Dagblaðið Vísir - DV - 20.12.2013, Page 8

8 Fréttir Jólablað 20.–27. desember 2013
Gengið
til friðar
Friðargöngur á Þorláksmessu
Íslenskir friðarsinnar hafa efnt
til friðargöngu niður Laugaveg­
inn á Þorláksmessu undanfarin
þrjátíu og fimm ár og verður
slíkt hið sama gert að þessu
sinni. Fyrir marga hefur gangan
orðið hluti af jólaundirbún­
ingnum. Líkt og undanfarin ár
verða slíkar göngur einnig á
Þorláksmessu á Akureyri og á
Ísafirði. Það er Samstarfshópur
friðarhreyfinga sem stendur fyr­
ir göngunni í Reykjavík þann 23.
desember. Safnast verður saman
á Hlemmi frá klukkan 17.45 og
leggur gangan af stað klukkan
18.00. Fólk er hvatt til að mæta
tímanlega og munu friðarhreyf­
ingarnar selja kerti fyrir göngu­
fólk á Hlemmi.
Í Reykjavík verður það Guð­
rún Margrét Guðmundsdóttir
mannfræðingur sem flytur ávarp
að göngu lokinni. Söngfólk úr
Hamrahlíðarkórnum og Kór
Menntaskólans við Hamrahlíð
syngur í göngunni og við lok
fundar undir stjórn kórstjórans
Þorgerðar Ingólfsdóttur.
Friðargangan á Ísafirði hefst
við Ísafjarðarkirkju klukkan
18.00 og er gengið niður á Silfur­
torg. Pétur Markan flytur hug­
vekju að lokinni göngu. Á Akur­
eyri stendur Friðarframtak fyrir
blysför sem hefst klukkan 20 frá
Samkomuhúsinu Hafnarstræti
og er gengið út á Ráðhústorg.
Ræðumaður kvöldsins er dr.
Sigrún Stefánsdóttir fjölmiðla­
fræðingur.
„Samstarfshópur friðar­
hreyfinga minnir á að málstað­
ur og rök friðarsinna skipta jafn
miklu máli nú og fyrir þrjátíu
árum. Stöðugt berast fregnir af
ofbeldisverkum þjóða á milli og
innan samfélaga. Óheyrilegum
fjárhæðum er enn sóað í víg­
væðingu og ekkert lát virðist á
hernaðarátökum í heiminum,“
segir í tilkynningu samstarfs­
hópsins vegna göngunnar.
astasigrun@dv.is
Leynd hvílir yfir
1.500 milljónum
n Fyrrverandi starfsmaður Morgan Stanley og Exista-maður flytja inn fé
E
ignarhaldsfélag sem stýrt er
af Bjarna Brynjólfssyni og
Sigurði Arngrímssyni stefn­
ir á innflutning á allt að 1.500
milljónum króna í gegnum
fjárfestingarleið Seðlabanka Íslands.
Félagið, sem heitir Ursus Maritimus,
hefur farið í skuldabréfaútboð og
nú þegar gefið út bréf fyrir nærri
300 milljónir króna af þessari 1.500
milljóna króna heimild. Þetta kemur
fram á heimasíðu Verðbréfaskrán­
ingar Íslands. Fjármunir erlendis frá
eru svo notaðir til að kaupa skulda­
bréfin og fæst 20 prósenta afsláttur af
krónunum sem notaðar eru til þess.
Þessi krónuafsláttur er hluti af fjár­
festingarleið Seðlabanka Íslands.
Sigurður Arngrímsson hefur um
árabil unnið hjá fjárfestingarbankan­
um Morgan Stanley og tengdist með­
al annars Vafningsmálinu svokallaða
þar sem hann var sá starfsmaður
bankans sem sá um lánveitingar
til íslenskra eignarhaldsfélaga eins
og Milestone. Sigurður gaf með­
al annars vitnaskýrslu fyrir dómi í
Vafningsmálinu í fyrra. Nú hefur Sig­
urður hins vegar stofnað ráðgjafar­
fyrirtæki sem staðsett er í London
og heitir það Arngrimssonadvisors.
Svo virðist, út frá útgáfulýsingunni í
skuldabréfaútboðinu, sem ráðgjafa­
fyrirtæki Sigurðar standi fyrir því.
Neitar að gefa upplýsingar
Sigurður er skrifaður fyrir skulda­
bréfaútgáfunni ásamt starfsmanni
Arngrimssonadvisors, Bjarna Brynj­
ólfssyni, fyrrverandi starfsmanni
Exista sem sá um deild eigin við­
skipta fyrirtækisins á árunum fyrir
hrunið 2008. Bjarni hefur verið til
rannsóknar hjá sérstökum sak­
sóknara vegna málefna Exista og
hefur verið yfirheyrður í málinu.
Bjarni neitar aðspurður að ræða
um skuldabréfaútboðið í samtali
við DV. Hann er spurður um upp­
runa þess fjármagns sem notaður er
til að kaupa skuldabréfin sem Ursus
Maritimus hefur gefið út og í hvað
eigi að nota þá fjármuni sem um
ræðir, til hvers konar fjárfestingar.
Svör Bjarna eru hins vegar takmörk­
uð. „Nei, nei,“ segir Bjarni þegar
hann er beðinn um að svara þessum
spurningum.
DV gerði tilraun til að fá svör við
spurningum um skuldabréfaútboði
hjá Sigurði Arngrímssyni en hann
svaraði ekki erindi blaðsins.
Gæti verið í eigu annars aðila
Ómögulegt er að segja til um hver
það er sem á fjármunina sem fluttir
eru til landsins í gegnum Ursus
Maritimus. Fyrst Bjarni og Sigurður
vilja ekki greina frá því er erfitt að
komast að því. Miðað við upphæð­
ina sem um ræðir, 1.500 milljónir,
er hins vegar ólíklegt að Sigurður
eða Bjarni eigi þessa fjármuni sjálf­
ir. Líklegt er því að fjármagnsflutn­
ingarnir eigi sér stað fyrir hönd ein­
hvers þriðja aðila.
Líkt og DV hefur fjallað um oft
áður þá nýta margir íslenskir og
erlendir aðilar sér fjárfestingar­
leið Seðlabanka Íslands til að flytja
inn fjármuni til landsins í gegnum
Seðlabanka Íslands og kaupa krón­
ur á afslætti. Með þessum hætti fæst
20 prósenta afsláttur af íslenskum
krónum og eru þeir sem flytja pen­
inga til landsins þannig í betri stöðu
en aðrir fjárfestar þar sem þeir geta
keypt eignir hér á landi ódýrar en
aðrir. n
Ingi Freyr Vilhjálmsson
ingi@dv.is
Ráðgjafarfyrirtæki í London
Sigurður Arngrímsson rekur nú
ráðgjafarfyrirtæki í London sem
heitir eftir honum. Félagið stendur
í fjármagnsflutningum til Íslands í
gegnum fjárfestingarleiðina.
Sölu Hressó var rift
Hæstiréttur staðfesti riftun á sölu nokkurra fasteigna Sundaranna
H
æstiréttur Íslands hefur rift
sölu eigenda fjárfestingar­
félagsins Sunds á tíu fast­
eignum eftir hrunið 2008.
Dómurinn í málinu féll á þriðju­
daginn og staðfesti Hæstiréttur dóm
Héraðsdóms Reykjavíkur í málinu.
Fasteignunum skal skilað inn í
þrotabú Iceproperties ehf. DV hefur
fjallað nokkuð um viðskiptin sem
áttu sér stað í október 2008.
Þekktasta fasteignin sem um
ræðir er Hressingarskálinn í Austur­
stræti en hinar eignirnar eru í
Kringlunni og í Kópavogi, nánar til­
tekið á Digranesvegi. Heildarverð­
mæti fasteignanna var um 870 millj­
ónir króna samkvæmt ársreikningi
Ice Properties fyrir árið 2007.
Þegar DV fjallaði um málið í
október 2011, við þingfestingu þess,
kom fram sú krafa að færslunni á
fasteignunum út úr IceProperties
yrði rift á þeim forsendum að fé­
lagið hefði verið tæknilega gjald­
þrota þegar viðskiptin áttu sér
stað. Eitt af því sérstaka við mál­
ið er að sama dag og fasteignirnar
fóru út úr Ice Properties, þann 20.
október 2008, voru eignirnar færð­
ar yfir í eignarhaldsfélag sem heit­
ir Fasteignafélagið okkar. Félagið er
í eigu eignarhaldsfélagsins Pluma
ehf. sem aftur er í eigu Páls Þórs
Magnús sonar. Eignirnar voru hins
vegar seldar út úr Ice Properties
án endurgjalds, líkt og áður segir.
Byggði málareksturinn á því að um
gjafagerning hafi verið að ræða þar
sem ekkert endurgjald hafi komið
fyrir fasteignirnar.
Nú hefur Hæstiréttur Íslands
dæmt þrotabúi Iceproperties ehf. í
vil. n ingi@dv.is
Rift hjá Páli Ein af fasteignunum var
seld til Páls Þórs Magnússonar, fram-
kvæmdastjóra Sunds, og hefur sölu hennar
nú verið rift.