Dagblaðið Vísir - DV - 24.10.2014, Blaðsíða 36

36 Skrýtið Vikublað 21.–23. október 2014
Tíska framtíðarinnar
Á
rið 1893 birtist skemmti­
leg grein í breska tímaritinu
The Strand eftir W. Cade Gall
nokkurn. Í greininni setur höf­
undurinn fram nokkuð ein­
kennilegar hugmyndir um tísku fram­
tíðarinnar. Hann ímyndar sér að bók
frá árinu 1993 hafi á ótrúlegan hátt
fundist í bókasafni. Bókin sýnir mynd­
ir af klæðnaði fólks í gegnum tuttug­
ustu öldina. Ekki liggur almennilega
fyrir hvernig bók þessi, The Past Dic­
tates of Fashion, ferðaðist 100 ár aft­
ur í tímann, en Gall er ekkert að flækja
málið með bollaleggingum um það.
Hlægilega ósannspár
Hann skrifar að tíska í framtíðinni sé
flókin vísindagrein sem sé stunduð
af miklu kappi í háskólum, enda sé
henni stjórnað af alheimslögmál­
um líkt og stjörnufræði. Það er lík­
lega eini spádómurinn sem rætist.
Enda er fatahönnun háskólagrein
í dag. Gall var öðru leyti gjörsam­
lega ósannspár um tísku tuttugustu
aldar eins og við sjáum á þessum
myndum. Þessi klæði minna helst
á miðaldatísku eða búninga í ævin­
týrakvikmyndum. Í aðalatriðum þró­
ast tískan, samkvæmt þessari fram­
tíðarspá, geysilega stutt frá tískunni
1893. Tekið skal fram að spádómur
Galls var eflaust bara grín og gaman.
En greinin sýnir enn og aftur að það
er ómögulegt að spá í framtíðina,
kannski fyrst og fremst vegna þess að
við hugsum ávallt með augum sam­
tímans sem við lifum í. n
helgihrafn@dv.is
1900–1920 Trúðaleg föt einkenna þessi ár, og raunar má finna þau áhrif frá aldamótum langt fram eftir öldinni. Eins og blanda
af Sherlock Holmes og Galdakarlinum í Oz.
1970–1980
Sama gamla sirku-
sstemningin.
1980–1990
Níundi áratugurinn
var dálítið barokk.
1930–1940 Var þetta krúttkynslóð tuttugustu aldar eða er fólkið á myndinni
hugsanlega hræðilega illt? Það er ómögulegt að segja.
n Framtíðarspá um tísku frá 1893 n Furðuleg fötin meira í líkingu við miðaldaklæðnað
1920–1930 Suðurevrópskir straumar virðast vinsælir þarna, en trúðaandinn er enn
til staðar.
1940–1950 Ef stríðsárin hefðu verið svona! Hvað er í gangi með 17. aldar fötin árið 1948? Hefðu Íslendingar þá klætt sig
eins og Brynjólfur Sveinsson biskup og Ragnheiður Jónsdóttir biskupsfrú gera á peningaseðlunum?
1960–1970 Bítlarnir hefðu verið töff í þessu.
1993
Hundrað
árum síðar er
tískan orðin
svona.