Náttúrufræðingurinn - 2009, Qupperneq 4

Náttúrufræðingurinn
68
Elsa G. Vilmundardóttir
jarðfræðingur
Minningarorð
Elsa G. Vilmundardóttir jarðfræðingur fæddist í
Vestmannaeyjum 27. nóvember 1932 en lést að kvöldi
síðasta vetrardags, 23. apríl 2008, 75 ára að aldri.
Foreldrar hennar voru Vilmundur Guðmundsson
vélstjóri frá Hafranesi við Reyðarfjörð (1907–1934)
og Guðrún Björnsdóttir saumakona frá Fagurhóli
í Austur-Landeyjum (1903–1975). Á þriðja aldurs-
ári fluttist Elsa með foreldrum sínum frá Eyjum til
Siglufjarðar en þar drukknaði faðir hennar skömmu
síðar. Eftir það fór hún til móðurforeldra sinna í
Fagurhóli í Austur-Landeyjum og var hjá þeim meðan
þau lifðu en flutti síðan með móðursystur sinni að
Bollakoti í Fljótshlíð og var þar til heimilis uns hún
fór til móður sinnar í Reykjavík 12 ára að aldri.
Elsa lauk stúdentsprófi frá MR 1953. Árið 1958 fór
hún til Svíþjóðar og innritaðist í Stokkhólmsháskóla.
Þar stundaði hún nám í jarðfræði árin 1958–1963
og lauk því með fil.kand.-prófi. Þar með varð hún
fyrst íslenskra kvenna til að ljúka háskólanámi í
jarðvísindum. Á námsárunum vann hún á sumrin
hjá Raforkumálastjóra við ýmis jarðfræðistörf, mest
að rannsóknum í tengslum við fyrirhugaða Búrfells-
virkjun. Áhugi hennar beindist fljótt að jarðfræði
Tungnáröræfa og hinum miklu og stórdílóttu hraun-
um sem þar þekja land. Jarðfræði Tungnáröræfa
varð verkefni hennar til lokaprófs og raunar voru
þessar öræfavíðáttur aðalvettvangur hennar alla tíð
síðan.