Náttúrufræðingurinn - 2009, Blaðsíða 52

Náttúrufræðingurinn
116
Kristín Svavarsdóttir
Skýrsla stjórnar
Hins íslenska náttúrufræðifélags
fyrir árið 2006
Félagar
Í lok ársins 2006 voru félagar í Hinu
íslenska náttúrufræðifélagi 1.192
en voru 1.202 í ársbyrjun. Á árinu
gengu 25 manns í félagið en á móti
sögðu 18 sig úr því, 17 létust og einn
var strikaður út af öðrum ástæðum.
Af þeim sem gengu í félagið voru sjö
námsmenn, eða tæplega 30%. Félags-
menn í árslok 2006 skiptust þannig:
níu heiðursfélagar, fimm kjörfélagar,
sex ævifélagar, 922 almennir félagar
innanlands, 25 félagar og stofnanir
erlendis, 123 stofnanir innanlands,
80 skólafélagar og 22 einstaklingar
með hjónaáskrift.
Stjórn og starfsmenn
Árið 2006 var stjórn félagsins þannig
skipuð: Kristín Svavarsdóttir for-
maður, Helgi Torfason varaformað-
ur, Kristinn J. Albertsson gjaldkeri,
Hilmar J. Malmquist ritari, Esther
Ruth Guðmundsdóttir, Droplaug
Ólafsdóttir og Helgi Guðmunds-
son meðstjórnendur. Droplaug var
fulltrúi stjórnar í ritstjórn Náttúru-
fræðingsins, Esther hafði umsjón
með fræðslufundum félagsins og
Helgi Guðmundsson hafði umsjón
með fræðsluferðum. Stjórnin fundaði
átta sinnum á árinu. Skoðunarmenn
reikninga voru Kristinn Einarsson
og Arnór Þ. Sigfússon, varamaður
þeirra var Hreggviður Norðdahl.
Útbreiðslustjóri félagsins var Erling
Ólafsson. Erling lét af störfum fyrir
Hið íslenska náttúrufræðifélag 31.
desember 2006 eftir 23 ára gæfuríkt
starf, en allan þann tíma hafði hann
umsjón með félagatalinu og frá árinu
1984 einnig með dreifingu Nátt-
úrufræðingsins og Félagsbréfsins.
Störf Erlings í þágu félagsins hafa
verið ómetanleg og stjórnin færir
honum innilegar þakkir fyrir ein-
staka hollustu. Álfheiður Ingadóttir
ritstýrði tveimur tvöföldum heftum
Náttúrufræðingsins á árinu. Seinna
heftið kom út í nóvember og var það
síðasta hefti Álfheiðar sem ritstjóra,
en hún ritstýrði tímaritinu í 10 ár.
Undir forystu Álfheiðar var m.a.
útliti og broti Náttúrufræðingsins
breytt haustið 2002. Stjórnin þakkar
Álfheiði vel unnin störf sem ritstjóri
Náttúrufræðingsins.
Dýraverndarráð. Umhverfisráð-
herra skipaði dýraverndarráð árið
2004 og fyrir HÍN situr Arnór Þ.
Sigfússon fuglafræðingur og er hann
jafnframt formaður ráðsins.
Ráðgjafarnefnd við undirbúning um
stofnun Vatnajökulsþjóðgarðs. Ingólfur
A. Jóhannesson sat í nefndinni fyrir
hönd frjálsra félagasamtaka (HÍN
þeirra á meðal) en nefndin lauk
störfum á árinu. Ulla R. Pedersen var
varamaður.
Aðalfundur
Aðalfundur félagsins fyrir árið 2006
var haldinn laugardaginn 26. febrúar
2007 kl. 14 í fundarsal Náttúru-
fræðistofu Kópavogs, í Safnahúsinu
í Kópavogi. Fundarstjóri var kos-
inn Hreggviður Norðdahl og fund-
arritari Þóra Hrafnsdóttir. Fund-
inn sátu 13 félagsmenn. Formaður
flutti skýrslu stjórnar og gjaldkeri
kynnti ársreikninga félagsins sem
voru samþykktir af fundarmönnum
án athugasemda. Formaður gerði
einnig grein fyrir störfum dýra-
verndarráðs í fjarveru fulltrúa HÍN
í ráðinu.
Úr stjórn áttu að ganga Esther
Ruth Guðmundsdóttir, Helgi Torfa-
son og Hilmar J. Malmquist. Öll
gáfu þau kost á sér áfram og voru
endurkjörin. Arnór Þ. Sigfússon
og Kristinn Einarsson voru endur-
kjörnir skoðunarmenn reikninga og
Hreggviður Norðdahl varamaður
þeirra.
Hilmar J. Malmquist gerði grein
fyrir þremur ályktunum sem stjórn-
in lagði fyrir aðalfundinn og voru
þær samþykktar með litlum breyt-
ingum.
1) Ályktun um Náttúruminjasafn
Íslands:
„Aðalfundur Hins íslenska nátt-
úrufræðifélags, haldinn 26. febrúar
2007 í Kópavogi, ítrekar fyrri álykt-
anir aðalfunda Hins íslenska nátt-
úrufræðifélags til margra ára
um málefni Náttúruminjasafns
Íslands, höfuðsafns íslensku
þjóðarinnar í náttúrufræðum,
sem félagið hefur barist fyrir í
meira en heila öld. Hið íslenska
náttúrufræðifélag hvetur mennta-
málaráðherra og aðra hlutaðeig-
andi aðila til að beita sér af
fullum þunga fyrir því að ráðist
verði hið fyrsta í byggingu veg-
legs og nýstárlegs sýningar- og
kennslusafnshúss í náttúrufræð-
um, sem hafi aðsetur á höfuð-
borgarsvæðinu og starfi í
tengslum við Náttúrufræðistofn-
un Íslands. Hið íslenska náttúru-
fræðifélag fagnar því að hreyfing
er komin á málið, m.a. fyrir