Dagblaðið Vísir - DV - 24.10.2014, Side 15

Fréttir 15Helgarblað 24.–27. október 2014
Skuldabréf Landsbankans: Úrslitastund
n Mikilvæg ákvörðun um gjaldeyrishöft n Stórskuld Landsbankans í húfi
K
röfuhafafundi gamla
Landsbankans (LBI) verð-
ur fram haldið í dag, föstu-
dag, en honum var óvænt
frestað í gær skömmu eft-
ir að hann hófst. Ástæðan var sú
að engin svör höfðu þá borist frá
stjórnvöldum eða Seðlabankanum
um það hvort slitastjórn LBI fengi
undanþágu frá gjaldeyrishöft-
um til að greiða kröfuhöfum hluta
af gjaldeyriseign sinni. Bú gamla
Landsbankans (LBI) á um 400
milljarða króna handbæra og hef-
ur undanfarna mánuði leitað eftir
undanþágu frá gjaldeyrishöftun-
um til þess að greiða út alla þá upp-
hæð eða hluta hennar í gjaldeyri.
LBI gerir undanþágu frá gjaldeyris-
höftum að skilyrði fyrir samkomu-
lagi um að lengja í um 230 milljarða
króna skuld nýja Landsbankans
til ársins 2026, en nýi bankinn er
að mestu í eigu íslenska ríkisins.
Frestur sem LBI gaf Seðlabanka
Íslands til þess að svara erindinu
rennur út í dag og fellur samkomu-
lag um 230 milljarða króna skulda-
bréfið úr gildi ef stjórnvöld og
Seðlabanki Íslands sjá sér ekki fært
að veita LBI undanþágu frá gjald-
eyrishöftunum.
Rætt á ríkisstjórnarfundi
Eftir því sem DV kemst næst var
málið rætt á ríkisstjórnarfundi
í gær að viðstöddum Má Guð-
mundssyni seðlabankastjóra. Mik-
ið er húfi því þungar afborganir af
skuldabréfi Landsbankans á næstu
misserum geta ógnað fjármála-
stöðugleika eins og fram kemur í
nýlegri skýrslu Seðlabankans um
fjármálastöðugleika. Þar kemur
fram að verði ekki af samningi um
að lengja lánsfrest nýja Lands-
bankans við bú þess gamla kunni
gengi íslensku krónunnar að lækka
um 8 prósent, verðbólga gæti þar
með aukist og einkaneysla dreg-
ist saman. Við slíkar aðstæður
yrði Seðlabankinn að veita Lands-
bankanum langtímafjármögnun
í erlendum gjaldmiðlum með til-
heyrandi áhrifum á skuldastöðu
ríkissjóðs og gjaldeyrisforðann,
eins og segir í fjármálastöðugleika-
skýrslu Seðlabankans. Kröfuhafa-
fundi LBI verður fram haldið síð-
degis í dag, föstudag, og er þá gert
ráð fyrir að einhver svör hafi borist
frá Seðlabankanum og stjórnvöld-
um. n
Ögurstund Már Guðmundsson seðlabankastjóri var kallaður
á fund ríkisstjórnarinnar í gær vegna málsins. Hann og Bjarni
Benediktsson, efnahags- og fjármálaráðherra, hafa Lands-
bankaskuldabréfið í höndum sér ásamt Sigmundi Davíð
Gunnlaugssyni forsætisráðherra. Mynd SaMSett
Helgi Seljan reyndi að
kæra hótanir Erlendar
n Lögreglan neitaði að taka við kærunni n Hafði líka í hótunum við dóttur Ásdísar Viðarsdóttur
Þ
etta ónæði sem við höfum
orðið fyrir hérna í Kastljósinu
eru algjört smámál miðað
við það sem þessi fjölskylda
er búin að þola,“ segir Helgi
Seljan, fréttamaður í fréttaskýringa-
þættinum Kastljósi, en hann staðfestir
í samtali við DV að Erlendur Þór Ey-
steinsson, sá sem ítrekað hefur hótað
Ásdísi H. Viðarsdóttur frá því samvist-
um þeirra lauk, hafi að undanförnu
sent Helga hótanir með SMS-skila-
boðum. Helgi reyndi að kæra hótan-
irnar til lögreglu sem neitaði að taka
við kærunni. „Þeim fannst þetta ekki
vera nógu alvarlegt. Þetta var ekki
nógu skýr hótun,“ segir Helgi. Hann
segist hafa fengið þær útskýringar hjá
lögreglu að til sé dómafordæmi á Ís-
landi að manni sé heimilt að segja
við annan mann að hann finni hann
í fjöru, án þess að það sé álitið hótun.
„Það var bara prinsippmál að kæra.
Maður lætur ekki hóta sér. Alveg sama
hver gerir það,“ segir Helgi.
Ásdís steig fram í maí síðastliðnum
og sagði sögu sína í Kastljósi. Erlendur
var í kjölfarið dæmdur í átta mánaða
fangelsi í júlí síðastliðnum fyrir gróf-
ar hótanir og brot á nálgunarbanni
sem lagt hafði verið á hann. Ljóst er
að dómari í málinu leit málið mjög
alvarlegum augum því Erlendur hlaut
mun þyngri dóm en gengur og ger-
ist í dómsmálum af þessu tagi. Þrátt
fyrir það gengur Erlendur enn laus
og heldur uppteknum hætti. „Maður
skilur vel hvers vegna þau eru í þessari
stöðu þegar maður fer sjálfur til lög-
reglunnar og hún segist ekki geta tekið
þetta sem kæru. Maður veltir því fyr-
ir sér hversu lengi þetta bull á að við-
gangast gangvart þessari fjölskyldu.
Maðurinn á að vera í fangelsi. Hann
áfrýjaði ekki dómnum. Það er ekkert
gert til þess að stöðva það sem varð
til þess að maðurinn var dæmdur. Af
hverju fær hann að komast upp með
þetta?“ spyr Helgi.
Sendir dóttur Ásdísar skilaboð
„Hann er hættur að senda mér skila-
boð en þá fer hann bara í fólkið mitt
í staðinn og sendir einhver skítaskila-
boð þannig að hann veit að ég muni
frétta af því,“ segir Ásdís í samtali við
blaðamann en sagt var frá því á DV.
is á fimmtudag að Erlendur væri nú
farinn að ofsækja dóttur Ásdísar og
barnabarn. Dóttir Ásdísar hefur birt
skilaboð sem henni bárust frá Erlendi
á miðvikudagskvöld þar sem hann
talar um barnabarn Ásdísar. „Dóttur
minni bárust einhver tuttugu skeyti
í gærkvöldi,“ segir Ásdís en í þessum
skilaboðum talar hann um barnabarn
Ásdísar. „Þetta er farið að beinast gegn
fjögurra ára barni,“ segir Ásdís í sam-
tali við DV um málið.
Ásdís segir Erlend búa í grennd við
dóttur hennar á höfuðborgarsvæðinu.
„Það er náttúrlega mjög óþægilegt.
Þannig að henni stóð ekkert á sama
í gær. Hún býr ein með lítið barn og
fannst þetta mjög óþægilegt, skiljan-
lega,“ segir Ásdís sem segir dóttur sína
ætla að kæra þessi skilaboð frá Erlendi.
Í Kastljósviðtalinu í maí síðastliðn-
um sagði Ásdís frá því að hún hefði
flúið ofsóknir Erlendar til Þórshafnar
eftir að hann hafði beitt hana líkam-
legu og andlegu ofbeldi. Í eitt skipti
var líkamlega ofbeldið svo alvarlegt að
hún gat ekki mætt í vinnu í mánuð á
eftir. n
Skilaboðin sem Helgi fékk
n „Gæti verið að þú hafir gert þín mestu mistök?“
n „Verður þú einhvern tíma sá sami og áður eftir þessi viðtöl?“
n „Þér er ekki borgið.“
Áslaug Karen Jóhannsdóttir
Birgir Olgeirsson
aslaug@dv.is / birgir@dv.is „Af hverju fær
hann að komast
upp með þetta?
Var dæmdur í fangelsi
Erlendur Þór Eysteinsson heldur
uppteknum hætti þrátt fyrir
fangelsisdóm. Mynd FaceBOOK
Áreitir fjölskyldu
Ásdísar Erlendur er nú
farinn að ofsækja dóttur
Ásdísar og barnabarn.
Mynd RÚV - SKJÁSKOt
Kærði hótanirnar
Lögregla neitaði að taka
við kæru Helga Seljan
vegna hótana Erlendar.