Dagblaðið Vísir - DV - 22.02.2013, Page 6

6 Fréttir 22.–24. febrúar 2013 Helgarblað
Hjólar í Jón Ásgeir
n Viðskiptafréttastjóri hjá 365 segir útrásarvíking beita þrýstingi
Þ
að versta er að Jón Ásgeir hef­
ur í nokkur skipti að undan­
förnu, reynt með ósmekkleg­
um hætti, að því er mér finnst,
að setja þrýsting á blaða­
menn með því að koma umkvörtun­
um, vegna sannra og löglegra frétta
um hann, félög sem hann tengist og
dómsmál er hann tengist persónu­
lega, til stjórnar fyrirtækisins og æðstu
stjórnenda,“ skrifar Magnús Hall­
dórsson, viðskiptafréttastjóri Stöðv­
ar 2 og Vísis, í pistli sem birtist á Vísi.
is á fimmtudagskvöld. Þar gerir Magn­
ús athugasemdir við aðkomu Jóns Ás­
geirs Jóhannessonar að rekstri 365,
fyrirtækisins sem Magnús Halldór
starfar fyrir.
Magnús byrjar pistilinn á að reifa
þau mál sem Jón Ásgeir er viðriðinn
og þau sem hann hefur verið dæmd­
ur fyrir. Magnús Halldór segir það
virðingarleysi fyrir trúverðugleika rit­
stjórna fyrirtækisins að Jón Ásgeir hafi
verið gerður að yfirmanni þróunarver­
kefna hjá 365 enda hafi aðkoma Jóns
margsinnis leitt til þess að trúverðug­
leiki blaðamanna hefur verið dreginn
í efa.
„Fjölmiðlar eru ekki eins og margur
annar geiri þegar að þessu kemur. Það
væri auðvelt að gera gagn fyrir fyrir­
tækið, og starfsmenn þess, með því að
taka ákvörðun um að Jón Ásgeir komi
ekki nálægt störfum fyrir fyrirtækið á
meðan óvissu er eytt fyrir dómstól­
um um hvort hann sé stórfelldur hvít­
flibba­glæpamaður eða ekki. Það er
ekkert lítið mál. Sú óvissa er sannar­
lega fyrir hendi, samkvæmt ákæru
og rannsóknum sem eru í gangi. Og
hún er óþægileg fyrir trúverðugleika
fréttaþjónustu sem blaðamenn sinna
[...]Hún er samt verst fyrir lesendur,
hlustendur og áhorfendur. Þeir efast
um heiðarleika fréttaþjónustunnar
vegna Jóns Ásgeirs og tengsla hans við
eignarhaldið, margir hverjir.“
Magnús segir það Jóni Ásgeiri til
minnkunar að beita aðferðum sem
þessum. „Sumir myndu segja að hann
væri lítill karl að beita svona aðferð­
um. Kannski er hann hræddur við eitt­
hvað.“ n
Ráðlagt að
tjá sig ekki
Lögregla verst allra frétta af kyn­
ferðisbrotakæru sem lögð var fram
í þorpi á Vestfjörðum fyrir helgi.
Líkt og áður hefur komið fram
var karlmaður handtekinn í síð­
ustu viku og færður til yfirheyrslu
grunaður um kynferðisbrot gegn
fjórum stúlkum sem nú eru á full­
orðinsaldri. Konurnar tengjast
manninum fjölskylduböndum,
en þær eru systkinabörn konu
mannsins, þrjár systur og frænka.
Lögregla framkvæmdi húsleit á
heimili mannsins og á vinnustað
hans í kjölfar handtökunnar.
Þegar DV hafði samband við
manninn sagði hann að sér hefði
verið ráðlagt að tjá sig ekki um
málið að neinu leyti. Fjölskylda
hans er afar vonsvikin yfir því að
málið hafi ratað í fjölmiðla. DV
náði ekki í konurnar sem lagt
hafa fram kæru, en heimildir DV
herma að eitthvað af brotunum
kunni að vera fyrnd. Ásakanirnar
eru alvarlegar og lúta að langvar­
andi brotum, en maðurinn neitaði
alfarið sök í yfirheyrslum.
„Furðufugl“
„Þór Saari er furðufugl á alþingi,“
skrifaði fyrrverandi ráðherrann
Björn Bjarnason á vef Evrópuvakt­
arinnar um þingmann Hreyfingar­
innar, Þór Saari. Lét Björn þessi
orð falla eftir að Þór Saari dró van­
trauststillöguna á ríkisstjórnina til
baka á fimmtudag. Þór lagði til­
löguna fram miðvikudag en segist
hafa dregið hana til baka vegna
þess að hann vilji ekki una flýti­
meðferð á tillögunni sem forystu­
menn stjórnarflokkanna höfðu
tilkynnt honum. „Þessi tilkynning
ber með sér að Þór Saari hefur
einfaldlega látið „taka sig á taug­
um“ eins og sagt er. Hann þolir
ekki álag eigin tillöguflutnings og
kiknar þegar á hólminn er komið,“
skrifar Björn.
Dæmdur
Jón Snorri var í
Héraðsdómi Reykja-
víkur dæmdur í 6
mánaða skilorðs-
bundið fangelsi.
J
ón Snorri Snorrason, lektor
við viðskiptafræðideild Há­
skóla Íslands, var á fimmtu­
dag dæmdur í Héraðsdómi
Reykjavíkur í sex mánaða skil­
orðsbundið fangelsi fyrir skilasvik.
Verjandi Jóns Snorra, Karl Georg
Sigurbjörnsson, segir ákvörðun um
áfrýjun ekki liggja fyrir en líklegt sé
að málinu verði áfrýjað til Hæsta­
réttar.
Lýsti yfir sakleysi sínu
Jón Snorri var ákærður fyrir skila­
svik fyrir að hafa 21. október 2008,
sem eigandi og framkvæmdastjóri
einkahlutafélagsins Agli ehf., veð­
sett Sparisjóði Mýrasýslu 33,33 pró­
sent vegna láns sparisjóðsins við
iðnfyrirtækið Sigurplast sem var í
eigu Agla. Það gerði hann þrátt fyrir
að hafa þann 14. júlí 2008, undir­
gengist kvöð um að veðsetja ekki
né selja hluti Agla í Sigurplasti. Á
þeim tíma var Jón Snorri starfandi
stjórnar formaður Sigurplasts.
„Veðsetningin 21. október 2008,
sem var liður í frekari lánafyrir­
greiðslu Sparisjóðs Mýrasýslu til Sig­
urplasts ehf., var með öllu óheimil
enda gat ákærða ekki dulist að sú
ráðstöfun samrýmdist ekki réttind­
um SPRON Verðbréfa hf. samkvæmt
veðsamningnum frá 14. júlí 2008,“
segir í ákæruskjalinu.
Jón Snorri lýsti yfir sakleysi sínu
við aðalmeðferð málsins í Héraðs­
dómi Reykjavíkur. „Ég lýsi mig sak­
lausan,“ sagði Jón Snorri, sem er
lektor við viðskiptafræðideild Há­
skóla Íslands, við þingfestingu á
ákæru fyrir Héraðsdómi Reykjavíkur
fyrir skemmstu, aðspurður hvort
hann tæki afstöðu til ákærunnar.
Jón Snorri snupraður
Í niðurstöðu dómara, Péturs Guð­
geirssonar, er þeim framburði
Jóns Snorra að hann hafi símleiðis
fengið leyfi hjá Helga Magnúsi
Baldvinssyni, útlánastjóra SPRON
Verðbréfa, til að veðsetja hlutina í
Sigurplasti hafnað. Helgi Magnús
kannaðist fyrir dómi ekki við að
hafa gefið Jóni Snorra leyfi til
þessa og sagði það fráleitt að slíkt
samþykki hafi verið veitt, þar sem
„eignir ákærða fóru rýrnandi“ eins
og dómari segir í niðurstöðu sinni.
„Verður að telja framburð ákærða
um svar Helga Magnúsar í símtal­
inu vera í sjálfu sér ótrúverðugan,
eins og á stóð. Þá styðst hann ekki
við neitt í málinu og kannast Helgi
Magnús enda ekki við þetta sím­
tal. Ber að hafna framburði ákærða
að þessu leyti, en jafnvel þótt væri
ekki hnekkt gat ákærði ekki með
réttu litið svo á að í símtalinu fælist
gilt leyfi SPRON Verðbréfa hf. til
þess að víkja frá skriflegum veð­
samningi bankans og ákærða og
veðsetja öðrum hluti Agla hf. í Sig­
urplasti.“
Dæmdir fyrir að tala um rannsókn
Fréttastjóri DV, Ingi Freyr Vilhjálms­
son og ritstjórar DV, þeir Jón Trausti
Reynisson og Reynir Traustason,
voru dæmdir í Hæstarétti Íslands til
þess að greiða Jóni Snorra miskabæt­
ur vegna umfjöllunar DV um að Jón
Snorri sætti rannsókn. Þá höfðu þrjár
kærur á hendur honum verið sendar
lögreglu og voru þar til skoðunar. Þeir
voru því dæmdir á þeim forsendum
að ekki væri verið að „rannsaka“ Jón
Snorra heldur væru mál hans væru
til „skoðunar“. Hæstiréttur taldi að
með notkun orðsins væri „gerð at­
laga að mannorði stefnda“.
Á dögunum fékk Jón Trausti,
sem nú er framkvæmdastjóri DV, af­
hent bréf þar sem boðað var að fjár­
nám yrði gert í eigum hans í næsta
mánuði og þær afhentar Jóni Snorra.
Til þess að komast undan því þarf
hann að greiða Jóni Snorra 1,7 millj­
ónir króna. Ingi Freyr og Reynir hafa
einnig fengið bréf þess efnis að gert
verði fjárnám í eigum þeirra. n
Lektor dæmdur í
hálfs árs fangelsi
n Fékk skilorðsbundinn dóm fyrir skilasvik n „Ótrúverðugur“ framburður
„Ég lýsi mig
saklausan
Viktoría Hermannsdóttir
blaðamaður skrifar viktoria@dv.is
Ósáttur Magnús
Halldórsson af-
hjúpar óeðlileg
afskipti innan 365.