Dagblaðið Vísir - DV - 02.05.2014, Qupperneq 4

Helgarblað 2.–5. maí 20144 Fréttir
Útivistartíminn
er breyttur
Útivistartími barna og unglinga
tók breytingum 1. maí. Frá þeim
tíma mega 12 ára börn og yngri
vera úti til klukkan 22.00. Ung-
lingar á aldrinum 13–16 ára
mega vera úti til klukkan 24.00.
Útivistar tíminn miðast við
fæðingarár barnanna, en reglurn-
ar eru settar samkvæmt barna-
verndarlögum. Börn mega ekki
vera úti utan fyrrgreinds tíma
nema í fylgd með fullorðnum.
Lögreglan vekur athygli á þessu,
en tekur fram að bregða megi út af
reglunum fyrir síðartalda hópinn
þegar unglingar eru á heimleið frá
viðurkenndri skóla-, íþrótta- eða
æskulýðssamkomu.
Foreldrum/forráðamönnum
er heimilt að stytta þennan tíma
og setja börnum sínum reglur um
styttri útivistartíma.
Reknar eftir gagnrýni
n Ræddu kynjaskiptinu á vinnustaðnum n Sambíóin vilja ekki ræða uppsagnirnar
Þ
ær Sesselja Þrastardóttir
og Brynja Sif, starfsmenn
Sambíóa í Álfabakka, telja
að þeim hafi verið sagt upp
störfum í bíóinu vegna þátt-
töku þeirra í umræðum á netinu um
kynjamisrétti í vinnustaðnum. Báð-
ar fengu þær afhent uppsagnarbréf í
þessari viku eftir áralangt starf í bíó-
inu. Uppsögnina setja þær í beint
samhengi við gagnrýni þeirra á yfir-
menn bíósins. Þær eru ósáttar við
ákvörðun yfirmannanna um að út-
hluta körlum og konum sérstök störf
á vinnustaðnum, en rökin fyrir slíkri
hagræðingu er sú að annað kynið,
konur, selji meira í bíósjoppunni.
Selja meira
Málið kom upp í byrjun apríl. Sess-
elja segir að þá hafi verið sett ný
vinnuregla sem þær Brynja – og fleiri
– voru ósáttar við. Í Sambíóunum í
Álfabakka hefur það verið þannig að
strákar sinna dyravörslu og vinna í
sjoppunum, en stelpurnar vinna fyrst
og fremst í sölustörfum. Tvær sjopp-
ur eru í kvikmyndahúsinu og hafa
þau skipst á að vinna í sjoppunum.
„Þetta byrjaði þannig að við erum
með sjoppu uppi og niðri. Fólki
finnst yfirleitt ekki skemmtilegt að
vera í sjoppunni sem er niðri því þar
er bara einn starfsmaður. Við verk-
stjórarnir höfum skipt þessu jafnt á
milli starfsmanna. Þennan dag var
ákveðið að næstur í röðinni til að
fara niður væri strákur sem vinnur í
sjoppunni, hann er ekki dyravörður
og er bara í sjoppunni í bíóinu. Hann
fer niður, en stuttu seinna kemur
yfir maður minn og sendir strákinn
upp og segir að hann eigi ekki að
vinna niðri,“ segir Sesselja.
„Ég spurði þá af hverju og fékk
þessi svör: „Strákar eru ekki eins dug-
legir og sjoppan lítur betur út ef það
er stelpa í henni – hún selur meira.“
Hann setti þetta sem reglu og ég
var ekki sátt við þetta,“ segir Sess-
elja. Strákurinn sem var sendur upp
starfaði ekki sem dyravörður held-
ur aðeins í sjoppunni. Í hans stað
var Brynja send niður að afgreiða í
sjoppunni og var hún heldur ekki
sátt við þessa niðurstöðu.
Telja það tengjast umræðu
Nýja reglan var sett, sem áður sagði,
í byrjun apríl. Stuttu eftir þetta at-
vik urðu umræður um það á samfé-
lagsmiðlum. Báðar telja þær Brynja
og Sesselja uppsögnina tengjast
umræðu í hópnum „Kynlegar
athugasemdir“ á Facebook þar sem
bent var á vinnubrögð vaktstjórans
í Sambíóunum. Það var systir Sess-
elju, María Lilja Þrastardóttir, sem
benti á þessa nýju reglu í Kynlegum
athugasemdum, en í hópnum eru
rædd mál er varða meðal annars
kynjamisrétti. María Lilja birti þar
orðsendingu sem vaktstjóri Sambíó-
anna sendi verkstjórum í bíóinu. Þar
segir: „Þegar það er strákur á sjoppu-
vaktinni þá á aldrei að senda hann
einan í sjoppuna niðri. Það er í lagi
að hafa hann auka í þeirri sjoppu en
aldrei einan. Annars vil ég helst alltaf
halda stráknum á efri hæðinni. Þetta
verður framvegis regla.“ Um þetta
spunnust miklar umræður og tók
Brynja meðal annars þátt í þeim.
Fengu uppsagnarbréf
Nýja reglan tók gildi þrátt fyrir mót-
mælin. Á sunnudag dró svo til tíðinda
þegar Sesselju var afhent uppsagnar-
bréf þar sem hún var í vinnunni og
á þriðjudagskvöld fékk Brynja upp-
sagnarbréf sent heim. Í báðum til-
fellum er tiltekið að um skipulags-
breytingar sé að ræða. Þær Sesselja
og Brynja eru mjög ósáttar við þetta,
enda hafa þær báðar unnið lengi í
Sambíóunum. Sesselja er verkstjóri
í bíóinu. Þær vinna nú uppsagnar-
frestinn sinn.
„Eftir að þetta var sett á vefinn í
byrjun apríl hringir eigandi Sambíó-
anna í mig og spyr mig út í þetta. Ég
kom samt ekki nálægt þessu nema
ég sagði Maríu frá þessu og hún setti
þetta á vefinn. Hann spurði mig út
í þetta þar sem blaðamenn höfðu
verið að hringja í hann og hann virt-
ist ekkert vita um þetta og var ósáttur.
Ég reyndi að útskýra það fyrir hon-
um að þetta væri fáránleg regla, en
hann virtist ekki skilja mig. Á sunnu-
daginn kom svo uppsagnarbréfið,“
segir Sesselja.
„Ég fór að ræða þessar skipulags-
breytingar við hann á þriðjudaginn
síðasta og spurði hann að því hvaða
breytingar þetta væru, ég væri sú eina
sem hefði fengið uppsagnarbréf af 40
starfsmönnum. Þá vildi hann ekki tjá
sig um það og sagði að það stæði bara
í bréfinu,“ segir Sesselja en sama dag
fékk Brynja svo uppsagnarbréf.
Neitar að ræða
„Hann segir að þetta sé vegna
breytinga, en þetta lítur ekki þannig
út. Fyrir okkur tengist þetta þessum
umræðum beint,“ segir Sesselja og
Brynja tekur í sama streng. „Ef það
væru skipulagsbreytingar í gangi
væri þá bara tveimur sagt upp? Við
vitum að það vantar verkstjóra og
Sesselja er verkstjóri,“ spyr Brynja.
„Ég ræði ekki við fjölmiðla
skipulagsbreytingar hjá fyrirtækinu,“
segir Alfreð Ásberg Árnason, fram-
kvæmdastjóri Sambíóanna. Að-
spurður hver ástæða uppsagnar
Sesselju og Brynju væri sagði Alfreð
það hafa staðið í bréfinu, en þar segir
að um skipulagsbreytingar væru
að ræða. Þegar blaðamaður spurði
hvort fleiri uppsagnir væru fyrirhug-
aðar sagði Alfreð: „Það verður bara
að koma í ljós,“ en neitaði að ræða
málið að öðru leyti. n
Ásta Sigrún Magnúsdóttir
astasigrun@dv.is
„Strákar eru ekki
eins duglegir og
sjoppan lítur betur út ef
það er stelpa í henni –
hún selur meira.
Fengu upp-
sagnarbréf Þær
Brynja Sif og Sess-
elja eru ósáttar við
þessi vinnubrögð.
MyNd SigTryggur Ari
„Bitnar á
nemendum“
Stjórn og fulltrúaráð Heimilis
og skóla hafa áhyggjur af gangi
kjaraviðræðna grunnskóla-
kennara og sveitarfélaga. Lítið
virðist miða í átt að niðurstöðu
þrátt fyrir að samningaviðræður
hafi staðið yfir í langan tíma.
„Foreldrar telja mikilvægt
að í skólum landsins starfi færir
kennarar og að þeir fái sann-
gjörn laun. Ef til verkfalls kemur
mun það hafa neikvæð áhrif á
nám nemenda og því er brýnt
að samningar náist í tíma. For-
eldrar hafa síðan snemma síð-
asta haust hvatt samningsaðila
til að finna lausn á deilunni og
því eru það vonbrigði að enn
sé ósamið. Fyrirhuguð vinnu-
stöðvun grunnskólakennara
mun bitna á nemendum og gera
fjölskyldum þeirra erfitt fyrir
þá daga sem um ræðir,“ segir í
ályktun Heimilis og skóla.
Deildu myndum af stúlkum
Málið snýst um öflun og miðlun upplýsinga af kynferðislegum toga
M
ennirnir þrír sem grun-
aðir eru um meint lög-
brot vegna upplýsinga-
gjafar í lokuðum hópi
á samskiptamiðlinum
Facebook deildu meðal annars
myndum af stúlkum sín á milli sam-
kvæmt heimildum DV. Fjallað hefur
verið um málið í fjölmiðlum í vik-
unni og liggja enn sem komið er fyr-
ir takmarkaðar upplýsingar um eðli
hinna meintu brota mannanna. Þó
hefur komið fram að þeir séu all-
ir með réttarstöðu sakborninga í
rannsókn málsins hjá lögreglu.
Einn af mönnunum er lögreglu-
maður og hefur ríkissaksóknari
staðfest að í hans tilfelli sé til rann-
sóknar hvort hann hafi brotið af sér
í starfi með því að afla upplýsinga úr
gagnaveitu lögreglunnar. Í frétt rík-
issaksóknara um málið sagði meðal
annars: „Vegna um fjöll un ar fjöl-
miðla um mál sem varðar m.a. ætl-
uð brot lög reglu manns staðfest ir
rík is sak sókn ari að embættið hef ur
til rann sókn ar, á grund velli 1. mgr.
35. gr. lög reglu laga nr. 90/ 1996,
ætluð brot lög reglu manns vegna
upp flett ing ar og meðferðar á upp-
lýs ing um úr upp lýs inga kerfi lög-
reglu (LÖKE).“
Meint brot hinna mannanna
liggja ekki fyrir að svo stöddu. Held-
ur lítið liggur því fyrir um málið að
svo stöddu en ljóst er að hin meintu
brot snúast um öflun og miðlun
upplýsinga um kynferðismálefni.
Hinir tveir mennirnir störfuðu hjá
símafyrirtækinu NOVA og á lög-
mannsstofunni Lex. n
ingi@dv.is
Þrír með stöðu sakbornings Takmark-
aðar upplýsingar liggja fyrir um meint brot
mannanna þriggja sem til rannsóknar eru
en þeir deildu upplýsingum og myndum af
stúlkum á lokaðri Facebook-síðu.