Bændablaðið - 10.09.2015, Side 23

23Bændablaðið | Fimmtudagur 10. september 2015
hún á írskum bar í Amsterdam og
líkaði vel. Ákvað svo að halda áfram
námi og komst að sem doktorsnemi
við háskóla í Leuven í Belgíu þangað
sem hún hélt í febrúar 2010.
Doktorsnámið átti ekki við mig
„Fljótlega eftir að ég hóf vinnu við
doktorsverkefnið fann ég að þetta
átti ekki alls kostar við mig, ég var
hvorki alsátt við verkefnið sjálft né
leiðbeinandann. Ég sá því sem betur
fer fljótlega að mér líkaði ekki nægi-
lega vel til að vilja sinna þessu í fjögur
ár bara til að ljúka náminu. Þannig að
ég ákvað að hætta fremur en að halda
áfram með hálfum huga. Ég er sátt við
þá ákvörðun,“ segir Erna Kristín. Hún
dvaldi þó áfram í Belgíu og vann m.a.
við að byggja upp nýtt Park Inn hótel
þar í landi ásamt fleira fólki.
„Ég kom heim og fékk vinnu á
dvalarheimili í Reykjavík, það er
yndislegt að starfa með gamla fólk-
inu og mjög gefandi, nema hvað það
gefur ekki mikið í vasann,“ segir hún.
Hugurinn leitaði norður yfir heiðar
þar sem fjölskyldan býr og hún var
að skima eftir starfi á þeim slóðum
þegar hún rakst á auglýsingu þar
sem óskað var eftir starfsfólki á nýtt
hótel, Kjarnalund, sem var að hefja
starfsemi.
„Ég sótti um, fór í viðtal og út
úr því kom að ég var ráðin í stöðu
hótelstjóra. Ég pakkaði því niður í
snarheitum og flutti norður.“
25 ný herbergi fyrir næsta sumar
Hótel Kjarnalundur er 46 herbergja
hótel, í jaðri Kjarnaskógar, vin-
sælasta útivistarsvæði Akureyringa,
ein svíta er á hótelinu en annars eru
misstór herbergi, frá 12 fermetrum
upp í 25, þannig að gestir geta valið
á milli herbergja í ólíkum verðflokk-
um. Gott aðgengi er fyrir fatlaða á
hótelinu og eru 6 herbergi sérútbúin
fyrir hjólastóla.
Á annarri hæð hússins er
veitingasalur sem tekur 80 manns í
sæti, morgunverður er þar í boði og
sjá starfsmenn um hann, en Kaffi
Torg sér um kvöldverðarhlaðborð
fyrir gesti. „Það samstarf hefur geng-
ið ofsalega vel,“ segir Erna Kristín,
en til framtíðar er fyrirhugað að opna
veitingasalinn fyrir almenna gesti.
„Við erum smám saman að
byggja upp, tökum þetta skref fyrir
skref,“ segir hún. Í náinni fram-
tíð stendur einnig til að koma upp
heilsulind á hótelinu með heitum
pottum, infrarauðum saunaklefa,
nuddherbergi og líkamsræktarsal.
Þegar er byrjað að bjóða upp á nudd
á hótelinu.
„Við höfum ýmislegt á prjón-
unum og eigum eftir að gera fleiri
breytingar. Það stendur til að taka úr
umferð innisundlaug sem er á fyrstu
hæð hússins og koma þar upp her-
bergjum. Líkast til verður unnið við
það í vetur og þá bætast a.m.k. 12
herbergi við hjá okkur næsta sumar,“
segir Erna Kristín.
„Við erum ekki aðilar að neinni
hótelkeðju, þetta er nýtt og sjálfstætt
hótel og skapar okkur svigrúm til að
þróa starfsemina eftir eigin höfði.“
Spennandi verkefni að byggja
upp frá grunni
Hótelið verður opið allt árið og
segir hún að ýmsar hugmyndir séu
í gangi til að laða að gesti á þeim
árstíma. Fjölmargir leggi leið sína
norður til að fara á skíði og þá eru
fyrir hendi í Kjarnaskógi troðnar
skíðagöngubrautir sem vel eru nýtt-
ar. Jólahlaðborð eru á döfinni, tekið
verður á móti starfsmannafélögum
og fyrirtækjum sem vilja halda árs-
hátíðir svo eitthvað sé nefnt. „Það
eru margar hugmyndir á lofti og
við munum vinna úr þeim á næstu
vikum,“ segir hún.
„Þetta er spennandi verkefni og
ég er þakklát fyrir það tækifæri sem
bauðst við að byggja upp þennan
hótelrekstur frá grunni. Og ég er
alsæl með að vera komin norður
aftur, þannig að betra gerist það
varla, að vera í skemmtilegri vinnu
með frábæru fólki og hafa fjöl-
skylduna í næsta nágrenni. Þetta er
bara draumur í dós.“ /MÞÞ
Smiðjuvegi 3 - 200 Kópavogur - Sími 412 1700 - idex@idex. iswww.idex.is
Af hverju kroslímt tré?
– Umhverfisvæn og sjálfbær framleiðsla
– Léttari en steypa
– Frábær einangrun
– Engar kuldabrýr sem bjóða heim raka og myglu
– Mjög fljótlegt að reisa
– Einstakir burðareiginleikar
– Jarðskjálaftaþol eins og best getur orðið
– Þynnri veggir - allt að 10% meira innra rými
– Notalegt og heilsusamlegt innra umhverfi
Vantar gistipláss?
Umhverfisvæn hús
úr krosslímdu tré
Stór eða lítil
- allt eftir þínum óskum
Bjóðum einnig
glugga, hurðir og
untanhússklæðningar
sem hæfa þínu húsi
Byggðu til framtíðar með lausnum frá IDEX
Húnavatnssýsla:
Góður gangur hefur verið í laxveiðinni í sumar
Góður gangur hefur verið í lax-
veiði í Húnavatnssýslum í sumar
og að líkindum kemst það í sögu-
bækur, metveiði hefur verið bæði
í Blöndu og Miðfjarðará.
Laxá á Ásum nálgast sín bestu
veiðiár á áttunda og níunda áratugn-
um. Veiðin í Víðidalsá hefur líka
verið með ágætum eftir nokkuð slök
ár og Svartá og Vatnsdalsá hafa gefið
góða veiði í sumar.
Hrútafjarðará nálgast nýtt met
Landssamband veiðifélaga birti
á dögunum yfirlit yfir helstu lax-
veiðiár landsins og samkvæmt því
er Blanda komin í 4.538 veidda laxa,
Miðfjarðará í 4.978 laxa, Víðidalsá í
1.289 laxa, Laxá á Ásum í 1.472 laxa
og Vatnsdalsá í 1.040 laxa. Svartá
var komin í 496 laxa en mesta skráða
veiði í ánni er frá árinu 2010 þegar
572 laxar voru skráðir. Hrútafjarðará
er komin í 640 laxa og nálgast nýtt
met.
Vikuveiðin í Blöndu var í síð-
ustu viku komin niður í 235 laxa en
í vikunni á undan veiddust 286 laxar.
Mest var vikuveiðin í lok júlí en þá
komu á land 734 laxar eða tæplega
8 laxar á stöng á dag. Vikuveiðin
í Miðfjarðará var 533 laxar á 10
stangir en vikan þar á undan gaf
742 laxa, sem líklega er Íslandsmet
í laxveiði á einni viku í sjálfbærri
á. Ekki vantar nema 22 laxa upp á
að áin nái 5.000 löxum en það mun
þá vera í fyrsta skipti sem sjálfbær
laxveiðiá nær þeirri tölu.
Flestir laxar í Ytri-Rangá
Af helstu laxveiðiám landsins hafa
flestir laxar veiðst í Ytri-Rangá og
Hólsá eða 5.631 lax. Næstflestir
laxar hafa veiðst í Miðfjarðará eða
4.978 og Blanda er í þriðja sæti með
4.538 laxa. Alls hafa veiðst 49.086
laxar í 75 aflahæstu laxveiðiám
landsins. Þar af eru sjö laxveiðiár
úr Húnavatnssýslum sem hafa gefið
samtals 14.453 laxa eða tæplega
30% af heildinni. /MÞÞ