Bændablaðið - 10.09.2015, Side 50

50 Bændablaðið | Fimmtudagur 10. september 2015
Fyrir ekki löngu síðan prófaði ég
Renault Captur og lét vel af þeim
bíl. Þegar ég skilaði þeim bíl var
mér sagt frá því að væntanlegur
væri jepplingur frá Renault. Nú er
kann kominn og prófaði ég grip-
inn um síðustu helgi.
Renault Kadjar er fáanlegur í
átta mismunandi útfærslum, bæði
eindrifsbíll og fjórhjóladrifinn.
Kaus að prófa eindrifs bíl með
miklum þægindum
Ódýrasti Kadjar bíllinn er framhjóla-
drifinn, beinskiptur með 1500cc
dísilvél og skilar 110 hestöflum,
hann kostar 3.990.000. Sá dýrasti
er fjórhjóladrifinn, sjálfskiptur með
1600cc dísilvél sem á að skila 130
hestöflum og kostar 5.590.000.
Bíllinn sem ég prófaði var
sjálfskiptur með 110 hestafla vél
og kostar 4.790.000. Vinnslan er
töluvert betri en í Renault Captur
enda 20 hestöflum kraftmeiri, en
búnaður inni í bílnum er mjög
svipaður.
Ég hef alltaf verið hrifinn af
sætum í Renault, þau eru þægileg,
sérstaklega í langkeyrslu. Í Kadjar
er sjálfvirkur búnaður sem lækkar
sjálfkrafa háu ljósin úti á vegum í
myrkri og ég hef aldrei haft tæki-
færi til að prófa þennan búnað sem
er í sumum nýjum bílum sem skipt-
ir niður háuljósunum sjálfkrafa
þegar bíll kemur á móti. Satt best
að segja eftir þessa stuttu reynslu
af þessum búnaði þá segi ég bara;
svona búnaður ætti að vera í öllum
bílum.
Lengri prufuaksturinn
Bíllinn er hreinlega hlaðinn af
öryggisbúnaði og þægindum sem
ekki er pláss fyrir í upptalningu hér
í þessum stutta pistli. Ég ók bíln-
um rúmlega 200 km og eftir því
sem lengra leið á aksturinn varð ég
hrifnari og hrifnari af bílnum.
Í bílnum er akreinalesari sem
les punktalínuna á miðjum veg-
inum jafnt sem í kantinum bæði í
dagsbirtu og myrkri, en rautt ljós
kviknar í hliðarspeglinum ef maður
ekur yfir miðjulínuna. Einnig er
skynjari sem nefndur er blindhorn-
sskynjari sem varar mann við ef
bíll er í blinda horninu ef verið er
að skipta um akrein. Þessi búnaður
virkar vel þar sem ég reyndi bún-
aðinn eitt sinn þegar ég vissi af bíl
í blinda svæðinu við mig á þriggja
akreina götu í Reykjavík.
Það var bara þrennt sem ég var
óánægður með. Flókin tölvan sem
sem stjórnar útvarpi, GPS og fleiru.
Ekki nógu gott útsýni beint aftur í
baksýnisspeglinum og varadekkið
sem er það sem ég kalla „aumingja“
og var loftlaust í þokkabót.
Eyðslan lítil þrátt fyrir að hafa
ekki verið í neinum sparakstri
Eftir rúmlega 200 km á meðal-
hraða upp á 66 km á klukkustund
var eyðslan hjá mér ekki nema 4,9
lítrar á hundraðið og það á sjálfskipt-
um bíl. Mér finnst það harla gott, en
uppgefin eyðsla í blönduðum akstri
á bílnum sem ég prófaði er 3,8 lítrar
við bestu aðstæður.
Utanaðkomandi hljóð eru mjög
lítil, næstum engin veghljóð og á
malarvegi heyrist nánast ekkert
malarvegahljóð, svo vel er bíllinn
hljóðeinangraður. Mælaborðið er
ágætt, en hefði viljað sjá nál sem
sýnir hraða en ekki bara eina tölu.
Nemar eru í öllum hjólbörðum
sem sýna loftþrýsting í dekkjum
og er hægt að kalla fram mynd af
öllum fjórum dekkjunum sem sýnir
loftþrýstinginn í hverju dekki fyrir
sig. Eftir að hafa prófað þennan bíl
og lesið um allar hinar 7 tegundirnar
tel ég að vænlegasti landsbyggðar-
bíllinn af þessum átta tegundum sé
Renault Kadjar Expression 4wd
með 130 hestafla vél. Hann kostar
4.990.000. Allar nánari upplýsingar
um Kadjar má finna á vefsíðu BL á
slóðinni www.bl.is.
Þyngd frá 1.380 – 1536 kg
Hæð 1.613 mm
Breidd 1.836 mm
Lengd 4.449 mm
Helstu mál og upplýsingar
Nýr jepplingur
í átta útfærslum
Renault Kadjar Dynamic. Myndir / HLJ
Vélabásinn
liklegur@internet.is
Gott aðgengi er að öllu í vélinni og þrátt fyrir að vera franskur bíll er tiltölulega
gott aðgengi til að skipta um peru.
Hér sést vel loftþrýstingurinn í hverju
dekki fyrir sig.
Hægt er að velja á milli 5 baklita í
mælaborði, eitthvað sem ég hef ekki
séð áður.
Ekki sést vel aftur fyrir bílinn í bak-
sýnisspeglinum, spegill og afturrúða
bæði fulllítil.
Plastlok er fyrir framan ISOFIX bíl-
stólafestingarnar sem auðvelt er að
fjarlægja til að koma fyrir barnastól.
Í haustbyrjun langar mig að rifja
upp með ykkur margkveðna vísu
um okkar ytri mann.
Nú kemur að því að farið verð-
ur að sækja sér líflömb gjarnan um
langa leið. Fyrirkoma okkar er það
sem aðrir sjá í upphafi af okkur
hverjum og einum. Því er það
góður siður að vera í ferðafötum,
en skilja vinnuföt eftir heima. Ég
hef þá reynslu að „nær“ öllum dettur
ekki í hug að ferðast öðruvísi, en svo
er þetta með skemmdu eplin, þau
þurfa á þessarri áminningu að halda.
Hafa svo flutningstækin hrein (og
sótthreinsuð). Vera þess minnugir,
að við eigum ekki að gera öðrum
það sem við viljum ekki að þeir geri
okkur.
Hreinsun og eftirfarandi sótt-
hreinsun flutningstækis er öryggis-
ráðstöfun gerð til þess að minnka
áhættu á að bera með sér óvart eitt-
hvað, sem hinn heimsótti þarfnast
ekki (smitefni). Flutningstækið er
þrifið og síðan úðað með Virkon®
eða öðru sambærilegu sótthreinsi-
efni. Muna að Virkon® og flest
skyld efni eru tærandi á óvarða
málma og þarf því að skola af með
vatni þegar virkni er náð.
Allir eftirlitsdýralæknar og starf-
andi dýralæknar mega og eiga að
geta gefið út þrifavottorð. Látið gefa
þau út til ykkar áður en farið er í
lífdýrakaup / flutning og verið með
það á ykkur. Og þið sem takið á móti
gestunum, lítið á þau, því vottorðið
er jú ætlað til að láta ykkur vita af
gjörningnum.
Riðuveiki
Riða í sauðfé hefur verið sums
staðar landlægt vandamál og er í
eðli sínu mjög erfiður sjúkdómur.
Sýkingin er hægfara og smitefni
hefur mikið þol fyrir sótthreinsun,
veðrun og tíma. Þá er ástæða til
að hvetja alla til að vera vakandi
gagnvart þessum vágesti, sérlega
þar sem sjúkdómurinn er hægfara og
getur verið lúmskur í byrjun.
Mikilvægt er að fylgjast vel
með, og er ein aðferðin skimun fyrir
riðu. Eru þá tekin sýni úr sauðfé
ársgömlu og eldra, sem hefur verið
slátrað eða það drepist af einhverj-
um orsökum. Sýnið er mænukylfa
og smávegis af litla heila. Það má
frjósa og er ekki viðkvæmt við töku
þess. Úrvinnslan byggir á rafdrætti
eggjahvítu (ameloíðs) úr sýninu.
Allir geta í raun tekið sýni, aðeins
þarf að gæta að, að þau séu einstak-
lingsmerkt, þ.e. að þeim fylgi eyrna-
merki gripsins.
Vegna töku sýnis, þ.e. heima,
hafið samband við einhvern dýra-
lækni og fáið leiðbeiningar ef þið
þurfið.
Skimunarsýni mikilvæg
Mikilvægt er að þeir sem ekki senda
fullorðið í sláturhús taki eða láti taka
skimunarsýni hjá sér ef þeir eru á
skimunarlista, sem er gefinn út nýr
á hverju hausti. Er þá gott að haft
sé samband við viðkomandi hér-
aðsdýralækni.
Nauðsynlegt að skima líka
eftir kúariðu
Þá er ástæða til að minna alla á að við
erum talin vera laus við kúariðu (bse
(bovine spongiform encephalop-
athy) eða mad cow disease). Til að
halda því, þurfum við að skima eftir
henni enn allavega í nautgripum.
Gildir hér meir en annað að fá sent
úr gripum sem drepast heima af ein-
hverjum orsökum, og eins ef þeir eru
einfaldlega gamlir og felldir vegna
þess. Nautgripir eu ekki áhugaverð-
ir til skimunar nema þeir séu eldri
en 2ja ára, undantekning væri þó ef
grunur sé á sýkingu.
Einar Otti Guðmundsson,
dýralæknir
...frá heilbrigði til hollustu
Kæri sauðfjár(búfjár)eigandi
Hjörtur L. Jónsson