Sagnir - 01.06.1999, Page 48

Gumundur Jnsson
47
Það kom mér líka á óvart, þó ekki eins mikið, hversu gríð-
arlegur hagvöxtur var á árum síðari heimsstyrjaldar en þá
verður einhver mesta breyting á lífskjörum Íslendinga sem um
getur. Þá var hagvöxtur hvergi meiri í Evrópu eða 9–10% að
meðaltali tímabilið 1938–1945. Íslendingar voru komnir í hóp
ríkustu þjóða heims. Að vísu veittist okkur erfitt að halda
þessari stöðu á næstu áratugum en það er önnur saga. Nú hafa
Íslendingar verið um nokkurt skeið í hópi tíu ríkustu þjóða
heims, mælt í þjóðarframleiðslu á mann. Að skýra hvernig Ís-
lendingar náðu þessu lífskjarastigi er eitt af mikilvægstu verk-
efnum í hagsögu okkar.
Á þessum áratug hafa stjórnvöld tekið efnahagsmál fastari
tökum en nokkurn tíma áður, fyrirtæki sýna meiri hagnað
en nokkru sinni fyrr og lífskjör almennings hafa batnað til
muna. Finnst þér að allt þetta hafi glætt áhuga almennings
á hagsögu og hagstjórnun?
Síðustu fimm ár hefur verið góðæri en ég sé ekki að batnandi
þjóðarhagur hafi beinlínis verið lyftistöng fyrir hagsöguna eða
sagnfræðina yfirleitt. Þvert á móti virðist aðsókn að sagnfræði
vaxa í öfugu hlutfalli við þjóðarframleiðslu, hvernig sem á því
stendur. En ég held að hagsagan njóti almennt góðs af landlæg-
um áhuga á efnahagsmálum. Íslendingar eru hreint út sagt gagn-
teknir af efnahagsmálunum og geta rætt um þau þindarlaust.
Sagnir 1999
Árbæjarsafn - Minjasafn Reykjavíkur
110 Reykjavík • Pósthólf 10020
Sími 577 1111 • Fax 577 1122
abs@rvk.is • www.arbaejarsafn.is