Dagblaðið Vísir - DV - 19.09.2008, Blaðsíða 25

FÖSTUDAGUR 19. SEPTEMBER 2008 25Fókus
Hvað er að
GERAST?
Á sunnudaginn verður sleg-
ið upp veislu í Þjóðleikhúsinu þar
sem leikarar stíga á svið ásamt
fjölda tónlistarmanna og dansara-
efna og flytja brot úr verkum Atla
Heimis Sveinssonar tónskálds.
Herlegheitin fara fram í tilefni af
70 ára afmæli Atla en flutt verða
brot úr verkunum Ég er gull og
gersemi, Landi míns föður, Ofvit-
anum, Mýrarljósi, Sjálfstæðu fólki
og Dimmalimm.
„Leikhústónlist Atla Heimis
samanstendur af litlum perlum,
„eyrna-ormum“ sem skreyta kveð-
skap sem á sér djúpar rætur í þjóð-
arsálinni. Þær eru orðnar margar
og nær væri að tala um perlufesti,“
segir Edda Heiðrún Bachman sem
er dagskrárstjóri á sunnudag.
Meðal flytjenda verða Baldur
Trausti Hreinsson, Egill Ólafsson,
Esther Talía Casey, Herdís Þor-
valdsdóttir, Ívar Helgason, Ragn-
heiður Steindórsdóttir, Selma
Björnsdóttir, Valur Freyr Einars-
son, Vigdís Hrefna Pálsdóttir og
Þórunn Lárusdóttir. Börn úr Grad-
uale futuri og kór Kórskóla Lang-
holtskirkju syngja undir stjórn
Bryndísar Baldvinsdóttur og
Hörpu Harðardóttur og Þorgerð-
ur Ingólfsdóttir stýrir Hamrahlíð-
arkórnum.
Þjóðleikhúsið fagnar 70 ára afmæli Atla Heimis Sveinssonar tónskálds:
LEikhúSPERLUR ATLA
föstudagur
n Sign á Amsterdam
húsið opnað klukkan 22.00 og kostar 1000
krónur inn. Aldurstakmark er 20 ár og
hljómsveitin Endless Dark kemur einnig
fram sem og sérstakur leynigestur.
n Frumsýning í Óperunni
Óperurnar Cavalleria Rusticana og
Pagliacci verða frumsýndar í kvöld í
Íslensku óperunni. Þetta er í fyrsta sinn
sem þessar tvær óperur eru sýndar saman
þar en það er kristján Jóhannsson sem fer
með aðalhlutverkið.
n Ljósmyndasýning
í Týnda hestinum
Fjórir íslenskir og einn bandarískur
ljósmyndari standa að samsýningu í The
Lost horse Gallery. Sýning sem veitir góða
innsýn inn í fjölbreytt landslag samtíma-
ljósmyndunar.
n South River Band á Grand Rokk
hljómsveitin South River Band ætlar að
taka tónleikana upp og gefa út á DVD.
Sérstakur gestur er Ásgeir Óskarsson á
slagverk.
n Opnun í Kirsuberjartrénu
Gegga eða helga Birgisdóttir opnar
sýninguna Nýtt líf frá Japan í herbergi
kirsuberjatrésins Vesturgötu 4 föstudaginn
19. september klukkan 17.00. Þar sýnir hún
meðal annars skúlptúra er hún gerði í
Japan síðastliðinn vetur.
laugardagur
n SSSól og Reiðmenn vindanna á
NASA
helgi Björns og félagar halda heljarinnar
tónleika á NASA. helgi stígur því á svið
með SSSól og svo Reiðmönnum vindanna
sem spila með kappanum á nýjustu plötu
hans. Miðaverð er 1500 krónur og húsið
opnað klukkan 00.00.
n Purrkur Pillnikk heiðraður á Bar 11
Þetta er í annað skipti sem haldnir eru
heiðurstónleikar fyrir Purrk Pillnikk á Bar
11. Tónleikarnir byrja klukkan 23.00 og
Nögl hitar upp. Ekkert kostar inn.
n Trukkakvöld á Players
hljómsveitin Sixties heldur uppi fjörinu á
trukkakvöldi Dóra tjakks á Players fram
eftir nóttu. Það er frítt inn til klukkan 22.00
en eftir það kostar 1000 krónur.
n Dirty Night á Sjallanum
Agent.is stendur fyrir svokölluðu Dirty
Night á Sjallanum á Akureyri. Fram koma
Dj Óli Geir og Dj A Ramirez. Undirfatasýn-
ing og erótísk stemning.
n Deluxxx á Prikinu
hip-hop-prinsinn Danni Deluxxx heldur
uppi fjörinu á Prikinu. Eftir góða og trausta
upphitun stígur Danni á svið á slaginu tólf.
STAR WARS:
THe FORce UNLeASHeD
Þeir sem fíla
þriðju persónu
ævintýraleiki
ættu að kaupa
sér eintak.
m
æ
li
r
m
eð
...
FýSN
Þríleikir eru
í tísku og
þessi
kemur
nokkuð
sterkur inn.
þRíR
FRAKKAR
Notalegt og
afslappað
andrúmsloft,
góður matur og
góð þjónusta.
STeP BROTHeRS
Ásamt Tropic
Thunder
bjargar hún á
síðustu stundu
annars ófyndnu bíósumri frá
algerri niðurlægingu.
m
æ
li
r
eK
Ki
m
eð
...
jOURNey 3D
Aníta Briem
stendur sig vel
en annað er
ekki jafngott.
FAceBReAKeR
Ekki boxleikur
frekar en
Madden.
Atli Heimir Sveinsson
hefur samið ótal lög sem eru
Íslendingum góðkunn.
jónas Ingimundarson hefur starfað sem píanóleikari, tónlistar-
kennari og kórstjóri í hátt í hálfa öld. Í samtali við Kristján Hrafn
Guðmundsson segir hann meðal annars frá tíu ára starfsafmæli
Salarins og hvernig hann hefur reynt að brjóta niður ímyndaða
múra milli flytjenda klassískrar tónlistar og áheyrenda.
ir öflugu tónlistarkynningarstarfi í
tengslum við tónleikahald sitt. Þar
á meðal er röð sem hann kallar Við
slaghörpuna og stefnan er að fari
fram annan þriðjudag hvers mánað-
ar í Salnum í vetur. Þar tekur hann til
skoðunar verk meistaranna og veltir
tónlistinni fyrir sér.
Blaðamanni leikur forvitni á að
vita hvort andrúmsloftið á slíkum
tónleikum sé öðruvísi en á „venju-
legum“ tónleikum, ef svo má segja,
þar sem klassíkin er í fyrirrúmi.
„Já, það er það. Fyrir mig mun-
ar reyndar ekki miklu að öðru leyti
en því að þetta er aukavinna, sem
stundum getur verið íþyngjandi en
er alltaf skemmtileg. En ég held að
aðalmálið sé að þetta brýtur niður
ímyndaðan múr á milli flytjandans
og hlustandans. Ég er ekki að opin-
bera neinn stóra sannleik. Ég einung-
is velti vöngum og vek upp spurning-
ar því ef þú vilt læra um sónötur, eða
um það að spila á hljóðfæri eða að
syngja, þá þarftu að innrita þig í tón-
listarskóla. Það er meira mál en það
að þú getir lært það í bréfaskóla eða
í nokkrum fyrirlestrum. En ef ég kem
þér sem einstaklingi í nánari snert-
ingu við músíkina, eingöngu með
því að segja nokkur orð, þá er ég ekki
of góður til þess að gera það. Og það
virðist sem fólk hafi gaman af því.“
Lög ekki „um neitt“
Jónas bætir við að á þessum tón-
listarkynningum verði hann að tala
mikið í spurningum og líkingum
vegna þess að ekki sé hægt að full-
yrða að „þetta“ sé bara „þetta“ eða
„hitt“ í tónlist. „Þá væri ég að smíða
handa þér einhverja mynd og gæti
með því eyðilagt fyrir þér allar tón-
bókmenntirnar. Með því að segja að
þessi þáttur tákni þetta og hinn þátt-
urinn hitt, þá gæti það orðið til þess
að þú framkallaðir alltaf einhverja
mynd í huga þér í hvert sinn sem þú
hlustaðir á verkið. Það væri skelfi-
legt. En það er ekki auðvelt að tala
um þetta nema hafa tóndæmin með
til þess að þú skiljir hvað ég eigi við.“
Í þessu samhengi bendir Jónas á
að mjög algengt sé nú til dags að sagt
sé í fjölmiðlum „lagið er um“ eða
hann eða hún samdi „lag um þetta“.
Þetta sé rangt. „Lög eru ekki um
neitt. Það eru textarnir sem eru um
eitthvað. Þetta er mjög misvísandi.“
Jónas nefnir líka sem dæmi tónlist í
kvikmyndum. Músík sem geti talist
prýðilegur fylginautur við lest sem
brunar á fullri ferð í gegnum þéttbýli
sé vísast ekki heppileg til að svæfa
barn. Ljóst ætti því að vera að margir
fletir séu á tónlistinni.
„En ég óttast svolítið hávaðann
í samfélaginu,“ segir Jónas og gerir
málhvíld. „Allir eru með tölvu fyrir
framan sig og útvarpið yfir sér allan
daginn. Það út af fyrir sig er ekkert
hættulegt, en það slævir hæfileik-
ann til að hlusta meðvitað. Að hlusta
kreatíft. Það er nefnilega hægt að
hlusta kreatíft. Það má ekki ræna fólk
upplifuninni af því að njóta. Sigur-
björn Einarsson biskup sagði ein-
hvern tímann í ræðustól í Skálholti
að sú tónlist ein eigi rétt á sér sem er
betri en þögnin sem hún eyðileggur.
Þetta er dálítið skarpt og mjög stór
sannleikskjarni í þessu. En að þessu
sögðu á ég ekki við að þér þurfi að
líka það sem mér líkar. Upplifunin
verður vitanlega alltaf prívat.“
þögn fjölmiðla
Talið berst að stöðu menningar á
Íslandi og þá fyrst og fremst umfjöll-
un um hana í fjölmiðlum. Jónas seg-
ist alls ekki vilja hljóma eins og nöld-
randi kall, hvað þá nöldrandi kall í
Kópavogi, en segir að sitt mat sé að
menningin fái alltof lítið pláss í ljós-
vaka- og prentmiðlum landsins.
„Ætli við eigum ekki til að mynda
hátt í fjörutíu söngvara sem starfa
núna í óperuhúsum erlendis, en við
vitum í rauninni ekkert hvar þeir eru
eða hvað þeir eru að gera. Ég veit þó
það til dæmis að Ólafur Kjartan Sig-
urðarson hefur verið að syngja sum-
ar eftir sumar með óperukompaníi í
Bretlandi þar sem hann hefur oftar
en einu sinni verið valinn karlsöngv-
ari ársins af áhorfendum. Það veit
enginn af því hér. Og hvar er hann
núna? Veit það einhver? Ef einhver
fótboltamaður skiptir um lið, hvort
sem það er á Íslandi eða erlendis, þá
kemst maður ekki hjá því að vita af
því. Og við vitum líka hvað hann er
hár og þungur og hvort hann er með
slitið liðband einhvers staðar,“ segir
Jónas.
Og hann heldur áfram. „Við eig-
um flautuleikara í Bilbao á Spáni,
við eigum fiðluleikara sem stundum
er konsertmeistari í Köln, við eigum
frábæran kontrabassaleikara í Stokk-
hólms-fílharmóníunni - hver veit af
þessu fólki?“ spyr Jónas og setur lít-
illega í brýnnar. Spurningin verð-
ur retorísk vegna hiks blaðamanns
því Jónas svarar sjálfur. „Við heyrum
ekkert af því.“ Að sögn Jónasar eig-
um við líka fullt af ungu tónlistarfólki
sem ýmist kemst langt í hinum ýmsu
samkeppnum í útlöndum eða hrein-
lega vinnur þær. En ekkert heyrist
af því í íslenskum fjölmiðlum. „Eru
þetta ekki fréttir?“
Jónas nefnir líka Diddú, sem hefur
verið að syngja í fjölmörgum löndum
undanfarna mánuði og ár, og Kristin
Sigmundsson óperusöngvara sem
Jónas hefur átt afar farsælt samstarf
við í gegnum árin. „Hvar er hann
núna? Þegar hann kom hingað síðast
var hann að koma frá Metropolitan.
Hvað var hann að gera þar? Það veit
enginn um það.“
Átroðningur og púðurtunna
Blaðamaður viðurkennir fúslega
að hann hafi ekki svörin við þessum
spurningum. En í máttlausri tilraun
til að halda uppi að minnsta kosti
einhverjum vörnum fyrir sína stétt
spyr hann á móti hvort tónlistarfólk-
ið og aðrir í klassíska tónlistargeiran-
um hér á landi séu nógu duglegir við
að koma þessum tíðindum og upp-
lýsingum á framfæri. Ekki stendur á
svarinu.
„Ég fæ það á tilfinninguna að ef
maður hringir, þá sé eins og maður
sé að troða þessu að. En þetta ætti að
vera kveikiþráður. Púðurtunna.“
Jónas segist reyndar sjálfur
hringja sjaldan inn á fjölmiðla í þess-
um erindagjörðum. „Ég er orðinn
svo gamall,“ segir hann og kímir. „En
ég veit að margir kvarta undan þessu.
Svörin eru að það séu svo margir sem
óski eftir umfjöllun, plássið sé lítið og
fleira í þeim dúr.“
Spjallið heldur lengi áfram sem of
langt mál væri að segja frá hér. Pláss-
ið er líka svo lítið og tíminn einnig
knappur þannig að spurningar og
vangaveltur Jónasar þurftu ekki að
bíða lengi eftir sannleiksvottorðinu.
kristjanh@dv.is
jónas Ingimundarson
„Ef einhver fótboltamaður skiptir
um lið, hvort sem það er á Íslandi
eða erlendis, þá kemst maður
ekki hjá því að vita af því. Og við
vitum líka hvað hann er hár og
þungur og hvort hann er með
slitið liðband einhvers staðar.“
MyND RAKeL ÓSK
Á kunnuglegum stað
Jónas hefur spilað á
tónleikum í hátt í hálfa öld.
MyND RAKeL ÓSK
Ekki nöldrandi
Kall í Kópavogi