Morgunblaðið - 26.09.2015, Blaðsíða 35

Þar sem englarnir syngja sefur þú
sefur í djúpinu væra.
Við hin sem lifum, lifum í trú
að ljósið bjarta skæra
veki þig með sól að morgni.
Drottinn minn faðir lífsins ljós
lát náð þína skína svo blíða.
Minn styrkur þú ert mín lífsins rós
tak burt minn myrka kvíða.
Þú vekur hann með sól að morgni.
Faðir minn láttu lífsins sól
lýsa upp sorgmætt hjarta.
Hjá þér ég finn frið og skjól.
Láttu svo ljósið þitt bjarta
vekja hann með sól að morgni.
Drottinn minn réttu sorgmæddri sál
svala líknarhönd
og slökk þú hjartans harmabál
slít sundur dauðans bönd.
Svo vaknar hann með sól að morgni.
Farðu í friði vinur minn kær
faðirinn mun þig geyma.
Um aldur og ævi þú verður mér nær
aldrei ég skal þér gleyma.
Svo vöknum við með sól að morgni.
(Bubbi Morthens.)
Kæra mágkona, minning þín
er ljós í lífi okkar, sjáumst.
Alfreð Halldórsson.
Elsku frænka mín, mér þykir
svo erfitt og sárt að kveðja þig, þú
ert núna komin á betri stað þar
sem bíða þín ótal verkefni. Þú
varst í alla staði yndisleg og frá-
bær.
Elsku Dóra mín, þú mikla bar-
áttukona, barðist eins og hetja til
síðasta dags og varst alltaf svo já-
kvæð og dugleg. Við erum öll
ótrúlega stolt af þér og ég er
heppin að hafa átt þig að. Það var
alltaf stutt í húmorinn og grínið
hjá þér, mikið hlegið þegar þú
varst nálægt og þú áttir svo
sannarlega ekki erfitt með að
skemmta okkur hinum sem í
kringum þig vorum.
Söknuðurinn er mikill en ég
mun halda yndislegu minningun-
um sem við áttum saman á lofti.
Þú verður alltaf í hjarta mínu
og ég mun hugsa um þig hvern
einasta dag.
Hlakka til að hitta þig aftur
þegar minn tími kemur. Elska þig
að eilífu.
Hver minning dýrmæt perla
að liðnum lífsins degi
hin ljúfu og góðu kynni af alhug
þakka hér.
Þinn kærleikur í verki var gjöf sem
gleymist eigi
og gæfa var það öllum er fengu að
kynnast þér.
(Ingibjörg Sigurðardóttir)
Þín frænka,
Eygló Dís Alfreðsdóttir.
Elsku besta Dóra okkar. Við
eigum eftir að sakna þín svo mik-
ið, þú varst svo yndisleg frænka
sem allt vildir fyrir okkur gera.
Alltaf hafðir þú tíma til að tala við
okkur og fíflast með okkur. Við
fengum svo oft að gista hjá þér,
alveg sama hvort þú varst veik
eða ekki, og það var svo gott að fá
að kúra hjá þér og þá var nú oft
gaman.
Okkur fannst leitt að sjá þig
svona mikið veika en nú líður þér
vonandi betur og fylgist með okk-
ur og gætir okkar.
Nú er ljósið dagsins dvín,
þótt dauðinn okkur skilji,
mér finnst sem hlýja höndin þín
hjarta mínu ylji.
Myndin þín hún máist ei
mér úr hug né hjarta.
Hún á þar sæti uns ég dey
og auðgar lífið bjarta.
Þótt okkur finnist ævin tóm
er ástvinirnir kveðja,
minninganna mildu blóm
mega hugann gleðja.
(Ágúst Böðvarsson)
Við lofum að passa alla fyrir
þig, elsku besta Dóra okkar.
Við elskum þig og söknum þín.
Elliði Snær og Rakel Perla.
Við sendum þér okkar hinstu
kveðju, elsku Dóra.
Við geymum allar þær góðu
minningar sem við eigum um þig
í hjarta okkar. Takk fyrir að vera
okkur alltaf svo góð. Þær eru
margar og góðar stundir sem við
áttum með þér frá því við vorum
litlir guttar heima hjá þér og við
vorum að leika við krakkana í
playmo, þegar við komum í heim-
sókn til ykkar til Grindavíkur á
meðan þið bjugguð þar, á fót-
boltamótunum sem við fórum á,
já við eigum svo margar góðar
minningar um þig, elsku Dóra
okkar, og fyrir þær erum við
þakklát.
Hún var einstök perla.
Afar fágæt perla,
skreytt fegurstu gimsteinum
sem glitraði á
og gerðu líf samferðamanna hennar
innihaldsríkara og fegurra.
Fáar perlur eru svo ríkulega búnar,
gæddar svo mörgum af dýrmætustu
gjöfum Guðs.
Hún hafði ásjónu engils
sem frá stafaði ilmur
umhyggju og vináttu,
ástar og kærleika.
Hún var farvegur kærleika Guðs,
kærleika sem ekki krafðist endurgjalds.
Hún var vitnisburður
um bestu gjafir Guðs,
trúna, vonina, kærleikann og lífið.
Blessuð sé minning einstakrar perlu.
(Sigurbjörn Þorkelsson.)
Við biðjum algóðan Guð um að
styrkja fjölskyldu og vini Dóru
Bjarkar á þessum erfiðu tímum.
Minning þín lifir. Elskum þig,
Egill Aron, Arnar Smári
og Guðrún Bára.
Elsku hjartans Dóra mín. Guð
minn góður hvað það er erfitt að
sitja hérna og skrifa kveðjuorð til
þín. Ég hef aldrei upplifað annan
eins sársauka og sorg og þegar
ég frétti að þú værir dáin, samt
vissi ég alveg í hvað stefndi hjá
þér.
Þú, hjartans engillinn minn,
barðist eins og hetja í níu ár og
varst alltaf svo jákvæð en varðst
að lokum að láta í minni pokann.
Það hefur bara greinilega vantað
enn einn fallegan engil í hópinn
þarna uppi.
Dóra var yndislegur persónu-
leiki, hún var má segja allra. Allt-
af vildi hún gera allt fyrir alla, al-
veg sama hvað það var.
Okkar kynni hófust þegar þú
fluttir hingað til Eyja með
mömmu þinni og systkinum 1982.
Þú varst frekar feimin til að
byrja með og ein frægasta setn-
ingin þín þá var „ef þú ætlar að fá
þér“.
Ég á heilan hafsjó af minning-
um um okkur og eru þær minn-
ingar efni í heila bók.
Minnisstæðast er þegar við
vorum alltaf að stelast á Selfoss á
djammið, sögðum alltaf að við
ætluðum að gista saman en að
sjálfsögðu komst upp um okkur.
Erum við búnar að hlæja mikið
að þessu í gegnum tíðina.
Manstu líka þegar þú varst ný-
komin með bílprófið og við á
rúntinum á gráu þrumunni, sem
afi þinn átti þegar löggan setti
bláu ljósin á okkur? Við vorum
nýbúnar að kaupa okkur fullt af
nammi en við panikkeruðum svo
að við hentum namminu út um
gluggann á bílnum og „stungum“
lögguna af. En þá var þetta bara
hann Pétur lögga aðeins að stríða
okkur.
En elsku engillinn minn, nú
ætla ég að láta staðar numið en
minningarnar um þig mun ég
geyma í hjarta mér.
Ég veit að við munum hittast á
ný þegar minn tími mun koma.
Elsku Jón Óli, Daníel Freyr,
Tanja Rut, Guðný Ósk, Einar
Þór, litla ömmugullið Svava
Björk og fjölskylda, Guð gefi
ykkur styrk í þessari miklu sorg.
Elsku hjartans engillinn minn,
mikið ofboðslega á ég eftir að
sakna þín mikið, þú munt alltaf
vera í hjarta mínu að eilífu
Guð geymi þig, elsku Dóra
mín.
Gulli og perlum safna sér
sumir endalaust reyna
vita ekki að vináttan er
verðmætust eðalsteina.
Gull á ég ekki að gefa þér
og gimsteina ekki neina
en viltu muna að vináttan er
verðmætust eðalsteina.
(Hjálmar Freysteinsson.)
Þín vinkona,
Þórína Baldursdóttir.
Elsku vinkona, ég á erfitt með
að trúa því að þú sért farin, að
þessi illvígi sjúkdómur hafi haft
betur eftir hetjulega baráttu í níu
ár. Þú varst alltaf svo jákvæð og
vildir allt fyrir alla gera. Síðasta
samtalið okkar var í júlí, stuttu
eftir að ég kom heim af spítalan-
um, þá spurðir þú hvernig ég
hefði það, svo þegar ég spurði þig
sagðist þú hafa það fínt og að við
myndum massa þetta, sem ég
vonaði innilega að þú myndir gera
því það er sárt að horfa á eftir
þér. Þó að það hafi ekki verið mik-
ill samgangur á milli okkar síð-
ustu ár var alltaf eins og við hefð-
um talað saman á hverjum degi
þegar við hittumst. Nú sit ég hér
heima og hugsa um allar þær
stundir sem við áttum saman,
hvað það var gaman og mikið
brasað, minningar um þessar
stundir mun ég geyma og halda
vel í. Fyrir þremur árum varðst
þú amma og þú ljómaðir öll þegar
þú talaðir um ömmusnúlluna
þína, enda hafa börnin þín, barna-
barn og já öll börn sem þekktu
þig vitað að þú elskaðir öll börn.
En nú ert þú ekki kvalin lengur
og ég veit að þú fylgist vel með
börnunum þínum og fjölskyldu og
passar vel upp á þau öll. Elsku
Jón Óli, Daníel, Tanja, Guðný,
Einar, Svava Björk, foreldrar,
systkini og fjölskyldur, megi góð-
ur Guð styrkja ykkur í sorginni.
Helga Henrysdóttir.
Þótt ég sé látinn, harmið mig ekki með
tárum, hugsið ekki um dauðann með
harmi eða ótta. Ég er svo nærri, að
hvert eitt tár ykkar snertir mig og kvel-
ur, þótt látinn mig haldið. En þegar þið
hlæið og syngið með glöðum hug lyftist
sál mín upp í mót til ljóssins. Verið glöð
og þakklát fyrir allt sem lífið gefur og
ég, þótt látinn sé, tek þátt í gleði ykkar
yfir lífinu.
(Höf. óþekktur)
Hetjan okkar er farin. Þvílíkt
sem hægt er að leggja á eina
manneskju í níu ár en aldrei
kvartaði hún. Allt í rétta átt og
hún að hressast, alltaf jákvæð. En
að lokum þurfti hún að lúta í
lægra haldi fyrir sjúkdómnum ill-
víga. Dóra Björk var í stjórn
Krabbavarnar í Vestmannaeyj-
um, tók þátt í fjáröflun fyrir fé-
lagið og var dugleg að mæta á
fundi og á skrifstofuna meðan
heilsan leyfði.
Góða ferð, kæra vinkona, þín
verður sárt saknað og þökkum við
fyrir góða samveru alla tíð. Fjöl-
skyldunni allri sendum við okkar
innilegustu samúðarkveðjur.
F.h. Krabbavarnar Vest-
mannaeyja,
Ester Ólafsdóttir.
MINNINGAR 35
MORGUNBLAÐIÐ LAUGARDAGUR 26. SEPTEMBER 2015
✝ Elín Elivarðs-dóttir fæddist í
Stykkishólmi 6.
september 1930.
Hún lést á Dval-
arheimili aldraðra
13. september
2015.
Foreldrar henn-
ar voru Elivarður
Jónsson, f. 1881, d.
1930, og Gróa Jó-
hannesdóttir, f.
1901, d. 1963. Systkini Elínar
eru Sigrún, f. 1922, d. 2011, Há-
kon, f. 1925, d. 1972, Klara, f.
1928, d. 2005, Vil-
berg, f. 1937,
Stella, f. 1940, upp-
eldisbróðir er
Fjölnir, f. 1949.
Elín fæddist og
ólst upp í Stykk-
ishólmi, hennar
starfsvettvangur
var hjá Sigurði
Ágústssyni ehf. í
yfir 30 ár.
Útför Elínar fer
fram frá Stykkishólmskirkju í
dag, 26. september 2015, og
hefst athöfnin kl. 14.
Megi lífsins vegur von þér gefa,
hver varða sýna þér
að þú munt rata ljóssins leið án efa,
þá leið sem fegurst er.
Megi dagsins birta frið þér færa
og faðma hvert eitt sinn,
megi ávallt lífsins ljósið skæra
leiða huga þinn.
Megi sólin eilíft á þig skína,
sem ást um himingeim.
Megi innra ljós þér lífið sýna
og lýsa veginn heim.
(Kristján Hreinsson)
Okkar ástkæra Ella. Hlýjar
minningar leiða okkur í gegnum
dagana. Jólapakkar sem áttu eng-
an sinn líka – jafn mikilvægir og
jólin sjálf, brauðristin sem líktist
geimfari fangaði hugann tímunum
saman, ilmurinn af snúðum og vín-
arbrauðum sem vöktu gestina, all-
ar berjatínsluferðirnar, innilegi og
smitandi hláturinn, einlæga hjart-
að – hetjan okkar, Ella.
Með hjartanlegu þakklæti fyrir
samfylgdina í gegnum árin og
megi Guð geyma þig fyrir okkur
þar til næst.
Stella, Ólafur Pétur,
Agnar Þór, Díana María
og fjölskyldur.
Elín
Elivarðsdóttir
HJARTAVERND
Minningarkort
535 1825
www.hjarta.is 5351800
ÞAR SEM FAGMENNSKAN
RÆÐUR
Blómaverkstæði Binna | Skólavörðustíg 12 | Sími: 5613030
Elskuleg móðir okkar, tengdamóðir, amma
og langamma,
JÓNASÍNA ÞRÚÐUR
KRISTJÁNSDÓTTIR
frá Fremri-Hjarðardal í Dýrafirði,
lést á hjúkrunarheimilinu Grund
17. september. Útförin fer fram frá
Neskirkju þriðjudaginn 29. september kl. 13.
.
Steinar Gunnarsson Margrét Björgvinsdóttir
Styrmir Gunnarsson
Börkur Gunnarsson María Jónsdóttir
Gunnar Steinarsson Janne Andreasen
Þrúður Steinarsdóttir
Orri Steinarsson
Hlynur Steinarsson
Johanna Stumm
Gunnar Freyr Barkarson
Freyja Barkardóttir
Steinar Stefánsson Mette Dahlman Christensen
Ísey Orradóttir Lightart
Salka Sofie H. Steinarsd.
Nói Orrason Ligthart
Merle Röttger
Ástkær eiginkona mín, móðir okkar,
tengdamóðir, amma og langamma,
JÓNA GRÓA SIGURÐARDÓTTIR,
fyrrverandi borgarfulltrúi,
Sléttuvegi 31, Reykjavík,
lést á Landspítalanum við Hringbraut
17. september síðastliðinn. Útförin fer fram
frá Bústaðakirkju þriðjudaginn 29. september klukkan 13.
.
Guðmundur Jónsson,
Ingunn G. Guðmundsdóttir, Magnús Andrésson,
Sigurður Guðmundsson, Guðný Ívarsdóttir,
Helga Guðmundsdóttir, Jóhann Gíslason,
Auður Björk Guðmundsdóttir, Ægir Birgisson,
barnabörn og barnabarnabörn.
Ástkær móðir mín, tengdamóðir, amma og
langamma,
SIGRÍÐUR HELGADÓTTIR,
Stillholti 12,
Akranesi,
lést á Sjúkrahúsi Akraness sunnudaginn
20. september. Útför hennar fer fram
miðvikudaginn 30. september klukkan 14.
.
Helga Jónsdóttir, Einar Ásgeirsson,
Hrannar Einarsson, Guðbjörg Ö. Einarsdóttir,
Jón Valur Einarsson,
Hildigunnur Einarsdóttir, Guðjón Jóhannesson,
Andri Þór Einarsson,
Einar Magni, Arnar Pálmi.
Faðir okkar, tengdafaðir, afi, langafi og
vinur,
VIGFÚS MAGNÚSSON
læknir,
Sóltúni 10,
Reykjavík,
varð bráðkvaddur á fjöllum mánudaginn 21. september. Útförin
fer fram frá Grafarvogskirkju miðvikudaginn 30. september
klukkan 13. Blóm og kransar eru vinsamlegast afþökkuð en
þeim er vildu minnast hans er bent á líknarfélög.
.
Kristín Vigfúsdóttir, Finnur Ingólfsson,
Ragnhildur Vigfúsdóttir, Hafliði Helgason,
Ástríður Vigdís Vigfúsdóttir, Árni Leifsson,
Guðrún Þórðardóttir,
barnabörn og barnabarnabörn.
www.uth.is -uth@uth.is Stapahrauni 5, Hfj. - Sími 565 9775
Frímann
s: 897 2468
Hálfdán
s: 898 5765
Ólöf
s: 898 3075
ÚTFARARÞJÓNUSTA
HAFNAFJARÐAR
FRÍMANN & HÁLFDÁN
ÚTFARARÞJÓNUSTA