Dagblaðið Vísir - DV - 02.05.2014, Síða 50

Helgarblað 2.–5. maí 201450 Sport
S
pennan á toppi ensku úr­
valsdeildarinnar hefur sjald­
an, ef nokkurn tímann, verið
jafn mikil og nú. Liverpool
eygir von um að vinna fyrsta
deildartitilinn í 24 ár og er í efsta sæti
með tveggja stiga forskot á Chelsea
sem situr í öðru sæti. Eins og flestum
knattspyrnuunnendum er kunnugt
bar Chelsea sigurorð af Liverpool um
síðustu helgi á Anfield, 0–2, þar sem
Demba Ba og Willian sáu um að koma
knettinum í netið.
Þar sem Liverpool missteig sig er
Manchester City skyndilega orðið lík­
legasta liðið til þess að vinna deildina.
City er í 3. sæti og á leik til góða á
keppinauta sína. Mest getur Man­
chester City fengið 86 stig, jafn mörg
og Liverpool getur fengið, en þar sem
þeir ljósbláu eru með hagstæðari
markatölu myndu þeir verða Eng­
landsmeistarar.
Blár slagur í Liverpool
Everton tekur á móti Manchester City
á laugardaginn. Everton á í harðri bar­
áttu við Arsenal um að tryggja sér 4.
sæti deildarinnar en það gefur liðinu
þátttökurétt í undankeppni Meistara­
deildar Evrópu á næstu leiktíð. Ev­
erton er fjórum stigum á eftir Arsenal,
sem er í 4. sæti.
Stuðningsmenn Liverpool munu
vona að erkifjendurnir í Everton
endurtaki leikinn frá því í fyrra þegar
þeir lögðu City að velli á Goodison,
2–0. Raunar hefur Everton haft ótrú­
legt tak á Manchester­liðinu á heima­
velli sínum. Liðið hefur unnið fjóra
leiki í röð gegn City og aðeins tapað
einu sinni í síðustu fimmtán viður­
eignum liðanna á heimavelli. Líklega
státar ekkert lið í úrvalsdeildinni af
viðlíka árangri gegn City. Hafi einhver
haldið að titilbaráttunni væri lokið eft­
ir tap Liverpool gegn Chelsea skjátlast
honum.
Lærisveinar Josés Mourinho í
Chelsea taka á móti Norwich á sunnu­
daginn. Norwich berst fyrir lífi sínu
í neðri hluta deildarinnar og verður
fróðlegt að sjá hvort Chris Hughton,
nýráðinn þjálfari liðsins, nái að bjarga
liðinu frá falli.
Á mánudagskvöld halda Liver­
pool­menn suður til London og leika
gegn Crystal Palace á Selhurst Park.
Crystal Palace siglir lygnan sjó um
miðju deildarinnar en liðinu hefur
vegnað afar vel eftir að Tony Pulis tók
við stjórnartaumunum.
Sunderland á siglingu
Á hinum enda deildarinnar getur
margt gerst. Cardiff City vermir botns­
ætið sem stendur og þarf nauðsynlega
á þremur stigum að halda gegn lán­
lausu liði Newcastle á laugardaginn.
Fulham heimsækir Stoke á
Britannia Stadium og er það sama
uppi á teningnum hjá þeim hvít­
klæddu. Þeir þurfa stigin þrjú í bar­
áttunni um tilverurétt sinn í deildinni.
Til þess þarf hinn umdeildi þjálfari
Fulham, Felix Magath, að finna leiðir
framhjá Stoke­liðinu sem hefur vegn­
að prýðilega á þessari leiktíð.
Sunderland leikur gegn Eng­
landsmeisturunum í Manchester
United á Old Trafford. Sunderland
hefur unnið síðustu tvo leiki sína;
annars vegar Chelsea 1–2 á útivelli og
hins vegar Cardiff City á heimavelli,
4–0. Þá hafa Englandsmeistararnir
verið ansi gjafmildir á heimavelli sín­
um í vetur og því ættu Sunderland­
menn að geta strítt þeim á laugar­
daginn. n
Ingólfur Sigurðsson
ingolfur@dv.is
Sóknarbolti hjá Mourinho
Páll Kristjánsson, annar tveggja þjálfara KV í 1. deild, er mikill stuðn-
ingsmaður Liverpool og spáir að þeir muni enda sem Englandsmeist-
arar. Blaðamaður fékk hann til þess að rýna í leiki helgarinnar þar sem
hann spáir að Manchester City muni missa niður forskot sitt á
Goodison Park í hádramatískum leik.
West Ham – Tottenham
„Ég ætla að segja að West Ham vinni 2–1.
Gylfi Þór skorar aftur á heimavelli þeirra
en það mun ekki duga Tottenham-
mönnum.“
Aston Villa – Hull
„Ég spái að Aston Villa vinni þennan
leik og sigri Manchester City í næsta leik
á eftir. Aston Villa mun vinna 2–0 og
bjarga sér endanlega frá falli.“
Manchester United –
Sunderland
„Það verður 1–1. Því miður fyrir Sunderland
þá mun það ekki innbyrða stigin þrjú.“
Newcastle – Cardiff City
„Ég ætla að segja 1–2 fyrir Cardiff.
Newcastle hefur ekki að neinu að keppa
á meðan Cardiff er í harðri fallbaráttu.“
Stoke – Fulham
„2–2. Fulham-liðið er einfaldlega slakt
og Stoke er, eins og allir vita, erfitt heim
að sækja.“
Swansea – Southampton
„Það verður boðið upp á markaveislu í
Wales. Leikurinn fer 3–3 í stórskemmti-
legum leik.“
Everton – Manchester City
„Ég held að þessi leikur endi með
jafntefli, 2–2. Það er kannski meira ósk
en spá. Það verður hádramatík. Everton
jafnar seint í leiknum og mun þar af leið-
andi reynast nágrönnum sínum vel.“
Arsenal – WBA
„Það er klassískt Arsenal að fara á smá
skrið í lok tímabils og stuðningsmennirn-
ir verði sáttir með Arsene Wenger
fyrir sumarið. Þetta fer 4–0 og sigurinn
verður aldrei í hættu.“
Chelsea – Norwich
„Chelsea vinnur þennan leik 3–0. José
Mourinho hefur verið gagnrýndur fyrir
leiðinlegan fótbolta og mun leggja upp
með mikinn sóknarbolta í þessum leik.“
Crystal Palace – Liverpool
„Liverpool vinnur þennan leik sann-
færandi, 3–0. Þeir verða að blása
til sóknar til þess að eiga séns á
Englandsmeistara titlinum.“
Ótrúleg spenna
á toppi og botni
n Everton með ógnartak á City n Ekki tapað í 14 af síðustu 15 leikjum á Goodison
Vissir þú …
… að Roberto Martinez,
stjóri Everton, hefur
aðeins hlotið eitt stig
af níu í leikjum gegn
Manchester City.
… að Luis Suarez (25) og
Daniel Sturridge (17) hafa hvor
um sig skorað fleiri mörk en Crystal
Palace (16) úr opnum leik.
… að Newcastle hefur nú tapað sex leikj-
um í röð í fyrsta skipti frá árinu 1987.
… að nú er staðfest að Arsenal endar
fyrir ofan Tottenham í deildinni nítjánda
tímabilið í röð.
… að 19 af 26 mörkum Oliviers Girouds
hefur hann skorað á Emirates.
… að þó að Arsenal verði ekki meistari
í vor hefur ekkert lið verið fleiri daga á
toppi deildarinnar í vetur.
… að Newcastle hefur aðeins skorað
10 mörk í deildinni árið 2014, færri en
nokkurt lið.
Rauði herinn til London
Liverpool þarf sigur gegn Crystal
Palace á mánudagskvöld. Mynd ReuteRS