Bændablaðið - 17.07.2014, Blaðsíða 16

16 Bændablaðið | Fimmtudagur 17. júlí 2014
Grænn litur er sagður róandi
og oft notaður þar sem fólk
á að slappa af. Grænt er
samt ekki bara grænt því
liturinn er til í margs konar
tónum. Í grasagarðinum
í Kew í London má sjá
margar útgáfur af grænum
lit, allt frá dökkgrænum
laufum frumskógartrjáa
yfir í eiturgræn blöð
kjötætuplantnanna.
Gildi grasagarða er meira en
margir halda því auk þess að
vera sýningarsvæði fer þar fram
mikilvægt vísindastarf.
Þegar ég var í námi í
ethnobotany fór hluti námsins
fram í Kew-garðinum og þar
kynntist ég því gríðarlega mikla
og mikilvæga vísindastarfi sem
þar á sér stað bak við tjöldin.
Mér brá því illilega í vor þegar
ég sá að fjárveitingar til garðsins
hafa dregist saman um hátt í
fimm milljón pund á skömmum
tíma, en það jafngildir hátt í
milljarði króna.
Stjórnendur garðsins hafa
bent á að slíkur niðurskurður
muni lama starfsemi garðsins
og að segja verði upp um 125
starfsmönnum vegna hans.
Kew hýsir eitt stærsta safn í
heimi af þurrkuðum plöntum og
eru mörg þeirra frumeintök sem
notuð eru til að greinaplöntur í
tegundir. Þar er einnig að finna
margar af sjaldgæfustu plöntum
í heimi, sem sumar eru taldar
útdauðar í náttúrunni, gríðarlegt
safn af handverki, vörum og
hlutum úr plöntum. Fyrir utan
sýningarsvæðið sem er opið
almenningi.
Attenborough til hjálpar
Fyrir skömmu gengu Jane
Goodall, sem þekktust er fyrir
rannsóknir sínar á simpönsum,
og sjónvarpsmaðurinn David
Attenborough til liðs við Kew.
Bæði hafa þau lýst undrun sinni
og hneykslun á því að svelta
eigi garðinn fjárhagslega og
segja skammsýni ráðamanna
fyrir neðan allar hellur.
Á vorin er gaman að skoða
krókusa og laukabeðin, auk
þess sem kirsuberjatrén skarta
þá sínu fegursta. Garðurinn er
í fullum blóma frá því í júlí
og fram í september og þá
blómstra hrossakastaníurnar,
sólblóminn og vatnaliljurnar.
Haustlitir lauftrjánna í Kew eru
stórfenglegir og engum öðrum
líkir og margar tegundir bera
litrík ber og aldin. Á veturna
gefst aftur á móti tækifæri til
að virða fyrir sér lögun trjánna
og skoða á þeim börkinn sem er
fjölbreyttari en margan grunar.
Kúluhattur úr korki
Í Pálmahúsinu er hægt að
skoða plöntur úr hitabeltinu og
í kjallara hússins er sýning á
vatna- og sjávargróðri. Í The
Prince of Wales Conservatory
er að finna sýnishorn af
mismunandi gróðurhverfum
sem spanna allt frá eyðimörkum
til hitabeltisins.
Þeir sem hafa áhuga á
plöntunytjum ættu að kíkja á
sýninguna Plants+People, þar
sem hægt er að skoða ýmislegt
áhugavert sem maðurinn
fær og býr til úr plöntum. Í
einum básnum er hægt að
þefa af hinum ótrúlegustu
ilmefnum sem jurtir gefa frá
sér, en í öðrum eru hljóðfæri,
smíðagripir, fatnaður ofinn úr
ananasþráðum og kúluhattur úr
korki. /VH
STEKKUR
Fjármagn til Kew
skorið niður Góður traktor gulli betri
Þegar rækta á skóg er gott að eiga
góðan traktor og hann þarf hvorki
að vera 200 hestöfl eða glænýr úr
kassanum. Þetta veit Þorvaldur
Böðvarsson, skógarbóndi á
Grund II í Vestur-Hópi, sem
keyrir öllum sínum plöntum út
í skógræktarsvæðið á forláta
Massey Ferguson 35x, trúlega
árgerð 1964.
Traktorinn er á tvöföldum
dekkjum að aftan, sem gerir
hann stöðugan og eykur flotið.
Tvöföldunin nýtist vel á
skógarslóðunum á vorin sem eru oft
blautir og illir yfirferðar og einnig
þegar þarf að hossast um móana við
girðingaviðhald. Þorvaldur nýtir
traktorinn líka til slóðagerðar um
skógræktarlandið. Við það verk er
settur tætari aftan í traktorinn og
tönnin að framan á virkar vel til að
leggja nýjar slóðir og laga þá eldri.
Skógrækt hófst á Grund II árið
2009 og árlega hefur Þorvaldur sett
niður á bilinu 9.000–15.000 plöntur
með aðstoð góðra manna. Þetta
kemur fram á vefnum skogarbondi.
is.
Fyrsta Huber-
dráttarvélin var
smíðuð árið1892
og var með Van
Duzen-gufuvé l
en þar sem
v é l a r b ú n a ð u r
hennar reyndist illa
var framleiðslunni
hætt.
Framleiðandinn,
sem hét Edwin
Huber og var
járnsmiður, gafst þó
ekki upp og rúmum
áratug síðar var
reynt aftur og með bensínvél.
Vinsældir Huber-dráttarvéla voru
talsverðar í Bandaríkjunum en
framleiðslu þeirra var hætt í seinni
heimsstyrjöldinni.
Huber með Van Duzen gufuvél
Búnaðarsamband Vestfjarða:
Bændadagur í Bolungarvík
Laugardaginn 5. júlí var
Bændadagur Búnaðarsambands
Vestfjarða (BSV) haldinn á
markaðs dögum í Bolungarvík.
Þar var grillvagn frá Lands-
sambandi Sauðfjárbænda (LS)
þar sem grillað var lambakjöt til
að kynna hið íslenska lambakjöt
fyrir gestum hátíðarinnar. En þar
sem leiðindaveður var og ekki
flugveður til Ísafjarðar komust
kjötiðnaðarmennirnir ekki vestur
sem áttu að standa vaktina við
vagninn. Hljóp Sigmundur Hagalín
Sigmundsson, bóndi á Látrum við
Ísafjarðardjúp og formaður
B ú n a ð a r s a m b a n d s
Vestfjarða, í skarðið.
Stóð hann vaktina við
grillið af mikilli snilld og
Kristín dóttir hans sneiddi
niður kjötið og gaf fólkinu
að smakka.
Arna fékk
hvatningarverðlaun
Búnaðarsamband Vestfjarða
veitti hvatningarverðlaun fyrir
árið 2013 og að þessu sinni
var það mjólkurvinnslan Arna ehf.
sem hlaut þau og tók Arna María
Hálfdánardóttir, dóttir mjólkurbús-
stjórans, við verðlaununum
fyrir hönd fyrirtækisins. Á
viðurkenningarskjalinu stendur:
„Búnaðarsamband Vestfjarða
veitir Örnu ehf. mjólkurvinnslunni
í Bolungarvík „Hvatningarverðlaun
2013“ fyrir brautryðjandi starf í
úrvinnslu mjólkur á starfssvæði
Búnaðarsambands Vestfjarða.
Starf fyrirtækisins hefur ekki
aðeins verið lyftistöng atvinnu og
nýsköpunar á Vestfjörðum heldur
einnig opnað nýja möguleika á
mjólkurvinnslu fyrir aðila sem
hingað til hafa ekki geta notið
þeirra möguleika sem hefðbundnar
mjólkurvörur bjóða uppá.
Fyrirtækið hefur með starfi sínu
verið hvatning fyrir aðra nýsköpun
á starfssvæði Búnaðarsambands
Vestfjarða og það ber að þakka.“
Sigmundur Hagalín Sigmundsson, bóndi
á Látrum við Ísafjarðardjúp, var ekki í
neinum vandræðum með að bregða sér í
hlutverk kjötiðnaðarmeistara við grillvagn
LS þegar ljóst var að meistararnir úr MFK
kæmust ekki vestur vegna veðurs. Síðan
sá Kristín dóttir hans um að brytja kjötið
niður í gestina.
Arna María Hálfdánardóttir tók við
hvatningarverðlaunum sem BSV
veitti mjólkurvinnslufyrirtækinu Örnu
í Bolungarvík.