Dagblaðið Vísir - DV - 19.12.2008, Page 12

föstudagur 19. desember 200812 Helgarblað
Sigurður Einarsson, fyrrverandi
stjórnarformaður Kaupþings, hefur
orðið fyrir miklu fjárhagslegu tjóni.
Hann hafði óbilandi trú á Kaupþingi
alveg fram undir blálokin. Það sýnir
sig í því að eignarhlutur hans, sem
var metinn á milljarða króna þegar
best lét, var skráður á hans eigið nafn
en ekki í eignarhaldsfélagi líkt og
margir bankamenn kusu að gera. Nú
er hlutur hans horfinn. Hann stóð og
féll með Kaupþingi.
Hann er ráðherrasonur og var
efnilegur handboltamaður. Hann
var miðlungsnámsmaður en náði á
toppinn. Ljóst er að staða hans, líkt
og margra annarra útrásarvíkinga, er
mjög erfið og stærstur hluti auðæf-
anna er horfinn. Hann stýrði stærsta
banka landsins í gífurlegri þenslu.
Nú hefur hann það á ferilskránni
að hafa verið stjórnarformaður í al-
þjóðlegri fjármálastofnun sem varð
gjaldþrota, hvort sem hann átti sök á
því eða ekki.
Lét finna fyrir sér
Sigurði er lýst sem ljúfum og þægileg-
um manni. Hann er rólegur, jafnvel
hlédrægur, og meinar algjörlega það
sem hann segir. Sigurður fékk miðl-
ungseinkunnir í skóla og lítið bar á
honum. Hins vegar er hann sagð-
ur gífurlega duglegur. Algjör vinnu-
þjarkur. Og á fótbolta- og handbolta-
vellinum lét hann finna fyrir sér á
árum áður.
Sigurður er yngsta barn Þórunnar
Sigurðardóttur húsmóður og Einars
Ágústssonar sem var utanríkisráð-
herra fyrir Framsóknarflokkinn á átt-
unda áratugnum. Hann fæddist árið
1960 í Reykjavík, gekk í Æfingadeild
Kennaraháskólans (nú Háteigsskóli),
Hlíðaskóla og Réttarholtsskóla þaðan
sem Sigurður lauk landsprófi. Hann
fór svo í MH, lauk stúdentsprófi árið
1980 en þá lá leið Sigurðar til Dan-
merkur þar sem hann nam hagfræði
og stjórnmálafræði við Kaupmanna-
hafnarháskóla jafnframt því að starfa
hjá Den danske bank.
Sigurður flutti aftur til Íslands
árið 1988. Eftir heimkomuna starfaði
hann fyrst sem sérfræðingur hjá Iðn-
aðarbankanum og svo hjá Íslands-
banka á árunum 1990-94. Hann varð
forstöðumaður hjá Kaupþingi árið
1994, aðstoðarforstjóri tveimur árum
seinna og tók svo við forstjórastöðu
Kaupþings árið 1997. Síðustu ár hef-
ur Sigurður verið stjórnarformaður
Kaupþings með aðsetur í London.
Eiginkona Sigurðar er Arndís
Björnsdóttir viðskiptafræðingur. Þau
kynntust á fyrri hluta tíunda áratug-
arins og gengu í hjónaband árið 1995.
Með Arndísi, sem er fimm árum
eldri, á Sigurður tvö börn, fjórtán ára
stúlku og ellefu ára dreng. Sigurður
átti þrjár eldri systur en aðeins ein er
á lífi, Kristjana Erna, hjúkrunarfræð-
ingur á Seltjarnarnesi.
Ljúfur og góður drengur
„Ég hef ekkert nema gott um hann
að segja. Hann var ljúfur og góður
drengur,“ segir Þórunn Sigurðardótt-
ir, móðir Sigurðar. „Hann var mikið
í fótbolta og handbolta,“ bætir hún
við en Sigurður æfði með Fram. „Það
voru aldrei nein unglingavandræði á
honum. Hann skilaði sér alltaf heim
á réttum tíma.“
Aðspurð hvort Sigurður hafi ver-
ið pólitískur sem ungur maður seg-
ist Þórunn ekki minnast þess. „Það
voru aðrir á heimilinu sem voru póli-
tískari þá,“ segir Þórunn og vísar þar
til Einars mannsins síns, fyrrverandi
ráðherra og sendiherra. Sigurður bjó
hjá foreldrum sínum þegar hann var
í námi í Danmörku þar sem faðir
hans var sendiherra frá 1980 til dán-
ardags sex árum síðar.
Efnilegur handboltamaður
Haft er á orði um Sigurð að hann
komist þótt hægt fari. Þrátt fyrir
miðlungsgengi í skóla komst hann
áfram á eigin verðleikum, að mati fé-
laga hans.
Guðmundur Guðmundsson,
landsliðsþjálfari í handbolta, var vin-
ur og bekkjarbróðir Sigurðar í gagn-
fræðaskóla. Hann ber Sigurði vel
söguna. „Hann var afskaplega heil-
steyptur einstaklingur og þægilegur
að öllu leyti.“
Guðmundur spilaði handbolta
með Víkingi á þessum árum á með-
an Sigurður var í Fram. Þeir voru hins
vegar samherjar í bekkjarliðinu og
segir landsliðsþjálfarinn að Sigurð-
ur hefði getað náð langt hefði hann
lagt handboltann fyrir sig. „Hann var
mjög frambærilegur handboltamað-
ur. Hafði mikið og gott keppnisskap
sem skilaði honum langt,“ segir Guð-
mundur en Sigurður spilaði á miðj-
unni.
Sigurður stundaði félagslífið eins
og hver annar nemandi í Réttarholts-
skóla að sögn Guðmundar, þótt hann
reki ekki minni til þess að vinur hans
hafi sóst eftir setu í nemendastjórn
eða neinu slíku.
Leiðir Sigurðar og Guðmundar
skildi eftir gagnfræðaskólann þegar
þeir völdu mismunandi framhalds-
skóla. Guðmundi kemur ekki á óvart
að Sigurður skuli hafa náð jafnlangt á
sínu sviði og raunin er, þótt hann reki
ekki minni til þess að glitt hafi í hæfi-
leika hans á viðskiptasviðinu strax í
barnæsku. „Sigurður er skarpgreind-
ur maður og fylginn sér. En það var
vart farið að reyna á einhverja hæfi-
leika á viðskiptasviðinu á þessum
aldri.“
Spilaði póker og bridds
Jón Atli Benediktsson, prófessor í
verkfræði við Háskóla Íslands, kynnt-
ist Sigurði í kringum tíu ára aldurinn
þar sem þeir stunduðu báðir nám
við Æfingadeild Kennaraháskólans
og í Hlíðaskóla. Jón segir Sigurð hafa
verið mjög góðan félaga. Þeir vinirnir
æfðu líka báðir fótbolta með Fram á
þessum árum.
„Við vorum báðir bakverðir. Og
hann var betri en ég,“ segir Jón Atli
og hlær. „Sigurður var mjög fínn
bakvörður og mikill keppnismaður.
Hann var harðskeyttur varnarmaður
en alls ekki grófur eða neitt þess hátt-
ar.“ Spurður hvort Sigurður hafi verið
einn af þessum sókndjörfu bakvörð-
um segist Jón Atli ekki minnast þess.
Sigurður kunni að tapa að sögn
Jóns Atla. „Já já, og ég þekki hann
ekki af öðru en að vera mjög góður
drengur. Alla tíð.“
Kaupþingsstjórnarformaðurinn
fyrrverandi virðist fjölhæfur mað-
ur því auk kunnáttu á fótbolta- og
handboltavellinum er hann lunkinn
í spilum. „Við stofnuðum spilaklúbb
þarna í gamla daga og hann hélt
áfram að hittast eftir að Sigurður fór
í Réttarholtsskóla. Við spiluðum oft
póker og stundum bridds. Sigurð-
ur var ágætur í spilamennskunni og
hafði afskaplega gaman af henni.“
Kominn af bankafólki
Jón Atli telur að ávallt hafi blundað
áhugi á bankamálum hjá Sigurði.
„Það eru slíkar rætur í fjölskyldu Sig-
urðar, ákveðin tradisjón fyrir störf-
um innan bankageirans, þannig að
ég held að það hafi alltaf verið und-
irliggjandi áhugi hjá honum að fara
þessa braut.“
Jón Atli segir að ólíkt mörgum
þeim sem halda með Chelsea á Ís-
landi í dag hefur Sigurður haldið
lengur með félaginu heldur en ein-
ungis frá þeim degi að Eiður Smári
gekk til liðs við þá bláklæddu. „Hann
hefur verið Chelsea-maður alveg frá
byrjun. Ég man til dæmis eftir því
þegar við horfðum á bikarúrslitaleik
á milli Chelsea og Leeds í kringum
1970 þar sem Sigurður studdi sína
menn dátt. Ég man þegar ég hitti
hann í Leifsstöð fyrir nokkrum árum
og hann sagði að þetta væri loksins
orðið alvöru lið.“
Eftir að Sigurður fór í Réttó gliðn-
aði sambandið á milli þeirra Jóns.
„Við fórum líka hvor í sinn fram-
haldsskólann. Samskiptin eru því
lítil en við rekumst einstaka sinnum
á hvorn annan, og þá kannski helst
á flugvöllum. Þá fer alltaf vel á með
okkur.“
Sigurður mótaðist mikið af föður
sínum, ekki síst í pólitísku samhengi.
Í MH kom fram í hugmyndafræði
hans að hann var úr umhverfi sam-
vinnufélagslegra skoðana. Sigurður
var aldrei mikið að trana sér fram í
félagslífinu, ekki frekar en fyrr á lífs-
leiðinni eða síðar. Og þeir kennarar í
MH á þessum tíma sem DV náði tali
af muna ekkert eftir Sigurði, né hvort
hann hafi setið í tímum hjá þeim yfir
höfuð.
Efast ekki um heilindi Sigurðar
Sigurður hefur sjálfur sagt að Davíð
Oddsson seðlabankastjóri hafi hót-
að því að knésetja Kaupþing ef hann
drægi ekki umsókn sína til baka um
að fá að gera upp rekstur bankans
í evrum. Þetta kom fram í DV fyrir
nokkrum mánuðum og var staðfest
í viðtali Björns Inga Hrafnssonar við
Sigurð í Markaðnum á Stöð 2 í nóv-
ember. Davíð og Sigurður voru með-
al gesta á aðalfundi Alþjóðagjaldeyr-
issjóðsins í Bandaríkjunum í fyrra
þegar í brýnu sló milli þeirra.
„Ég hef nú ekki mikla löngun í
að vitna í svona samtöl en hann lét
mjög óþægileg orð falla,“ sagði Sig-
urður sem staðfesti að Davíð hefði
meðal annars hótað því að „taka
þá niður“ eins og hann orðaði það.
„Mér var auðvitað mjög brugðið og
ræddi þetta við mína nánustu sam-
starfsmenn.“
Þeir sem DV hefur rætt við und-
anfarna daga segjast ekki draga orð
Sigurðar um orðaskakið við Davíð í
efa, fyrst Sigurður fullyrði þetta. Þar á
meðal er Jón Atli, æskuvinur Sigurð-
ar. „Hann var alltaf heiðarlegur, enda
þekki ég Sigurð að góðu einu. Þannig
að ef hann segir þetta tek ég það al-
varlega.“
Óvild Davíðs
Sigurður sagði í viðtalinu við Björn
Inga að rekja mætti óvild Davíðs, þá
forsætisráðherra, aftur til ársins 1997
og sú óvild hafi ríkt allar götur síð-
LAGÐI SJÁLFAN
SIG UNDIR
KriStján hrafn guðmunDSSon
og vaLgEir örn ragnarSSon
blaðamenn skrifa: kristjanh@dv.is og valgeir@dv.is
Sveitasetur framkvæmdir
eru nú stopp við sveitasetur
hans í Norðurárdal.
Í aðdraganda fallsins sigurður
fundaði stíft með ríkisstjórninni í
aðdraganda bankahrunsins.