Morgunblaðið - 26.09.2015, Blaðsíða 12

12 FRÉTTIRInnlent
MORGUNBLAÐIÐ LAUGARDAGUR 26. SEPTEMBER 2015
Á fallegum og notalegum stað
á 5. hæð Perlunnar
Næg bílastæði
ERFIDRYKKJUR
Perlan • Sími 562 0200 • Fax 562 0207 • perlan@perlan.is
Pantanir
í síma
562 0200
Viðar Guðjónsson
vidar@mbl.is
Ólöf Nordal innanríkisráðherra seg-
ir að ástæða geti verið til að endur-
skoða lög um skipan í embætti
hæstaréttardómara. Sem stendur
hafi ráðherra þá kosti að fara að
ráðgjöf fimm manna dómnefndar,
eða senda málið til Alþingis. „Mér
er spurn hvort ástæða sé til þess að
velta því upp hvort ráðherra hafi
meira svigrúm til að velja umsækj-
anda,“ segir Ólöf. Hún segir að allir
umsækjendurnir hafi verið hæfir en
Karl Axelsson var valinn umfram
þau Ingveldi Einarsdóttur og Davíð
Þór Björgvinsson. „Í þjóðfélaginu
geta verið margvísleg sjónarmið
sem mönnum finnst ekki endur-
speglast í réttinum. Á ráðherra þá
ekki að geta haft eitthvert svigrúm
til þess að velja úr tveimur jafn
hæfum einstaklingum? Mér finnst
það vera sjónarmið sem ástæða er
til að velta upp í ljósi þeirrar fimm
ára reynslu sem við höfum af lög-
unum,“ segir Ólöf.
Lögin voru sett með það að
markmiði að takmarka vald ráð-
herra í kjölfar þess að upp komu
umdeildar ráðningar í Hæstarétt
þar sem ráðherra tók ákvarðanir
um ráðningu sem var á skjön við
ráðgjöf. Ólöf segist ekki halda því
fram að endilega sé ástæða til þess
að hverfa aftur til slíks háttalags, en
veltir því fyrir sér hvort mögulegt
sé að fara þriðju leiðina í þessu
samhengi. „Er það eðlilegt að ráð-
herra hafi ekkert um málið að
segja?“ veltir Ólöf upp.
Þungt í vöfum að leita til þings
Hún segir það þungt í vöfum að
leita til þingsins og það taki einnig
ráðherra frá ákvörðuninni. „Engu
að síður ber ráðherra ábyrgð á
skipaninni,“ segir Ólöf. Spurð hvort
hún vilji leita til Alþingis með skip-
anina eins og heimild er fyrir í lög-
um þá segist hún ekki vilja tjá sig
um það að svo stöddu. „Lögin gera
ráð fyrir því að ráðherra fari að nið-
urstöðu nefndarinnar og að sinni
held ég að það sé vert að skoða
hvað við getum lært af þessu til að
bæta þetta kerfi.“
Morgunblaðið/Ómar
Ráðherra Ólöf veltir því fyrir sér hvort ástæða sé til að endurskoða lögin.
Er eðlilegt að ráðherra
geti ekkert sagt um málið?
 Ólöf veltir end-
urskoðun á lög-
unum fyrir sér
Skipun dómara
» Félag kvenna í lögmennsku.
harmar afstöðu Lögmanna-
félags Íslands um að jafnrétt-
islög gildi ekki við skipun
nefndar um skipan hæstarétt-
ardómara.
» Ólöf Nordal, innanrík-
isráðherra, veltir því upp hvort
eðlilegt sé að ráðherra hafi
ekkert að segja um skipan
dómara.
Baldur Arnarson
baldura@mbl.is
Steinþór Pálsson, bankastjóri
Landsbankans, segir nýjar skipu-
lagsbreytingar hjá bankanum munu
auka hagræði í
rekstri enn frek-
ar. Framkvæmda-
stjórar hjá bank-
anum eru nú sex
en þeir voru mest
níu eftir að Stein-
þór tók við bank-
anum um mitt ár
2010. Bankastjór-
inn myndar með
þeim yfirstjórn
bankans og eru
því nú sjö í framkvæmdastjórn.
Á þessu ári hefur sviðum og fram-
kvæmdastjórum verið fækkað hjá
Landsbankanum. Rótin að breyting-
unum í þessari lotu er að sviðið þró-
un og mannauður var lagt niður. Við
það voru deildir sem heyrðu undir
það færðar til innan bankans.
Heyrðu undir þróunarsvið
Markaðs- og samskiptamál og
mannauðsmál heyrðu undir þróun-
arsvið en heyra nú undir skrifstofu
bankastjóra. Undir skrifstofuna
heyrði áður regluvarsla og eru nú
þrjár einingar undir skrifstofunni.
Við þessa breytingu hefur Krist-
ján Kristjánsson nú horfið á braut
sem upplýsingafulltrúi. Hann kom til
bankans eftir að hafa tekið þátt í
krísustjórnun í stjórnarráðinu eftir
efnahagshrunið 2008.
Þá hafa aðrar deildir sem áður
heyrðu undir svið þróunar og mann-
auðs verið færðar undir svið rekstrar
og upplýsingatækni. Breytingarnar
voru kynntar starfsmönnum í júlí.
Steinþór segir starfsmannafjölda
bankans hafa náð hámarki í árslok
2011 er 1.311 manns störfuðu þar. Á
miðju þessu ári hafi starfsmennirnir
verið orðnir 1.088 og er það 17%
fækkun. Þeim hefur fækkað meira
síðan en trúnaður gildir um þá tölu
þar til uppgjör er birt 5. nóvember.
Fækkun útibúa á þátt í þessari
þróun. Steinþór segir að starfs-
mönnum bankans hafi fækkað nokk-
uð jöfnum höndum í útibúum og mið-
lægum einingum.
„Það er stöðugt verið að breyta
skipulagi bankans. Þegar ég kom inn
í bankann um mitt ár 2010 fór ég
fljótlega í skipulagsbreytingar. Ég
auglýsti allar stöður framkvæmda-
stjóra og við breyttum skipulaginu
til að takast á við þær áherslur og
áskoranir sem þá voru uppi. Þá til
dæmis með því að stofna sérstakt
svið sem vann eingöngu í endur-
skipulagningu. Síðan breyttum við
skipulaginu tveimur árum síðar. Þá
hafði vinna við endurskipulagningu
minnkað töluvert.“
Skipulagið eins og verkfæri
„Ég sé skipulag sem verkfæri til
að takast á við þau verkefni sem
menn eru að fást við. Við breyttum
skipulaginu 2012 og svo aftur í byrj-
un þessa árs. Svo einfölduðum við
skipulagið aftur í sumar og fækk-
uðum sviðum. Nú eru sex fram-
kvæmdastjórar. Markmiðið er að
vera með hagkvæma einingu sem er
mótuð af þeim verkefnum sem við
blasa. Við erum að reyna að ná fram
hagkvæmni og vera skilvirk í okkar
verkum.“
Steinþór segir framkvæmdastjór-
ana hafa verið sjö fyrir síðustu
breytingar. Þeir voru átta þegar
Steinþór tók við bankanum en fjölg-
aði svo í níu þegar Landsbankinn tók
yfir SP Fjármögnun og Avant. Þeim
var svo fækkað aftur í átta og svo í
sjö og loks sex í þessari lotu. Á þessu
tímabili hafa SpKef, Sparisjóður
Vestmannaeyja og Sparisjóður
Norðurlands runnið inn í Lands-
bankann.
Landsbankinn
hagræðir frekar
 Fólki fækkað í yfirstjórn bankans
 Sviðum hjá bankanum líka fækkað
Steinþór
Pálsson
Spurður hvað þessi hagræðing hafi skilað bankanum miklu í krónum tal-
ið segir Steinþór Pálsson bankastjóri að bankanum hafi tekist að auka
markaðshlutdeild sína hjá einstaklingum úr 28% í 35%, án þess að
kostnaður bankans af þjónustunni hafi aukist. Horfi beri til þess að laun
hafi hækkað á síðustu misserum og umsvif bankans aukist, meðal ann-
ars vegna samruna annarra fjármálastofnana við bankann.
Þær upplýsingar fengust hjá Landsbankanum að á tímabilinu 30. júní
2010 til 30. júní 2015 hefðu hreinar rekstrartekjur bankans aukist um
62% miðað við meðalstöðugildi. Rekstrarkostnaður jókst á sama tíma
um 39% miðað við meðalstöðugildi. Var hækkun rekstrarkostnaðar
sögð hafa haldist nokkurn veginn í hendur við launavísitölu. Á saman-
burðartímabilinu hafi launavísitalan þannig hækkað um 38%.
Meiri tekjur á hvert stöðugildi
ÞRÓUNIN FRÁ MIÐJU ÁRI 2010
Læknaráð Landspítalans telur það
felast í fjárlagafrumvarpi ríkis-
stjórnarinnar að spítalinn geti ekki
staðið undir óbreyttri þjónustu og
mætt nýlegum og væntanlegum
launahækkunum heilbrigðisstétta.
Reynir Arngrímsson, formaður
ráðsins, segir ráðið líta málið alvar-
legum augum. Verði spítalanum ekki
veitt aukið fé hljóti hækkanirnar að
ganga á rekstrarfé spítalans.
„Spurningin er þá hvort við minnk-
um þjónustuna til þess að mæta
þessum mismun. Það eru umtals-
verðar fjárhæðir sem vantar og enn
á eftir að semja við stóra hópa innan
spítalans eins og sjúkraliða og annað
starfsfólk.“
Í ályktun ráðsins er vakin athygli
á því að framlög til viðhalds húsa-
kosts spítalans séu þau sömu að
krónutölu milli ára en töluvert þurfi
að bætast við þau framlög svo ástand
bygginga geti talist viðunandi.
1,3 milljarðar til höfuðs biðlista
Kristján Þór Júlíusson, heilbrigð-
isráðherra, sagðist ekki geta lagt
mat á fullyrðingar Læknaráðs um
launakostnað án þess að nánari út-
reikningar lægju fyrir en hans
áhersla við fjárlagagerð hefði verið á
að bæta stöðu heilsugæslu og heima-
hjúkrunar á landinu. Eflingu þeirra
væri m.a. ætlað að draga úr álagi á
spítalann.
Kristján sagði fleira mundu koma
til. „Ég hef fengið vilyrði fyrir því í
ríkisstjórn að unnið verði á þeim bið-
listum sem eru í heilbrigðiskerfinu
með fjárveitingu upp á 1,3 milljarða
króna. Þær aðgerðir munu auka
þjónustu við sjúklinga í landinu og
létta álagi á heilbrigðisstofnunum,
þar á meðal Landspítalanum.“
Kristján sagðist gjarnan vilja hafa
svigrúm til þess að gera átak í við-
haldi á húsakosti spítalans og hann
hefði skilning á þeim sjónarmiðum
Læknaráðs en slíkt væri ekki mögu-
legt að svo stöddu. bso@mbl.is
Hafa áhyggjur af fjár-
mögnun Landspítala
 Léttir á spítalanum með heilsugæslu og heimahjúkrun
Reynir
Arngrímsson
Kristján Þór
Júlíusson