Þjóðmál - 01.03.2011, Qupperneq 83

Þjóðmál VOR 2011 81
verkfræði og tölvunarfræði . Þessar greinar
verða að sjá framleiðsluknúnum íslenzkum
fyrirtækjum fyrir þekkingu og þróunargetu
til framleiðslu­og framleiðniþróunar . Ís lenzka
menntakerfið er á rangri braut, því að of
margir nemendur verða utanveltu í því; það
ungar út of mörgu háskólafólki án gagnlegrar
menntunar fyrir atvinnulífið, og þá bíður
þess aðeins ríkisjatan, jafnvel án nýtingar á
sérgrein . Þetta er sóun mannauðs . Rekstrar­
formum þarf að fjölga á öllum stigum skóla
og snúa af braut einokunar opinbers rekstrar .
Erlendis eru góðar fyrirmyndir fyrir hendi að
hentugu menntakerfi og má þar nefna þýzka
menntakerfið, sem sér framleiðsluknúinni
út flutningsvél Þýzkalands fyrir nauðsynleg­
um mannauði .
Stoð 4 – uppstokkun ríkisbúskapar
Ljóst er, að með vaxandi tekjum ríkissjóðs, á tímum skattalækkana og hagvaxtar,
þandist starfsemi og útgjöld ríkisins út yfir
allan þjófabálk á síðasta velmegunarskeiði .
Kastaði tólfunum á árunum 2007–2008,
þegar Samfylkingin hafði verið leidd til
valda . Miklar skatttekjur af fjármálageiranum
hurfu eins og dögg fyrir sólu, þegar hann
féll, sem, ásamt öðru, hefur valdið gríðarlegri
skuldasöfnun ríkissjóðs síðan . Þetta er
háskabraut . Við árslok 2010 námu skuldir
og skuldbindingar ríkissjóðs a .m .k . 110%
af vergri landsframleiðslu . Ekki fer á milli
mála, að þetta er yfir hættumörkum, og er
ríkinu lífsnauðsyn að snúa strax af braut
skuldasöfnunar . Ríkisstjórn Samfylkingar
og vinstri grænna er ófær um þetta . Kropp
í lífsnauðsynlega starfsemi dreifbýlisins, t .d .
í heibrigðisgeiranum, ber vott um ráðleysi
og hugmyndafátækt . Sjálfstæðisflokkurinn
hefur á hinn bóginn lagt fram áætlun um
afnám hallans og hefur kynnt lausnir sínar á
bráðavandanum . En betur má, ef duga skal .
Það verður að hleypa einkaframtakinu
að, þar sem ríkið stundar nú einokun, til að
lækka kostnað skattborgaranna af starfsemi
ríkisins og til að efla metnað til góðs árangurs
í stað þess að hjakka í sama farinu .
Stærstu útgjaldaliðirnir eru heilbrigðis­ og
trygginga mál . Sú hegðun ríkisstjórnar innar
að skera blint niður framlög til heilbrigðis ­
mála er ábyrgðarlaus . Fjárfesta þarf í nýjum
búnaði til lækkunar viðhaldskostnaðar og
auk innar fram leiðni heilbrigðisstarfsfólks .
Minnka þarf marklítið eftirlit ráðuneyta og
eyðublaða kvöð þeirra á heilbrigðisstofnunum
um allt land, sem skapar óarðbær störf og
dregur úr framleiðni í fremstu víglínu . Einka­
væðing fækkar afætum . Sjálfseignarstofnanir
með árangurshvata til starfsfólks koma vel til
greina ásamt einkareknum stofnunum í stað
ráð stjórnarfyrirkomulags .
Stoð 5 – ný utanríkisstefna
Utanríkisstefna ríkisstjórnar Samfylking­ar og vinstri grænna er misheppnuð .
Hald ið hefur verið inn á afdrifaríka braut
án lýð ræðislegrar ákvörðunar og opinberrar
stefnu mörkunar þar að lútandi . Engin
frambæri leg hagsmunagreining liggur að
baki stefnu ríkis stjórnar þessara flokka
um að hefja strax aðlögun stjórnkerfis
landsins að kröfum ESB . Landið á vissulega
samleið með Evrópu, en fullveldisframsal til
stofnana ESB er hag sæld landsmanna allt
of áhættusamt og getur ekki gefið smáríki
í miðju Norður­Atlants hafi neitt í aðra
hönd . Vissir hagsmuna aðilar í landinu eru
að sönnu málpípur aðildar, en talsmenn
meiri hagsmuna eru á móti miðað við
núverandi aðstæður . Síðast en ekki sízt benda
skoðanakannanir til, að öruggur meiri hluti
landsmanna gjaldi svo mikinn varhug við
ESB, að hann muni hafna aðildarsamningi .
Samningaviðræður við ESB munu þess vegna
ekki leiða til neins, nema sóunar tíma og fjár
og móðgunar stækkunarstjórans í Brüssel yfir