Fréttablaðið - 27.12.2014, Qupperneq 80

27. desember 2014 LAUGARDAGUR| SPORT | 48SPORT
ÚRSLIT
ENSKA ÚRVALSDEILDIN
CHELSEA - WEST HAM 2-0
1-0 John Terry (31.), 2-0 Diego Costa (62.).
BURNLEY - LIVERPOOL 0-1
0-1 Raheem Sterling (63.).
WBA - MAN. CITY 1-3
0-1 Fernando (8.), 0-2 Yaya Touré (13., víti), 0-3
David Silva (34.), 1-3 Brown Ideye (86.).
MAN. UTD - NEWCASTLE 3-1
1-0 Wayne Rooney (23.), 2-0 Wayne Rooney
(36.), 3-0 Robin van Persie (53.). 3-1 Papiss Cissé
(86., víti).
SWANSEA - ASTON VILLA 1-0
1-0 Gylfi Þór Sigurðsson (13.).
LEICESTER - TOTTENHAM 1-2
0-1 Harry Kane (2.), 1-1 Leonardo Ulloa (49.), 1-2
Christian Eriksen (72.).
C. PALACE - SOUTHAMPTON 1-3
0-2 Sadio Mané (17.), 0-2 Ryan Bertrand (48.),
0-3 Toby Alderweireld (54.), 1-3 Scott Dann (83.).
EVERTON - STOKE 0-1
0-1 Bojan Krkic (38., víti).
SUNDERLAND - HULL 1-3
1-0 Adam Johnson (1.), 1-1 Gastón Ramírez (32.),
1-2 James Chester (51.), 1-3 Nikica Jelavic (90.).
ARSENAL - QPR 2-1
1-0 Alexis Sánchez (37.), 2-0 Tomás Rosický
(65.), 2-1 Charlie Austin (79., víti.).
STAÐAN
Chelsea 18 14 3 1 40-13 45
Man. City 18 13 3 2 39-15 42
Man. United 18 10 5 3 33-19 35
Southampton 18 10 2 6 31-14 32
West Ham 18 9 4 5 29-21 31
Arsenal 18 8 6 4 32-22 30
Tottenham 18 9 3 6 24-24 30
Swansea 18 8 4 6 23-19 28
Liverpool 18 7 4 7 22-24 25
Newcastle 18 6 5 7 19-26 23
Stoke City 18 6 4 8 19-23 22
Everton 18 5 6 7 27-28 21
Aston Villa 18 5 5 8 11-22 20
Sunderland 18 3 10 5 16-27 19
West Brom 18 4 5 9 18-26 17
QPR 18 5 2 11 21-34 17
Hull 18 3 7 8 18-25 16
Crystal Palace 18 3 6 9 20-30 15
Burnley 18 3 6 9 12-27 15
Leicester 18 2 4 12 16-31 10
KÖRFUBOLTI „Gleðilega hátíð,
sömuleiðis,“ svarar Haukur Helgi
Pálsson, landsliðsmaður í körfu-
bolta, blaðamanni á öðrum degi
jóla. Þessi öflugi kraftframherji
LF Basket í sænsku úrvalsdeild-
inni og íslenska landsliðsins var
ekki á milli hangikjötsdiska þegar
Fréttablaðið tók hann tali í gær
heldur var hann að ferðast aftur
heim til Luleå í Svíþjóð þar sem
hann spilar.
„Það var tíu daga leikjafrí þann-
ig að við fengum fimm daga til að
fara heim til okkar. Það var mjög
þægilegt og gott að fá að komast
heim loksins. Þetta eru fyrstu jólin
sem ég er á Íslandi í sex ár,“ segir
Haukur Helgi sem hefur eytt jól-
unum í Bandaríkjunum, þar sem
hann var í mennta- og háskóla, á
Ítalíu og Spáni undanfarin ár.
„Frá því ég fór út fyrst hef ég
ekki komist heim um jólin þann-
ig að það var frábært að vera með
mömmu og fjölskyldunni,“ segir
hann, en hvað fékk hann svo í jóla-
matinn; sú sígilda hátíðaspurning?
„Það var „beef wellington“. Bara
það besta þegar litli strákurinn
kemur heim,“ segir Haukur og
hlær við.
Sáttur við sinn leik
LF Basket, liðið sem Haukur
Helgi spilar með, er í sjötta sæti
sænsku úrvalsdeildarinnar með 20
stig eftir fimmtán leiki. Leiðin á
toppinn er þó ekki löng því aðeins
munar fjórum stigum á efsta liðinu
og LF. Haukur og félagar byrjuðu
brösuglega og unnu fimm af fyrstu
tíu leikjum sínum, en er nú búnir
að vinna fimm í röð.
„Við hentum frá okkur tveim-
ur leikjum sem við hefðum átt að
vinna þannig að staðan gæti verið
betri. En við erum komnir á gott
ról núna og stefnum á að vinna
næsta leik,“ segir Haukur, en þá
koma Drekarnir frá Sundsvall
í heimsókn. Þar innanborðs eru
fjórir íslenskir landsliðsmenn.
„Það er mjög gaman að spila
þá leiki þegar maður vinnur. Þá
er maður með montréttinn. Það
er ekki alveg jafn gaman þegar
maður tapar,“ segir hann.
Í heildina er Haukur Helgi
sáttur við sinn leik það sem af er
tímabilinu. „Ég verð að vera það.
Þjálfarinn vill samt að ég skjóti
meira, en ég er sáttur. Ég datt í
smá lægð í síðustu 3-4 leikjum þar
sem ég var ekki alveg nógu góður
en ég er allur að koma til og sjálfs-
traustið að aukast.“
Er vonandi stökkpallur
Þrátt fyrir að vera aðeins 22 ára
gamall er Haukur Helgi búinn að
prófa að spila í spænsku úrvals-
deildinni, bestu evrópsku deild-
inni, Hann spilaði með La Bruixa
d’Or Manresa fyrir tveimur árum,
en var svo lánaður til Breogan í
B-deildinni. Nú er hann kominn
til Svíþjóðar sem hann lítur á sem
eitt skref aftur á bak til að taka tvö
áfram.
„Þetta er skref aftur á bak fyrir
mig núna, en ég þurfti að komast
á stað þar sem ég fengi að spila
mikið og auka sjálfstraustið. Von-
andi verður þetta svo bara stökk-
pallur,“ segir Haukur Helgi, en
þjálfari liðsins er Peter Öqvist,
fyrrverandi landsliðsþjálfari
Íslands sem þekkir Hauk mjög vel.
„Hann var stór ástæða þess að
ég samdi við LF. Hann vissi alveg
hver ég var og svona og ég vissi
hvernig þjálfari hann er. Hann vill
að ég sé ákveðinn og reyni að setja
boltann í körfuna. Þetta er nefni-
lega ekkert svo flókið þegar öllu
er á botninn hvolft,“ segir Hauk-
ur sem vonast til að komast aftur í
stærri deild sem fyrst.
„Það væri hrikalega gaman en
maður veit aldrei hvað gerist. Ég
ætla bara að klára þetta tímabil
almennilega og sjá svo til.“
Dimmt í frostinu
Haukur Helgi býr í 50.000 manna
bæ sem heitir Luleå norðarlega
í Svíþjóð. Þar getur lífið verið
strembið yfir kalda vetrarmán-
uðina.
„Manni finnst þetta vera mjög
lítið. Það er ekki neitt þarna. Núna
bíður mín 20 gráða frost og í janú-
ar verður komið 40 gráða frost. Ég
held ég verði ekki mikið utandyra
þá; held mig bara inni með eldivið.
Þessi kuldi er alveg fáránlegur,“
segir Haukur Helgi.
„Það er líka hrikalega dimmt
þarna fyrir utan kuldann og lítið
að gera. Maður reynir bara að
hanga með strákunum til að gera
eitthvað. Ég er duglegur að fara á
kaffihús. Við strákarnir í liðinu
eigum okkar borð þarna. Við sitj-
um þar oft og grípum í spil. Það
var aðeins meira að gera á Spáni
og veðrið aðeins betra,“ segir
Haukur Helgi Pálsson. tomas@365.is
Íslensk jól í fyrsta sinn í 6 ár
Körfuknattleiksmaðurinn Haukur Helgi Pálsson gat eytt jólunum í faðmi fj ölskyldunnar á Íslandi. Tók eitt
skref aft ur á bak á ferlinum í von um að taka tvö skref áfram. Hefur það gott í 40 gráðu frosti í Svíþjóð.
HEIMA UM JÓLIN Haukur Helgi Pálsson dvaldi á Íslandi um jólin en hann er farinn aftur til Svíþjóðar þar sem hann mætir
Íslendingaliðinu Sundsvall Dragons í fyrsta leik eftir hátíðarnar 29. desember. FRÉTTABLAÐIÐ/DANÍEL
HANDBOLTI Eins og undanfarin ár þarf stór hluti handboltamanna landsins
að fara varlega í jólamatinn vegna Flugfélags Íslands-deildabikarsins sem fram
fer í Strandgötu um helgina. Þessi árlega tveggja daga handboltaveisla hefst í
Strandgötu á laugardaginn og úrslitaleikirnir fara fram á sunnudaginn.
Mikil endurnýjun er í karlaflokki þar sem þrjú lið sem ekki voru
með í fyrra keppa að þessu sinni. Haukar, ÍBV og Fram falla út og
inn koma Afturelding, ÍR og Valur, en eins og alltaf eru það fjögur
efstu liðin í Olís-deildum karla og kvenna sem fá þátttökurétt.
Hjá konunum kemur Fram inn fyrir Val en eins og í fyrra eru
Grótta, ÍBV og Stjarnan mætt til leiks, en Garðbæingar
eiga titil að verja. Hjá körlunum eru Haukar ríkjandi
meistarar.
Veislan hefst með tvíhöfða hjá konunum; Grótta og
Stjarnan mætast klukkan 12.00 og í beinu framhaldi eigast
við Fram og ÍBV. Karlarnir hefja leik klukkan 15.30 þegar
eigast við Valur og FH og klukkan 17.15 mætast ÍR og UMFA.
Handboltaveisla í Strandgötu
FÓTBOLTI „Þvílíkur fengur sem
Gylfi Þór Sigurðsson hefur verið
síðan hann kom aftur til Swansea,“
sagði Kevin Kilbane, knattspyrnu-
spekingur BBC, í gær um íslenska
landsliðsmanninn sem fór enn og
aftur á kostum í ensku úrvals-
deildinni í fótbolta.
Gylfi Þór tryggði Swansea þrjú
stig með gullfallegu marki, beint
úr aukaspyrnu, á 13. mínútu gegn
Aston Villa. Gylfi smellti boltan-
um í markmannshornið, óverj-
andi fyrir Brad Guzan sem tók hið
fræga skref í hina áttina.
„Gylfi æfir aukaspyrnur nán-
ast daglega, þannig að þetta er
engin heppni,“ sagði Garry Monk,
knattspyrnustjóri Swansea, sigur-
reifur í leikslok. Gylfi er nú búinn
að skora tvö mörk úr aukaspyrn-
um á tímabilinu og þrjú í heildina
til viðbótar við stoðsendingarnar
átta. Hann hefur lagt upp eða skor-
að ellefu af 23 mörkum Swansea í
úrvalsdeildinni til þessa.
Chelsea heldur toppsætinu, en
liðið vann auðveldan sigur á West
Ham og Manchester City eltir það
eins og skugginn, en meistararnir
þurftu lítið að hafa fyrir 3-1 sigri
á WBA þar sem úrslitin voru ráðin
í fyrri hálfleik. Manchester City
er búið að vinna átta leiki í röð í
úrvalsdeildinni og gefur ekkert
eftir í baráttunni við Chelsea.
Hitt Manchester-liðið er líka á
miklum skriði, en það vann sjö-
unda sigurinn í síðustu átta leikj-
um í gær. Wayne Rooney þok-
ast nær markameti Sir Bobby
Charlton, en þó hann sé byrjaður
að spila á miðjunni skorar hann
grimmt. United vann Newcastle,
3-1, á Old Trafford. - tom
Þetta er engin heppni hjá Gylfa
Gylfi Þór Sigurðsson skoraði glæsilegt mark sem tryggði Swansea sigurinn.
HETJU FAGNAÐ Jefferson Montero
fagnar sigurmarki Gylfa. FRÉTTABLAÐIÐ/GETTY
FÓTBOLTI Eiður Smári Guðjohnsen
byrjar mjög vel með Bolton í ensku
B-deildinni í fótbolta, en hann hefur
ekki enn verið í tapliði eftir þrjá
leiki með sínu nýja og gamla
liði. Eiður var í byrjunarliðinu
annan leikinn í röð í gær
þegar Bolton lagði Blackburn á
heimavelli, 2-1, eftir að lenda marki
undir í leiknum.
Eiður Smári átti stóran þátt í
jöfnunarmarkinu sem kom á 59.
mínútu, en hann lagði það upp
fyrir nýjasta leikmann liðsins, Emile
Heskey. Heskey, sem hefur áður
spilað fyrir Liverpool og Wigan,
fagnaði samningnum hjá Bolton
með marki í fyrsta leik, en hann er
36 ára rétt eins og Eiður. Þarna kom
72 ára gamalt framherjapar Bolton á
bragðið, og þremur mínútum seinna
tryggði Darren Pratley Bolton-mönn-
um sigur, 2-1.
Bolton þokast upp töfluna jafnt og
þett eftir að Eiður gekk í raðir liðsins,
en það er nú í 14. sæti með 29 stig,
níu stigum frá umspilssæti.
Jóhann Berg Guðmundsson átti
einnig flottan leik fyrir Charlton
og tryggði liðinu 1-1 jafntefli gegn
Cardiff með stórbrotnu marki undir
lok leiksins. - tom
72 ára gamalt framherjapar kom Bolton á bragðið
BYRJAR VEL Eiður Smári hefur ekki
enn verið í tapliði. FRÉTTABLAÐIÐ/GETTY
HANDBOLTI Arnór Þór Gunnars-
son heldur áfram að gera það gott
með Bergischer í þýsku 1. deild-
inni. Hann skoraði níu mörk í
sigri liðsins gegn Erlangen í gær
og er í heildina kominn með 95
mörk í þýsku deildinni. Hann er
markahæsti Íslendingurinn. - tom
Arnór nálgast
100 mörk
MARKAVÉL Arnór Þór er að spila vel í
þýsku 1. deildinni. FRÉTTABLAÐIÐ/VILHELM