Þjóðmál - 01.03.2011, Page 44

42 Þjóðmál VOR 2011
eftir í lok mánaðarins er sparnaðurinn
rýrður um einhver prósent að raunvirði
með fjármagnstekjuskatti . Það litla sem
eftir stendur er svo gert upptækt að einum
tíunda hluta þegar tilkynning þess efnis að
viðkomandi sé dauður berst skattstjóra .
Svo eru það fjármagnseigendurnir sem
þurfa að greiða 100% hærri skatt af fjár­
magns tekjum sínum en skatthlutfallið var
hækkað úr 10% í 20% . Menn gleyma þó
að stærsti hópur fjármagnseigenda á Íslandi
er íslenskur almenningur, einkum og sér í
lagi afar og ömmur sem nurlað hafa saman
sparifé í gegnum árin sem fá nú skyndilega
neikvæða raunvexti á sparnað sinn vegna
hækkunar innar .
Hækkun á fjármagnstekjuskatti jafngildir
í raun skattlagningu á atvinnu þar sem hér
er verið að skattleggja fjárfestingu sem er
forsenda atvinnusköpunar . Fjárfesting hefur
dregist verulega saman undanfarin tvö ár og
dróst meira að segja saman í fyrra, þrátt fyrir
öfuga þróun í ríkjunum í kringum okkur
og vaxtalækkun úr 18% í rúm 4% . Þá hafa
skattar á fyrirtæki verið hækkaðir til muna
eða um rúm 11%, þ .e . úr 18% í 20% en
þarna er enn og aftur verið að skattleggja
atvinnustarfsemi . Báðar þessar hækkanir
koma einna verst við lítil fyrirtæki á
byrjunarstigi og hugmyndir sem hefðu getað
orðið að veruleika en komast aldrei lengra
en á teikniborðið vegna minni væntinga um
arðsemi en yrði við lægra skatthlutfall . Menn
verða að hafa í huga að skattur á fyrirtæki er
ekkert annað en skattur á fólk því peningar
koma ávallt inn í fyrirtæki úr vösum fólks .
Frá hruni hafa um 100 breytingar verið
gerðar á skattaumhverfinu á Íslandi með
tilheyrandi óþægindum fyrir fólkið í landinu .
Kerfið hefur verið flækt til mikilla muna og
ljóst að núverandi valdhafar hafa ekki í hyggju
að lækka skatta . Raunar komu hækkanirnar
undanfarið ekki á óvart þrátt fyrir fögur
fyrirheit forystumanna vinstristjórnarinnar
um annað og þótt einstakir menn í
framvarðasveit íslensks atvinnulífs hafi verið
svo bláeygðir að halda að sú yrði raunin .
Hér fyrir neðan eru helstu breytingar:
Skattlagning gengisinnlánsreikninga 0% 20%
Bankaskattur 0% 0,04%
Skattur á heitt vatn 0% 2%
Auðlegðarskattur 0% 1,50%
Afdráttarskattur á vaxtagreiðslur 0% 10%
Skattur á rafmagn 0 kr . 0,12 kr .
Kolefnisgjald 0 kr . 3,8 kr . – 5,35 kr . pr . lítra
Tekjuskattur einstaklinga 23,75% 22,9%, 25,8%, 31,8%
Fjármagnstekjuskattur 10% 20%
Tekjuskattur lögaðila 18% 20%
Tekjuskattur sameignarfélaga 26% 36%
Virðisaukaskattur 7%, 14%, 24,5% 7%, 25,5%
Erfðafjárskattur 5% 10%
Tryggingagjald 5,34% 9%
Áfengisgjald 44­48% hækkun
Tóbaksgjald 52% hækkun
Bensíngjald 48% hækkun
Olíugjald 34% hækkun
20112007