræði sem hann
hefur átt í handraðanum um langt
skeið.
Fjölskylda
Örnólfur er kvæntur Rannveigu
Tryggvadóttur, f. 25.11. 1926, þýð­
anda. Foreldrar hennar voru Tryggvi
Ófeigsson útgerðarmaður og Herdís
Ásgeirsdóttir húsmóðir.
Fyrri kona Örnólfs var Guðný Ella
Sigurðardóttir, f. 4.5. 1931, d. 27.1.
1983, kennari.
Börn Örnólfs og Guðnýjar eru
Sigurður, f. 10.5. 1953, dr. í tauga­
lækningum og prófessor við Há­
skóla Íslands, kvæntur Sif Eiríksdótt­
ur þroskaþjálfa en þau eru búsett í
Reykjavík og eiga tvö börn; Arngrím­
ur, f. 17.9. 1956, efnafræðingur og
kennari við Landbúnaðarháskólann
á Hvanneyri og á hann fjögur börn;
Birgir, f. 28.3. 1958, lyfjafræðingur,
búsettur í Reykjavík, kvæntur Rósu
Jónsdóttur matvælafræðingi og eiga
þau fjögur börn; Lárus f. 27.1. 1964,
dr. í eðlisfræði og prófessor við Há­
skóla Íslands, kvæntur Þóru Árna­
dóttur jarðeðlisfræðingi og eiga þau
þrjú börn.
Systkini Örnólfs eru Kristín Rann­
veig, f. 30.3. 1933, fyrrv. kennari
og ekkja eftir Rögnvald Finnboga­
son, prest á Staðarstað; Hrafnkell,
f. 22.1. 1937, d. 17.6. 2007, arkitekt,
var kvæntur Kristínu Bjarnadóttur
meinatækni; Hallveig, f. 30.8. 1939,
brúðuleikari, kennari og skjalaþýð­
andi úr rússnesku, gift Ragnari Arn­
alds, fyrrv. ráðherra og fyrrv. for­
manni Heimssýnar; Kristján, f. 30.10.
1941, kennari og fyrrv. formaður
Hins íslenska kennarafélags, kvænt­
ur Ásdísi Kristinsdóttur kennara en
þau eru búsett í Reykjavík.
Foreldrar Örnólfs: Sigurður
Thorlacius, f. 4.7. 1900, d. 17.8. 1945,
skólastjóri Austurbæjarskólans í
Reykjavík, og k.h., Áslaug Kristjáns­
dóttir, f. 21.11. 1911, fyrrv. ritari.
Ætt
Sigurður var bróðir Erlends öku­
kennara, Birgis ráðuneytisstjóra og
Kristjáns, formanns BSRB.
Sigurður var sonur Ólafs Thorla­
cius, læknis á Búlandsnesi Jónssonar
Thorlacius, pr. í Saurbæ í Eyja­
firði, bróður Þorsteins á Öxnafelli,
afa Vilhjálms Þórs bankastjóra. Jón
var sonur Einars Thorlacius, pr. í
Saurbæ, og Margrétar, systur Álf­
heiðar, langömmu Einars Guðfinns­
sonar, útgerðarmanns í Bolungarvík,
afa Einars K. Guðfinnssonar, alþm.
og fyrrv. ráðherra; langamma Helga
Hálfdánarsonar leikritaþýðanda og
Helga Tómassonar yfirlæknis, föður
Tómasar yfirlæknis og Ragnhildar,
fyrrv. alþm. og ráðherra. Þá var Álf­
heiður langamma Þórhildar, móður
Sigurðar Líndal lagaprófessors og
Páls ráðuneytisstjóra, föður Björns
lögmanns og Þórhildar, forstöðu­
manns Rannsóknarstofnunar Ár­
manns Snævarr um fjölskyldumál­
efni. Margrét var dóttir Jóns lærða,
pr. á Möðruvöllum Jónssonar.
Móðir Ólafs læknis var Kristín
Rannveig Tómasdóttir, systurdóttir
Jónasar Hallgrímssonar skálds.
Móðir Sigurðar var Ragnhildur,
systir Sigurðar Eggerz ráðherra, föð­
ur Péturs Eggerz sendiherra. Systur
Ragnhildar voru Arndís, langamma
Þorbjörns Broddasonar prófessors,
og Solveig, amma Þorsteins Sæ­
mundssonar stjörnufræðings. Ragn­
hildur var dóttir Péturs Eggerz, kaup­
manns í Akureyjum á Breiðafirði.
Systkini Áslaugar voru Anna, hús­
freyja á Kirkjubæjarklaustri; Rann­
veig, húsfreyja á Laugum; Frið­
rika, húsfreyja á Fremstafelli; Helga,
skólastjóri Húsmæðraskólans á
Akur eyri og húsfreyja á Silfrastöð­
um; Jón, bóndi á Fremstafelli, Jónas,
fyrrv. forstöðumaður Stofnunar Árna
Magnússonar, og Ásdís er lést sjö ára.
Áslaug er dóttir Kristjáns, b. á
Fremstafelli, bróður Jónasar frá
Hriflu, afa Sigurðar Steinþórsson­
ar jarðfræðiprófessors. Kristján var
sonur Jóns, b. í Hriflu Kristjánsson­
ar, b. í Sýrnesi Jónssonar, b. í Sýrnesi,
bróður Jóhannesar, ættföður Laxa­
mýrarættar, afa Jóhanns Sigurjóns­
sonar skálds. Jón var sonur Kristjáns,
b. á Halldórsstöðum Jósefssonar, b. í
Ytra­Tjarnarkoti, bróður Jónasar, afa
Jónasar Hallgrímssonar skálds. Jósef
var sonur Tómasar, ættföður Hvassa­
fellsættar Tómassonar. Móðir Krist­
jáns á Halldórsstöðum var Ingibjörg
Hallgrímsdóttir, systir Gunnars, afa
Tryggva Gunnarssonar bankastjóra
og Kristjönu, móður Hannesar Haf­
steins. Móðir Kristjáns í Fremstafelli
var Rannveig Jónsdóttir, b. á Gvend­
arstöðum Jónssonar.
Móðir Áslaugar var Rósa, dótt­
ir Guðlaugs, b. í Fremstafelli Ás­
mundssonar, b. á Ófeigsstöðum
Jónssonar. Móðir Guðlaugs var
Guðný Guðlaugsdóttir, b. í Álfta­
gerði Kolbeinssonar og Kristínar,
systur Þuríðar, móður Sigurðar, ráð­
herra í Ystafelli, afa Jónasar bún­
aðarmálastjóra. Þuríður var einnig
móðir Árna, afa Þórs Vilhjálmsson­
ar dómara, föður Helga, forstöðu­
manns Reiknistofu Háskóla Íslands.
Önnur systir Kristínar var Frið­
rika, móðir Sigurðar, langafa Sveins
Skorra Höskuldssonar prófessors.
Kristín var dóttir Helga, ættföður
Skútustaðaættar Ásmundssonar.
Móðir Rósu var Anna Sigurðardótt­
ir, b. á Litluströnd Erlendssonar, b. á
Rauðá Sturlusonar. Móðir Önnu var
Guðrún, systir Guðnýjar á Ófeigs­
stöðum.
Örnólfur Thorlacius
Fyrrv. rektor Menntaskólans í Hamrahlíð
Skúli Alexandersson
Fyrrv. alþingismaður
Sverrir Már Jóhannesson
Bifreiða- og vinnuvélastjóri á Akureyri
Ágústa Oddsdóttir
Ritari hjá Íslandsbanka
85 ára á föstudag
30 ára á föstudag
30 ára á föstudag
80 ára á föstudag