Fréttablaðið - 12.12.2014, Qupperneq 24

12. desember 2014 FÖSTUDAGUR| FRÉTTIR | 22
SJÁVARÚTVEGUR Togari HB Granda, Þerney RE, er á
stími á heimamið eftir ágæta veiðiferð innan rúss-
nesku lögsögunnar í Barentshafi. Þar fengust alls
um 655 tonn af fiski upp úr sjó á rúmlega tveimur
vikum, eða nærri 50 tonn á sólarhring.
Að sögn Sigurgeirs Jóhannssonar, fyrsta stýri-
manns, er sex daga sigling á miðin í Barentshafi,
á svokallaðan Gæsabanka þar sem aflinn var að
mestu tekinn. Sigurgeir segir veðurlag hafa verið
skaplegt; mest kaldafýla en þó aldrei neitt sem
hamlaði veiðum.
Að sögn Sigurgeirs í viðtali við heimasíðu HB
Granda var uppistaðan í aflanum góður þorskur af
millistærð og þaðan af stærri.
Um 30 tonn eru af öðrum tegundum, mest grá-
lúðu og nokkur tonn af ýsu. Annars hlýri og skráp-
flúra, segir Sigurgeir en að hans sögn var Þerney
eina íslenska skipið sem var að veiðum í rússnesku
lögsögunni. Á veiðislóðinni voru hins vegar nokkur
rússnesk skip, þrír færeyskir togarar og tveir græn-
lenskir á leiðinni þegar heim var haldið. - shá
Þerney RE fékk 655 tonn af góðfiski á hálfum mánuði í Barentshafi:
Einn í þorskmoki við Rússland
ÞERNEY Búnir í Barentshafi og klára túrinn á heimamiðum.
MYND/HBGRANDI
NORÐURÞING Stjórn Framsýnar,
stéttarfélags, telur skorta fjár-
magn til viðhalds og rekstrar
Húsavíkurflugvallar. Í ályktun
frá félaginu kemur fram að flug-
völlurinn sé mikilvægur öllum
þeim sem leið eiga um hann, ekki
síst ferðaþjónustunni. Árið 2012
fóru rúm sex þúsund um völlinn
og áætlað er að fjöldinn í ár verði
um 11 þúsund. Framsýn fagn-
ar því að flugvöllurinn sé meira
nýttur, það skipti miklu fyrir
samfélagið í Þingeyjarsýslum. - sa
Húsavíkurflugvöllur nauðsyn:
Vantar fjármagn
til rekstrarins
SJÁVARÚTVEGUR Smábátasjómenn
á Flateyri hafa sent Byggðastofn-
un bréf þar sem þeir óska eftir
samstarfi um úthlutun sérstaks
byggðakvóta til vinnslu í byggðar-
laginu. Formaður íbúasamtakanna
á Flateyri vonast eftir breiðri sam-
stöðu um veiðar og vinnslu, Flat-
eyri til heilla.
Forsaga málsins er að Arctic
Oddi hætti bolfiskvinnslu á Flat-
eyri. Fyrirtækið var með samn-
ing um sértækan byggðakvóta
frá Byggðastofnun og hefur hann
verið auglýstur samkvæmt lögum.
Smábátasjómenn eru hræddir um
að sértæki byggðakvótinn gæti
sett staðbundna útgerð í ákveðna
óvissu.
Guðmundur Björgvinsson, for-
maður íbúasamtaka Flateyrar,
vonar að samvinna aðila á svæð-
inu geti styrkt búsetuskilyrði
íbúa og tryggt atvinnuöryggi á
staðnum. „Markmið Byggðastofn-
unar er að tryggja vinnslu á Flat-
eyri og efla þannig byggðina. Því
skiptir það miklu máli að breið
sátt náist meðal allra aðila sem
sinna veiðum frá Flateyri að vera
ekki útundan,“ segir Guðmundur.
Hann telur einnig hættulegt ef
eitt fyrirtæki verði of ráðandi í
litlu sveitar félagi. „Að mínu mati
er þessi sértæki byggðakvóti, sem
Byggðastofnun gerir samning
um við fyrir tæki, að sanna sig,
að hann geti skipt sköpum fyrir
smærri byggðalög. Við þurfum
bara að tryggja að sú staða komi
ekki upp að aðeins eitt fyrirtæki
geti staðið í útgerð á svæðinu.“ - sa
Formaður íbúasamtaka á Flateyri vonar að allir aðilar útgerðar á Flateyri taki höndum saman:
Uggandi yfir atvinnuástandi á Flateyri
FRÁ FLATEYRI Byggðastofnun hefur
auglýst samstarf um 300 tonna sértæk-
an byggðakvóta.
HONG KONG, AP Lögreglan í Hong
Kong lokaði í gær stærstu búðum
mótmælenda í Admiralty-hverf-
inu. Lögreglan, vopnuð keðju-
sögum, vírklippum og vinnuvél-
um, fjarlægði vegartálma og reif
niður tjaldbúðir og borða sem
mótmælendur höfðu komið upp.
Yfir tvö hundruð mótmælendur
voru handteknir í aðgerðunum.
Fjöldi þekktra einstaklinga
var handtekinn í mótmælunum.
Þeirra á meðal var fjölmiðla-
mógúllinn Jimmy Lai, Martin
Lee, stofnandi Lýðræðisflokks-
ins sem er í stjórnarandstöðu í
Hong Kong, og Nathan Law, leið-
togi stúdenta.
Mótmælin hófust í lok septem-
ber eftir að gefið var út að fram-
bjóðendur í kosningum um æðsta
embætti Hong Kong árið 2017
þyrftu samþykki stjórnvalda í
Kína til að bjóða sig fram. Í upp-
hafi mótmælanna komu tugir þús-
unda saman á götum Hong Kong
til að krefjast frjálsra kosninga
og aukins lýðræðis. Talsvert hafði
fækkað í hópi mótmælenda á und-
anförnum vikum. Að stórum hluta
var það vegna þess hve litlum
árangri mótmælin höfðu skilað,
samkvæmt frétt BBC.
Aðgerðir lögreglunnar hófust í
gærmorgun þegar mótmælendum
var gefinn þrjátíu mínútna frestur
til þess að yfirgefa tjaldbúðirnar.
Nokkur hundruð manns hlýddu
fyrirmælunum en hópur mótmæl-
enda sat sem fastast. Í kjölfarið
lét lögregla til skarar skríða og
dró mótmælendurna í burtu einn
af öðrum.
Mótmælendur hyggjast ekki
láta sitt eftir liggja þrátt fyrir að
búið sé að loka búðunum og hétu
því að halda áfram borgaralegri
óhlýðni eftir öðrum leiðum til að
knýja á um lýðræðisumbætur.
Alex Chow, einn leiðtogi stúdenta,
sem var handtekinn í gær sagði að
mótmælendur myndu snúa aftur
af meiri krafti en nokkru sinni
áður.
Aðgerðir lögreglu í gær komu
í kjölfar dómsúrskurðar. Rútu-
fyrirtæki í borginni fór fram á
úrskurðinn vegna þess hve nei-
kvæð áhrif búðirnar höfðu á
rekstur fyrirtækisins.
Lögreglan lokaði öðrum tjald-
búðum mótmælenda í verka-
mannahverfinu Mong Kok í lok
nóvember. Þá urðu hörð átök milli
mótmælenda og lögreglu þar sem
um 160 manns voru handteknir.
Einu búðirnar sem eftir standa
eru í Causeway Bay en talið er að
um 20 mótmælendur hafist þar
við. Löreglan hefur gefið út að
búðunum verði lokað bráðlega.
ingvar@frettabladid.is
Búðum mótmælenda
í Hong Kong lokað
Lögreglan í Hong Kong lét til skarar skríða gegn mótmælendum í gær og reif
niður stærstu tjaldbúðir þeirra og handtók yfir 200 manns. Mótmælendur, sem
hefur fækkað verulega á undanförnum vikum, krefjast lýðræðisumbóta.
HANDTEKINN
Lögreglumenn
drógu þingmann-
inn og lýðræðis-
sinnann Leung
Kwok-Hung burt í
járnum í gær.
NORDICPHOTOS/AFP