Morgunblaðið - 26.09.2015, Blaðsíða 20

Ljósmyndir/Úr einkasafni Bjarna Tryggvasonar
Fjölskyldan Bjarni Tryggvason geimfari á 70 ára afmælisdeginum, ásamt
börnum sínum, Michael og Lauren, við tékkneska þotu af gerðinni L-39.
„Þetta var langur dagur en afar
ánægjulegur,“ segir Bjarni
Tryggvason geimfari, sem hélt upp
á 70 ára afmæli sitt á heimaslóðum
í Kanada um síðustu helgi með því
að fljúga listflug á sex mismunandi
flugvélum, allt frá litlum eins
hreyfils vélum upp í gamla her-
þotu. Bjarni segir flugið hafa
heppnast fullkomlega, enda viðraði
vel til listflugs þennan dag.
Eins og kom fram í afmælis-
viðtali við Bjarna í Morgunblaðinu
sl. mánudag lét hann gamlan
draum rætast með þessu listflugi á
einum og sama deginum. Með að-
stoð góðra vina úr flugheiminum
fékk hann lánaðar vélar í flugið.
Bjarni sendi Morgunblaðinu mynd-
ir frá þessum degi, sem fylgja hér
á síðunni, en hann er margreyndur
flugmaður og starfar í dag sem
flugkennari eftir að hann fór á eft-
irlaun hjá kanadísku geimferða-
stofnuninni fyrir nokkrum árum.
Vélarnar sem Bjarni flaug voru
af gerðinni Bucker Jungman, Edge
540, Pitts Special, Decathalon,
Harvard og L-39. Sú síðasttalda er
gömul herþota, framleidd í Tékkó-
slóvakíu á áttunda áratugnum, og
er í eigu æfingaflugskóla sem
Bjarni starfar hjá. Að hans sögn
eru þessar þotur víða notaðar í
dag til að æfa orrustuflugmenn.
Flestar minni vélarnar sem
Bjarni flaug eru endurbættar eða
smíðaðar eftir frumgerðum. Elsta
frumgerðin er af gerðinni Bucker
Jungman en þær vélar voru fyrst
smíðaðar í kringum 1930. Eina vél-
ina, af gerðinni Pitts, áttu Bjarni
og sonur hans, Michael, um nokk-
urra ára skeið eða þar til þeir
seldu hana í fyrra. Afmælisbarnið
fékk hana lánaða í tilefni tímamót-
anna. Michael og Lauren, systir
hans, fylgdust með listflugi föður
síns þennan dag.
Næst á dagskránni hjá Bjarna, í
tilefni 70 áranna, er að hlaupa
hálft maraþon 11. október nk. í
borginni Victoria. Geimfarinn er
því enn á ferð og flugi. bjb@mbl.is
Bjarni Tryggvason geimfari lét gamlan draum rætast á 70 ára afmælisdegi sínum
Sjötugur í list-
flugi á sex vélum
 Næst á afmælisdagskránni hjá
Bjarna er að hlaupa hálft maraþon
Hópflug Bjarni er hér fremstur á flugi með félögum sínum á Harvard-vélum, sem notaðar voru í seinni heimsstyrjöldinni.
Decathalon Bjarni ásamt eiganda
vélarinnar, er lánaði gripinn.
Edge 540 Bjarni á öflugri listflugvél sem lengi vel var notuð í
Red Bull-flugkeppninni í Las Vegas, sem jafnan er fjölsótt.
Bucker Jungman Félagi Bjarna, er
situr að aftan, endurgerði þessa vél.
Pitts Þessa tvíþekju áttu feðgarnir Bjarni og Michael í ein sjö ár.
Harvard Þessar vélar eru sjaldséðar
í Kanada, aðeins sex í notkun í dag.
Bjarni fékk eina lánaða.
20 FRÉTTIRInnlent
MORGUNBLAÐIÐ LAUGARDAGUR 26. SEPTEMBER 2015
Þann 22. október drögum við út
heppinn áskrifanda sem hlýtur að gjöf
sjálfskiptan Suzuki Vitara GLX sportjeppa
að verðmæti 5.440.000 kr.
í áskriftarleik Morgunblaðsins.
mbl.is/askriftarleikur