Dagblaðið Vísir - DV - 17.01.2014, Side 49

Lífsstíll 49Helgarblað 17.–20. janúar 2014
Magnesíum seldist
upp í apóteki
Talið gott við ýmsum kvillum en varað er við ofneyslu þess
S
amkvæmt upplýsingum DV
seldist magnesíum upp í
einni af verslunum Lyfju síð-
ustu helgi en mikil umræða
hefur verið um gæði þess
undanfarið. Þannig sagði Hallgrímur
Magnússon í viðtali við Sigríði Jóns-
dóttur, markþjálfa hjá Í Fókus, að
magnesíumskortur gæti valdið því
að allt að 12 kíló af úrgangi söfnuð-
ust upp í þörmunum án þess að skila
sér út.
Vilhjálmur Ari Arason skrifaði
færslu á bloggsíðu sína á DV.is í vik-
unni þar sem hann varaði við ofneyslu
magnesíums. „En eins og allt ann-
að þarf allt að vera í jafnvægi og of-
urinntaka af magnesíum getur verið
stórhættulegur leikur,“ segir hann og
bætir við: „Heilbrigður líkami losar
sig nokkuð auðveldlega við smá
umframmagn af magnesíum með
þvaginu gegnum nýrun. Hins vegar
er hægt að fá svæsinn niðurgang
samfara neyslu magnesíums sem
fæðubótarefnis eða í formi hægðalos-
andi lyfja, með þá miklu vökvatapi og
um leið tapi á öðrum nauðsynlegum
steinefnum og söltum.“
Áhrif á taugar, vöðva og geð
Einkenni magnesíumskorts geta ver-
ið taugatruflanir, skjálfti, vöðvaþreyta,
krampi, fótaóeirð, náladoði, þung-
lyndi og andlegt ójafnvægi. Önn-
ur einkenni geta t.d. verið minnkuð
matarlyst, ógleði og þreyta, slen,
svefnleysi, herpingur fyrir brjósti,
hægðatregða og túrverkir auk þess
sem alvarlegur magnesíumskortur
getur valdið hjartaáföllum.
Áfengissjúklingum, sykursjúkum
og þeim sem þjást af lystarstoli og
langvinnum niðurgangi er hætt-
ara við magnesíumskorti en öðrum.
Auk þess geta þeir sem stunda mikl-
ar æfingar svo sem langhlaup eða
langar göngur þurft að bæta sér upp
magnesíumskort með öðru en
fjölbreyttu mataræði.
Kennslubækur úreltar
Aðalsteinn Jens Loftsson lyfja-
fræðingur hjá Lyfju í Lágmúla
segir aukna umfjöllun um bæti-
efni oft skila sér í aukinni sölu.
„Fólk sér kannski lýsingu á einhverj-
um einkennum sem því finnst að
eigi við það og ákveður að prófa. Það
er í sjálfu sér mjög saklaust og ólík-
legt að þetta valdi miklum óþægind-
um ef þannig ber undir,“ segir hann.
„Vandamálið eða verkefnið,“ segir
hann, „er að margar af viðteknum
upplýsingum um snefilefni eru gaml-
ar upplýsingar sem eru búnar að vera
lengi í kennslubókum og fáir hafa hirt
um að rannsaka,“ segir hann.
Hægðalyfið ekki það sama
Aðalsteinn segir mismunandi
tegundir magnesíums á markaðn-
um, annað fæðubótarefni en hitt not-
að til að mýkja hægðir. „Magnesí-
um er eitt af þessum efnum sem við
þurfum að taka inn en margir tals-
menn þess að við hættum að borða
svona mikið unnin mat eru á því að
við séum oft að fórna bætiefnum sem
við ættum í raun að fá úr matvælum
ef við borðuðum fjölbreytt fæði,“ segir
hann.
„Mikið unnin matvara er mjög oft
snauð af steinefnum. Það sem fólk er
að borða, hvítt hveiti, hvít hrísgrjón,
pasta og svo framvegis, innihalda
ekkert annað en kaloríur og fyllingu.
Það er það sama með það sem nú
er predikað, þungur feitur matur og
engin kolvetni, það er líka vont því
það er líka næringarsnautt. Það er jú
eitthvað prótein í kjötinu en það er
líka vont að ætla eingöngu að fá orku
úr fitu af því að, að undanskildu lýsi
og fiskfitu, þá er mjög lítið af næring-
arefnum í fitu. Fanatík hvers konar
er mjög óheppileg. Við erum alætur
og eigum þess vegna að vera á mjög
fjölbreyttu fæði. Þannig farnast okkur
best,“ segir Aðalsteinn. n
Auður Alfífa Ketilsdóttir
fifa@dv.is
„Við erum alætur
og eigum þess
vegna að vera á mjög
fjölbreyttu fæði.
Vilhjálmur Ari Varar við ofneyslu
magnesíums. Mynd Sigtryggur Ari
10 matvæli
sem innihalda
magnesíum
Best er að fá bætiefni úr fæðu
Mikilvægasta leiðin til að fá öll
vítamín og næringarefni sem
líkaminn þarfnast er að borða
heilnæma og fjölbreytta fæðu.
Hér að neðan er listi yfir mat-
væli sem innihalda mikið magn
magnesíums en ráðlagður dag-
skammtur er um 300 mg á dag.
1 Grænt kál Dökkgrænt
kál, eins og spínat
inniheldur 79 mg
í 100 g.
2 Hnetur og fræ Ýmsar hnetur og fræ inni-
halda mikið magn
magnesíums,
þannig innihalda
graskersfræ 534
mg í 100 g.
3 Fiskur Makríll
inniheldur 97 mg
í 100 g. En al-
mennt er mælt
með fiski og
sjávarfangi til að
fá nóg af efninu.
4 Baunir Sojabaunir innihalda 86 mg magnesíums fyrir hver 100 g.
Margar aðrar bauna-
tegundir innihalda
einnig mikið magn
magnesíums.
5 Heilkorn Hýðishrís-
grjón innihalda 44
mg magnesíums
fyrir hver 100 g.
Kínóa, bulgur, heil-
hveiti, bygg og hafrar
ættu einnig heima á listanum.
6
Avókadó 29
mg magnesíums
í 100 g.
7 Fitulitlar mjólk-
urvörur Þannig
inniheldur hrein
jógúrt 19 mg á hver
100 g.
8 Bananar Magnesíum-
innihald banana er
27 mg á hver 100 g.
9 Kakó Í 100 g af kakó-
dufti eru 499 mg
af magnesíum.
Dökkt súkkulaði
inniheldur þannig
mikið magn
magnesíums.
10 Espresso Espresso inniheldur 80 mg magnesíums á hver 100 g
en venjuleg uppáhelling töluvert minna.
H
ver kannast ekki við að fara að
versla í matinn og enda svo á
að kaupa fullt af óþarfa mat-
vöru og eyða allt of miklu fé.
Hér eru nokkur góð ráð fyrir matar-
innkaupin.
n Farðu hvorki of oft né of
sjaldan
Það er mjög algengt að fólk skreppi
út í búð á nánast hverjum degi til að
kaupa inn það sem verður í mat-
inn um kvöldið. Þetta er ekki góð
leið til að versla því afar auðvelt er
að missa sjónar á kostnaði við inn-
kaupin sé farið svo oft. Hins vegar
er ekki heldur gott að fara of sjaldan
því þó svo að það gefi betri yfirsýn
yfir kostnaðinn að gera innkaupa-
lista fyrir heila viku eða jafnvel
lengri tíma er hætta á að fólk kaupi
mat sem endist lengur og þannig
ratar gjarnan færra ferskmeti ofan í
körfuna.
n Vertu með innkaupalista
Afar nauðsynlegt er að vera búinn
að gera lista yfir það sem á að kaupa
inn. Þannig má forðast að kaupa
eitthvað sem ekki vantar á heimilið
en á það til að lenda ofan í körfunni,
en þetta á sérstaklega við um óholl-
ustu af ýmsu tagi, auk þess sem það
að gera lista minnka líkurnar á að
eitthvað gleymist.
n Ekki fara svangur að versla
Það ættu flestir að vita að það er alls
ekki gott að fara svangur að versla.
Nánast allur matur í búðinni fer að
virð-
ast
ómissandi í kerruna og hætta er á að
maður kaupi allt of mikið af óþarfa
matvöru.
n Verslaðu á réttum dögum
Til að geta verslað sem ferskasta mat-
vöru er best að versla á þeim dögum
sem matvöruverslunin þín fær nýjar
sendingar af grænmeti og ávöxtum.
Þú getur spurst fyrir um þetta í búð-
inni og skipulagt innkaupin þannig
að ferskmetið verði sem best þegar
þú kaupir það. n
horn@dv.is
Sparaðu bæði tíma og peninga með skipulagningu
Góð ráð fyrir matarinnkaupin
Skipuleggðu þig
Mikilvægt er að skipu-
leggja matarinnkaup-
in vel svo þau spari
bæði tíma og pening.