Dagblaðið Vísir - DV - 20.12.2013, Blaðsíða 20

20 Fólk
1 Dorrit MoussaieffForsetafrú
Dorrit er fædd 12. janúar 1950 í Jer­
úsalem. Foreldrar hennar, Alisa and
Shlomo Moussaieff, eru áhrifamikl­
ir í viðskiptum með eðalsteina. Við­
skiptaveldið teygir sig aftur í aldir
og í dag er faðir hennar einn helsti
safnari fornra listmuna.
Dorrit flutti til London á ung­
lingsárum með foreldrum sínum.
Lesblinda gerði henni erfitt fyrir
Áhrifamestu konur Íslands
n Dorrit þykir áhrifamest n Nýtir stöðu sína til góðs n Fáar konur nefndar úr menningargeiranum
A
ð hafa áhrif er lykilatriði
hvað völd áhrærir. Áhrifa­
miklar konur eru margar
á Íslandi þótt þær hafi enn
ekki völd í jafn miklum
mæli og karlar. Að hafa áhrif er far­
sæl leið til valda og því fleiri kon­
ur sem hafa áhrif, því greiðar mun
ganga að breyta samfélaginu og jafna
valdahlutföll kynjanna.
Óhefðbundnar konur sem
synda á móti straumnum
Það er stundum erfitt að benda á
hvers vegna sumum konum tekst
fremur að komast til áhrifa en öðr­
um. Þær eiga það ef til vill sameigin­
legt að leiða fólk áfram, synda gegn
straumnum, taka sér pláss og vera
stoltar af verkum sínum.
DV setti saman nefnd ráðgjafa til
þess að velja áhrifamestu konur lands­
ins. Það kemur ekki á óvart að þær
konur sem raðast efst á listann eru
allar óhefðbundnar og synda á móti
hörðum straumnum. Dorrit Moussai­
eff hefur ávallt sagt skoðun sína óhik­
að, hún er án efa áhrifamikil og hefur
oftsinnis notað áhrif sín landi og þjóð
til gagns. Í menningarlífinu hefur hún
aðstoðað íslenska listamenn að fóta
sig á erlendri grundu. Hún reyndist
Margréti Ericsdóttur, móður Kela sól­
skinsdreng, vel þegar hún leiddi hana
og stórstjörnuna Kate Winslet saman.
Ótal fleiri dæmi má telja upp því Dor­
rit leggur sig fram við að verða öðrum
að liði. Hún hefur oftsinnis lagt litlum
fyrirtækjum og frumkvöðlum lið með
áhrifamiklum hætti.
Áhrifamikið fólk er greiðvikið,
gefur góð ráð, vill vera samfélaginu
til gagns.
Sá ógreiðvikni getur ef til vill
haldið um valdatauma í einhvern
tíma en fylgjendur eru fljótir að snúa
við honum baki ef svo ber undir. Að
leiðbeina öðrum, gefa ráð, vera sam­
félaginu til gagns, er hins vegar til
farsældar.
Konur á stærstu vígstöðvum
Þær konur sem raða sér í næstu þrjú
sæti eiga það allar sameiginlegt að
hafa bæði áhrif og völd. Einhverj­
ir myndu vilja deila á það að völd
Dorritar teldust ekki raunveruleg.
En staða hennar í viðskiptalífinu í
Bretlandi er góð og hún býr að sterku
tengslaneti sem hún nýtir óspart Ís­
lendingum til góðs. Á það deilir
enginn. Útgeislun hennar er einnig
slík að þótt hún hafi dvalið lengi er­
lendis á árinu er hún okkur enn of­
arlega í huga.
Guðbjörg Matthíasdóttir, nefnd
önnur áhrifamesta kona landsins,
hefur haft áhrif með því að fram­
kvæma réttu hlutina, hún hefur stað­
ið sterk við útgáfu Morgunblaðsins á
óvissutímum og við útgerð Ísfélags­
ins í Vestmannaeyjum.
Hún þykir kröftug kona og traust
sem hefur stofnað til sambands við
rétt fólk á réttum tíma.
Birna Einarsdóttir bankastjóri
er þriðja áhrifamesta kona lands­
ins. Hún hefur sannað sig á erfiðum
tíma í viðskiptalífinu og tekist að fá
frið um Íslandsbanka á ólgutímum.
Hún er einnig þrautseig og góð fyrir­
mynd, hún hefur unnið sig upp hjá
sama fyrirtækinu, fjárfest í starfinu.
Hjá Íslandsbanka hefur hún unnið í
sautján ár.
Konur á listanum hafa margar
hverjar komist til áhrifa með því að
sýna fram á þekkingu sína og kom­
ist þannig í valdastöðu, dæmi um
þetta er Ingibjörg Benediktsdótt­
ir hæstaréttardómari sem er nefnd
sem sú fjórða áhrifamesta á Íslandi.
Ingibjörg hefur vakið mikla athygli
upp á síðkastið, hún þykir samkvæm
sjálfri sér, hefur sterka réttlætiskennd
og gengur oft á móti meirihlutanum.
Konur sem toga í spotta
Lilja Pálmadóttir athafnakona er
sú fimmta á listanum. Hún er sögð
jarðbundin hugsjónakona. Þegar
þessir tveir eiginleikar fara saman
er það til heilla. Lilja hefur gagnast
samfélaginu norðan heiða ákaflega
vel og komið að uppbyggingu þess.
Hún hefur helgað sig hestarækt og
tamningu, styrkt samfélagið með
byggingu sundlaugar á Hofsósi og þá
er hún öflugur fjárfestir í kvikmynda­
gerð þótt eiginmaður hennar hafi
helst verið í sviðsljósinu hvað það
varðar. Lilja sækir ekki í sviðsljósið
og hefur haldið sig til hlés. „Þetta eru
konur sem geta raunverulega tog­
að í spotta og gera það fúslega,“ segir
einn ráðgjafa DV um þær konur sem
valdar eru.
„Þær vilja samfélaginu vel, leggja
hart að sér og hjálpa öðrum á bak við
tjöldin. Þær vita að þær standa ekki
einar og veita því gjarnan öðrum að­
stoð sína,“ segir annar ráðgjafi rétti­
lega.
Fáar nefndar í menningargeiranum
Björk Guðmundsdóttir tónlistar­
kona er nefnd sem ein áhrifamesta
kona landsins. Ekki að ósekju. Hún
er einnig sú allra valdamesta, í tón­
listarbransanum. Bæði í heimi karla
og kvenna. Margar kvennanna hér
á listanum hafa einnig umtalsverð
völd. En ekki allar. Þótt þær ættu
það vissulega skilið. Merkilega fáar
konur voru nefndar utan Bjarkar
í menningargeiranum og fjöl­
miðlaheimi. Tinna Gunnlaugsdóttir
þjóðleikhússtjóri var nefnd, Vigdís
Grímsdóttir rithöfundur, Högna Sig­
urðardóttir arkitekt, Auður Jóns­
dóttir, rithöfundur og pistlahöfund­
ur, og Sigríður Dögg Auðunsdóttir,
ritstjóri Fréttatímans. Ef til vill hefur
Dorrit áhrif í menningargeiranum
frekar en öðrum geira, sem gerir það
að verkum að hún teygir sig hátt.
Flestir nefndu þó fremur greiðvikni
hennar við lítil fyrirtæki og frum­
kvöðla. „Ljóst er að konur þurfa að
sækja á í heimi menningar og taka
sér meira pláss, hafa hærra, mæra sig
og stæra,“ segir einn ráðgjafa.
„Ég er
alltaf
ég sjálf“
É
g kom til til landsins klukkan tvö
í nótt frá London,“ segir Dorrit
sem hefur átt annasamt ár. Hún
hefur á árinu sinnt rekstri fjöl­
skyldufyrirtækis Moussaieff­ætt­
arinnar í frekara mæli og flugferðirnar
á milli Íslands og London eru tíðar.
Ósvikin gleði
Þrátt fyrir lítinn svefn er útgeislunin
hin sama, hún geislar af gleði og
faðmar blaðamann og ljósmyndara
innilega. Hún sest í mjúkan sófa á
forsetasetrinu og lætur fara vel um
sig, hún er klædd í fallega lopapeysu
með stuttum ermum – sem hún tjáir
blaðamanni að sé prjónuð á Íslandi
eftir munstri Navaho­indíána – sítt
pils úr þykku ullarefni og háa hæla.
Gleði hennar er ósvikin. Hún seg­
ir fjarvistirnar frá Íslandi hafa fyllt
hana söknuði. „Ég er búin að sakna
þess að vera með Ólafi og Sámi. Það
er gott að koma heim.“
Auðmýkt og góður vilji
Faðir Dorritar, Shlomo Moussaieff, er
orðinn háaldraður og henni rennur
blóðið til skyldunnar. Þess vegna hefur
hún eytt meiri tíma en áður í London
og helgað sig rekstri fyrirtækis fjöl­
skyldunnar sem skiptir hana miklu
máli. Faðir Dorritar er enda einn af rík­
ustu mönnum Bretlandseyja – er í 315.
sæti samkvæmt lista Sunday Times frá
2011 – og voru eignir hans eru tald­
ar nema um 220 milljónum punda,
rúmlega fjörutíu milljörðum íslenskra
króna. Dorrit nefnir föður sinn spurð
um hvað eða hver hafi mótað hana
mest á ævinni og þar hefur velgengni
og auður lítið að segja. „Faðir minn er
fyrirmynd í öllu því sem ég geri. Auð­
mýktin sem hann býr yfir er hans helsti
kostur. Það skiptir ekki máli hvort mað­
ur fær hrós fyrir vel unnið verk. Það
lærði ég af honum. Það eina sem skipt­
ir máli er að þú sjálf trúir því að þú sért
bæði að gera gott og rétt.“
Fer beinu leiðina
Helstu kostir Dorritar eru taldir vera
þeir að hún leggur sig fram um að
Dorriter óhrædd við að gera mistök, ganga
gegn hefðum og brjóta reglur. Kristjana
Guðbrands dóttir ræddi við Dorrit um föður henn-
ar sem kenndi henni dýrmæta lexíu, efann sem
sækir að henni um framtíðina og söknuðinn sem
hefur fylgt annríki í London á árinu.
Kristjana Guðbrandsdóttir
kristjana@dv.is
Óhefðbundin
og óhrædd
„Ég er alltaf
tilbúin til þess og
að gera mistök.
En það á bara við
um mig sjálfa,“
segir Dorrit sem
segist haga sér
á annan máta
þegar hún tekur
ákvarðanir sem
hafa áhrif á aðra.
Mynd SiGtryGGur Ari
Álitsgjafar
n Magnea Matthíasdóttir
n Rakel Garðarsdóttir
n Gagga Jónsdóttir
n Heiðdís Lilja Magnúsdóttir
n Rut Hermannsdóttir
n Lára Björg Björnsdóttir
n Ragnhildur Sverrisdóttir
n Stefán Máni Sigþórsson
n Kristín Guðmundsdóttir
n Erla Gunnarsdóttir
Álitsgjafar höfðu fjölbreyttar skoðanir
á því hverjar væru áhrifamestu konur
íslensks samfélags. Þær konur sem
raðast efstar voru oftast nefndar.
Atkvæðafjöldi er jafn í mörgum tilfellum
eftir því sem neðar dregur á listanum.
Því ber ekki að taka sætaskipan alvar-
lega. Hún er ekki nákvæm og til gamans
gerð.