Bændablaðið - 17.07.2014, Blaðsíða 9

9Bændablaðið | Fimmtudagur 17. júlí 2014
Um 110.600 erlendir ferða-
menn fóru frá landinu í júní
síðastliðnum, samkvæmt
talningum Ferðamálastofu í
Flugstöð Leifs Eiríkssonar, eða
um 20.700 fleiri en í júní í fyrra.
Aukningin nemur 23,1% milli
ára. Varla þarf að taka það
fram að aldrei hafa jafn margir
ferðamenn verið hér í júní og
nú. Þetta kemur fram á vef
Ferðamálastofu.
Bandaríkjamenn fjölmennir
Þar segir enn fremur að
Bandaríkjamenn hafi verið
fjölmennastir, eða 19,2% af
heildarfjölda ferðamanna í júní en
næstfjölmennastir voru Þjóðverjar,
15,6% af heild. Þar á eftir komu
Bretar (8,6%), Frakkar (6,4%) og
Norðmenn (5,7%). Samtals voru 10
fjölmennustu þjóðernin með 74% af
heildarfjölda ferðamanna.
Af einstaka þjóðernum fjölgaði
Bandaríkjamönnum, Bretum,
Kanadamönnum, Þjóðverjum og
Kínverjum mest á milli ára. Þessar
fimm þjóðir báru að stórum hluta
uppi aukninguna í júní milli ára eða
um 54% af heildaraukningu.
Þrefalt fleiri
en fyrir rúmum áratug
Ferðamenn voru ríflega þrisvar
sinnum fleiri í maí í ár en þeir
mældust í sama mánuði árið 2002.
Fjölgun hefur að segja má verið öll
ár, að undanskilinni smávægilegri
fækkun 2009 og 2010. Hún hefur
þó verið mismikil, mest 25% á milli
áranna 2006 og 2007 og þrívegis
yfir 20%.
Þegar einstök markaðssvæði eru
skoðuð kemur í ljós að frá árinu 2010
er góð fjölgun frá öllum svæðum.
Bandaríkjamönnum hefur fjölgað
mest en þeir hafa nærri þrefaldast.
Bretar og þeir sem taldir eru
sameiginlega undir „Annað“ hafa
meira en tvöfaldast. Nokkru minni
fjölgun er frá Mið- og Suður Evrópu
en þó 85%. Norðurlandabúum hefur
fjölgað um 43% frá árinu 2010.
402 þúsund frá áramótum
Það sem af er ári hafa 401.772
erlendir ferðamenn farið frá landinu
eða um 90 þúsund fleiri en á sama
tímabili í fyrra. Um er að ræða 29%
aukningu ferðamanna milli ára frá
áramótum í samanburði við sama
tímabil í fyrra.
Veruleg aukning hefur
verið frá flestum mörkuðum;
N-Ameríkönum og Bretum
hefur fjölgað um 41,%, Mið-
og S-Evrópubúum um 17%, og
ferðamönnum frá öðrum mörkuðum
um 38%. Norðurlandabúum hefur
hins vegar ekki fjölgað í sama mæli
eða um 10%. /MÞÞ
Lynghálsi, Reykjavík
lifland@lifland.is
Lónsbakka, Akureyri Efstubraut, Blönduósi
www.lifland.isSími 540 1100
Lífland söluráðgjöf

Lífland ræktar lýð og land
Kjarninn í starfssemi Líflands er að styðja við lífið í landinu.
Með fjölbreyttu vöruúrvali og vísindalegum vinnubrögðum
sköpum við góðan jarðveg fyrir hvers kyns búskap og búfjárrækt.
Aldrei jafnmargir ferðamenn í júní
Kjöt ræktað í
tilraunaglösum
Á síðasta ári voru steiktir í
fyrsta sinn hamborgarar sem
innihéldu kjöthakk sem var
ræktað á tilraunastofu. Síðan
hefur ræktunartækninni fleygt
fram og í dag er kostnaðurinn
helsta hindrun þess að rækta
tilraunastofukjöthakk í stórum stíl.
Vísindamennirnir sem standa að
baki ræktuninni segja að framleiðsla
á kjöti í verksmiðjum hafi ýmsa kosti
umfram hefðbundna kjötframleiðslu
og geti dregið verulega úr hungurs-
neyð í heiminum. Meðal kostanna
segja þeir vera að ekki þurfi
lengur að slátra dýrum og að
framleiðslu á kjötinu fylgi engar
gróðurhúsalofttegundir.
Auk kostnaðar er helsta fyrir-
staðan í að hefja framleiðslu á
verksmiðjuræktuðu kjöti aukin vitund
neytenda á Vesturlöndum um mat og
hvað þeir setja ofan í sig. Óformlegar
kannanir sýna að mörgum þyki
hugmyndin um að borða kjöt sem
framleitt er á tilraunastofu ógeðfelld.
Framleiðendur segja aftur á móti að
sé kjötið skoðað undir smásjá sjáist
enginn munur á því og kjöti af dýri
á fæti enda ræktað úr vefjum lifandi
dýra.
Í dag er unnið að tilraunum með
að rækta kjöt sem líkist nautalund
á rannsóknastofu í samstarfi við
framleiðendur þrívíddarprentara.
Ferlið er mun flóknara en að rækta
hakk í hamborgara. Talsvert er í að
niðurstöður fáist úr þeim tilraunum.
Kostnaðurinn við að framleiða
hakkið í hamborgarana á síðasta ári
var um 200.000 bresk pund, sem
jafngildir tæpum 40 milljón króna.
Lundin verður talsvert dýrari. Í
náinni framtíð getum við átt von á
að hugmyndin um kjötvinnsluvél
í eldhúsinu breytist og um
kjötframleiðsluvél verði frekar að
ræða. /VH