Skólavarðan - 01.09.2010, Blaðsíða 10

10
Skólavarðan 4.tbl. 2010málefni
á almenna skólasókn og segir Fríða að ennfremur verði boðið upp á
starfskynningu á vinnustaði og vettvangsferðir.
„Vettvangsferðirnar eru samþættar námsgreinum eftir föngum. Fyrsta
ferðin var farin í Hellisheiðarvirkjun og Draugasetrið á Stokkseyri. Efni
úr ferðinni var síðan nýtt í mörgum námsgreinum. Nemendur eiga þess
einnig kost að hafa áhrif á viðfangsefni sín. Í áfanganum Samfélagið í
nærmynd völdu þau til dæmis stríðsátök,“ segir Fríða.
Mikið er lagt upp úr kurteisi, umburðarlyndi og skipulögðum vinnu-
brögðum á framhaldsskólabrautinni að sögn Fríðu og haldnir eru viku-
legir fundir með nemendum þar sem farið er yfir námsframvindu,
samskiptamál, líðan nemenda og fjallað almennt um gang mála. Þá er
samband við forráðamenn nemenda náið og haldinn að minnsta kosti
einn fundur með þeim í skólanum á hverri önn auk þess sem forráða-
mönnum er sent fréttabréf vikulega.
Meiri sveigjanleiki í efnisvali og námsmati en á öðrum
námsbrautum
Aðspurð um hvernig framhaldsskólabrautin sé í samanburði við hefð-
bundnar námsbrautir segir Fríða að fyrir það fyrsta sé annarskipan öðru
vísi. Önnin miðist við árið og í mörgum áföngum sé unnið með tví-
skiptan hóp. Annar hópurinn sé til dæmis í íslensku, ensku og tölv-
unarfræði fram til 15. október en skipti þá við hinn hópinn sem hefur
lokið hálfri önn í stærðfræði, samfélagsfræði og sjálfbærni. Hóparnir
tveir séu svo saman í matreiðslu, framreiðslu og heilsueflingu.
„Eftir áramót ljúkum við önninni með sams konar skiptingu. Þetta
skapar meiri fjölbreytni og kemur í veg fyrir námsleiða. Við gerð náms-
áætlana eru höfð að leiðarljósi hagnýti og ný nálgun sem byggist m.a. á
framlagi nemenda, ekki fyrirlestrarformi,“ segir Fríða.
Þar sem kennslan er á tilraunastigi segir Fríða að erfitt sé að segja
til um árangurinn og í raun og veru sé um að ræða tilraunakennslu frá
degi til dags. Við brautina starfa níu kennarar sem allir eru fagkennarar
og kenna einnig við aðrar brautir skólans.
„Við vinnum þétt saman, fundum vikulega og berum saman bækur
okkar. Eflaust er meiri sveigjanleiki bæði í efnisvali og námsmati það
sem greinir framhaldsskólabrautina helst frá öðrum brautum skólans,
ennfremur er aðhald og agi meiri,“ segir Fríða.
Námsmat byggir á virkni nemandans
Margir nemendur á framhaldsskólabraut hafa að sögn Fríðu átt við
ýmiss konar erfiðleika að etja í grunnskólunum þar sem þeir hafa ekki
fallið inn í rótgrónar og hefðbundnar kennsluaðferðir. Sveigjanleikinn
sé þeim því mikilvægur, bæði í námsvali og námsmati.
„Eftirfarandi námslýsing á vel við á framhaldsskólabraut: „Segðu
mér og ég gleymi. Sýndu mér og ég man. Leyfðu mér að prófa og ég
skil.“ Námsmatið byggist þannig á virkni nemandans. Við kennararnir
notum sameiginlegar ferilmöppur undir verkefnin þeirra og byggjum
matið að stórum hluta á samvisku- og vinnusemi,“ segir Fríða.
Námið á framhaldsskólabrautinni er einingabært (þ.e. metið til ein-
inga á fyrsta þrepi) og námslok verða með ýmsum hætti eftir þörfum
hvers og eins en hægt er að ljúka framhaldsskólaprófi og útskrifast
að loknum 90-120 framhaldsskólaeiningum. Fríða segir að nemendur
geti útskrifast formlega af brautinni með framhaldsskólapróf eftir
þrjár til fjórar annir eða haldið að lokinni einni eða tveimur önnum á
brautinni ýmist inn á aðrar námsbrautir eða út í atvinnulífið. Útskrift
hvers nemanda sé ráðgerð í samvinnu við umsjónarmann brautarinnar,
námsráðgjafa og áfangastjóra.
Eitt meginmarkmiðið að efla sjálfstraust og sjálfsmynd nemenda
Fríða segir að nemendur á framhaldsskólabrautinni í MK hafi eðlilegar
framtíðaráætlanir og sumir þeirra séu jafnvel ákveðnari í sínu vali en
jafnaldrar þeirra á bóknámsbrautum. Þannig sé einn staðráðinn í að
verða vélstjóri og annar ætli að verða smiður.
„Allir eiga að geta látið framtíðardrauma sína um menntun rætast.
Kenningar Howards Gardners um fjölgreind koma fljótt í hugann þegar
unnið er með krökkunum á framhaldsskólabrautinni því ýmsir hæfi-
leikar koma í ljós þótt þeir flokkist ekki undir málgreind sem almennt
skólastarf byggist að stærstum hluta á. Listrænir hæfileikar búa í
mörgum nemenda okkar, einnig er í hópnum afreksfólk í íþróttum,“
segir Fríða.
Hún segir að eitt af meginmarkmiðum framhaldsskólabrautarinnar sé
að efla sjálfstraust og sjálfsmynd nemenda og skila þeim út í lífið með
nokkuð góða grunnþekkingu á helstu þáttum í námi og atvinnulífi.
„Tilgangurinn er ekki síst sá að nemendur átti sig á innviðum og
uppbyggingu samfélagsins og hlutverki sínu í því. Ennfremur að þeir
búi að loknu námi yfir jákvæðri skólareynslu sem skili sér í framtíðinni
til afkomenda þeirra,“ segir Fríða Proppé að lokum.
Allir eiga að geta látið framtíðar-
drauma sína um menntun rætast.
Þegar unnið er með krökkunum
á framhaldsskólabrautinni koma
ýmsir hæfileikar í ljós þótt þeir
flokkist ekki undir málgreind
sem almennt skólastarf byggist
að stærstum hluta á.