Morgunblaðið - Sunnudagur - 02.08.2015, Page 45

ishjálm yfir öll önnur og það frá örófi alda.
„Þetta þótti satt að segja hálfgert hneyksli
innan vínheimsins því aldrei áður hafði vín frá
Spáni borið sigurorð af frönsku stóru vín-
unum og hvað þá á jafnvirtum vettvangi og
Gault-Millau keppninni. En þarna kom að því
að afi minn varð að játa sig sigraðan – ef vín-
ið var nógu gott til að sigra Gault-Millau þá
hlaut að vera eitthvað í það spunnið,“ segir
Torres og hlær við.
Umhverfismál eru höfuðmál
Bodegas Torres leggja ríka áherslu á um-
hverfismál, eins og framar greindi, og við-
mælandi minn segir alla starfsmenn fyrir-
tækisins fyllilega meðvitaða um þá staðreynd
að því betur sem komið er fram við umhverf-
ið, því betri verði vínin. Virðing fyrir um-
hverfinu sé því ekki eitthvert innantómt
áhugamál til að fá jákvæða umfjöllun – um-
gengnin gagnvart móður jörð hafi bein áhrif á
uppskeruna og þar af leiðandi á gæði vínsins.
„Stærsta áskorunin sem við stöndum frammi
fyrir er án nokkurs vafa hnattræn hlýnun. Við
vitum að hitastig hefur farið hækkandi hin
seinni ár og þar að auki segja nýjustu spálí-
kön IPCC [Intergovernmental Panel on Cli-
mate Change] að árið 2100 muni hitastig á
jörðinni hafa hækkað um 4°C. Í þessu sam-
bandi þarf að gera sér grein fyrir því að vín-
viðurinn er eintaklega viðkvæm jurt og ein
gráða á Celsíus til eða frá getur skilið á milli
miðlungsvíns og hágæðavíns. Áskorunin er
því annars vegar að leita allra leiða til að lág-
marka þessi áhrif og á hinn bóginn að aðlag-
ast breyttum aðstæðum, eftir því sem hægt
er.“ Sem dæmi um þann árangur sem náðst
hefur er að með því að setja upp alls 12.000
fermetra af sólarsellum við vínræktarhéruð
sín framleiðir fyrirtækið nú alls 126.500 kíló-
vattsstundir á ári sem fara í starfsemina. Síð-
an 2012 hefur fyrirtækinu tekist að draga
gasnotkun sína saman um 80% og Bodegas
Torres hefur skuldbundið sig um að minnka
CO2 útblástur um 30% fyrir árið 2020.
Umhyggja fyrir samfélaginu er fyrirtækinu
ekki minna hugðarefni og það sýndi Bodegas
Torres í verki þegar fyrirtækið lagði gjörva
hönd á plóginn við hjálparstarfið í kjölfarið á
jarðskjálftunum í Chile í febrúar 2010. Ekki
einasta lagði Bodegas Torres 50.000 evrur til
hins opinbera viðlagasjóðs sem fékkst við af-
leiðingarnar heldur bretti Miguel Torres, hinn
geðþekki viðmælandi minn, upp ermar og
bætti verkefnum á borð við dreifingu mat-
væla, endurrreisn barnaskóla og byggingu
húsnæðis fyrir starfsfólk Torres í Chile sem
misst hafði heimili sitt í hamförunum, við
verkefni sín, sem eru ærin fyrir. Tjónið sem
víngerðin varð fyrir í skjálftunum nam um 2
milljónum evra en það stoppaði fyrirtækið
ekki í því að leggja frekari fjármuni í hjálp-
arstarfið. Miguel Torres útskýrir að fyr-
irtækið líti ekki á slík fjárútlát sem kostnað
heldur hreina fjárfestingu. „Í lýsingunni á því
sem við köllum DNA Torres-víngerðarinnar
eru sjö tiltekin atriði. Fyrsta atriðið á þessum
lista er fólkið okkar.“ Það er auðheyrt að
mannlegi þátturinn er ríkur í fyrirtækinu og
maður sem er 5. ættliðurinn sem stýrir fyr-
irtækinu veit allt um mikilvægi fjölskyldunnar
– og þá meinar hann ekki bara nána ættingja
heldur alla 1.300 starfsmennina sem starfa
hjá Bodegas Torres. „Það er mikilvægt að
hafa góðar vínekrur en gott fólk er ennþá
mikilvægara því fólkið leggur ástríðu sína,
metnað og kunnáttu í að búa til góð vín. Án
þeirra verður jafnvel framúrskarandi þrúga
ekki annað en hráefni. Í kjölfar hamfaranna
datt okkur í hug að leggja okkar af mörkum,
ekki bara í kjölfar áfalla heldur frá degi til
dags og þá settum við á stofn Fair Trade-
verkefni sem kom fólki í opna skjöldu því við
erum fjölskyldufyrirtæki í einkaeigu en ekki
opinber stofnun. En verkefnið hefur gengið
ótrúlega vel fyrir alla; úr þessu hafa orðið til
ný vín, við endurheimtum vínviði til ræktunar
sem hafa náð merkilegum árangri eins og til
dæmis hin gamla chileíska þrúga País, sem er
á allra vörum um þessar mundir en var
hvergi í ræktun fyrr en við fórum að rækta
hana á ný. Þessi nálgun hefur reynst okkur
hjá Torres frábærlega og ég hvet alla sem
starfa við víngerð að leiða hugann að þessu
því þetta vinnulag borgar sig algerlega og það
fyrir alla aðila.“
Spurður nánar út í endurheimt gamalla vín-
viðartegunda segir Miguel að fyrirtækið hafi
síðastliðin 30 ár lagt kapp á að rækta á ný
tegundir sem talið væri að væru útdauðar,
margar í kjölfarið á phylloxera-faraldrinum
sem lagði víngerð Evrópu að miklu leyti í rúst
seint á 19. öld. „Í sumum tilfellum fundum við
einn einasta vínvið einhvers staðar úti í skógi
og ræktuðum svo stofn út frá honum. Alls
höfum við endurheimt 36 tegundir vínviðar og
af þeim eru sjö sem gefa af sér stórkostlegt
vín. Með þessum hætti gefur vínviður úr for-
tíðinni okkur tækifæri á eðalvínum framtíðar.“
Uppskera kynslóðanna
Þegar talið berst að þeirri staðreynd að Bode-
gas Torres hlaut nýverið nafnbótina „The
World’s Most Admired Wine Brand“ hjá hinu
leiðandi breska tímariti Drinks International,
annað árið í röð, vill Miguel Torres ekki gera
of mikið úr umhverfisvænni starfsemi eða
hjálparstarfi sérstaklega; hann lítur á þessa
þætti sem sjálfsagða og eðlilega hluti í rekstr-
inum sem miði, þegar allt kemur til alls, að
því að búa til betra vín, í stað þess að vera
einhvers konar hliðarverkefni. Tónninn hafi
verið sleginn löngu áður en hann tók við
stjórnartaumunum. „Við erum fjölskyldufyr-
irtæki og höfum verið frá upphafi. Það gerir
þér kleift að horfa til langs tíma í rekstinum.
Þessar viðurkenningar eru árangur margra
áratuga vinnu, bæði fjölskyldu minnar og alls
þess góða fólks sem hefur starfað og starfar
hjá Bodegas Torres. Starfsfólk okkar telur
um 1.300 manns og það er trú mín að hver
einasti starfsmaður vinni hjá okkur af ástríðu.
Okkar hugmyndfræði gengur út á að hver
einasti eyrir sem verður til sem söluhagnaður
af vínum okkar fer í rannsónir og þróun, eða
er fjárfestur með öðrum hætti í víngerð okk-
ar, til að bæta stöðugt gæði vínsins. Þetta
gerum við af því vínið er ástríða okkar og
þannig höfum við rekið Bodegas Torres í
meira en 145 ár.“
Vinatengslin við Ísland
Miguel Torres Maczassek, eins og hann heitir
fullu nafni, brosir við þegar tengingu Bodegas
Torres við Ísland ber á góma. Saga lands og
víngerðar nær nefnilega merkilega langt aft-
ur, sé að gáð.
„Þessi tiltekni markaður er býsna gamall
hjá Torres. Við hófum útflutning til Íslands
árið 1966 en afi minn, Miguel Torres Carbó,
og frænka mín, Marimar Torres, heimsóttu
landið ekki fyrr en 1981. Hún hefur alla tíð
dásamað landið og naut mjög heimsókn-
arinnar. Hún þreytist heldur ekki á því að
segja mér frá því að það gerði aftakaveður
einn daginn sem þau voru hér, og út um hót-
elgluggann fylgdist hún með storminum
sveifla ljósastaurunum til og frá uns einn
þeirra gaf sig og brotnaði. Henni þótti mjög
til þessa koma. Faðir minn hefur líka komið
hingað og farið hringinn í kringum landið
ásamt móður minni. Ég hef því heyrt sögur af
landi og þjóð síðan ég var smástrákur og
ákvað því fyrir nokkru að ég yrði líka að
heimsækja og upplifa þetta stórmerkilega
land sem við höfum skipt svo lengi við. Það
hef ég loks gert og varð ekki fyrir von-
brigðum. Náttúran hér er algerlega einstök,
ég hef til að mynda hvergi í veröldinni séð
landslag í líkingu við það sem ég upplifði í
Landmannalaugum. Þetta er sannarlega stór-
kostlegt land, Ísland.“
„Okkar hugmyndfræði gengur út á að hver einasti
eyrir sem verður til sem söluhagnaður af vínum
okkar fer í rannsóknir og þróun, eða er fjárfest
með öðrum hætti í víngerð okkar, til að bæta
stöðugt gæði vínsins. Þetta gerum við af því vínið
er ástríða okkar og þannig höfum við rekið
Bodegas Torres í meira en 145 ár,“ segir Miguel
Torres, forstjóri vínrisans Bodegas Torres.
„Það er mikilvægt að hafa góðar vínekrur en
gott fólk er ennþá mikilvægara.“ Miguel Torres
á Íslandi, útitekinn – ef ekki veðurbarinn – eftir
Landmannalaugagönguna eftirminnilegu.
* Í lýsingunni á þvísem við köllum DNATorres-víngerðarinnar eru
sjö tiltekin atriði. Fyrsta
atriðið á þessum lista er
fólkið okkar.
2.8. 2015 MORGUNBLAÐIÐ SUNNUDAGUR 45