Dagblaðið Vísir - DV - 30.12.2011, Page 30

30 Annáll 30. desember 2011 Áramótablað
Janúar
Gabrielle
Giffords skotin
8. janúar
n Bandaríska þing-
konan Gabrielle
Giffords var skotin
í höfuðið á úti-
fundi í Arizona.
Þótt ótrúlegt sé
lifði Giffords árás-
ina af og hefur hún
verið á hægum en góðum batavegi
undanfarna mánuði. Sex létu lífið
í skotárásinni og þrettán særðust.
Árásarmaðurinn, Jared Lee Loug-
hner, var vistaður á geðsjúkrahúsi í
kjölfarið og bíður dóms.
Flóð í Brasilíu
og Ástralíu
12.–13. janúar
n Mikil flóð urðu í Ástralíu og
Brasilíu í byrjun árs. Þúsundir íbúa
Brisbane, þriðju stærstu borg-
ar Ástralíu, flúðu heimili sín og
fjölmargir létu lífið. Á sama tíma
urðu mikil flóð í Brasilíu og létust
hundruð þar.
Ben Ali flýr land
14. janúar
n Zine El Abidine Ben Ali, forseti
Túnis, flýr til Sádi-Arabíu eftir bylt-
ingu gegn honum. Flóttinn markaði
í raun upphafið að arabíska vor-
inu, mótmælabylgju sem gekk yfir
Norður-Afríku og Mið-Austurlönd,
á árinu. Ben Ali hafði verið forseti
Túnis í 23 ár en aðdragandi upp-
reisnarinnar gegn honum hafði
verið langur. Íbúar höfðu fengið sig
fullsadda af langvarandi atvinnu-
leysi í landinu, mikilli spillingu og
stjórnarháttum Ben Ali. Forsætis-
ráðherrann, Mohammed Ghanno-
uchi, tók við völdum en hrökklaðist
frá völdum rúmum mánuði síðar.
Sprengjuárás
á flugvelli
24. janúar
n Hryðjuverkaárás var gerð á Do-
modedovo-flugvelli í Moskvu,
stærsta millilandaflugvelli Rúss-
lands, með þeim afleiðingum að 35
manns hið minnsta létust. Grunur
beindist strax að hryðjuverkahópum
frá Kákasus-héruðum Rússlands.
Febrúar
Hosni Mubarak
hrökklast
frá völdum
11. febrúar
n Hosni Mubarak, forseti Egypta-
lands, sagði af sér embætti og af-
henti hernum völdin í landinu eftir
öldu mótmæla gegn honum. Aðeins
einum degi áður sagðist Mubarak
ekki ætla að segja af sér. Mótmæl-
in hófust fyrir alvöru átján dögum
áður, eða um það leyti sem Ben Ali
flúði frá Túnis. Þar með lauk þrjátíu
ára valdatíð Mubaraks í Egypta-
landi.
Mótmælin
breiðast út
15.–20. febrúar
n Mótmælin í Norður-Afríku og
Mið-Austurlöndum breiddust út.
Mótmælendur fóru út á götur í borg-
inni Benghazi í Líbíu og beindust
mótmælin gegn einræðisherranum
Muammar Gaddafi.
16. febrúar barði lögreglan í Bahrein
niður mótmæli íbúa. Nokkrum
dögum síðar, 20. febrúar, voru um
200 mótmælendur myrtir í Beng-
hazi. Þrýstingur á Gaddafi jókst
mjög en þegar þarna var komið sögu
harðneitaði hann að stíga til hliðar.
Öryggisráð Sameinuðu þjóðanna
samþykkti nokkrum dögum síðar að
beita Líbíu viðskiptaþvingunum.
Jarðskjálfti
í Christchurch
21. febrúar
n Jarðskjálfti
upp á 6,2 reið
yfir Christch-
urch, eina
stærstu borg
Nýja-Sjálands
með þeim afleið-
ingum að minnst
181 lét lífið. Söngkonan Hera Hjart-
ardóttir, sem var í borginni þegar
skjálftinn reið yfir, sagði að mörg
hús hefðu hrunið og ástandið væri
skelfilegt.
Mars
Flóðbylgja
ríður yfir Japan
11. mars
n Jarðskjálfti upp á 8,9 reið yfir Jap-
an í byrjun mars en skjálftinn var
sá öflugasti í hundrað ár. Flóðbylgja
reið yfir í kjölfar skjálftans og skildi
eftir sig mikla slóð eyðileggingar.
Kjarnorkuverið í Fukushima eyði-
lagðist með þeim afleiðingum að
geislavirk efni sluppu út í andrúms-
loftið. Samkvæmt opinberum tölum
fórust 15.842 af völdum skjálftans
og flóðbylgjunnar sem reið yfir í
kjölfarið. Myndir og myndbönd af
afleiðingum flóðbylgjunnar sýndu
gríðarlega eyðileggingu sem verður
aldrei metin til fjár.
Áframhaldandi
átök í Líbíu
17.– 31. mars
n Sameinuðu þjóðirnar samþykktu
flugbann yfir Líbíu og var því fagnað
af uppreisnarmönnum. 19. mars hófu
Bretar, Bandaríkjamenn og Frakkar
loftárásir á Líbíu til að draga tenn-
urnar úr öryggissveitum Gaddafis. Á
sama tíma sagði Gaddafi að framund-
an væri blóðug barátta. Á sama tíma
héldu uppreisnarmenn áfram að sölsa
undir sig mikilvægar borgir og færðust
nær vígi Gaddafis, höfuðborginni Trí-
pólí. Utanríkisráðherra Líbíu, Moussa
Koussa, kom til Lundúna 30. mars
og tilkynnti að hann hefði sagt af sér.
Þrýstingurinn á Gaddafi jókst.
Apríl
Portúgal óskar
eftir neyðarláni
6. apríl
n Jose Socrates,
forsætisráðherra
Portúgals, tilkynnti
að hann hefði
óskað eftir neyð-
arláni frá Evrópu-
sambandinu vegna
skuldavanda landsins.
Portúgal varð þar með þriðja aðild-
arríki ESB til að óska eftir neyðarláni
en árið 2010 höfðu bæði Írland og
Grikkland óskað eftir aðstoð.
2011: ÁR ILLMENNA
n Þetta var vont ár fyrir harðstjóra, hryðjuverkamenn og önnur illmenni