Víkurfréttir - 13.12.1984, Blaðsíða 12

JÓLABLAÐ
VÍKUR-fréttir
„Svo segja sumir, að
konur geri aldrei neitt“
- Ávarp Áka Granz, forseta bæjarstjórnar
Njarðvíkur, á hátíðarfundi Kvenfélagsins
í Stapa 2. desember sl.
,,Þaö eróhættaðsegjaað
saga Kvenfélagsins í 40 ár
sé félagsmálasaga Njarð-
víkur, svo víða hafa þær
komið við. Ýmist átt frum-
kvæði eða verið styrk stoð í
framgangi mála.
Verkefnin voru mörg og
fjölbreytt, þeim var ekkert
óviðkomandi. Þær áttu
frumkvæðið að því að koma
upp fyrsta barnaleikvellin-
um. Á þeim tíma voru leik-
vellir lítt þekkt fyrirbrigði.
Hið opinbera - ríkisvaldið,
taldi sig ekki síður þá en nú,
vita hvað landslýð væri fyrir
bestu. Það varð að fara písl-
argöngu til Reykjavíkur og
fá leyfi hjá fjárhagsráði til
að koma upp barnaleikvelli.
Á þeim árum var rætt mikið
um barnauppeldi og fram-
tíðina. Eins og vísa frá þeim
tima segir:
Opinbert er allt sem má
aðeins gera í felum.
Bráðum verða börnin smá
búin til í vélum.
Upp komst völlurinn með
aðstoð hreppsins og varð
frægasti barnaleikvöllur
landsins, kvikmyndaður og
sýndur um land allt, fram á
þennan dag sem fyrirmynd-
ar barnaleikvöllur.
Dagheimilið Gimli reistu
þær af miklum dugnaði og
afhentu síðan bæjarfélag-
inu.
Afrekaskrá Kvenfélags-
ins, ef svo má kalla, er efni i
stóra bók. Ég ætla mér að
stikla á stóru um verkefni,
sem þær hafa látið sig
varða:
Félagsheimili, fyrst Kross-
inn, svo Stapi. Kirkjan hér í
Ytra-hverfi. Þorrablót í 40
ár. Fullveldisfagnaðir, jóla-
trésfagnaðir og þrettánda-
vökur. Sett upp leikrit. Alls
konar fræðslunámskeið.
Árleg ferðalög. Hreinsun
bæjarins. Skógrækt. Styrkir
og gjafir til skólans, UMFN,
íþróttavallanna, Keflavíkur-
kirkju, Innra-hverfis kirkju,
sjúkrahússins, Hallveigar-
staða, byggingu handrita-
húss, Landsspítalans og til
fjölda líknarfélaga o.m.fl.
sem of langt yrði að tíunda.
Svo segja sumir að konur
geri ekki neitt, og einhver
oflátungur sagði ,,að pær
kynnu aðeins eitt, að gera
menn að fíflum - og því
fengju þær aldrei nóg af".
En hvað sem þær gera, er
það gert fallega og án háv-
aða - af því getum við karl-
menn lært. Kvenfélag
Njarðvíkur var og er lifandi
máttarstólpi bæjarins og án
þess væri Njarðvík ekki það
sem hún er í dag - fyrir-
myndar bæjarfélag sem við
erum stolt af.
Fyrir hönd Njarðvikur-
bæjar vil ég óska þeim til
hamingju með þessi tíma-
mót og þakka þeim giftu-
drjúg störf í þágu bæjarfé-
lagsins - með ósk um langa
og gæfuríka framtíð".
JÓLAGJÖFIN í ÁR
ER FRÁ
SAFIR
Úrval af hvíta franska
POSTULÍNINU.
SILFUR-PLETT í úrvali
- m.a. barnasilfur
SILFURBAKKAR og
margt fleira.
VIKING-UR

Gottúrval af KLUKKUM
ásamt furuklukkunum
vinsælu.
Viðbótarsending væntanleg í vikunni.
SAFIR
GULL* OG GJAFAVÖRUR
Hafnargötu 35 - Sími 1755
Beinn innflutningur gerir
okkur mögulegt að bjóða
besta verð.
KREDITKORTAÞJÓNUSTA
Félaginu bárust margar gjafir á þessum timamótum. Hérað
ofan sést Áki Granz forseti bæjarstjórnar Njarðvikur, af-
henda Magdalenu Olsen, formanni félagsins, gjöf frá
Njarðvikurbæ.
Fulltrúar margra kvenfélaga voru viðstaddir og færðu fé-
laginu heiiiaóskir eða gjafir. Hér er Ólöf Guðnadóttir, form.
Kvenfélagasambands Gulbringusýslu og Kvenfélags
Garðabæjar, sem afhendir Magdalenu gjöffrá sambandinu
Fjölmargir gestir voru viðstaddir og hér sést hluti þeirra,
þ.e. þeir sem sátu við háborðið.
Veislustjóri var Guðiaug Karvelsdóttir, og sést hún hér i
ræðustól.