Bændablaðið - 12.02.2015, Blaðsíða 8

8 Bændablaðið | Fimmtudagur 12. febrúar 2015
Fréttir
Samningur sem tryggir framhald birkikynbóta:
Skógrækt ríkisins fóstrar „Emblu“
Skógrækt ríkisins, Garð yrkjufélag
Íslands og Skóg ræktarfélag
Íslands hafa undirritað samning
um frærækt og viðhaldskynbætur
á birkiyrkinu 'Emblu'. Skógrækt
ríkisins sér um frærækt hins
kynbætta birkis og miðlun fræsins
til ræktenda.
Samningurinn tryggir að
áfram verði unnið að kynbótum á
íslensku birki og eykur möguleika
trjáræktenda á að fá til ræktunar
úrvalsbirki sem er bæði harðgert,
beinvaxið og hraðvaxta.
Gróðurbótafélagið
Birkikynbætur hófust með formlegum
hætti innan hóps sem kenndi sig
við Gróðurbótafélagið árið 1987. Í
félaginu voru fulltrúar Skógræktar
ríkisins, Skógræktarfélags
Íslands, Rannsóknarstofnunar
landbúnaðarins, Garðyrkjufélags
Íslands, Garðyrkjuskóla ríkisins og
Gróðrarstöðvarinnar Markar auk
áhugamanna um bætt erfðaefni til
garðyrkju og skógræktar í landinu.
Árangur starfsins endurspeglast
í yrkinu Embla sem í
samanburðartilraunum hefur reynst
jafnbesta innlenda yrkið sem völ er
á til ræktunar hér á landi.
Embla eftirsótt
Skógrækt ríkisins vinnur nú að því
að endurskipuleggja þá þjónustu
við trjárækt í landinu sem felst í að
útvega fræ af heppilegu erfðaefni.
Í frétt á heimasíðu Skógræktar
ríkisins segir að í útboðsgögnum
vegna skógræktar sé í vaxandi mæli
óskað eftir Emblu og því þurfi að
efla frærækt af yrkinu.
Þorsteinn Tómasson mun í
umboði Garðyrkjufélags Íslands,
Skógræktarfélags Íslands
og Skógræktar ríkisins stýra
fræræktinni á Tumastöðum til loka
árs 2016.
Skógrækt ríkisins mun tilnefna
starfsmann sem mun taka við
faglegri ábyrgð á viðhaldskynbótum
og frærækt Embluyrkisins af
Þorsteini eftir árslok 2016.
Birki í brennidepli þessa dagana
Með því að rækta úrvalsbirki aukast
líkurnar á því að upp vaxi hávaxnara
og beinvaxnara birki en algengt er
að sjá í íslenskri náttúru. Úr verða
bæði fallegri og nytsamlegri skógar
en kræklótta birkikjarrið og meiri
möguleikar á að skógurinn gefi af
sér tekjur. Jafnframt er kynbætt
birki fagnaðarefni fyrir garðrækt í
landinu. /VH
Bæjarstjórn Fljótsdalshéraðs
samþykkti á fundi sínum í liðinni
viku að hætta skólahaldi á
Hallormsstað. Aðein tíu börn eru
í skólanum þetta skólaár. Unnið
verður að nýjum samningi um
samstarf við Fljótsdalshrepp um
samstarf í skólamálum.
„Hallormsstaðaskóli á farsæla
sögu allt frá því skólinn var settur
í fyrsta sinn í upphafi árs 1967.
Undanfarin ár hefur börnum í
skólahverfi skólans hins vegar
farið stöðugt fækkandi og sum
þeirra sækja skólavist í aðra skóla
en sinn heimaskóla. Nemendur
Hallormsstaðaskóla fylla á
skólaárinu 2014–2015 aðeins einn
tug,“ segir í tillögu sem lögð var
fram á fundinum og samþykkt
samhljóða.
Ekki vísbending um breytingar
Enn fremur segir að þar sem ekki
eru vísbendingar um breytingar
á þessari þróun sé það mat þeirra
sem að skólanum standa, þ.e.
sveitarfélaganna Fljótsdalshéraðs
og Fljótsdalshrepps, að ekki séu
lengur forsendur fyrir að skólahaldi í
Hallormsstaðaskóla verði haldið þar
áfram og er lagt til að því verði hætt
frá og með næsta skólaári. Í framhaldi
af því þurfa sveitarstjórnirnar að
skipa sem fyrst starfshóp sem fái
það verkefni að vinna drög að nýjum
samningi á milli sveitarfélaganna
um samstarf í grunn-, leik- og
tónlistarskólaþjónustu.
Starfshópur skipaður
Jafnframt taki sveitarstjórnirnar
afstöðu til þess hvernig skuli farið
með þær eignir er hýst hafa skólastarf
á Hallormsstað á umliðnum árum.
Í starfshópnum sitji oddviti
Fljótsdalshrepps, ásamt öðrum
fulltrúa frá Fljótsdalshreppi og
bæjarstjóri Fljótsdalshéraðs, ásamt
öðrum fulltrúa frá Fljótsdalshéraði.
Með hópnum starfi fræðslufulltrúi
og starfsmaður eignasviðs
Fljótsdalshéraðs. Stefnt verði að því
að starfshópurinn taki sem fyrst til
starfa og að drög að nýjum samningi
milli sveitarfélaganna liggi fyrir eigi
síðar en 1. mars 2015. Bæjarráði
verði falið að ganga frá skipan í
starfshópinn.
Bæjarstjórn óskar eftir því
við fræðslunefnd að hún fjalli
um frágang við lok skólahalds
á Hallormsstað í samráði við
sveitarstjórn Fljótsdalshrepps.
Afgreiðsla bæjarráðs að öðru leyti
staðfest.“ /MÞÞ
Skólahaldi verður hætt
á Hallormsstað
Í tölum sem Hagstofa Íslands
hefur birt kemur fram að
sauðfjárafurðir voru fluttar
úr landi á síðasta ári fyrir
ríflega 3,1 milljarð króna. Um
bráðabirgðatölur er að ræða.
Samkvæmt upplýsingum af vef
Landssamtaka sauðfjárbænda (LS)
er það heldur minna en á árinu
2013, þegar verðmæti afurðanna
nam 3,5 milljörðum króna. Stærstur
hluti afurðanna er kjöt og ýmsar
kjötafurðir, eða 74,2 prósent. Gærur
skiluðu 13,3 prósentum og ull 12,5
prósentum.
Þá var magn afurða sömuleiðis
minna eða 6.889 tonn í stað 7.861
árið 2013. Vegna verðlækkana
á mörkuðum með gærur dróst
útflutningur á þeim saman um 1.000
tonn og verðmætið um tæpar 350
milljónir – og munar mest um þann
samdrátt. Krónan styrktist líka á árinu
og því minnka útflutningstekjurnar í
samræmi við þá þróun.
Í upplýsingunum frá LS kemur
enn fremur fram að 77 prósent
afurðanna, miðað við verðmæti, hafi
farið til Evrópu, þar af 42 prósent
til aðildarlanda Evrópusambandsins
(ESB) en 35 prósent til landa utan
ESB; einkum Noregs, Rússlands og
Færeyja. Til Asíu fóru 15 prósent
og átta prósent til N-Ameríku.
Noregur er sem fyrr verðmætasta
útflutningslandið, en tekjur vegna
útflutnings þangað námu um 600
milljónum króna. /smh
Útflutningur á sauðfjárafurðum 2014:
Verðmætið nam
3,1 milljarði króna
Með því að rækta úrvalsbirki aukast líkurnar á því að upp vaxi hávaxnara og beinvaxnara birki en algengt er að sjá
í íslenskri náttúru. Mynd / VH
Ekkert eftirlit er með innfluttri
lífrænt vottaðri matvöru
Ekkert eftirlit er með matvöru
sem flutt er til landsins sem
lífrænt vottuð, frá löndum utan
Evrópska efnahagssvæðisins
(EES). Að sögn Einars Arnar
Thorlacius, lögfræðings hjá
Matvælastofnun, sem hefur
lögbundið eftirlitshlutverk, hefur
þessi málaflokkur að einhverju
leyti orðið útundan.
„Matvælastofnun býr við naumar
fjárveitingar og mannskap og verður
að forgangsraða málum. Við þá
forgangsröðun hefur málaflokkurinn
lífræn framleiðsla orðið sem sagt
nokkuð útundan og kannski ekki
fengið þá athygli sem hann á skilið.
Matvælastofnun fylgist fyrst
og fremst með innflutningi á
matvælum frá ríkjum utan Evrópska
efnahagssvæðisins, enda frjálst
flæði vöru innan þess svæðis eins
og kunnugt er. Ekki er sérstaklega
fylgst með lífrænni vottun við
innflutning á vörum frá þriðju ríkjum
[utan EES] umfram þær skyldur sem
reglugerð um eftirlit með innflutningi
á dýraafurðum frá ríkjum utan EES,
leggur Matvælastofnun á herðar.
Það liggur þó fyrir að Bandaríkin
eru á lista yfir þriðju lönd sem
heimilt er að flytja inn vörur frá og
inn á EES. Það merkir að það sem er
vottað lífrænt í
Bandaríkjunum
s a m r æ m i s t
stöðlum sem í
gildi eru í ESB.
Reglugerð
ESB/1235/2008
gildir um innflutning á lífrænum
vörum frá þriðju ríkjum. Það ber
þó að hafa í huga að Ísland hefur
ekki enn tekið upp „nýjustu“ (frá
2008) ESB-reglugerð um lífræna
framleiðslu. Gamla reglugerðin
heldur því enn gildi sínu (ísl.nr.
74/2002),“ segir Einar.
Eftir því sem næst verður
komist er ekki heldur fylgst með
því magni af matvöru sem flutt er
inn til landsins, sem lífrænt vottuð.
Engin tollnúmer eru til fyrir þessar
vörur, nema nú nýlega fyrir lífrænt
vottaða mjólk. Atvinnuvega- og
nýsköpunarráðuneytið úthlutaði
tollkvóta fyrir þá vöru frá 10.
nóvember á síðasta ári sem gildir til
1. maí á þessu ári.
Vegna skorts á þessum
upplýsingum er erfitt að átta sig á
hver eftirspurnin eftir þessum vörum
er í raun og veru. /smh
Búvís ehf · Akureyri
Sími 465 1332
www.buvis.is
Það er ekki
allur áburður
á sama verði
Hafðu samband