Bændablaðið - 26.03.2015, Page 2

2 Bændablaðið | Fimmtudagur 26. mars 2015
Aðalfundur Landssambands kúabænda 2015:
Horfið verði frá kvótakerfinu
Þjóðarátaki um söfnun á gögnum
kvenna hefur verið hrint af stað.
Tilefnið er að í ár eru liðin 100 ár
frá því konur fengu kosningarétt.
Að átakinu standa Landsbókasafn
Íslands-Háskólabókasafn, Þjóð-
skjala safn Íslands, Borgar-
skjalasafn Reykjavíkur ásamt
héraðsskjalasöfnum um land allt.
Forsvarsmenn átaksins hvetja
landsmenn til að afhenda þau
skjalasöfn sem þeir hugsanlega hafa
í fórum sínum, m.a. bréf, dagbækur
og önnur persónuleg gögn sem geta
veitt innsýn inn í líf einstaklinga
og fjölskyldna þeirra en þau varpa
einnig ljósi á sögu lands og þjóðar.
„Því miður er það staðreynd
að skjöl kvenna skila sér síður
inn á söfnin en skjöl karla og
þykir starfsmönnum safnanna
því tilhlýðilegt að fagna 100 ára
afmæli kosningaréttar kvenna með
því að minna á mikilvægi þessara
gagna og hvetja landsmenn til að
stuðla að varðveislu þeirra með því
að koma þeim í örugga geymslu.
Er þar t.d. átt við bréf, dagbækur,
handskrifaðar matreiðslubækur,
póstkort, teikningar, ljósmyndir,
kvæði, smásögur og ýmsan fróðleik
sem vert er að halda upp á ásamt
handritum sem voru í eigu kvenna,“
segir í tilkynningu um átakið.
Dagana 29. til 31. maí í vor
verður haldin í Flóahreppi
sveitahátíðin Fjör í Flóa.
Dagskrá hátíðarinnar er í mótun
á vettvangi rekstrarstjórnar
félagsheimilanna.
Þeir sem eru áhugasamir um að
vera með viðburð, opið hús, sölubás,
sýningar eða vilja koma á framfæri
hugmyndum að dagskrárliðum eru
beðnir um að setja sig í samband við
Ingibjörgu Einarsdóttur, húsvörð í
Þingborg. /MHH
Fjör í Flóa
Samþykkt var á aðalfundi
Landssambands kúabænda að
við gerð næstu búvörusamninga
verði lögð áhersla á að hverfa
frá núverandi kvótakerfi í
mjólkurframleiðslu og að eitt
verð verði greitt fyrir alla mjólk
til bænda. Mjólkurframleiðsla í
landinu hefur aldrei verið meiri
en árið 2014.
Á aðalfundi Landssambands
kúabænda sem haldinn var fyrir
skömmu kom meðal annars fram
að innvigtuð mjólk árið 2014 hafi
verið 133,5 milljón lítrar sem er
8,5% meira en árið áður og hefur
innvigtunin aldrei verið meiri.
Framleiðsla á nautakjöti var 3.500
tonn sem er 14,4% samdráttur frá
árinu áður en á sama tíma fjölgaði
ásettum kálfum um rúm 10%.
Innflutningur nautgripakjöts
jókst verulega árið 2014 og
alls voru flutt til landsins 1.047
tonn sem jafngildir 1.750
tonnum af skrokkum. Verðmæti
innflutningsins er áætlaður um 912
milljónir króna.

Samið verði til 10 ára
Í máli Sigurðar Loftssonar, formanns
LK, kom fram að kúabændur vilja
að samið verði til að minnsta kosti
tíu ára í næstu búvörusamningum.
Meðal atriða sem semja þarf
um eru tollaumgjörð búvara og
fyrirkomulag verðlagningar þar
sem tryggt verði að kúabændum
verði heimilt að koma sameinaðir
fram gagnvart markaði. Stefnt er að
því að horfið verði frá núverandi
kvótakerfi á samningstímanum.
Stuðningskerfi landbúnaðarins
byggist í meginatriðum á
beingreiðslum, sem tryggi jafnt og
öruggt framboð mjólkur til vinnslu
og tryggi tekjur bænda. Sótt verði
á um aukin framlög sem stuðli að
bættum aðbúnaði og velferð gripa, í
samræmi við auknar kröfur þar um.
Vilja hverfa frá kvótakerfinu og
eitt verð fyrir alla mjólk
Baldur Helgi Benjamínsson,
framkvæmdastjóri LK, segir að
í sínum huga sé mikilvægasta
samþykkt fundarins sú sem
snýr að áherslum við gerð nýrra
búvörusamninga. Í ályktuninni segir
að á gildistíma nýs samnings verði
horfið frá núverandi kvótakerfi í
mjólkurframleiðslu og sama verð
gildi fyrir alla innlagða mjólk. Í
því felist mikil stefnubreyting, þar
sem kvótakerfið hafi verið við lýði
í tæplega fjóra áratugi. Breyttar
aðstæður á mjólkurmarkaði kalli
hins vegar á aukið svigrúm í
greininni til að bregðast við nýjum
veruleika.
„Í ályktuninni segir að opinberri
verðlagningu á mjólk til bænda
verði hætt, en opinber verðlagning
verði áfram til staðar á vinnslu- og
heildsölustigi, með það markmið
að auka fjölbreytni og tryggja
jafnframt hagsmuni neytenda og
bænda.
LK vill að tryggt verði með
búvörulögum jafnt aðgengi
bænda að markaði og þeim gert
mögulegt að sameinast áfram í einu
innvigtunar- og söfnunarfyrirtæki.
Að samspil búvöru- og
samkeppnislaga sé tryggt, þannig
að bændum verði heimilt að koma
sameinaðir fram gagnvart markaði.
Þannig verði gert mögulegt
að tryggja eðlilegt framboð
mjólkurafurða, lágmarka kostnað
við vinnslu og viðhalda eðlilegri
birgðastýringu innanlands og
hámarka afkomu af útflutningi. Í
ályktuninni er þess einnig vænst
að skýrðar verði þær leikreglur sem
gilda eiga um úrvinnslu og sölu
heima á búum kúabænda,“ segir
Baldur. /VH
Þjóðarátak
Fréttir
Í tengslum við aðalfund
Landssambands kúabænda
var haldið hið árlega Fagþing
nautgriparæktar.
Fagþingið var haldið
fimmtudaginn 12. mars sl. en það
sóttu á annað hundrað manns. Á
Fagþinginu voru flutt sex erindi: um
notkun PCR greininga í baráttu gegn
júgurbólgu, um hirðingu geldkúa,
um þauleldi nautkálfa, um frjósemi
mjólkurkúa, um greiðsluvilja
neytenda fyrir íslenskt nautakjöt og
um fyrir hvaða tæknibúnað kýrnar
geti borgað.
Þá var ábúendum á Skeiðháholti
veitt viðurkenning fyrir að hafa
ræktað besta kynbótanaut 2007
árgangsins en Sendur 07014 hlaut
þá nafnbót í ár.
Fagþingi nautgriparæktar 2015
verður gerð skil í næsta Bændablaði.
Fagþing nautgripa-
ræktar 2015
Atvinnumálanefnd Grímsnes- og
Grafningshrepps hefur ákveðið að
hafa opinn dag í sveitarfélaginu
laugardaginn 30. maí 2015 þar
sem starfsemi í sveitarfélaginu
verður kynnt.
„Við hvetjum alla til að vera
með og kynna sig og sitt, t.d.
verktakafyrirtæki til að sýna tækin
sín og aðstöðu, bændur til að bjóða
fólki í útihúsin sín og fyrirtæki sem
og einstaklinga til að bjóða fólki
heim. Það geta allir verið með,
sýnum nú hvað við höfum mikið
upp á að bjóða,“ segir í tilkynningu
frá nefndinni. Opni dagurinn verður
frá kl. 11.00 til 16.00. /MHH
Grímsnes- og Grafningshreppur:
Opið hús
Sigurður Loftsson, formaður LK, sagði að kúabændur vilji að samið verði til að minnsta kosti tíu ára í næstu
búvörusamningum. Myndir / HKr.
Í ályktuninni segir að opinberri verðlagningu á mjólk til bænda verði hætt, en opinber verðlagning verði áfram
til staðar á vinnslu- og heildsölustigi, með það markmið að
auka fjölbreytni og tryggja jafnframt hagsmuni neytenda
og bænda.
Setning aðalfundar Landssambands kúabænda fór fram í sal Íslenskrar
erfðagreiningar sem lánaði salinn endurgjaldslaust.
Á dögunum kom hópur norskra bænda frá Finnmerkurhéraði í heimsókn til Bændasamtakanna til að fræðast um íslenskan landbúnað. Erna Bjarnadóttir,
aðstoðarframkvæmdastjóri BÍ, og Erla Hjördís Gunnarsdóttir, sviðsstjóri útgáfu- og kynningarsviðs BÍ, tóku á móti hópnum sem komu frá búnaðarsam-
böndunum í Karasjok og Porsanger. Í hópnum voru sauðfjár-, mjólkur- og nautgripabændur ásamt því að tveir bændanna eru með hreindýrabúskap. Þau
voru hér á landi í fjögurra daga námsferð og heimsóttu einnig nokkur býli hérlendis. Mynd / smh