Dagblaðið Vísir - DV - 19.09.2008, Blaðsíða 35

DV Helgarblað föstudagur 19. september 2008 35
Stórkostlegt hlutverk
Fyrir rúmum áratug skildu leiðir
Heiðars og konunnar í lífi hans eftir
margra ára hjónaband. Saman eiga
þau þrjú uppkomin börn. Það lifnar
yfir andliti hans þegar hann byrjar að
tala um þau. „Ég er einstaklega stolt-
ur af börnunum mínum. Þau hafa
öll komið sér vel fyrir í lífinu og lát-
ið drauma sína rætast.“ Eldri dóttir
Heiðars, sem búsett er í Bandaríkj-
unum, gerði Heiðar nýlega að afa en
fyrir átti hann tvö stjúpafabörn.
„Mér líður stórkostlega í afahlut-
verkinu.“ Því til staðfestingar seg-
ir hann mér sögur af barnabarninu
sínu og sameiginlegum áhugamál-
um þeirra. „Hún er mikill fagurkeri
eins og afi hennar og saman deilum
við áhuga á fallegum fötum og snyrti-
vörum. Sem dæmi er ég eini maður-
inn sem má velja á hana jólafötin,
hún treystir afa best,“ segir Heiðar
stoltur.
Spurður um samskipti sín við fyrr-
verandi konuna sína segir hann þau
einstök. „Við erum miklir vinir og svo
erum við auðvitað amma og afi sam-
an, því má ekki gleyma. Ætli við eig-
um ekki eftir að hugsa um hvort ann-
að á elliheimilinu,“ segir Heiðar. En
hefur amor hitt Heiðar á ný? „Ég er
alltaf að kenna fólki að daðra og lifa
lífinu og vissulega geri ég það, en ást-
in í mínu lífi er fjölskyldan mín. Ætli
ég sé ekki bara svona gamaldags,“
segir Heiðar og heldur áfram að út-
skýra orð sín. „Ég er bara þessi einn-
ar konu maður. Ég átti stórkostlega
konu og ég myndi ekki bjóða neinni
konu upp á samanburðinn.“
Röð áfalla
Þó svo að Heiðar sé umvafinn
fegurð hefur lífið ekki alltaf verið
dans á rósum. Heiðar fór úr af spor-
inu um stund eins og þjóðinni ætti
að vera kunnugt um. Segja má að
hann hafi verið fyrsta fórnarlamb
internetsins. Honum var sýnd lít-
il miskunn í fjölmiðlum og kjafta-
sögurnar náðu hámarki. „Eigum við
ekki að segja að ég hafi hagað mér
eins og fífl og borgað fyrir það. Ann-
ars er þessi tími þurrkaður út í mín-
um huga.“
Þetta voru því miður ekki einu
erfiðleikarnir sem Heiðar upplifði
á þessum tíma því um röð áfalla var
að ræða. „Ég missti tvo ástvini og
varð gjaldþrota á stuttum tíma og
þegar maður lendir í svona miklum
erfiðleikum gleymir maður þeim
einfaldlega.“
Heiðar er fljótur að snúa um-
ræðunni á jákvæðari nótur og segir
eins og og þroskuðum og lífsreynd-
um manni sæmir: „Það sem mað-
ur missir á svona tímum, hvort sem
það eru vinir, tilfinningar eða pen-
ingar, kemur í öðru og betra formi til
baka.“ Þeir sem voru næst Heiðari á
þessum tíma sögðu honum síðar að
hann hefði breyst mikið eftir þessar
raunir. „Ég gerði mér ekki grein fyrir
því þá en ætli þetta hafi ekki hreyft
aðeins við manni.“
Eftir að hafa spjallað um erfið-
leikana og gjaldþrotið berst tal okk-
ar nú ósjálfrátt að kreppunni. „Ég
hef farið í gegnum þrjár kreppur,
þær kenna okkur bara að kyngja
stoltinu og taka strætó. Sumir hafa
bara gott af því að upplifa kreppu þó
svo að hún hafi vissulega slæm áhrif
á marga.“ Aðspurður hvernig krepp-
an þessi komi við hann sjálfan seg-
ist hann í góðum málum að þessu
sinni. „Ég finn ekki fyrir henni,“ seg-
ir Heiðar og glottir. „Ég er heppnasti
karl í heimi. Núna á ég ekki neitt og
þarf þar af leiðandi ekkert að óttast,“
segir hann og hlær.
Brjálað að gera
Þrátt fyrir að vera orðinn sex-
tugur, þroskaðri og hamingjusam-
ari en nokkru sinni virðist eitt aldrei
breytast í lífi Heiðars. Hann vinnur
myrkranna á milli. Það tístir í hon-
um þegar hann fer að segja mér frá
dagskránni þennan veturinn. Til að
byrja með eru það háloftin en Heið-
ar hefur starfað sem flugþjónn hjá
Iceland Express um nokkurra ára
skeið. Reyndar eru flugfreyjurnar og
flugþjónarnir þar nýbúin að taka á
sig töluvert minna starfshlutfall til
þess eins að halda vinnunni. „Ég er
meira svona til taks þegar það koma
upp flug eins og staðan er núna. Það
hentar mér reyndar vel þar sem ég
er í svo mörgu öðru.“
Þegar Heiðar er ekki fljúgandi
um loftin blá kynnir hann snyrti-
vörur fyrir snyrtivörufyrirtækið For-
val en þar hefur hann starfað með
hléum í ein tíu ár. Þess á milli skrif-
ar hann greinar inn á vefinn brud-
urin.is en hefur reyndar á orði að
það starf hafi orðið svolítið út und-
an undanfarið en að það standi nú
allt til bóta. Svo er það Kvennaljóm-
inn, veislustjórnunin, framkomu-
námskeiðin og loks huglægu nám-
skeiðin. Heiðar lætur þetta hljóma
eins og eitthvert smotterí. Inntur
eftir nánari lýsingu á huglægu nám-
skeiðunum sínum segist Heiðar alla
tíð hafa verið næmur.
„Ég hef alltaf séð og heyrt og átt
mjög auðvelt með að opna mig fyrir
vini og kunningja. Ég hef hins vegar
alltaf haldið þessu til hliðar því hug-
myndin „Heiðar“ er kannski svolít-
il fígúra og fólk kaupir það ekki svo
auðveldlega að ég búi yfir hæfileik-
um sem þessum. Þar af leiðandi hef
ég fundið leið til að gera huglægu
hlutina á léttu nótunum.
Ég hef einstaklega gaman af því
að kynna þessa hluti fyrir fólki með
enga reynslu. Ég hef oft fengið að
heyra frá fólki að það hafi haft svo
gaman af námskeiðunum að það
hafi í kjölfarið farið í fyrsta skiptið til
miðils,“ en sjálfur hefur Heiðar unnið
mikið með miðlum í gegnum árin.
„Ég er óhræddur og hef alla tíð
dembt mér út í hlutina. Stundum
hefur það vissulega komið mér í koll
en stundum látið drauma mína ræt-
ast. Það fyrsta sem ég ætla einmitt að
spyrja hann að þarna uppi er hvort ég
hafi virkilega verið hugrakkur eða bara
heimskur,“ segir Heiðar einlægur.
Kvennaljóminn
Kvennaljóminn er einnig verk-
efni sem er Heiðari ofarlega í huga
þessa dagana en hann mun sjá um
veislustjórn á þessum stóra viðburði
sem haldinn verður á Hótel Geysi 27.
september. Til stóð að halda Kvenna-
ljómann síðastliðið sumar en eins og
þjóðinni er eflaust enn í fersku minni
reið yfir sterkur jarðskjálfti á Suður-
landinu.
„Aðstandendur Kvennaljómans
áttu margir hverjir um sárt að binda
eftir skjálftann. Mikið tjón varð bæði
á heimilum sem og snyrtistofum og
verslunum sem ætluðu að taka þátt
í kvennakvöldinu. Þarna geta kon-
ur komið og horft á hverja tískusýn-
inguna á fætur annarri. Kynnt sér
frábæra þjónustu á ýmsum sviðum,
verslað og notið drykkja og matar í
góðum félagsskap annarra kvenna.
Við hlökkum til að takast á við þetta
spennandi verkefni.“
Ógeðslegur sveitakarl
Þegar Heiðar er ekki vinnandi
maður nýtur hann þess að glugga í
góðar bækur ásamt því að sinna fjöl-
skyldunni og trúnni. Hann ferðast
mikið, en það hefur alltaf verið hans
helsta áhugamál.
Honum líður vel á Íslandi þó svo
að það hafi ekki alltaf verið þannig.
„Við erum sem betur fer alltaf að fær-
ast nær alheiminum. Þessi einangr-
un sem við bjuggum svo lengi við
gerði okkur hörð. Við erum öll að
mýkjast og læra að sýna tilfinningar
okkar án þess að hafa áhyggjur af því
hvað náunganum finnst.
Ég virka ekki nærri því jafnskrít-
inn í dag og ég virkaði fyrir nokkrum
árum. Nú get ég grátið í kirkjum án
þess að fólk haldi að ég sé eitthvað
ruglaður. Ég fann mig einstaklega
vel á Ítalíu þar sem ég bjó um tíma
vegna þess hve opnir og tilfinninga-
ríkir þeir eru. Þar fékk ég að vera
ég sjálfur í allri minni dýrð,“ segir
heimsborgarinn Heiðar.
Í framtíðinni dreymir Heiðar um
að eyða meiri tíma á Krossum á Snæ-
fellsnesi í húsi sem hefur verið í eigu
fjölskyldunnar frá því um miðja nítj-
ándu öld. Húsið er ellefu kílómetra
frá nokkurri byggð og það getur verið
erfitt að komast þangað á veturna.
„Þarna verð ég ógeðslegur sveita-
karl, klæðist þrjátíu ára gömlum
fatnaði sem varla hefur snert sápu-
vatn. Mér líður hvergi betur.“
Við látum þetta verða lokaorðin
í einlægu spjalli okkar og ákveðum
að halda út í daginn á ný. Það hefur
verið gaman að fylgjast með öllum
forvitnu andlitunum sem fylgst hafa
með Heiðari á meðan á spjalli okkar
stóð. Einnig hafa þó nokkrir komið
og heilsað upp á snyrtinn vinsæla.
Við erum á þéttsetnum veitinga-
stað í bænum og Heiðar virðist þekkja
marga gesti staðarins sem flestir eru
kvenfólk. Ég geng út ásamt þessum
lífsreynda og þekkta fagurkera. Hann
kveður eins og stjörnu sæmir, bæði
mig og allar hinar konurnar.
Glæsileg fyrisæta
Heiðar byrjaði
ungur að árum að
sitja fyrir.
Krossar á Snæfellsnesi Heiðar dreymir
um að eyða meiri tíma á fjölskyldusetrinu
Krossum á snæfellsnesi en að eigin sögn
líður honum hvergi betur.
Stoltur afi „Þetta er hún
tori litla hans afa,“ segir
Heiðar, stoltur afi.
Í íslenska lopanum
Heiðar sýnir íslenska lopann.