Valsblaðið - 01.05.2013, Blaðsíða 53

Valsblaðið 2013 53
saman nánast allan daginn í nokkra daga.
Margir af þessum krökkum verða góðir
vinir upp frá þessari samveru.
Interaminia Worldcup mótið á Ítalíu
Þegar við fórum til Ítalíu á Interamnia þá
vissum við ekkert hvert við værum að
fara eða á hverju við ættum von. En við
vorum einstaklega heppnar með verð í þá
ferð og það réð mestu um staðinn sem
við völdum. Flugið tók rúma fjóra tíma
og síðan tók við fjögurra tíma rútuferð.
Við gistum í munaðarleysingjaheimili
sem starfaði ekki yfir sumartímann. Þar
gistum við í kojum og hvert herbergi
hafði aðgang að eigin snyrtingu. Það var
mjög notalegt þar sem við höfðum húsið
fyrir okkur. Við vorum með langflottustu
aðstöðuna af öllum liðunum og héldum
til í litlum bæ skammt frá Teramo þar
sem mótið var. Foreldrarnir voru á hóteli
og þar gisti einnig sænskt lið. En flest
liðin gistu í skóla. Liðin komu víða að og
það var töluvert af liðum frá Norðurlönd-
unum að spila. Sigurvegarinn í okkar
flokki var danskt lið sem við kepptum
gegn, en við töpuðum með einu gegn
þeim. Norðurlöndin áttu sigurliðin í öll-
um flokkum á mótinu. Við kepptum t.d.
bara við lið frá Norðurlöndunum. Fyrir
leiki kom rúta og fór með okkur á torg
sem var í tveggja mínútna göngufjarlægð
frá leikstað. En það var frekar langt á
milli keppnisvalla. Iðulega um 20 mín-
útna gangur og við vorum iðulega á nýj-
um og nýjum velli. Útivellirnir voru af
ýmsum toga. Stundum malbik, stundum
hellulagðir, jafnvel steyptir og dúklagðir
en einu sinni spiluðum við inni. Við lent-
um í þvi að spila einn leik í 45°C hita.
Fyrstu 5 mínúturnar hlupum við fram og
til baka, en síðan spiluðum við bara
göngubolta þar sem hluti liðsins var í
vörn og hluti í sókn. Félagslegu atburð-
irnir af hálfu mótshaldara voru opnun-
arhátíðin, fegurðarsamkeppni og ball
sem var haldið utandyra á fótboltavelli.
Við fengum afhentan bikar í mótslok og
það tók okkur smá tíma að átta okkur á
því fyrir hvað við fengum hann, en við
þóttum prúðasta liðið sem var samt dálít-
ið undarlegt því við fengum mjög margar
brottvísanir. Við vorum svo heppnar að
það var stuttur göngutúr fyrir okkur nið-
ur á strönd og þangað fórum við oft þeg-
ar ekki voru leikir. Dagskráin var mjög
opin fyrir utan leikina og umhverfið
mjög fallegt og skemmtilegt. Við fórum
tvisvar í búðir, í vatnsrennibrautargarð.
Við vorum mjög hrifnar af þessu móti.
Þessi frábæra aðstaða þjappaði okkur
mjög vel saman. Við vorum algjörlega út
af fyrir okkur og eiginlega búnar að
ákveða að fara aftur á staðinn.
Granollers Cup mótið á Spáni
Granollers varð fyrir valinu vegna þess
að við vorum svo ánægðar með það að
ævintýramennskan hafði leitt okkur til Ít-
alíu. Við vorum þess því vissar að okkur
biði sams konar ævintýri á Spáni. Gra-
nollers mótið er mun stærra en Inter-
amnia. Það voru á milli 200 og 250 lið
sem spiluðu um leið og við. Við áttum
þess kost að borga 30 þúsund krónum
meira fyrir að gista á hóteli en við af-
þökkuðum það. Það voru mikil mistök.
Við gistum einar í einhverju herbergi í
íþróttahúsinu. Þar iðaði allt í maurum.
Þess utan var loftræstingin að gera okkur
lífið leitt. Ef hún var ekki í gangi þá var
ólíft fyrir hita en þegar hún var í gangi
þá skulfum við úr kulda. Fyrir gluggun-
um voru rimlar að utanverðu en einhverj-