Bændablaðið - 23.10.2014, Blaðsíða 7

7Bændablaðið | Fimmtudagur 23. október 2014
á er komið að framlagi
Björns Ingólfssonar
á Grenivík. Hann kom
ekki tómhentur til „Kátra
daga“ á Þórshöfn. Af sjálfum sér
segir Björn frá húskarlsstörfum
sínum hjá tengdasyni sínum,
Þórarni Péturssyni á Grund
í Grýtubakkahreppi. Í erli
sauðburðar hinn 7. maí sl. varð
Björn einmitt sjötugur:
Aldrei á beinum brautum fer hann
í búskapnum – það er flestra mat.
En nægjusamur og nýtinn er hann
að notast við sjötugt karlrassgat.
Um sessunauta sína orti Björn
undir stuðlafalli:
Einn má telja innstan kopp í búri.
Hans er orðið hrukkótt fés
heitir svínið Jóhannes.
Hjálmar – það er hann sem er
með leppinn –
telur stærsta lífs síns lán
að líta út eins og Charlie Brown.
(Til glöggvunar, þá var Hjálmar
með einhverja óværu í auga og
bar lepp fyrir auganu)
Ágúst hann er yngstur hér á palli,
illskældinn og orðljótur
orðinn þó er, helvískur.
Og stjórnandi samkomunnar,
Birgir Sveinbjörnsson fær líka
völu:
Birgir telst hin besta hér á Fróni
hagyrðinga hlaupatík
húskarl Rósu í Krossavík.
Björn var beðinn um eitthvað
nýlegt afrek á sviði kveðskapar.
Björn flutti þá samkomunni
Langlimru:
Hún leystist að lokum gátan
og ljóst er hvað kom fyrir skátann.
Þegar Oddfríður sá hann
svo ungan og knáan
fór holdið að þrá hann
þá henti hún sér á hann
og í ógáti hún hreinlega át hann.
Og líkt og hinir hagyrðingarnir,
þá orti Björn um forskot það
sem Gústi hafði á Þistilfirðinga
varðandi túnaslátt:
Að deila um töðuna á túnunum
er tilgangs- og marklaust blaður.
Þetta er merki aðeins um
að Ágúst sé keppnismaður.
Næst spyr Birgir hvort Birni þyki
Langanes ljótur tangi eins og
Látra-Björg orðaði það forðum:
Í fullyrðing minni er e.t.v. angi
af eins konar víðsýnisskorti.
Langanes þykir mér ljótur tangi
en lítur þó vel út á korti.
Líkt og hinir hagyrðingarnir,
þá orti Björn um þau harmsefni
Birgis, að sjá hvergi svipmót sitt
meðal íbúa Raufarhafnar þrátt
fyrir að hafa eytt þar sínum mestu
manndómsárum:
Á Raufarhöfn dvaldi hann daga fína
og dapur hann tregar og harmar að
hafa ekki notað þar náttúru sína
en nú er of seint að reyna það.
Á þeim frumlegheitum Ágústar í
Sauðanesi að hafa rekaviðarsúlu
í miðri stofunni, rammlega festa
við loft og gólf, var Björn með
tiltækar skýringar:
Inni í stofu Ágúst sest
ánægður mælir við sinn gest:
„Þetta er súlan, það er best
að þarna gæti ég tjóðrað hest.“
Umsjón:
Árni Geirhjörtur Jónsson
kotabyggd1@gmail.com
Líf og starf
MÆLT AF
MUNNI FRAM
Þ
Félag sauðfjárbænda í Rangár-
vallasýslu sá um hátíðahöld á Degi
sauðkindarinnar í Skeiðvangi á
Hvolsvelli hinn 18. október. Um
300 gestir mættu á hátíðina sem
nú var haldin í sjöunda sinn.
Á sýninguna komu efstu hrútar úr
sýningum í hverri sveit milli Þjórsár
og Markarfljóts og voru dæmdir upp
á nýtt.
Efstu lambhrútar urðu:
1. Nr. 78 frá Tjaldhólum með 37,5
stig fyrir BML og 89 heildarstig.
F: Stikill Næfurholti.
2. Nr. 118 frá Álfhólum með 37,5
stig fyrir BML og 88 heildarstig.
F: Svalur Álfhólum.
3. Nr. 31 frá Tjaldhólum
með 37 stig fyrir BML og
88.5 heildarstig. F: Stikill
Næfurholti.
Veturgamlir hrútar:
1. 13-334 Álfur frá Djúpadal með
37 stig BML og 87 heildarstig
F: Styrkur Álfhólum
2. 13-301 Kristall frá Búð með 36
stig BML og 87 heildarstig. F:
Birkir Bjarnastöðum.
3. 13-082 Pistill frá Austvaðsholti
með 37 BML og 88 heildarstig.
F: Púki Bergstöðum
Gimbrar:
1. Nr. 294 frá Teigi 1 með 9.5 fyrir
frampart 19.5 læri.
2. Nr. 59 frá Hemlu með 9.5 fyrir
framp. 19.5 læri.
3. Nr. 120 frá Kaldbak með 9 fyrir
framp. 19 læri.
Gestir völdu litfegursta lambið og
var valin svartflekkótt gimbur frá
Bergi Guðgeirssyni, Hellu.
Verðlaun voru veitt fyrir 5 vetra
ær sem standa efstar í kynbótamati
í sýslunni. Efstu 6 ærnar voru frá
Skarði. Efsta ærin var 09-035 frá
Skarði með 119.8 stig.
Veitt voru verðlaun fyrir þyngsta
dilk úr sýslunni lagðan inn hjá SS
nú í haust. Hann var frá Sigurði
Sigurðarsyni, Þjóðólfshaga og vó
32.7 kg.
Skarð er ræktunarbú ársins
Skarð í Landsveit var útnefnt
ræktun arbú Rangárvallasýslu 2014.
Styrktaraðilar sýningarinnar voru
KS, SS sem gaf gestum kjötsúpu
og Ítalíulæri fyrir þyngsta dilkinn.
Aurasel og Fóðurblandan lánuðu
grindur.
Verðlaunagripir voru útskornir
af Ragnhildi Magnúsdóttur í
Gígjarhólskoti og mynd máluð af
Gunnhildi Jónsdóttur Berjanesi.
Á hátíðinni sýndi Maja í
Skinnhúfu ullarvinnslu og í lokin
voru boðin upp 3 lömb sem voru
gefin til að standa undir kostnaði og
einnig einn orystuhrútur.
/Einar G. Magnússon
Dagur sauðkindarinnar í Rangárvallasýslu:
Um 300 manns fylgdust með hrútadómum
og völdu litfegursta lambið í sveitinni
Glaðir og ánægðir gestir á Degi sauðkindarinnar á Hellu. Myndir / Sigríður H. Heiðmundsdóttir, Kaldbak.
Þrír efstu lambhrútarnir. Guðni Steinarr Guðjónsson, Tjaldhólum, heldur í þann sem efstur stóð, þá er það Sara
Ástþórsdóttir, Álfhólum, með hrút nr. 2 og síðan Ragnar Rafael Guðjónsson, Tjaldhólum, með hrút nr. 3.
Tjaldhólabræður með hrúta nr. 1 og 3. Guðni Steinarr og Ragnar Rafael
Guðjónssynir.
Verðlaun fyrir efstu 5 vetra ána og besta búið. Erlendur Ingvarsson og
Berglind Guðgeirsdóttir í Skarði.
Ræktandi og eigandi efsta veturgamlahrútsins: Sara Ástþórsdóttir,
Álfhólum, ræktandi og Lilja Sigurðardóttir í Djúpadal, eigandi.
Efsta lambgimbur frá Guðna
Jenssyni og Örnu Dögg
Arnþórsdóttur í Teigi.
Litfegursta lambið að mati gesta.
Jón Óli Guðgeirsson á Hellu, einn
eigenda þess, heldur hér í það.