Dagblaðið Vísir - DV - 20.12.2013, Page 11

Jólablað 20.–27. desember 2013 Fréttir 11
Tengsl við Hells
Angels staðfest
Sendiráðið í Vín enn í lausu lofti
Ráðherra biðlar til fjárlaganefndar að borga 50 milljónir
E
nn er ekki ljóst hvort Alþingi
samþykki tæplega fimmtíu
milljóna aukafjárveitingu í fjár-
aukalögum vegna fjárdráttar
fyrrverandi starfsmanna íslenska
sendiráðsins í Vín. Meirihluti fjár-
laganefndar lagði til að ekki yrði fall-
ist á tillögu um 46,7 milljóna króna
framlag til sendiráðsins vegna máls-
ins. Í álitinu, sem dagsett er 7. desem-
ber, segir að miðað sé við að „að ráðu-
neytið beri sjálft þann kostnað þar
sem ljóst þykir að fjárhagseftirlit ráðu-
neytisins var óviðunandi“. Gunnar
Bragi Sveinsson utanríkisráðherra
steig í pontu í umræðum um frum-
varpið nýverið og bað um að þetta yrði
endurskoðað. Fáheyrt er að ráðherra í
ríkisstjórn biðli með þessum hætti til
meirihluta fjárlaganefndar.
Deilur Gunnars Braga og
Vigdísar Hauksdóttur, for-
manns fjárlaganefndar, snúast
um peninga sem Guðný Ólöf
Gunnarsdóttir dró sér þegar
hún var starfsmaður í sendi-
ráði Íslands í Vínarborg. Upp
komst um fjárdráttinn árið 2009
en Guðný játaði brot sitt eftir að
upp komst um hana. Ríkissak-
sóknari höfðaði í kjölfarið
mál á hendur henni og
fór fram á að hún yrði dæmd til refs-
ingar auk þess sem henni yrði gert að
endurgreiða upphæðina.
Konan starfaði sem bókari hjá
sendiráðinu og fór Ríkisend-
urskoðun yfir verklagsferla í
ráðuneytinu í kjölfar málsins. Í
ákærunni kom fram að Guð-
ný hefði þá þegar greitt til
baka tæplega 80 þúsund evr-
ur af þeim rúmlega 335 þús-
undum sem hún var sökuð
um að hafa dregið
sér af reikn-
ingi sendi-
ráðsins.
Hæstiréttur staðfesti dóm héraðs-
dóms yfir henni árið 2011 en hún var
dæmd til tveggja ára fangelsis þar sem
22 mánuðir voru skilorðsbundnir og
til að endurgreiða féð sem hún dró sér.
Ríkisendurskoðun vann skýrslu
um málið og fór þar yfir hvað klikkað
hefði í verkferlum ráðuneytisins og
sendiráðsins sem gerði starfsmann-
inum kleift að draga sér allt þetta fé á
sjö mánaða tímabili. „Ekki var að öllu
leyti fylgt þeim verklagsreglum sem
í gildi voru, starfsmaðurinn sinnti
tveimur ósamrýmanlegum störfum
og ekki var viðhöfð nægjanleg var-
færni við samþykkt millifærslna,“ sagði
um málið í umfangsmikilli skýrslu
stofnunarinnar. Skýrslan hefur ekki
verið birt opinberlega vegna persónu-
greinanlegra upplýsinga sem í henni
er að finna og viðkvæmra upplýsinga
um ráðuneytið sjálft.
Skýrslan var hins vegar afhent
utan ríkisráðuneytinu í mars árið 2010
en þar var að finna athugasemdir
og tilmæli til úrbóta. Í svari Össurar
Skarphéðinssonar, þáverandi utan-
ríkisráðherra, við fyrirspurn Vigdísar,
sem þá var í minnihluta á þingi, um
málið kom fram að brugðist hafi verið
við öllum athugasemdum Ríkisendur-
skoðunar. n adalsteinn@dv.is
D
V var í vikunni sýknað í
máli Hilmars Leifssonar
gegn blaðinu og var
honum gert að greiða sex
hundruð þúsund krónur
í málskostnað. Hilmar Þór stefndi
ritstjórum DV, Reyni Traustasyni og
Jóni Trausta Reynissyni, fyrir dóm
vegna umfjöllunar í tekjublaði DV í
ágúst árið 2012. Var Hilmar ósáttur
við að vera bendlaður við Vítisengla
vegna veru sinnar í mótorhjólasam-
tökunum Fáfni og stefndi ritstjór-
unum fyrir meiðyrði.
Dómari Héraðsdóms Reykjavík-
ur komst að þeirri niðurstöðu þann
17. desember að ummælin væru
ekki ærumeiðandi. Hilmar vildi
tvær milljónir í miskabætur frá rit-
stjórum DV. Annars vegar vegna
umfjöllunar í tekjublaði DV og hins
vegar vegna sömu umfjöllunar á
DV.is. Kröfunum var með öllu hafn-
að.
Tengsl við Vítisengla
Hilmar Þór Leifsson er fyrrverandi
meðlimur Hells Angels eða Fáfnis
eins og samtökin hétu þá. Á þeim
tíma sem Hilmar var meðlimur var
Fáfnir í formlegu inngönguferli inn í
samtök Vítisengla. Hilmar er sagður
hafa hætt í samtökunum vegna þess
áreitis sem þeim fylgir.
Í umfjöllun DV voru könnuð
laun nokkurra einstaklinga sem
opinberlega hafa verið kenndir við
eða kenna sig við samtök sem sögð
eru tengjast skipulagðri glæpastarf-
semi. Þá kom fram að Hilmar Leifs-
son hefði verið með nítján þúsund
krónur í mánaðarlaun á árinu 2011.
Mótorhjólaáhugi
Við aðalmeðferð málsins í síðasta
mánuði var Hilmar meðal annars
spurður að því hvort hann hefði
verið með merki Vítisengla á mót-
orhjóli sínu. Hilmar játti því: „Já,
það þótti sniðugt á þeim tíma sem
við vorum í Fáfni.“
Þá sagðist hann hafa hætt árið
2007 eða á svipuðum tíma og Fáfn-
ir var að ganga inn í Vítisengla: „Ég
hætti þegar þeir fóru í þetta inn-
gönguferli. Það var í kringum 2007.“
Hilmar sagðist jafnframt hafa
gengið í Fáfni þar sem hann hefði
gaman af akstri mótorhjóla. „Ég
hafði hins vegar ekki áhuga á frekari
samskiptum og alls ekki að tengjast
Hells Angels,“ sagði Hilmar fyrir
dómi.
Lágar tekjur
DV kannaði tekjur liðsmanna
stuðningsklúbba þessara félaga
auk þekktra ofbeldismanna. Í ljós
kom að aðeins einn einstaklingur
af sautján var með launatekjur sem
nema hærri upphæð en 400 þúsund
krónum á mánuði.
Hilmar stefndi DV fyrir umfjöllun
þar sem fjallað var um að liðs-
menn félaga sem íslensk lögreglu-
yfirvöld höfðu sett á athugunarlista
yfir samtök sem stunda skipulagða
glæpastarfsemi væru ekki með
há laun miðað við álagningarskrá
ríkis skattstjóra. Eins og greint hefur
verið frá var DV sýknað og Hilmari
gert að greiða sex hundruð þúsund
krónur í málskostnað. n
Tengsl við Vítis-engla
Hilmar Þór Leifsson er
fyrrverandi meðlimur Hells
Angels eða Fáfnis eins og
samtökin hétu þá.
Mynd SigTryggur Ari
„Ég hafði hins vegar
ekki áhuga á frekari
samskiptum og alls ekki
að tengjast Hells Angels.
Biðlar Gunnar Bragi utanríkisráðherra
hefur biðlað til fjárlaganefndar úr ræðustóli
að endurskoða ákvörðun sína.
Mynd FrAMSóknArFLokkurinn
30% afsláttur
Af sóttum pizzum ef
þú velur áleggið sjálfur
20% afsláttur
Af sóttum pizzum af matseðli
Gildir ekki af Como og Parma
→ Heimsending
→ Take away
→ Salur
 55 12345
Italiano.is
Hlíðarsmára 15, Kópavogi
Erum beint fyrir ofan Smáralind
Hilmari Leifssyni gert að borga DV sex hundruð þúsund