Hagskýrslur um landbúnað - 01.01.1953, Blaðsíða 53
Búnaðarskýrslur 1951
51*
og hins vegar var hafin bygging 1951 á öSrum, sem urðu síðar full-
gerð, og er því hér talið, að fjárfestingin í íbúðarhúsum á árinu hafi
svarað til byggingarkostnaðar þessara 183 húsa, er lokið var 1951.
Áætlað er, að hvert þeirra hefði að meðaltali kostað 118 þús. kr. Er
það nokkru lægra en bæði landnámsstjóri og Teiknistofa landbúnaðar-
ins telja eðlilegt, en hins vegar verður hlutfallið milli byggingarkostn-
aðar og lánveitinga allfjarri lagi, ef farið er hærra en þetta. Þessari
fjárupphæð er svo skipt niður á sýslurnar eftir sömu hlutföllum og
er milli lánveitinganna.
Niðurstaðan af þessari áætlun um fjárfestinguna í land-
búnaði 1951 er, að hún hafi numið rúmlega 97,7 millj. kr. og skipzt
þannig:
Millj. kr.
Jarðabætur ......................................... 40,7
Peningshús ......................................... 22,6
Rafstöðvar og rafvélar .............................. 7,4
Heimilisdráttarvélar og jeppabifreiðir .............. 5,3
fbúðarhús ......................................... 21,7
Samtals 97,7
Helzt er hætta á, að peningshúsin séu of hátt áætluð, en hins vegar
eru íbúðarhúsin metin helzti lágt, og svo orkar tvímælis, að sleppt er
fjárfestingu í öðrum landbúnaðarvélum en jeppabifreiðum og heimilis-
dráttarvélum. — Auðvitað orkar alls staðar nokkurs tvímælis, hvað talin
skuli að fullu ný fjárfesting og hvað viðhald að einhverju leyti.
Af jarðabótunum eru 39,3 millj. kr. styrktar jarðabætur, en 1,4 millj.
kr. óstyrktar.
14. Eignir og skuldir framleiðenda landbúnaðarafurða í árslok 1951.
Assets and Debts of Agricultural Producers at the End of 1951.
Tafla XVI (bls. 32—33) sýnir eignir og skuldir framleiðenda land-
búnaðarafurða í árslok 1951. Hefur slík skýrsla ekki verið birt fyrr í
búnaðarskýrslum Hagstofunnar. Skal nú gerð nokkur grein fyrir þvi,
hvernig tafla þessi er upp tekin og einstakir dálkar hennar skýrðir.
1 skýrslum skattanefndanna til Hagstofunnar er bústofninn alls
staðar fram talinn í stylckjatölu. I einstaka búnaðarskýrslu hefur þó
heildarverð bústofnsins hjá hverjum einum framteljanda einnig verið
fært inn á skýrsluna með öðrum eignum, en það hefur alls staðar verið
fellt niður við úrvinnslu skýrslnanna. I stað þess hefur Hagstofan
reiknað út verðmæti bústofnsins eftir tölu hans í búnaðarskýrslum
skattanefndanna og eftir skattmati því, er Ríkisskattanefnd sagði fyrir,
að gilda skyldi í hverri sýslu á árinu, þó með dálitlum frávikum, sem
gerð verður grein fyrir hér á eftir. Matið á búpeningi til verðs í bún-
aðarskýrslum Hagstofunnar er sem hér segir:
61