Dagblaðið Vísir - DV - 02.12.2014, Side 8

8 Fréttir Vikublað 2.–4. desember 2014
T
ilkynningin sem stjórn Lög­
reglustjórafélags Íslands
sendi á fjölmiðla til varnar
Sigríði Björk Guðjónsdóttur,
lögreglustjóra á höfuð­
borgarsvæðinu, var samin í vinnu­
tölvu nánasta samstarfsmanns henn­
ar, Öldu Hrannar Jóhannsdóttur,
setts aðstoðarlögreglustjóra á höfuð­
borgarsvæðinu. Þetta sést þegar au­
kaupplýsingar inni í skjalinu sjálfu
eru skoðaðar. Alda Hrönn situr ekki í
stjórn Lögreglustjórafélagsins en hún
og Sigríður Björk hafa starfað saman
til margra ára, fyrst á Suðurnesjum,
þar sem Alda var aðstoðarlögreglu­
stjóri og Sigríður lögreglustjóri, og nú
á höfuðborgarsvæðinu.
Halla Bergþóra Björnsdóttir,
sýslumaður á Akranesi og formað­
ur stjórnar Lögreglustjórafélags Ís­
lands, segist hafa fengið tölvu Öldu
lánaða til að semja tilkynninguna.
Þrátt fyrir að yfirlýsingin hafi verið
samin á tölvu aðstoðarlögreglustjór­
ans á lögreglustöðinni á Hverfisgötu,
hafi Alda þó ekki komið nálægt gerð
hennar. „Ég kom ekki á nokkurn hátt
að samningu fréttatilkynningarinnar.
Ég gaf formanni Lögreglustjóra­
félagsins leyfi til að nota mína vinnu­
tölvu,“ segir Alda Hrönn í skriflegu
svari við fyrirspurn DV. „Ég sit ekki í
stjórn félagsins og hef aldrei setið. Ég
er einungis búin að vera meðlimur í
félaginu í tvo mánuði.“
Sigríður Björk situr í stjórn Lög­
reglustjórafélagsins en formaður
félagsins sagði í samtali við RÚV
á dögunum að Sigríður hefði ekki
komið nálægt yfirlýsingunni. Nú
er hins vegar orðið ljóst að hún var
sett saman í höfuðstöðvum emb­
ættis hennar hér í Reykjavík. „Við í
stjórninni að undanskilinni Sigríði
Björk nýttum nútímatækni við samn­
ingu ályktunarinnar enda dreifð um
landið,“ segir Halla Bergþóra spurð
um það hvort stjórnarmenn hefðu
fundað um efni tilkynningarinnar
áður en hún fór í loftið.
Tilkynningin vakti furðu
Í tilkynningu Lögreglustjórafélagsins
voru fjölmiðlar sakaðir um að hafa
gert samskipti Sigríðar Bjarkar og
Gísla Freys Valdórssonar, fyrrverandi
aðstoðarmanns innanríkisráðherra,
tortryggileg vegna greinargerðar
sem lögreglustjórinn sendi aðstoðar­
manninum. „Lögreglustjórar líta ein­
faldlega svo á að ekki þurfi að efast
um umboð starfsmanna ráðuneyt­
is til samskipta við lögreglustjóra,“
sagði meðal annars í yfirlýsingunni
sem formaður Lögreglustjórafélags­
ins hefur sagt að ríkt hafi einhugur
um á meðal stjórnarmanna.
Tilkynningin vakti furðu ekki
síst vegna þess að sama dag hafði
Fréttablaðið greint frá því að enginn
yfirmaður lögreglu í lögreglu­
stjóraumdæmunum sem blaðið
ræddi við vildi kannast við að starfs­
maður ráðuneytis, aðstoðarmað­
ur ráðherra dómsmála eða ráðherra
sjálfur hringi og biðji um gögn í saka­
málarannsókn á vegum lögreglu­
embættis. Þá sagði blaðið að sumir
lögreglustjórar, sem það hefði rætt
við, hefðu furðað sig á vinnubrögðum
Sigríðar Bjarkar. Ragnhildur Hjalta­
dóttur, ráðuneytisstjóri í innanrík­
isráðuneytinu, hafði nokkrum dög­
um fyrr greint fréttastofu Stöðvar 2
frá því að aðstoðarmenn innanríkis­
ráðherra hefðu ekki rétt til að óska
eftir upplýsingum af þessu tagi.
Þá hefur verið bent á það að Sig­
ríður hafi sent greinargerðina í trássi
við reglugerð um meðferð persónu­
upplýsinga hjá lögreglu. Persónu­
vernd hefur óskað eftir að embætti
lögreglustjórans á Suðurnesjum skýri
frá því hvaða upplýsingum var miðl­
að til innanríkisráðuneytisins með
sendingu umræddrar greinargerðar.
Þá er þess óskað að fram komi hvern­
ig sú miðlun er talin horfa við ákvæð­
um laga um persónuvernd. Í fram­
haldinu verður ákveðið hvort málið
verði tekið til formlegrar athugunar.
„Fékk tölvu Öldu lánaða“
Sem fyrr segir er Halla Bergþóra
Björnsdóttir formaður stjórnar Lög­
reglustjórafélags Íslands. Hún sendi
yfirlýsinguna úr vinnunetfangi sínu
að loknum hefðbundnum vinnu­
tíma klukkan 17.07 mánudaginn 24.
nóvember. Í skriflegu svari við fyrir­
spurn DV staðfestir hún að tilkynn­
ingin hafi verið samin á tölvu Öldu
Hrannar, aðstoðarlögreglustjóra á
höfuðborgarsvæðinu. „Það liggur
nú þannig í málinu að ég var á fundi
í borginni og ákvað að fara niður á
Hverfisgötu frekar en að fara upp
á Akranes til að ganga frá henni og
senda út. Þar fékk ég tölvu Öldu lán­
aða,“ segir Halla sem tekur þó fram að
Alda Hrönn hafi hvergi komið nálægt
málinu: „Langar að taka það fram að
Alda kom hvergi nálægt samningu á
tilkynningunni.“
DV spurði Höllu hvort félagið
teldi það vera almennt og eðlilegt
verklag hjá lögreglustjóra að senda
persónuupplýsingar úr rannsóknar­
og sönnunargögnum lögregluemb­
ætta landsins til aðstoðarmanna
ráðherra án nokkurrar formlegrar
beiðni. Halla Bergþóra sagði tilkynn­
ingu félagsins einungis hafa snúið
að almennum samskiptum: „Yfirlýs­
ing stjórnar félagsins snýr eingöngu
að samskiptum ráðuneytis og lög­
reglustjóra almennt. Hún þarfnast
ekki frekari skýringa.“ Þannig virð­
ist yfirlýsingin ekki hafa snúið að
þeirri gagnrýni sem komið hefur
fram í fjölmiðlum varðandi miðlun
persónuupplýsinga, heldur einung­
is að því hvort lögreglustjóri megi
almennt eiga í samskiptum við að­
stoðarmann ráðherra og/eða aðra
starfsmenn ráðuneytis.
Tjáir sig ekki
Líkt og komið hefur fram sendi Sig­
ríður Björk Gísla Frey yfirheyrslu­
skýrslu og greinargerð varðandi
Tony Omos þann 20. nóvember í
fyrra eða stuttu eftir að Gísli Freyr
lak upplýsingum sem byggðu með­
al annars á rannsóknargögnum frá
Suðurnesjum til fjölmiðla. Þá upp­
lýsti hún lögregluna á höfuðborgar­
svæðinu ekki um það meðan á rann­
sókn málsins stóð að hún hefði sent
umrædda greinargerð en Gísli Freyr
hafði eytt gögnunum úr tölvupóst­
hólfi sínu þegar lögreglurannsóknin
hófst.
DV spurði formann lögreglustjóra­
félagsins meðal annars að því hvort
þetta væru eðlileg vinnubrögð en hún
sagðist ekki geta tjáð sig fyrir félag­
ið. Ný stjórn Lögreglustjórafélags Ís­
lands var kjörin á aðalfundi félagsins
föstudaginn 28. nóvember. Auk Höllu
Bergþóru eru stjórnarmenn þau
Kjartan Þorkelsson, lögreglustjóri á
Hvolsvelli, Ólafur Helgi Kjartansson,
lögreglustjóri á Suðurnesjum, Inger
L. Jónsdóttir, lögreglustjóri Austur­
lands, og Úlfar Lúðvíksson, lögreglu­
stjóri Vesturlands.
Halla Bergþóra segir nýja stjórn
ekki hafa fjallað um málið og að til­
kynningin sé á ábyrgð fyrri stjórnar.
Þá stjórn skipuðu þau Halla Berg­
þóra, Ólafur Helgi, Kjartan Þorkels­
son, Bjarni Stefánsson og Sigríður
Björk. „Yfirlýsingin var frá þáverandi
stjórn félagsins. Hún hefur látið af
störfum. Ný stjórn hefur ekki fjallað
um þetta mál,“ segir Halla Bergþóra
sem er þó á því að ályktunin standi
enn fyrir sínu. n
n Formaður Lögreglustjórafélagsins segist hafa fengið tölvu aðstoðarlögreglustjórans lánaða
Áralangt samstarf
Alda Hrönn og Sigríður Björk störfuðu saman á Suðurnesjum
Hanna Birna Kristjánsdóttir, fráfarandi
innanríkisráðherra, skipaði Sigríði Björk
í embætti lögreglustjóra höfuðborgar-
svæðisins án auglýsingar. Stefán
Eiríksson hafði sagt starfi sínu
sem lögreglustjóri lausu í
kjölfar afskipta ráðherrans
af rannsókn lekamálsins,
en umboðsmaður Alþingis
hefur málið nú til skoðunar.
Sigríður tók formlega við
embættinu þann 1. september
síðastliðinn. Mánuði síðar var
fyrrverandi samstarfskona hennar
af Suðurnesjum, Alda Hrönn, sett sem
aðstoðarlögreglustjóri í stað Harðar
Jóhannessonar. Hörður var settur yfir
verkefnastjórn hjá ríkislögreglustjóra í
staðinn og það sagt tímabundið til eins
árs. Hörður var einn nánasti sam-
starfsmaður Stefáns á meðan hann fór
fyrir framkvæmd lögreglurannsóknar
á lekamálinu. Sigríður Björk og Alda
Hrönn áttu um árabil náið samstarf sem
lögreglustjóri og aðstoðarlögreglustjóri á
Suðurnesjum.
Þetta er ekki í fyrsta skiptið sem
Sigríður er skipuð í embætti án
auglýsingar. Árið 2007 skipaði
Björn Bjarnason, þáverandi
dóms- og kirkjumálaráð-
herra, hana í embætti
aðstoðarríkislögreglustjóra
án þess að starfið hefði
verið auglýst. Þá skipaði
hann Sigríði sem lögreglustjóra
á Suðurnesjum árið 2008 í kjölfar
umdeildrar ákvörðunar um að auglýsa
stöðu Jóhanns R. Benediktssonar, þáver-
andi lögreglustjóra, lausa til umsóknar án
nokkurs tilefnis. Jóhann hafði þótt farsæll
í starfi og notið stuðnings á meðal starfs-
manna embættisins. Þrír lykilstarfsmenn
sögðu upp störfum vegna málsins. Alda
Hrönn tók stuttu síðar við starfi aðstoðar-
lögreglustjóra á Suðurnesjum.
Jón Bjarki Magnússon
jonbjarki@dv.is
Samin á lög-
reglustöðinni
Halla Bergþóra,
formaður Lögreglu-
stjórafélagsins,
segist hafa fengið
tölvu Öldu Hrannar,
aðstoðarlögreglu-
stjóra í Reykjavík,
lánaða til að skrifa
tilkynningu þar
sem Sigríði Björk,
lögreglustjóra á höf-
uðborgarsvæðinu
var komið til varnar.
Þá segir Halla að
stjórnarmenn hafi
samþykkt tilkynn-
inguna netleiðis, en
Ólafur Helgi er einn
stjórnarmanna. Tilkynningin var
samin í tölvu Öldu
„Þar fékk
ég tölvu
Öldu lánaða