Dagblaðið Vísir - DV - 30.12.2011, Page 20

20 Annáll 30. desember 2011 Áramótablað
Á
rið var stormasamt í íslensk-
um stjórnmálum. Við því var
að búast enda 46 milljarða
niðurskurður boðaður í fjár-
lögum ársins. Að lokum
áttu þau sinn þátt í að Lilja Móses-
dóttir og Atli Gíslason sögðu sig úr
þingflokki VG seint í mars. Þar með
var flóttanum úr VG ekki lokið því
nokkrum mánuðum síðar yfirgaf Ás-
mundur Einar Daðason flokkinn og
gekk til liðs við Framsóknarflokk-
inn. Hann hafði áður lýst vantrausti
á ríkisstjórnina þegar kosið var um
vantrauststillögu á þingi.
Með aukamann inn á spilaði
Framsókn í rétt rúman mánuð en þá
tilkynnti Guðmundur Steingrímsson
úrsögn sína úr flokknum og boðar
nú framboð í samstarfi við Besta
flokkinn. Mikið var fjallað ráðherra-
stól Jóns Bjarnasonar og ítrekað
var spáð að honum yrði sparkað frá
ríkisstjórnarborðinu. Allt kom þó
fyrir ekki og ráðherrann situr enn í
sjávarútvegsráðuneytinu, þótt vinna
við breytingar á fiskveiðistjórnunar-
kerfinu sé komin út úr ráðuneytinu.
Endurnærður Sjálfstæðisflokk-
ur birtist landanum á landsfundi
flokksins. Mikil spennan ríkti fyrir
fundinn en Hanna Birna Kristjáns-
dóttir borgarfulltrúi fór fram gegn
Bjarna Benediktssyni, sitjandi for-
manni. Svo fór að Bjarni sigraði en
slagurinn féll í skuggann af frammi-
stöðu fyrrverandi ráðherra flokksins
á fundinum.
Kjósendur felldu samkomulag í
Icesave-deilunni að því er virtist til
að ljúka málinu í eitt skipti fyrir öll.
ESA, eftirlitsstofnun EFTA, hlustaði
ekki og kærði málið. Hér er stikklað
á stóru og snert á nokkrum málum
sem komu upp á árinu. Listinn er
langt því frá tæmandi enda við-
burðaríkt ár, svo ekki sé meira sagt.
3. janúar – Er Jón Bjarnason
ráðherra?
Í fyrsta tölublaði ársins af DV mátti
sjá umfjöllun um veika stöðu Jóns
Bjarnasonar, sjávarútvegs- og land-
búnaðarráðherra, sem þykir ekki
alltaf í takt við ríkisstjórnina. Oftar
en ekki hefur því verið spáð að ráð-
herrastólnum verði kippt undan
honum. „Afar ólíklegt er að Jón
Bjarnason, landbúnaðar- og sjáv-
arútvegsráðherra, sitji i ríkisstjórn
fram yfir áramót en staða hans
verður óbreytt á meðan fjárlög hafa
ekki verið samþykkt,“ segir í frétt DV
af stöðu Jóns frá því snemma í des-
ember en þá sögðu heimildamenn,
innstu koppar í búri ríkisstjórnar-
innar, að tíma Jóns væri lokið. Þegar
þetta er skrifað er Jón enn ráðherra
samkvæmt vefsíðunni erjonbjarna-
sonradherra.net.
7. janúar – Bandaríkin gegn
Birgittu
Bandarísk yfirvöld fóru fram á að fá
afhent persónugögn Birgittu Jóns-
dóttur, þingkonu Hreyfingarinnar,
af samskiptasíðunni Twitter vegna
tengsla hennar við Wikileaks. Össur
Skarphéðinsson utanríkisráðherra
blandaði sér í málið auk Alþjóða-
þingmannasambandinu sem taldi
málið árás á friðhelgi þingmanns-
ins. Þó fór sem fór og gögnin voru
afhent.
8. janúar – Landráðakæran sem
aldrei varð
Sagt var frá því í janúar að aðilar
tengdir hvalveiðum hefðu alvar-
lega íhugað að kæra Árna Finnsson,
formann Náttúruverndarsamtaka
Íslands, fyrir landráð. Landráða-
maðurinn Árni fundaði með sendi-
herra Bandaríkjanna vegna hval-
veiða Íslendinga og þótti eðlilegt að
bandarísk yfirvöld gripu til aðgerða.
Árni gengur enn laus þegar þetta er
skrifað.
19. janúar – Aðskotatölva á
Alþingi
Njósnatölva fannst í þinghúsinu í
lok janúar. Vikum saman varð tölvan
tilefni mikilla vangaveltna. Þær áttu
sér ekki allar mikla stoð í raunveru-
leikanum en Morgunblaðið birti
frétt Agnesar Bragadóttur af tölvunni
og þætti Inga Freys Vilhjálmssonar,
fréttastjóra DV, í að koma henni fyrir
niðri á þingi. Ekkert var til í því og
Morgunblaðið og Agnes báðu Inga
og DV afsökunar. „Ég var að lesa að
hún ætti að eyða öllu þegar hún væri
aftengd. Þetta er bara eins og í James
Bond-myndunum,“ sagði Birgitta
Jónsdóttir, þingkona Hreyfingar-
innar, um málið og komst þar vel að
orði.
25. janúar – Hæstiréttur ógildir
stjórnlagaþing
Hæstiréttur sagði nei við númeruð-
um kjörseðlum, pappírskjörklefum
og ósamanbrotnum kjörseðlum og
ógilti stjórnlagaþingskosningarnar
í lok janúar. Viðbrögð stjórnmála-
manna einkenndust af þeirri stóísku
ró sem löngum hefur þótt einkenna
íslensk stjórnmál. Forsætisráðherra
sagði íhaldið skíthrætt og stjórnlaga-
þing varð stjórnlagaráð.
16. febrúar – Níumenningarnir
sýknaðir
Hópur mótmælenda, svokallaðir
níumenningar sem ákærðir voru
fyrir að ráðast á Alþingi og landráð
voru sýknaðir af þeim ákærum.
16. febrúar – Icesave samþykkt,
hafnað, endurtekið og kært
Icesave hvarf ekki á árinu en Alþingi
samþykkti í febrúar fjórðu útgáfu
samnings um málið. Forseti Íslands
hafnaði samningnum og færði að
eigin sögn þjóðinni löggjafarvaldið.
Þjóðin sagði nei og sendi með því
skýr skilaboð um að málinu væri
lokið. Eftirlitsstofnun EFTA las lík-
lega ekki milli línanna og Íslending-
um var stefnt um miðjan desember
fyrir brot á EES-samningnum.
8. mars – Landsdómur kemur
saman
Fyrsta verk landsdóms í lýðveldis-
sögunni var að meta hvort veita
ætti saksóknara Alþingis aðgengi
að tölvupóstum Geirs H. Haarde frá
forsætisráðherratíð hans. Lands-
dómur taldi ekkert því til fyrirstöðu
og málið var þingfest í júní. Geir hef-
ur ítrekað sagt málið hluta af póli-
tísku samsæri gegn sér. Sérstaklega
hefur hann nafngreint Steingrím
J. Sigfússon fjármálaráðherra, Ög-
mund Jónasson innanríkisráðherra
og Atla Gíslason, þingmann VG.
13. apríl – Ríkisstjórnin verst
vantrausti
Á Alþingi var ársafmæli rannsóknar-
skýrslunnar fagnað með vantrausts-
tillögu á ríkisstjórnina. Bjarni Bene-
diktsson, formaður Sjálfstæðisflokks
stærsta stjórnarandstöðuflokksins,
lagði tillöguna fram. Ríkisstjórn-
in varðist falli en kom sködduð út
úr atkvæðagreiðslunni þar sem Ás-
mundur Einar Daðason, þá þing-
maður VG, hafði stutt tillöguna.
Hann sást hoppandi kátur á Póst-
barnum eftir atkvæðagreiðsluna og
kallaði „Yeesss!“ yfir barinn. Greini-
lega verulega létt.
15. apríl – Austurevrópsk fjöl-
miðlalög
Blaðamannafélagið sagði ný fjöl-
miðlalög austurevrópsk og lýsti
verulegum áhyggjum yfir því að lög-
in myndu skerða frelsi fjölmiðla. Það
stoppaði ekki Alþingi sem samþykkti
lögin og 2.000 skoruðu á forsetann
að synja lögunum. Nokkru síðar
var blaðamaður DV dæmdur til að
greiða sekt fyrir að vitna í gamlar
fréttir. Dæmt var eftir eldri lögum
en nýju lögin tóku gildi nokkrum
dögum áður. Líklegt er talið að
blaðamaðurinn hefði sloppið ef
dæmt hefði verið eftir nýju lögunum
sem eins og áður segir höfðu valdið
Blaðamannafélaginu nokkrum
áhyggjum.
17. apríl – Innleiðing pólitísks
vændis
Siv Friðleifsdóttir var teiknuð sem
vændiskona í myndasögu Morgun-
blaðsins, standandi á horni and-
spænis Alþingishúsinu þar sem
ráðherrabíll af Trabant-gerð merktur
alþýðulýðveldinu Íslandi stoppar hjá
henni. Spurði hún bílstjórann hvort
þau væru að leita að smá „stuðn-
ingi“ og svaraði bílstjórinn því ját-
andi og sagðist vanta stuðning við
„innleiðingu pólitísks vændis“. „Ég
þarf ekki að svara svona gagnrýni,“
sagði Helgi Sigurðsson teiknari fyrst
þegar gengið var á hann en baðst
svo afsökunar.
30. maí – Friðelskandi auð-
menn
Tíu bandarískir og kanadískir auð-
menn vildu ríkisborgararétt gegn
því að fjárfesta hér á landi. Formenn
stjórnarflokkanna sögðust ekki
spenntir fyrir sérmeðferð fyrir auð-
kýfinga. Skýringar auðmannanna á
eftirsókn eftir íslenskum ríkisborg-
ararétti voru ansi skrautlegar eða
allt frá því að vera mikil ást á landi
og þjóð til veru Íslands í Schengen-
samstarfinu í bland við kjarnorku-
leysi, endurnýjanlega orku, náttúru
landsins, vatnið og herleysi. Það var
víst ekki nóg og þeim var hafnað um
ríkisborgararétt í skyndi.
28. ágúst - Kínversk ljóða-
nýlenda á Grímsstöðum
Kínverski ævintýramaðurinn Huang
Nubo gerði kauptilboð í 300 ferkíló-
metra jörð á Grímsstöðum á Fjöll-
um. Veita þurfti Nubo undanþágu
frá lögum um erlenda fjárfestingu
ættu kaupin að ganga eftir en sú
ákvörðun var í höndum Ögmundar
Jónassonar innanríkisráðherra sem
hafði lýst sig andvígan kaupunum.
Umræðan um málið var með fjöl-
breyttara móti. Við tók eins konar
fegurðarsamkeppni í frjálslyndi ann-
ars vegar og keppni í einangrun hins
vegar. Mikið var bent á að umrætt
land væri 0,3 prósent Íslands en slíkt
hlutfall af Kína er Íslendingum ekki
falt. Nubo var að lokum synjað um
undanþágu til kaupanna. Áður en
blekið hafði þornað á synjuninni en
þó ekki áður en „Nubo létt“ brand-
arar hættu að vera fyndnir hafði tek-
ist að opna hjáleið í málinu. Líkt og
önnur mál í íslenskum stjórnmálum
á árinu varð því endanlegt ekkert
sérstaklega endanlegt.
29. ágúst – Rasískur öfga-
flokkur á þing
Ísland fyrst, nýr stjórnmálaflokkur
öfgaþjóðernissinna, var stofnaður í
lok ágúst. Sigríður Bryndís Baldurs-
dóttir, yfirlýstur nýnasisti, er formað-
ur flokksins. Í samtali við DV sagði
hún algjöra sprengingu í fylgi hægri-
öfgastefnu. „Annaðhvort ertu þjóð-
ernissinni eða ekki,“ sagði Sigríður
aðspurð hvort flokkurinn hallaði sér
til vinstri eða hægri.
17. nóvember – Bjarni klökkur á
landsfundi
Á landsfundi Sjálfstæðisflokks-
ins sást flokkur sem safnað hefur
vopnum sínum eftir erfið ár. Lýsa
má landsfundi nánast eins og end-
urkomu aldarinnar. Fyrrverandi
ráðherrar, formenn og núverandi
ritstjórar flykktust upp í pontu,
klöppuðu fálkanum og héldu hverja
þrumuræðuna á eftir annarri. Ræða
Davíðs Oddssonar, fyrrverandi for-
manns flokksins, ritstjóra Morgun-
blaðsins og lífeyrisþega, vakti gríðar-
lega lukku. Málfundafélagið Óðinn
taldi Davíð raunar ræðumann fund-
arins og sigraði hann þar klökkan
Bjarna Benediktsson sem sagði frá
ósanngjarnri landsdómsákæru á
hendur Geir H. Haarde, fyrrverandi
forsætisráðherra.
29. nóvember – Ísland viður-
kennir sjálfstæði Palestínu
Alþingi viðurkenndi sjálfstæði Pal-
estínu. Dagurinn var sérstaklega
ánægjulegur fyrir Amal Tamimi,
varaþingmann Samfylkingarinnar,
en hún er fædd í Palestínu. „Í dag
er sögulegur dagur fyrir Íslendinga
og Palestínufólk. Ég get ekki verið
meira stolt af því að fá að taka þátt
í þessari atkvæðagreiðslu,“ sagði
hún við tilefnið. Á heimsvísu vakti
málið minni athygli en margir áttu
von á.
Njósnir, ógilding
og Jón Bjarnason
n Ótrúlega viðburðaríkt stjórnmálaár n Stjórnlagaþingskosning ógilt n Ríkisstjórnin varðist vantrausti
Atli Þór Fanndal
blaðamaður skrifar atli@dv.is
Útsala
30 - 70%
Falleg olíumálverk í úrvali
á einstökum verðum
Allt orginal málverk