Dagblaðið Vísir - DV - 19.12.2008, Page 13

föstudagur 19. desember 2008 13Helgarblað
an. Sér hefði þótt afar óþægilegt að
reka stærsta banka landsmanna með
það á tilfinningunni að forsætisráð-
herra reyndi að koma höggi á hann.
Ástandið hefði ekki batnað þegar
Davíð var skipaður seðlabankastjóri
árið 2005.
Sigurður segir að hótanirnar og
andstaða Seðlabankans og síðar fjár-
málaráðuneytisins hafi orðið til þess
að hætt var við að sækja um að fá að
gera upp í evrum.
Sigurður segir að mestu mistök
sín og annarra stjórnenda bankans
hafi verið að flytja ekki bankann til
útlanda og fullyrðir að Kaupþing
væri í fullu fjöri ef bankinn hefði til
dæmis verið með aðsetur og höfuð-
stöðvar í Hollandi.
Ekki „maður fólksins“
Ágætlega er látið af samstarfi við Sig-
urð. Opið aðgengi er að skrifstofu
hans. Hann virkar þó kaldur í sam-
skiptum, en líklegt er talið að hann
sé iðulega þungt hugsi.
Óbreyttir starfsmenn Kaupþings
sem DV hefur rætt við segja Sigurð
ofboðslega kláran og dúndurstjórn-
anda. „Ég ber mikla virðingu fyr-
ir honum. Og ef hann segir eitthvað
þá stendur það,“ segir einn starfs-
mannanna.
„Bæði Sigurður og Hreiðar Már
eru rosalega klárir og hæfileikaríkir
og synd að þeir skuli ekki vera lengur
hjá Kaupþingi. Þeir voru örugglega
mjög gott „team“. Ég myndi nánast
treysta þeim betur til að stýra þessu
landi heldur en Davíð Oddssyni,“
segir annar. Starfsmaðurinn segir þó
ekki mikið um að fólk sé að ræða um
tvímenningana innan Kaupþings
þessar vikurnar.
Sigurður er ekki þessi „maður
fólksins“ eins og einn starfsmaður
Kaupþings orðaði það. Hreiðar Már
hafi verið meira í því hlutverki. „En
það er kannski með vilja gert hjá Sig-
urði að vera ekki maður fólksins svo
það beri meiri virðingu fyrir honum.“
Sigurður mætir á þá mannfagnaði
sem hann er boðinn til og eðlilegt er
að hann mæti á eins og árshátíðir, en
hann er ekki hrókur alls fagnaðar.
Hreiðar Már meiri snillingur
Sigurður og Hreiðar Már voru vald-
ir menn ársins í atvinnulífinu hjá
viðskiptatímaritinu Frjálsri verslun
árið 2005. Heiðurinn hlutu þeir fyr-
ir „framúrskarandi hæfni við rekst-
ur bankans, stækkun hans, farsælan
feril, athafnasemi og frumkvöðla-
starfi í útrás íslenskrar bankaþjón-
ustu“, eins og það var orðað í frétta-
tilkynningu Frjálsrar verslunar.
Stærð efnahagsreiknings bank-
ans hafði um þúsundfaldast frá því
að Sigurður varð forstjóri árið 1996
og markaðsvirðið meira en tólfhund-
ruðfaldast. Þetta var þá, og er líklega
enn, einsdæmi í íslenskri viðskipta-
sögu.
Pétur Blöndal, einn af stofnend-
um Kaupþings, segist ekkert þekkja
Sigurð, enda hafi hann byrjað hjá
fyrirtækinu eftir að Pétur var hættur
þar. Þeir hafi hist kannski tvisvar, þri-
svar en ekkert talað saman að ráði.
Spurður hvernig þessi fyrrverandi
stjórnarformaður Kaupþings komi
honum fyrir sjónir úr fjarlægð segir
Pétur að Sigurður virðist ábyrgur og
mynda gott „team“ með forstjóran-
um fyrrverandi, Hreiðari Má.
„Ég held að Hreiðar Már hafi
verið meiri snillingur, bæði með
og án gæsalappa. En Sigurður virð-
ist áhættusækinn og búa yfir miklu
frumkvæði. Ég þekki þó auðvitað
ekki innviði Kaupþings síðustu árin,
þótt ég hefði haft mjög mikinn áhuga
á því,“ segir Pétur og hlær.
Pétur segir erfitt að meta það
svona utan frá, hvað þá þegar svo
margt
er enn
óljóst um
atburða-
rásina,
hvort farið
hafi verið of
geyst í fjár-
festingum
og stækkun
Kaupþings.
„Maður bakk-
ar náttúrlega
ekki aftur til for-
tíðar. En ég var
ósköp sáttur við þetta
þótt menn hafi verið að
gera hluti sem ég hefði
sennilega sjálfur ekki þor-
að.“
Spurður hvort hann
myndi ráða Sigurð sem for-
stjóra eða stjórnarformann ef
Pétur væri að stofna fyrirtæki
í dag segist þingmaðurinn
ekki getað svarað því. „Ég
réð hann náttúrlega ekki
sem stjórnanda á sín-
um tíma. Og ég veit
ekkert hvað menn
voru að gera þarna
þannig að ég
get ekki í raun-
inni ekki met-
ið störf hans
fyrir Kaup-
þing.“
LAGÐI SJÁLFAN
SIG UNDIR
Sigurður Einarsson spilaði handbolta og fótbolta á yngri
árum. Hann er ráðherrasonur og var sagður miðlungs-
námsmaður. Hann náði á toppinn og stýrði ótrúlegri útrás
Kaupþings. Hann nýtur virðingar, en ljóst er að fallið hef-
ur á dýrðarljómann eftir að Kaupþing fór í þrot. Hann fer
geyst og þorir að taka áhættur. Hann skorast ekki undan
ábyrgð og lagði sjálfan sig undir með því að skrá eignar-
hluta sinn í Kaupþingi á sitt eigið nafn.
NÆRMYND
Framhald á
næstu síðuSigurður Einarsson Hefur það á ferilskránni að hafa verið stjórnarformaður
í alþjóðlegum banka sem varð gjaldþrota.