Bændablaðið - 12.02.2015, Blaðsíða 4

4 Bændablaðið | Fimmtudagur 12. febrúar 2015
Fréttir
Verðlaun fyrir frábæran árangur
á sunnlenskum kúabúum
Yfirlit (afurðamiði) vegna skattframtals 2015:
Komið inn í Bændatorgið
Búnaðarstofa hefur nú sett yfirlit
(afurðamiði) vegna skattframtals
2015 inn á Bændatorgið.
Það má finna undir Rafræn
skjöl, Skattyfirlit. Rétt er að
vekja athygli á því að þessi yfirlit
verða að þessu sinni ekki send í
venjulegum pósti.
Allir bændur eiga að hafa
aðgang að Bændatorginu, en þeir
sem ekki eru komnir með aðgang
skal bent á að sækja um aðgang á
www.bondi.is (Nýr notandi - efst í
hægra horni má sjá Bændatorgið).
Á aðalfundi Félags kúabænda
á Suðurlandi sem haldinn var
á Árhúsum á Hellu á dögunum
veitti Sveinn Sigurmundsson,
framkvæmdastjóri Búnaðar-
sambands Suðurlands, verðlaun
til þriggja kúabúa á Suðurlandi
fyrir frábæran árangur á síðasta
ári.
Verðlaun fyrir afurðahæsta búið
og handhafi Huppustyttunnar var
Ytri-Skógar með 7.832 kg/árskú og
555 kg MFP. Afurðahæsta kýrin
2014 var Stytta 336 frá Kotlaugum
en hún mjólkaði 12.700 kg
mjólkur og þyngsta ungneytið átti
Guðgeir Sigurðsson, Skammadal
en það vó 411,7 og fór í UNI*A.
Fundurinn var vel sóttur en auk
hefðbundnu aðalfundarstarfa kynnti
Runólfur Sigursveinsson form og
fyrirkomulag ættliðaskipta á jörðum
og fékk til liðs við sig aðila úr
bankageiranum. Þá fór Sigurður
Loftsson, formaður Landssambands
kúabænda, yfir stöðu verkefna hjá
félaginu. /MHH
Verðlaunahafarnir. Frá vinstri: Sigurjón Sigurðsson, Kotlaugum, Ingimundur Vilhjálmsson, Ytri-Skógum og
Guðgeir Sigurðsson, Skammadal. Ljósmynd/Búnaðarsamband Suðurlands. Mynd / MHH
Landbúnaðarháskóli Íslands:
Björn Þorsteinsson
rektor til 31. maí
Dr. Björn Þorsteinsson mun
sitja áfram sem rektor við
Landbúnaðarháskóla Íslands til
31. maí næstkomandi.
Björn var settur tímabundið á
síðasta ári til nýliðinna áramóta.
Mennta- og menningarmála ráðu-
neytið hefur nú ákveðið að tillögu
háskólaráðs Landbúnaðarháskóla
Íslands að framlengja tímabundna
setningu Björns sem rektors
Landbúnaðarháskóla Íslands til 31. maí
2015. Ástæðan er að ráðningarferli
nýs rektors er ekki lokið. /VH Dr. Björn Þorsteinsson.
Í sumar stendur félögum í
búnaðarsamböndum og búgreina-
félögum, sem eiga aðild að BÍ, að
sækja um orlofsdvöl í sumarhúsum
BÍ.
Í boði eru orlofshús á Hólum
í Hjaltadal og á Flúðum í
Hrunamannahreppi. Á báðum
stöðunum eru margar náttúruperlur í
seilingarfjarlægð, bændur sem bjóða
heim í gegnum Opinn landbúnað
og áhugaverðir kaupstaðir svo fátt
eitt sé nefnt. Frestur til að skila inn
umsóknum rennur út 29. mars 2015
og gildir í þessu sem öðru að fyrstur
kemur, fyrstur fær. Nánari upplýsingar
má fá hjá Halldóru Ólafsdóttur í síma
563-0300 eða á ho@bondi.is
Orlofsdvöl í sumarhúsum BÍ
Nýr ábyrgðarmaður hrossaræktar hjá RML:
Spennandi verkefni fram undan
Dr. Þorvaldur Kristjánsson
tók við starfi ábyrgðarmanns
hrossaræktar RML um síðustu
áramót. Þorvaldur er einn
reyndasti kynbótadómari landsins
og fjallaði doktorsritgerð hans um
ganghæfni íslenskra hrossa.
Þorvaldur segir að í starfi sínu
sem ábyrgðarmaður hrossaræktar
sinni hann meðal annars skipulagi
kynbótasýninga, samskiptum við
dómara, skýrsluhaldi og samskiptum
við hrossaræktarfélög erlendis sem
rækta íslenska hesta auk fræðslu,
leiðbeininga- og kynningarstarfs til
hestamanna innanlands.
Ýmsar breytingar í skoðun
„Að mínu mati er stærsta verkefnið
fram undan að endurskoða
dómskalann fyrir kynbótahross
og uppsetningu og framkvæmd
kynbótasýninga. Ég tel að það
sé kominn tími til að uppfæra
skalann, skilgreina margt í honum
á nákvæmari hátt og endurskoða
uppsetningu kynbótasýninganna
þannig að það standist betur kröfur
samtímans.
Ég er enn að koma mér fyrir í
starfi en hlakka til að takast á við
verkefnin sem bíða mín,“ segir
Þorvaldur.
Doktor í ganghæfni hrossa
Þorvaldur er fæddur árið 1977
í Reykjavík, sonur Geirlaugar
Þorvaldsdóttur, leikkonu og kennara,
og Ernis Kristjáns Snorrasonar
læknis. Eftir grunnskóla fór Þorvaldur
í Menntaskólann í Hamrahlíð og í
framhaldi af því á Hóla í Hjaltadal.
Að loknu búfræðiprófi á Hólum, þar
sem megináherslan var á hrossarækt
og tamningar, lá leiðin að Hvanneyri
þar sem Þorvaldur útskrifaðist árið
2001 með Bsc-gráðu í búvísindum.
Framhaldsmenntun Þorvaldar
í kynbótafræðum fór jafnframt
fram við Landbúnaðarháskólann á
Hvanneyri en árið 2005 lauk hann
meistaraprófi sínu frá skólanum
en mastersritgerð hans fjallaði
um erfðafjölbreytileika í íslenska
hrossastofninum.
Þorvaldur varði doktorsverkefni
sitt frá skólanum í nóvember
á síðasta ári og er titill þess:
Ganghæfni íslenskra hrossa – Áhrif
sköpulags og breytileika í DMRT3
erfðavísinum.
Verkefnið fjallaði fyrst og fremst
um það að kanna samband byggingar
og hæfileika og styrkja hið huglæga
mat á byggingu í kynbótadómum.
Þorvaldur hefur starfað sem
kynbótadómari í rúman áratug og er
í dag einn reyndasti starfandi dómari
landsins. /VH
Dr. Þorvaldur Kristjánsson.
Ágangur álfta og gæsa í ræktarlöndum bænda:
Tilkynnt var um tjón á um 2.500 hektara lands
Í maí á síðasta ári hófu
Bændasamtök Íslands og
umhverfis- og auðlindaráðuneytið
samstarf um vinnu við
skipulegri kortlagningu á tjóni í
ræktarlöndum bænda af völdum
gæsa og álfta. Nú liggur fyrir að
á síðasta sumri og fram á haust
skráðu og tilkynntu bændur um
tjón á um 2.500 hektara lands, í um
200 tjónatilkynningum.
Samstarfið kemur til í framhaldi
af ályktun Búnaðarþings 2014,
þar sem farið var fram á að safnað
yrði frekari upplýsingum um tjón
af þessum völdum. Á grundvelli
þeirra gagna verði svo ákveðið hvort
heimildarákvæði verði sett í lög um
tímabundna skotveiði á álft og gæs í
tilraunaskyni á ræktarlöndum bænda.
„Þessir fuglar valda víða miklum
skemmdum, en vantað hefur skipulega
og áreiðanlega samantekt á eðli og
umfangi þessa tjóns,“ segir Jón Geir
Pétursson, skrifstofustjóri í umhverfis-
og auðlindaráðuneytinu. „Ákveðið
var að nýta rafræna upplýsingagátt
Bændasamtaka Íslands, Bændatorgið,
til að ná til bænda og óska eftir
skráningu á tjóni af völdum álfta og
gæsa í ræktunarlandi bænda. Rafræn
tjónatilkynning í Bændatorginu gerði
síðan kröfu um skráningu á spildum
og stafrænum túnkortum í JÖRÐ.
IS, www.jord.is, sem bændur eru
vanir að nota við skýrsluhald í
jarðrækt. Eins hefur verið kallaður
saman vettvangur aðila til að
vinna að þessu, en það eru, auk
Bændasamtakanna og umhverfis-
og auðlindaráðuneytis fulltrúar frá
Umhverfisstofnun, Ráðgjafarmiðstöð
landbúnaðarins, atvinnuvega- og
nýsköpunarráðuneytinu, Fuglavernd,
Náttúrufræðistofnun Íslands og
Landbúnaðarháskólans.“
Hægt að skrá
margvíslegar upplýsingar
Að sögn Jóns Geirs fór skráning
bænda fram með rafrænum hætti,
inn í sérútbúinn gagnagrunn sem
var sérstaklega settur upp vegna
verkefnisins. „Þar er rafrænt
skráningarform þar sem bændur
geta skipulega skráð tjón af völdum
fuglanna á ræktunarlandi sínu og
skráð ýmsa þætti tjónsins, svo sem
hvar á landinu (spildur tengdar
stafrænu túnkorti), hvaða fuglar ollu
tjóni, umfang tjóns, hvaða forvarnir
voru reyndar, hvenær ársins tjónið átti
sér stað og fleira. Töluverð kynning
fór fram í fyrra meðal bænda til
að hvetja þá til að taka þátt í þessu
á vegum Bændasamtakanna og
búnaðarsambanda um allt land. Ágæt
þátttaka var meðal bænda sem skráðu
tjón í gagnagrunninn og sendu sumir
einnig inn ljósmyndir af tjóninu.
Úttektaraðilar búnaðarsambanda
sáu síðan um úttektir í samræmi
við skilyrði Umhverfisstofnunar
síðastliðið haust til að sannreyna
skráðar upplýsingar frá bændum.
Þessi vinna lofar mjög góðu um
að nú sé loksins komið gott form
á að afla skipulegra upplýsinga um
þennan ágang og reikna fram tjónið
af hans völdum hjá einstökum
bændum. Slíkar upplýsingar eru
jafnframt forsenda þess að til geti
orðið áætlun um aðgerðir til að reyna
að koma í veg fyrir þetta tjón og/eða
bæta það. Þar er eins áhugavert að
leita í smiðju nágrannalanda eins og
til Noregs eða Bretlandseyja, þar sem
mikil reynsla og þekking er á ýmsum
árangursríkum aðgerðum til að taka
á þessum vanda.“
Bændatorgið hentar vel
til skráningarinnar
„Svo virðist sem gagnagrunnur
Bændasamtakanna henti vel til að
skrá inn tjón af völdum fuglanna og
megi nýta til framtíðar til að skrásetja
skemmdirnar. Þetta var auðvitað
fyrsta árið sem þetta var hægt og til
þess að taka, að rafræna skráningin
í gagnagrunninn opnaði ekki fyrr
en í byrjun sumars. Nú er verið að
vinna niðurstöður úr þeim gögnum
sem bárust og Umhverfisstofnun og
Bændasamtökin hafa yfirfarið.
Jafnframt er verið að skoða
möguleika á að keyra saman þessar
niðurstöður við aðra gagnagrunna,
svo sem ýmis náttúrufarsgögn hjá
Náttúrufræðistofnun Íslands til að fá
enn betri yfirsýn yfir tjónið og eðli
þess. Þegar nákvæmar niðurstöður
liggja fyrir er ætlunin að kynna þær
rækilega fyrir bændum og öðrum. Ætla
umhverfisyfirvöld og Bændasamtökin
að halda opinn kynningarfund nú um
miðjan mars til að kynna rækilega
niðurstöður þessara fyrstu mælinga á
þessu tjóni og ræða jafnframt hvernig
best verði staðið að því að draga úr
því.
Verður fundurinn auglýstur hér
í Bændablaðinu þegar nær dregur,“
segir Jón Geir. /smh
Álftir og gæsir við Seljaland undir Eyjafjöllum. Mynd / HKr.