Bændablaðið - 23.10.2014, Side 2

2 Bændablaðið | Fimmtudagur 23. október 2014
Viðræður standa yfir milli
Landssambands kúabænda og
Bændasamtaka Íslands um að
LK kaupi Nautastöð BÍ að Hesti í
Borgarfirði. Ekki er enn ljóst hvort
af kaupunum verði en það skýrist
fljótlega.
Baldur Helgi Benjamínsson,
framkvæmdastjóri Landssambands
kúabænda, segir að viðræður um
kaup LK á Nautastöð Bændasamtaka
Íslands standi yfir en endanleg
ákvörðun um kaupin hafi ekki
enn verið tekin. „Frumkvæði að
viðræðunum er komið frá okkur
og Bændasamtökin hafa líka sýnt
málinu áhuga. LK vill að búgreinin
taki stöðina yfir og beri þannig sjálf
ábyrgð á ræktunarstarfinu. Þannig er
það hjá öðrum búgreinum og okkur
finnst það sama eigi að gilda um
nautgriparæktina.“
Ákvörðunar að vænta fljótlega
Að sögn Baldurs skýrist fljótlega
hvort af kaupunum verður en stjórn
BÍ mun væntanlega taka málið
fyrir fljótlega og taka ákvörðun um
áframhaldið. Baldur segir að meðal
annars sé ekki búið að semja um
endanlegt verð enn.
20 til 30 naut til sæðistöku
Nautastöð Bændasamtaka Íslands
er á Hesti í Borgarfirði. Á hverju
ári eru keyptir um 70 smákálfar
að Nautastöð BÍ að Hesti og úr
hverjum árgangi koma 22 til 30
naut til sæðistöku, önnur eru felld
vegna þess að þau þroskast ekki,
stökkva ekki eða mæður þeirra falla
í kynbótamati. Í stöðinni á Hesti
eru 24 sæðisnautastíur, fjórar stíur
fyrir uppeldið, sem geta tekið kálfa
og svo einangrunarstöð sem tekur
12 kálfa.
Árlega eru teknir á bilinu 120
til 170 sæðisskammtar úr nautum
á stöðinni og rúmlega 50 þúsund
eru sendir til frjótækna um allt land.
Aðstæður í stöðinni eru eins og
best verður á kosið og hún uppfyllir
kröfur Evrópusambandsins um
útflutning á nautasæði. Starfsmenn
stöðvarinnar eru tveir.
Áhugi fyrir útflutningi
á nautgripasæði
úr íslenskum nautum
„Landssambandi kúabænda berast
á hverju ári fyrirspurnir um sæði
úr íslenskum nautum erlendis
frá og okkur langar til að skoða
þann möguleika frekar og flytja út
íslenskt nautgripasæði sé markaður
fyrir það,“ segir Baldur Helgi
Benjamínsson, framkvæmdastjóri
Landssambands kúabænda, að
lokum. /VH
Fréttir
Rafrænir reikningar
frá BÍ vegna Fjarvis
Bændasamtök Íslands hafa
nýlega sent út rafræna reikninga
fyrir árgjöldum af FJARVIS.
IS, skýrsluhaldsforritinu í
sauðfjárrækt.
Aðgangur að FJARVIS.IS
veitir jafnframt aðgang að nýja
sauðfjárræktarforritinu, LAMB,
en sömu aðgangsorð gilda. Sami
háttur var hafður á við útsendingu
á árgjöldum fyrir JÖRÐ,
skýrsluhaldsforritið í jarðrækt,
og HUPPU, skýrsluhaldsforritið í
nautgriparækt, þegar reikningar voru
sendir út fyrir árgjöldum fyrr á árinu.
Rafrænir reikningar birtast sem
krafa í heimabanka og reikningurinn
undir „Rafræn skjöl“. Þeir sem vilja
áfram fá senda reikninga í pósti er
bent á að hafa samband við skrifstofu
Bændasamtakanna hið fyrsta. Hægt
er að hafa samband á skrifstofutíma
símleiðis í síma 563-0300, en einnig
er unnt að senda tölvupóst á jl@
bondi.is með öllum nauðsynlegum
upplýsingum.
Landssamband kúabænda hefur áhuga á að kaupa Nautastöð Bændasamtaka Íslands:
Eðlilegt að búgreinin beri
ábyrgð á ræktunarstarfinu
Hreppsnefnd Ásahrepps vill
skoða möguleikann á lagningu
ljósleiðara í hreppinn. Á fundi
hreppsnefndar fyrir skömmu
greindi Ingólfur Bruun frá því
að lagning ljósleiðara í Mýrdal
hefði gengið vel, en væri ekki að
fullu lokið.
Hann mælti með að hreppsnefnd
Ásahrepps myndi hitta forsvarsmenn
verkefnisins í Mýrdal og kynna sér
það. Ekki liggja fyrir upplýsingar um
hver hönnunarkostnaður yrði fyrir
ljósleiðaravæðingu Ásahrepps.
Ingólfur mælti með að fyrirtækin
Heflun ehf. og Leiðarinn ehf. yrðu
fengin til að vinna verkið og að
notaðir verði tengiskápar í stað
tengibrunna. Hann lagði einnig til
að sveitarfélagið eða dótturfyrirtæki
þess verði eigandi allra lagna og að
samið verði við fjarskiptafyrirtæki
um rekstur kerfisins.
Hreppsnefnd Ásahrepps leggur
áherslu á að vandað verði til
undirbúnings fyrir ljósleiðaralögn
í hreppinn og að verðkönnun verði
gerð á sem flestum verkþáttum
og efni til verksins. Oddvita var
falið að skipuleggja heimsókn
til fyrirtækisins Líf í Mýrdal til
að kynna sér viðhorf verkkaupa í
Mýrdal. /VH
Vilja ljósleiðara
í Ásahrepp
Sæðisnaut á Nautastöðinni að Hesti í Borgarfirði.
Bændur á Móeiðarhvoli hyggjast hætta kornrækt að mestu:
Álft og gæs étur um þriðjung uppskerunnar
– Getum ekki barist endalaust við þetta og borgað að auki eldið á þessum fuglum, segir ábúandi
Birkir Arnar Tómasson, bóndi á
Móeiðarhvoli, segir að af því sem
hann hafi náð í hús hafi fengist
5,3 tonn af þurrum höfrum á
hektara sem þyki gott. Hefur
Birkir haft samvinnu við félaga
sinn, Massimo Luppi, sem
er af ítölskum uppruna, um
akuryrkjuna, en hann er mikill
áhugamaður um kornrækt og
hefur leigt þarna akurlendi til
ræktunar.
„Hafrarnir voru af ökrum þar
sem engin afföll urðu. Byggið er
hins vegar allt meira og minna
brotið niður og þar hefur álft og
gæs eyðilagt mikið. Það eru t.d. um
15 hektarar sem við reynum ekki
einu sinni að fara með vélarnar á.“
Tjónið nemur milljónum króna
Birkir segir að þar sem svo langt
sé komið fram á haust hafi fuglinn
lagst enn meira á akrana en ella.
„Hér í kringum mig hleypur
tjónið á nokkrum milljónum
króna aðallega af völdum álfta.
Það er auðveldara að reka gæsina
á brott. Hún er mun styggari og ef
maður nær að reka hana á brott að
morgni, þá lætur hún ekki sjá sig
allan daginn.
Öðru máli gegnir um álftina.
Hún hræðist manninn ekki og er
komin aftur í akurinn nokkrum
mínútum eftir að hún hefur verið
rekin á brott. Þá hefur afkoman hjá
álftinni verið mjög góð í sumar og
maður sér álftina hvergi með færri
unga en fimm. Allt þarf þetta að éta
og eiga þeir örfáu aðilar sem eru að
burðast við kornrækt í landinu að
halda uppi þessum stofni? Ég ætla
ekki að taka þátt í því lengur og við
félagi minn sem er í samvinnu við
mig munum ekki sá í meira en við
getum algjörlega varið fyrir fugli.
Það verður til þess að ég verð að
kaupa miklu meira af innfluttu
fóðri þó ég hefði þurft að auka
kornræktina um leið og ég fjölga
nautgripunum.“

Þriðjungur kornsins
fer í að ala álft og gæs
„Nú er þetta stórtjón og mikið meira
en í fyrra af völdum fugla. Þá náðum
við meiru af korninu í hús áður en
fuglinn kom. Sennilega var það
vegna þess að varpið hófst þá mun
seinna vegna vorkulda og fuglinn
kom því líka seinna niður í byggð
með ungviðið. Í sumar verpti fuglinn
fyrr vegna meiri hita og kom því fyrr
í akrana. Svo var september erfiður
vegna veðurs þannig að við réðum
ekki neitt við þetta.
Nú er svo komið að við sem
unnið höfum að kornræktinni hér í
sameiningu munum hætta þessu að
mestu. Við verðum annaðhvort að
sætta okkur við að 30 prósent af því
sem við ræktum fljúgi burt, eða að
við kaupum kornið erlendis frá.“
Enginn vilji til að taka á málinu
Er ekki óhagstætt fyrir þjóðarbúið ef
þið þurfið að fara að verja auknum
gjaldeyri til fóðurkaupa?
„Ég hefði talið það og að við
ættum að reyna að framleiða alla þá
matvöru sem við getum hér á landi, en
það virðist bara ekki skipta ráðamenn
neinu máli. Við erum búnir að benda
á þetta í tíu ár eða meira, en það er
eins og að berja hausnum við stein.
Það hefur ekkert gerst og enginn vilji
til að taka á málinu. Þeir sem ráða
eru greinilega á annarri skoðun en
við og vilja flytja þetta allt inn með
tilheyrandi gjaldeyrisútlátum. Við
getum bara ekki barist endalaust
við þetta og borgað að auki eldið
á þessum fuglum, það gengur bara
ekki upp,“ segir Birkir. /HKr.
Frjósemin í álftastofninum á Íslandi hefur verið sérlega mikil á undanförnum árum. Hér er álftapar með sex unga
Myndir / HKr.
Í lok 3. ársfjórðungs 2014 bjuggu
164.710 karlar og 163.460 konur
eða samtals 328.170 manns
á Íslandi samkvæmt tölum
Hagstofu Íslands.
Hafði landsmönnum fjölgað um
1.130 á ársfjórðungnum. Erlendir
ríkisborgarar voru 23.840 og
á höfuðborgarsvæðinu bjuggu
210.660 manns.
Á 3. ársfjórðungi 2014 fæddust
1.200 börn, en 510 einstaklingar
létust. Á sama tíma fluttust 420
einstaklingar til landsins umfram
brottflutta. Brottfluttir einstaklingar
með íslenskt ríkisfang voru 440
umfram aðflutta, en aðfluttir
erlendir ríkisborgarar voru 860
fleiri en þeir sem fluttust frá
landinu. Fleiri karlar en konur
fluttust frá landinu.
Íslendingar 328.170