Múlaþing: byggðasögurit Austurlands - 01.01.1968, Page 102

100
MÚLAÞING
inn var lagður mældist breiddin yfir ána 370 metrar. Þegar
vöxtur var í ánni var róið þvert yfir en varð að beita í
strauminn alla leiðina, en þegar áin minnkaði kom upp löng
eyri í miðri ánni sem róa varð fyrir. Frá ómunatíð höfðu ailar
ær verið í kvíum og gengið í heimahögum, en þegar hætt var
fráfærum voru þær reknar á fjall. Versnaði þá ferjustandið.
Sá ,háttur er í Fljótsdal að allt fé af Austurbyggð er rekið
vestur yfir dalsárnar til afréttar. Þegar ekki þurfti að reka
nema geldfé og hagalömb var sætt lagi að reka geldféð ef
á*rnar minnkuðu og þá rekið í þær. Þurfti þá ekki að 'foíða
með geldféð þangað til allar ær voru bornar og lömbin orðin
rekstrarfær. Þegar fjáreignin var orðin að mestu leyti Iamb-
ær var oftast rekið til afréttar á sama tíma sumars og und-
antekningarlítið ferjað. Þetta olli því að ég var ráðinn í að
hafa ekki á hendi lögferju lengur með þeirri aðferð sem brúk-
uð hafði verið. Ferjan tók 10 ær og 10 lömb. Féð var bundið
á öllum fótum uppi á landi, borið út í ferjuna, lagt þar iá
hrygginn milli banda, lömbin látin þar ofan á, passað að hafa
ferjuna vel úti svo að ekki yrði strand. Ferjumenn'rnir tróðu
fótunum niður á milli ánna og náðu að spyrna í ferjuband
Féð ;var leyst úti í ferjunni og hljóp það á land. Gengu 15
mínútur í ferðina.
Féð sem þurfti að reka til afréttar árið 1917 frá sex búum,
var 1385 kindur fullorðnar og lömb að auki. Voru nokkur ráð
tií önnur en að brúa árnar? Nú er búið að brúa þær fyrir
1.200.000 kr. Þetta gátu ekki talizt úrræði fyrir sex bæ;. Ég
byrjaði á að mæla breidd á ánni á nokkrum stöðum. Líkleg-
ast sýndist mér að vera þar sem árnar féllu saman með grónu
iandi á báðar hendur. Valdi ég ferjunni stað þar sem brúin
var síðar byggð. Þar er hún 108 metrar á breidd. Mér datt í
hug að reyna að leggja streng yfir ána.
Éig skrifaði nú Jakobi Gunnlaugssyni stórkaupmanni í
Kaupmannahöfn og bað hann að kaupa fyrir m;g 75 faðma
langan stálkaðal og viðeigandi járntrissu með krók til þess að
binda kaðal um, og gerði hann það. Kaðallinn var 240 pund