Bjartur og frú Emilía: tímarit um bókmenntir og leiklist - 01.07.1991, Síða 23

komast aftur til Peshawar. Þegar ég kom í búðina sagði gamli
maðurinn mér venjulega frá því að hann ætlaði að flytjast heim
með fjölskylduna vegna ofbeldis og slæms veðurs í Lundúnum.
Charlie var hinum megin við bíl herra Watsons og sagði:
„Hún var eina barnið þeirra." Hann ásakaði mig.
„]á,“ sagði ég. „Ég veit. Voðaleg synd." Við hringsóluðum í
kringum bílinn. Síðan sagði Charlie:
„Það var í blaðinu í morgun. Sástu það? Það var sagt að þú
hefðir séð hana sökkva."
„Það er rétt."
„Gastu þá ekki náð henni?"
„Nei, ég gat það ekki. Hún sökk." Ég stækkaði hringinn í
kringum bílinn og kom mér undan. Ég vissi að Charlie fylgdist með
mér niður alla götuna, en ég sneri mér ekki við til að staðfesta grun
hans.
Við enda götunnar þóttist ég horfa upp til að sjá flugvél og
gægðist yfir öxlina. Charlie stóð við bílinn með hendur á mjöðmum
og horfði enn á eftir mér. Við fætur hans sat stór hvítur og svartur
köttur. Allt þetta sá ég bregða fyrir og beygði fyrir hornið. Klukkan
var hálf sjö. Ég ákvað að ganga að bókasafninu til þess að eyða
afganginum af tímanum. Þetta var sami göngutúr og ég fór í fyrr í
dag. Nú var fleira fólk á ferli. Ég gekk fram á drengi frá Vestur-
Indíum í fótbolta á götunni. Boltinn þeirra kom rúllandi til mín og
ég lét hann fara framhjá. Þeir stóðu og biðu á meðan einn yngri
drengjanna sótti boltann. Þeir þögðu og fylgdust nákvæmlega með
mér þegar ég smeygði mér framhjá þeim. Um leið og ég var kominn
í gegnum hópinn, henti einn þeirra smásteini eftir götunni í fæturna
á mér. Án þess að snúa mér og nærri því blindandi tók ég steininn
laglega niður með fætinum. Það var algjör heppni að mér tókst
þetta svona vel. Þeir hlógu allir að þessu, hrópuðu og klöppuðu
fyrir mér, svo að mér fannst í augnablikskæti að ég gæti snúið við
og verið með þeim í fótboltanum. Boltinn kom til baka og þeir
héldu áfram að spila. Augnablikið leið og ég hélt áfram. Hjartað
barðist í brjósti mér útaf þessum andartaks æsingi. Ég fann meira
Tímarit um bókmenntir og leiklist
23