Dagblaðið Vísir - DV - 17.01.2014, Síða 46

Helgarblað 17.–20. janúar 201446 Sport
Aníta fær mótherja í heimsklassa
Reykjavíkurleikarnir standa yfir næstu tvær vikurnar
Þ
etta er veisla íþróttafólks,“ seg-
ir Þórey Edda Elísdóttir um Al-
þjóðlegu Reykjavíkurleikana
sem hefjast í dag, föstudag, og
standa til 26. janúar.
Keppt er í fjölmörgum íþrótta-
greinum en mikil spenna ríkir fyrir
frjálsíþróttamótinu sem fer fram á
sunnudaginn. Aníta Hinriksdóttir,
hin stórefnilega hlaupakona úr ÍR,
fær verðuga samkeppni í 800 metra
hlaupi kvenna. Írinn Rose-Anne
Galligan og Aline Krebs, hin þýska,
hafa skráð sig til leiks en báðar hafa
þær náð framúrskarandi árangri á
hlaupabrautinni. Galligan setti til
að mynda írskt met í 800 metrum á
Demantamóti í London síðastliðið
sumar. Þórey Edda, sem vinnur á
vegum Frjálsíþróttasambands Ís-
lands, segir að sérstök áhersla hafi
verið lögð á að finna verðuga keppi-
nauta fyrir Anítu.
„Við lögðum upp með það fyrir
þetta mót að Aníta fengi keppend-
ur við sitt hæfi og að gera skemmti-
lega stemningu í kringum það,“ út-
skýrir Þórey Edda. „Það verður mjög
spennandi að fylgjast með henni
hlaupa á heimsmælikvarða á heima-
velli. Við þurfum ekki alltaf að fá
fréttir af henni einhvers staðar frá út-
löndum,“ en búist er við fjölda áhorf-
enda í þeim erindagjörðum að berja
íslenska undrabarninu augum.
Sosthene Taroum Moguenera,
þýski langstökkvarinn, hefur einnig
boðað komu sína. Hafdís Sigurðar-
dóttir, sem keppir fyrir UFA, fær því
góða samkeppni en Sosthene komst
í úrslit á heimsmeistaramótinu í
Moskvu síðastliðið sumar.
Þá mun Englendingurinn
eldsnöggi, Mark Lewis-Francis,
keppa í 60 metra hlaupi á leikunum.
Lewis-Francis hefur meðal annars
unnið til silfurverðlauna í 100 metra
hlaupi á Evrópumeistaramótinu árið
2010. Kolbeinn Höður Gunnarsson,
19 ára úr UFA, verður helsta ógn
Englendingsins en Kolbeinn kom
fyrstur í mark á Meistaramóti 15–22
ára, sem fór fram fyrstu helgi ársins,
á 7,03 sekúndum.
Aðgangseyrir á frjálsíþróttamótið
er 1.500 krónur, en því verður einnig
sjónvarpað beint hjá RÚV. n
ingosig@dv.is
Reykjavíkurleikarnir hefjast í dag
Lögð var sérstök áhersla á að Aníta fengi
keppendur við sitt hæfi. mynd sigtRygguR aRi
Molar
n alfreð már Hjaltalín, efnilegur
útherji Víkings Ólafsvík, hefur skrifað
undir áframhaldandi samning við
félagið. Alfreð Már á hátt í 100 leiki á
ferilskránni með félaginu. – Fótbolti
n arnór sveinn
aðalsteinsson
leikur með Breiða-
bliki í sumar eftir
tveggja ára veru
hjá Hönefoss. Hann
stefnir að því að ná sér
góðum af meiðslum og komast aftur í
atvinnumennsku. – Fótbolti
n Björninn vann SR á Íslandsmóti
kvenna í íshokkí, 6–5, í vikunni. Björninn
er í harðri baráttu við SA um efsta sæti,
á meðan SR hefur tapað öllum sínum
átta leikjum. – Íshokkí
n Eiður smári
guðjohnsen
hafnaði tilboði Zulte
Waregem og mun
að öllum líkindum
leika áfram með Club
Brugge í Belgíu. Eiður er
nýkominn úr æfingaferð frá Spáni.
– Fótbolti
n Helga maría
Vilhjálmsdóttir
var hæst íslenskra
keppenda á
stórsvigsmóti í
Hinterreit í Austurríki.
Helga lenti í 40. sæti og
voru aðstæður mjög góðar. – skíði
n Íslandsmeistararnir í KR hafa verið
með hollenska miðvörðinn maikel
Verkoelen til reynslu undanfarna
viku. Maikel er 21 árs miðvörður sem er
uppalinn hjá stórliðinu PSV Eindhoven.
Á síðasta tímabili lék hann með FC
Eindhoven í B-deildinni og spilaði 25
leiki. – Fótbolti
n Kristófer acox,
körfuboltamaðurinn
efnilegi, mun ekki
leika meira með
Furman University í
bandaríska háskóla-
boltanum á tímabilinu
vegna meiðsla. Kristófer,
sem er ristarbrotinn, segir á Facebook-
síðu sinni að hann láti meiðslin ekki á sig
fá. – Körfubolti
n Stjörnunni barst
góður liðstyrkur í vik-
unni þegar sigrún
Ella Einarsdóttir,
framherji FH, samdi
við félagið. Sigrún
Ella hefur leikið 52 leiki í
efstu deild og skorað 13 mörk. – Fótbolti
n tindastóll leikur í 1. deild karla í sum-
ar eftir vangaveltur um að draga lið sitt
úr keppni. Ákvörðunin var tekin í kjölfar
fjölmenns aðalfundar félagsins.
– Fótbolti
n Varnarmaðurinn Casper andersen
er á til reynslu hjá Stjörnunni. Daninn,
sem hefur leikið undanfarið ár í Ástralíu,
á 150 deildarleiki að baki í dönsku B-
deildinni. – Fótbolti
„Við áttum
séns í þá“
n Góð frammistaða Íslands í spennuleik n Misnotuð dauðafæri dýrkeypt
V
ið klúðruðum nokkrum
100 prósent sénsum og
létum reka okkur út af
klaufalega. Þeir náðu
undirtökunum eftir það,“
sagði svekktur Aron Kristjáns-
son landsliðsþjálfari eftir tap gegn
heimsmeisturum Spánverja á EM í
Danmörku. Eftir kaflaskiptan leik,
þar sem liðin skiptust á að hafa for-
ystu, stóðu Spánverjar uppi sem sig-
urvegarar. Þeir unnu að lokum með
fimm mörkum og reyndust sterkari
á lokakafla leiksins. Strákarnir okkar
sýndu mikinn baráttuvilja og velgdu
Spánverjum verulega undir uggum
á löngum köflum í leiknum.
Aron sagði að til þess að vinna
leikinn hefði liðið þurft að nýta
dauðafærin í sókninni síðasta hluta
leiksins. „Við áttum séns í þá í dag
og það þurfti ekkert mikið til að við
hefðum þá,“ sagði hann við RÚV eft-
ir leikinn.
Ísland náði þriggja marka
forystu
Spánverjar byrjuðu leikinn af mikl-
um krafti og virtust geta skorað að
vild. Íslenska sóknin var þó öflug
og munurinn varð ekki meiri en tvö
mörk. Smám saman fann íslenska
vörnin fjölina sína og Björgvin Páll
Gústavsson sá til þess að þrjú víta-
köst heimsmeistaranna fóru for-
görðum; hann varði tvö en eitt
hafnaði í þverslánni.
Íslendingar tóku frumkvæðið
í leiknum þegar Aron Pálmars-
son skoraði sitt fimmta mark,12–
11. Íslendingar létu kné fylgja kviði
í vörninni og uppskáru þriggja
marka forystu 15–12, þegar fáeinar
mínútur lifðu hálfleiks.
Klaufalegt mark úr aukakasti
Spánverjar skoruðu síðustu mörk
hálfleiksins og jöfnuðu metin fyrir
leikhlé, með mikilli seiglu. Þeir
komust marki yfir þegar leiktíminn
var liðinn. Joan Cañellas skoraði
þá mark úr aukakasti, þó íslenskur
varnarmúr stæði fyrir framan hann.
Veggurinn var illa staðsettur og
Cañellas setti boltann milli fóta
Björgvins í markinu. Eitthvað sem
ekki á að sjást.
Leikur Íslands í fyrri hálfleik var í
heild prýðilegur og liðið var óhepp-
ið að vera ekki yfir í hálfleik.
aftur þriggja marka forysta
Íslendingar hófu síðari hálfleikinn
af krafti og tóku frumkvæðið í leikn-
um eftir nokkurra mínútna leik.
Ásgeir Örn Hallgrímsson, sem átti
góðan leik, skoraði þá þrjú mörk á
stuttum kafla og Ísland skoraði fjög-
ur mörk í röð. Rúnar Kárason kom
Íslandi í 22–19 og allt var í blóma.
En líkt og í fyrri hálfleik hélst
liðinu illa á forystunni. Spánverj-
ar tóku við sér og sneru taflinu við
með því að skora sex mörk í röð. Á
þeim kafla gekk varnarleikurinn illa
og tvær brottvísanir gerðu illt verra.
Spánverjar héldu tveggja til
þriggja marka forystu síðasta þriðj-
ung hálfleiksins og áttu ferska
menn á bekknum til að skipta inn.
Orkan var meiri þeirra megin þegar
á leið. Spánverjar skoruðu fjögur
mörk gegn einu á síðustu tveim-
ur mínútum leiksins og uppskáru
fimm marka sigur í spennandi og
skemmtilegum leik.
tognaður á báðum
Markahæstur í íslenska liðinu var
Aron Pálmarsson, sem meiddist
á ökkla undir lok leiksins. Hann
skoraði átta mörk og hefur nú togn-
að á báðum ökklum í mótinu. Guð-
jón Valur Sigurðsson skoraði sjö
mörk, þar af þrjú úr vítum, og Ásge-
ir Örn Hallgrímsson fimm. Þá áttu
Rúnar Kárason og Gunnar Steinn
Jónsson góða innkomu og skoruðu
fimm mörk samtals. Björgvin Páll
Gústavsson stóð vaktina í markinu
allan leikinn og varði 19 skot, þar af
tvö vítaköst.
Þegar þetta var skrifað var ekki
komið í ljós hvort Ísland tæki með
sér eitt eða tvö stig inn í milliriðil.
Það réðst af úrslitum í leik Noregs
og Ungverjalands, sem ekki var lok-
ið þegar DV fór í prentun. Spánverj-
ar unnu alla sína leiki og fara með
fjögur stig inn í milliriðil. Ísland á
næst leik á laugardag. n
„Ömurlegt
að tapa“
Björgvin Páll Gústavsson markvörður átti
stórleik og varði 19 skot. „Við vorum að
mínu mati með þá í okkar greipum, að hluta
til,“ sagði hann í viðtali við RÚV. Misnotuð
dauðafæri og tæknifeilar í sókninni hefðu
gert liðinu erfitt fyrir. „Það er ömurlegt
að tapa svona leik, sérstaklega þegar við
erum svona nálægt því að hafa þá. Það
er mjög svekkjandi og erfitt að horfa á já-
kvæðu punktana.“ Hann sagði mjög erfitt
að eiga við Spánverjana. Þeir væru allir 120
kíló og tveir metrar á hæð, auk þess sem
þeir væru með þannig leikmannahóp að
allt liðið skipti með sér leiktímanum. „Það
skiptir máli þegar á líður.“
„Það þurfti ekkert
mikið til að við
hefðum þá.
Baldur guðmundsson
baldur@dv.is
Áttu séns Ísland
spilaði ágætlega
í leiknum en hefði
þurft að gera enn
betur til að hafa
sigur. mynd Epa