Skólavarðan - 01.09.2010, Blaðsíða 30

30
Skólavarðan 4.tbl. 2010fræðin
Alls héldu átta fulltrúar frá KÍ utan til þátttöku: Ingibjörg Kristleifs-
dóttir, Fjóla Þorvaldsdóttir, Marta Dögg Sigurðardóttir, Guðbjörg
Ragnarsdóttir, Jóhannes Þór Skúlason, Þórður Árni Hjaltested og
undirritaðar. Auk okkar var stór hópur þátttakenda frá Finnlandi,
Noregi og Svíþjóð. Færeyingar og Grænlendingar áttu einnig full-
trúa á námskeiðinu.
Anders Rusk framkvæmdastjóri samtakanna bauð námskeiðsgesti
velkomna í upphafsræðu sinni en þar gat hann meðal annars um mikil-
vægi norræns samstarfs og samvinnu fyrir kennara og aðra þá sem að
skólamálum koma á Norðurlöndunum. Fyrirlestrar fóru fram á sænsku
utan einn og voru flestir þeirra áhugaverðir. Fyrstur var sálfræðingurinn
Tony Dunderfeldt sem hélt mjög áhugaverðan og gagnlegan fyrirlestur
um sjálfsstyrkingu og hvernig hægt er að afstressa sig og endurnýja
orku með aðeins hálfrar mínútu æfingum. Hann sagði kennara þurfa að
vera sjálfmiðaða en ekki sjálflæga og að persónueinkenni þeirra ættu
alltaf að fá að setja svip sinn á kennsluhætti. Tony sagði kennara ekki
geta notað kennsluaðferðir sem þeir hefðu ekki trú á sjálfir.
Þá talaði Jonathan Neale, lektor í Creative Studies við School of
Humanities and Cultural industries við Bath Spa University á Stóra
Bretlandi. Hans fyrirlestur var um hnattræna hlýnun jarðar og hversu
mikilvægt væri að kenna nemendum um afleiðingar hennar í stað þess
að hræða þá. Heyra mátti skiptar skoðanir um ágæti þessa fyrirlesturs,
sumum þótti hann fullur af svartsýni og boða nánast endalok alls lífs
á jörðinni en aðra vakti hann til umhugsunar og kveikti meðvitund um
mikilvægi þess að huga að þessum þætti.
Á þriðja degi hlýddum við á Miu Nykopp, taugasálfræðing á
barnalæknastöð i Haglund/Esbo í Finnlandi. Fyrirlestur hennar fjallaði
um börn með sérþarfir og þá sérstaklega börn í leik- og grunnskólum
með ADHD og einhverfu. Mia velti meðal annars upp spurningunni
hvers vegna eru börn erfiðari nú en áður? Hún ræddi um hraðann í
þjóðfélaginu og sagði mikilvægt að börn vissu mörk sín og að skila-
boð og reglur þyrftu að vera skýr. Engum viðstaddra datt í hug að mót-
mæla þeim orðum hennar, þau komu engum á óvart.
Síðari fyrirlestur þessa dags innihélt kynningu á hvernig finnskt
skólakerfi er uppbyggt. Það var hin reffilega Benita Kavander, lektor
og kennari við Vasa övningsskola/Åbo Akademi í Vasa sem talaði.
Eflaust biðu fleiri en við spenntir eftir að heyra fyrirlesturinn þar sem
Finnar hafa staðið sig mjög vel í Pisa könnunum. Benita hefur langa
reynslu af því að kenna kennaranemum ásamt því að vera varaformaður
finnsk-sænska kennarasambandsins FLS. Kennaranám í Finnlandi er
fimm ár og þar af æfingakennsla í æfingaskólum fjórar vikur í senn í
allt að sextán vikur. Í skólunum eru bekkjakennarar í fyrstu sex árgöng-
unum og eftir það taka fagkennarar við. Mikil áhersla er lögð á aga sem
sumum kann að þykja frekar gamaldags hugsunarháttur. Í Finnlandi er
fræðsluskylda en ekki skólaskylda. Kennsluskylda kennara er mis-
munandi eftir fögum og eru móðurmálskennarar með 16 til 18 tíma
kennsluskyldu en kennsluskyldan er mest 24 kennslutímar (45 mín).
Finnskir skólar eru skólar án aðgreiningar og vill Benita meina að ef til
Fagmennska til umræðu
á sumarnámskeiði NLS
Íslensku þátttakendurnir ásamt nokkrum færeyskum félögum.
Á myndina vantar Fjólu Þorvaldsdóttur.
Hið árlega sumarnámskeið NLS (Nordiska Lärarorganisationernas
Samråd) var haldið í Nådendal í Finnlandi dagana 29. júní – 3. júlí sl.
Yfirskriftin var Menntapólitískar áskoranir, fagmennskan í forgrunni.
Lára Guðrún Agnarsdóttir og Svava Þ. Hjaltalín voru á staðnum.