Jökull - 01.12.1991, Page 101

Snjóflóð á íslandi veturinn 1988/89
MAGNÚS MÁR MAGNÚSSON
Veðurstofu íslands
Bústaðavegi 9, 150 Reykjavík.
Á níunda hundrað snjóflóð voru skráð veturinn 1988-
89. Tveir menn fórust í snjóflóði á Oshlíð, er þeir óku
bifreið yfir snjóflóð, sem hafði fallið skömmu áður.
Alls féllu fjögur snjóflóð úr sama farveginum á
skömmum tíma. Þriðji maðurinn slapp naumlega er
síðasta flóðið féll.
Áberandi er hversu mjög atvikum þar sem
útivistarfólk á hlut að máli fer fjölgandi. Fjallgöngu-
maður fótbrotnaði í Skarðsheiði er hann lenti í snjó-
skriðu, sem hann kom sjálfur af stað. Þremur vikum
fyrr hafði sami fjallgöngumaður orðið vitni að snjó-
flóðaóhappi á sama stað.
Ungur maður á fjórhjóli kom snjóflóði af stað er
hann var að leika sér að því að keyra upp í hlíð. Hann
slapp ómeiddur. Vélsleðamenn komu snjóflóði af stað
í Auðbjargarstaðabrekku, N-Þingeyjarsýslu, með
akstri sínum. Lentu tveir sleðamenn í flóðinu, en
engan sakaði.
Tvö böm björguðust ómeidd úr snjóflóði er féll á
almenningsskíðasvæði en ekki mátti tæpara standa.
Skíðamenn ofar í brekkunni höfðu hleypt flóðinu af
stað. Snjóflóð féll í skíðastökkbraut á skíðasvæði
ísfirðinga, en engan sakaði.
Snjóflóð féll ofan við heilsugæzlustöðina á
Ólafsvík og stöðvaðist 40 metra frá húsinu. Snjóflóð
féllu á snjóruðningstæki við Patreksfjörð, í Óshlíð og
í Auðbjargarstaðabrekku. Maður slapp ómeiddur úr
snjóflóði er féll í Óshlíð, maður og kona sluppu
ósködduð er bifreið þeirra grófst undir snjóflóði á
Breiðadalsheiði og maður bjargaðist úr snjóflóði í
Ólafsfj arðarmúla.
Tvisvar lentu flutningabílar í snjóflóðum, en í
hvorugt skiptið urðu slys á fólki né skemmdir á
tækjum. Gamall kindakofi skemmdist í snjóflóði á
Siglufirði og nokkuð var um að girðingar skemmdust
víða um land. Rafmagnsstaurar brotnuðu á Bíldudal
og brúin yfir ána Mórillu í Kaldalóni, ísafjarðardjúpi,
stórskemmdist í snjóflóði.
í töflunni hér á eftir eru skráð öll þau snjóflóð,
sem Snjóflóðavarnir Veðurstofu Islands hafa
vitneskju um. Heimildarmenn hafa, eins og áður,
verið starfsmenn Vegagerðar ríkisins, og veður- og
snjóathuganafólk Veðurstofunnar, en einnig hafa
ýmsir aðrir sent inn upplýsingar.
Rétt er að hvetja fólk, sem verður vart við snjóflóð
að tilkynna það Veðurstofunni. Hægt er að fá þar til
gerð eyðublöð, til skráningar á snjóflóðum.
ítarlegri upplýsingar um flóðin er hægt að fá á
Veðurstofu Islands.
HEIMILDIR: Snjóflóðaskýrslur Veðurstofu íslands,
Morgunblaðið, Snjóflóðaskýrslur Vegagerðar
ríkisins, Dagblaðið.
Summary
SNOW AVALANCHES IN ICELAND
DURING THE WINTER 1988/89
More than 800 avalanches were recorded. Twofata-
lities occurred andfifteen people narrowly escaped.
One bridge was severely damaged and a sheepbarn
was considerably damaged but otherwise property
damage was minimal. It is interesting to note the in-
creased occurrences ofavalanche accidents involving
people partaking in leisure activities. Location, date of
occurrence and other information is presented in the
table below. Further information is available from the
Icelandic Meteorological Office, (Veðurstofa Islands,
Bústaðavegi 9, IS-150 Reykjavík, Iceland).
Skammstafanir: V=vott hlaup; Þ=þurrt hlaup; K=krapahlaup;
Kóf=kófhlaup; F=flekahlaup; L=lausasnjóflóð; l=lengd; b=breidd;
d=dýpt tungu.
Abbreviations: V=wet avalanche; Þ=dry avalanche; K=slush
avalanche; Kóf= powder avalanche; F=slab avalanche; L=loose
snow avalanche; l=length; b=width; d=depth of deposit.
JÖKULL, No. 41, 1991 99