Dagblaðið Vísir - DV - 19.09.2008, Blaðsíða 14

föstudagur 19. september 200814 Helgarblað
„Björgólfur hefur alltaf verið opinn
og glaðbeittur maður. Hann er mjög
gamansamur og brosmildur, sama
hvað á dynur. Hann er vel á sig kom-
inn og höfðinglegur í sjón og raun.
Hann er skjótur til allra ákvarðana og
hnyttinn í tilsvörum. Umfram allt er
hann er mikill mannvinur.“
Þannig lýsir þingmaðurinn Ellert
B. Scram athafnamanninum Björgólfi
Guðmundssyni. Þeir Ellert þekkjast
frá fyrri tíð þegar þeir léku saman í
yngri flokkum KR. „Hann er tveimur
árum yngri en ég og við spiluðum því
aldrei saman. Það var líklega vegna
þess að ég var í a-liði en hann í b-liði,“
segir Eggert og hlær.
Fálkaorða og skattakóngur
Björgólfur kom sem stormsveip-
ur inn í íslenskt athafnalíf eftri vel
heppnaða dvöl í Rússlandi. Hann
varð meðal annars skattakóngur Ís-
landssögunnar árið 2004. Fyrir fram-
lag sitt til viðskiptalífs og menning-
armála var hann árið 2005 sæmdur
riddarakrossi hinnar íslensku fálka-
orðu. Hann var valinn maður ársins
í íslensku viðskiptalífi, hjá tímaritinu
Frjálsri verslun, Viðskiptablaðinu,
Stöð 2 og DV árið 2002. Síðustu miss-
eri hefur syrt í álinn. Hlutabréf hafa
hríðfallið í verði.
Eimskips virði
Þeir sérfræðingar í fjármálaheim-
inum sem DV talaði við sögðu afar
erfitt að henda reiður á því hversu
mikið auðæfi Björgólfs hafa rýrnað
síðustu mánuði. „Það er alveg ljóst
að það er engin skiptimynt,“ hafði
einn þeirra á orði. Annar sagði ljóst að
Björgólfur væri orðinn verulega að-
þrengdur. Staða hans væri orðin virki-
lega erfið. Það þyrfti ekki annað en að
líta á rýrnun hans stærstu eigna til að
sjá það. Gengi á bréfum í Eimskipum
hafa fallið um 90 prósent frá áramót-
um og hefur aldrei verið lægra. Bréf-
in í Straumi-Burðarási hafa hrunið og
þá hefur gengi á bréfum í Landsbank-
anum lækkað um helming á einu ári.
Hann sagði einnig að í viðskiptaheim-
inum væru menn hættir að tala um að
hlutir séu einskis virði. „Nú er talað
um að hlutirnir séu Eimskips virði,“
sagði hann og bætti við: „Það færi þá
aldrei þó aldrei svo að Eimskip settu
Björgólf tvisvar á hausinn.“
Farið að síga í pyngjuna
Einn viðmælandi DV, sem þekkir
mjög vel til í fjármálaheiminum, sagði
að nú skipti hver króna máli. Líka hjá
Björgólfi. „Menn gátu tapað sex millj-
örðum fyrir hálfu ári, án þess að það
skipti nokkru máli. Nú gilda önn-
ur lögmál,“ sagði hann og bætti við
því að West Ham-ævintýrið reyndist
Björgólfi eflaust dýrkeypt nú. „Þeir
sem eiga ensk úrvalsdeildarfélög eru
mikið í sviðsljósinu. Sviðsljósið auð-
veldar þeim svo sannarlega ekki lífið
þegar svona árar,“ sagði hann.
Björgólfur á eins og áður sagði
þriðjungs hlut í Eimskipafélaginu.
Hann á 45 prósenta hlut í Landsbank-
anum og þriðjung í Straumi-Burðar-
ási. „Fjárhagsleg staða Landsbank-
ans er traust núna en hún verður það
ekki endalaust. Björgólfur kom Eim-
skipum og Landsbankanum til bjarg-
ar með því að kaupa upp 27 milljarða
króna kröfuna á Eimskip. Það er altal-
að að Björgólfur Thor hafi lagt út fyr-
ir þeirri upphæð,“ sagði einn viðmæl-
enda DV og bætti við að sá yngri væri
mun betur staddur en pabbi hans.
Ástæðan fyrir því væri sú að Björgólf-
ur Thor hefur verið að innleysa tölu-
verðan hagnað í sölu á hinum ýmsu
félögum undanfarið. Þar megi nefna
búlgarska símann auk annarra banka-
og farsímafélaga. Það væri þó farið að
síga vel í pyngjuna.
„Menn tala um að Björgólfur Thor
sé ekki alls kostar ánægður með það
hvernig komið er fyrir fjárfestingum á
Íslandi. Hann er einnig sagður þrýsta á
að hugað verði betur að rekstri Lands-
bankans,“ sagði viðmælandi DV sem
vinnur í fjármálageiranum. Hermt
er að átök séu á milli þeirra feðga
um sameiningu Straums-Burðaráss
og Landsbankans. Hermt er að sá
ágreiningur snúist um það hver muni
stjórna sameinuðum banka. Sagt er
að um þetta hafi skapað núning á
milli þeirra feðga.
Skin og skúrir
Björgólfur Guðmundsson fædd-
ist í Reykjavík 2. janúar 1941. Hann
lék knattspyrnu með KR á yngri árum
og lauk stúdentsprófi frá Verzlunar-
skóla Íslands 1961. Þar lét hann stað-
ar numið í námi en fjórum árum síð-
ar var hann orðinn framkvæmdastjóri
og eigandi Dósagerðarinnar hf. Staða
hans þar markaði upphaf á löngum
ferli hans í rekstri og stjórnun fyrir-
tækja. Björgólfur hefur upplifað ým-
islegt á sínum ferli. Þar á meðal er
fangelsisvist og dótturmissir en hann
hefur einnig hagnast mikið á liðnum
árum. Samkvæmt Forbez Magaz-
ine voru aðeins 1.013 menn ríkari en
hann í heiminum í byrjun árs.
Nú syrtir aftur í álinn því Björgólfur
hefur ekki farið varhluta af kreppunni
sem nú ríkir á fjármálamörkuðum.
Hann er þrátt fyrir það annar ríkasti
maður Íslands, aðeins sonur hans,
Björgólfur Thor, er ríkari.
Góður bakvörður
Kristinn Jónsson, fyrrverandi for-
maður KR, hefur þekkt Björgólf, eða
Bjögga, eins og hann er kallaður af
vinum sínum, frá því þeir léku sam-
an í yngri flokkum KR. „Bjöggi spil-
aði með okkur upp í annan flokk. Þá
hægði hann á sér en hann hefði get-
að orðið mjög góður bakvörður. Hann
las leikinn vel og var góður liðsmað-
ur,“ segir Kristinn. Hann segir þriðja
flokk KR frá árinu 1956 hafa bundist
sterkum böndum. „Þessi hópur hef-
ur hist nánast á hverju ári alla tíð.
Nærri öll þau 52 ár sem liðin eru frá
því við lékum saman,“ segir hann og
bætir við: „Þegar við hittumst er allt-
af eins og við höfum verið að hittast
í gær,“ segir Kristinn léttur í bragði.
Hann segir að þrátt fyrir að Björgólf-
ur hafi efnast mikið og dvalið löngum
stundum erlendis, hafi hann ekkert
breyst. „Bjöggi hefur aldrei vaxið frá
sínu umhverfi. Hann er ákaflega bón-
góður maður og ég veit fyrir víst að
hann hefur reynst mörgum mönnum
mjög vel.“
Gullfalleg vinkona
Björgólfur er kvæntur Margréti
Þóru Hallgrímsson. Hún er 11 árum
eldri en hann. Samband þeirra þyk-
ir einstaklega farsælt og gott. Sam-
an eiga þau Björgólf Thor en hún átti
fjögur börn frá fyrri samböndum. „Þau
Bjöggi og Þóra kynntust þegar við
vorum í Lídó. Við vissum að Björgólf-
ur átti þarna vinkonu í húsinu. Okkur
strákunum þótti hún gullfalleg,“ seg-
ir Kristinn og bætir við að Björgólfur
hafi strax gengið börnunum í föður-
stað. „Öll börnin kölluðu hann fljótt
pabba. Ég hreifst af því. Hann náði
ákaflega vel til þeirra og gerir engan
greinarmun á sínum dreng og börn-
um hennar,“ segir hann.
Gerir ekki mannamun
Kristinn segir Björgólf einstaklega
mannglöggan mann. „Bjöggi er mjög
vinmargur maður. Ástæðan fyrir því
er sú að hann gerir aldrei mannamun
á fólki. Hann er heilsandi á báða bóga
og allir bera honum vel söguna. Ég
skil stundum ekki hvernig hann fer að
því að þekkja og muna eftir jafnmörg-
um og raun ber vitni. Hann þekkir alla
og talar við alla, óháð stétt eða samfé-
lagsstöðu.“
Vart verður deilt um að Björgólf-
ur er glæsilegur maður. Hann kem-
ur ætíð vel fyrir og er snyrtilegur til
fara. Kristinn segir að hann sé þó
fjarri því stífur maður. „Hann er mjög
BALDUR GUÐMUNDSSON
blaðamaður skrifar baldur@dv.is
Lífróður
BjörgóLfs
Skrautlegt lífshlaup manns-
ins sem missti Hafskip í
gjaldþrot og hlaut fang-
elsisdóm. Byrjaði aftur
með tvær hendur tómar.
Fór í útrás til Rúss-
lands og stofnaði bjór-
verksmiðju eftir að
hafa hætt að drekka
sjálfur. Sneri vellauðug-
ur heim frá Rússlandi
og kom sem storm-
sveipur inn í ís-
lenskt viðskiptalíf.
Hann keypti Lands-
bankann, Eimskip og
West Ham og gerðist
velgjörðarmaður lista og
menningar. Björgólfur Guð-
mundsson, stjórnarformað-
ur Landsbankans, berst nú
fyrir lífi Eimskips með kímni-
gáfu og persónutöfra að vopni.
NÆrMYND