Morgunblaðið - Sunnudagur - 18.10.2015, Blaðsíða 46

Verk Ernest Zacharevic, sem hann vann út frá lagi hljómsveitarinnar
Diktu, „We’ll meet again“, er á Hverfisgötu í Samhjálparskotinu svonefnda.
Caratoes S gerði verkið sem prýðir hornhús Laugavegar og Klapp-
arstígs og vann það út frá lagi hljómsveitarinnar Ylju, „Óður til móður“.
Li Hill er höfundur þessa glæsilega verks sem er á bakhlið Gamla bíós við
Ingólfsstræti. Verkið vann hann út frá lagi Johns Grant, „Pale Green Ghosts“.
Tankpetrol sótti innblástur í lag hljómsveitarinnar Gus Gus, „Over“, í
veggverki sínu sem er á Grandagarði 14 við hlið Sjávarklasans.
G
læsileg veggmálverk prýða nú fjölda
húsa í miðborginni, allt frá Laugavegi
66 að Hólmaslóð 2 úti á Granda og eru
þau tengd tónlistarhátíðinni Iceland
Airwaves sem hefst 4. nóvember næst-
komandi. Verkin eru eftir níu erlenda listamenn á jafn-
mörgum húsum, listamenn á vegum samtakanna Urban
Nation í Berlín sem helga sig götu- eða borgarlist (urb-
an art á ensku) og þá meðal annars
veggjalist. Eitt verk var málað af Ís-
lendingum, á hliðarvegg Nasa við
Austurvöll og eru þau því tíu alls.
Listamennirnir unnu verk sín út frá
lögum tíu íslenskra og erlendra flytj-
enda á Airwaves í ár og getur fólk virt
verkin fyrir sér og hlustað á lögin á
meðan. Þau má finna á tónlistarveit-
unni Spotify, lagalista sem ber heiti
verkefnisins, Wall Poetry 2015.
Hélt hún væri eitthvað skrítin
Grímur Atlason, framkvæmdastjóri Iceland Airwaves,
segir verkefnið þannig til komið að framkvæmdastjóri
Urban Nation, Yasha Young, hafi gefið sig á tal við
hann á hátíðinni í fyrra og borið undir hann mögulegt
samstarf Iceland Airwaves og Urban Nation á hátíðinni
í ár. „Þetta hljómaði allt rosalega háfleygt og mér
fannst ekki möguleiki að þetta myndi gerast. Ég vissi
hvað það kostar að gera svona og hún ætlaði bara að
gera þetta allt saman sjálf. Ég hitti marga á Airwaves
sem eru upptendraðir, við áttum okkur kannski ekki á
því en þetta er svo ótrúleg upplifun fyrir marga útlend-
inga að koma hingað og upplifa landið, náttúruna, tón-
listina og borgina og ég hélt bara að hún væri eitthvað
skrítin,“ segir Grímur kíminn. Hann hafi samt sem áð-
ur samþykkt að hitta Young degi síðar og þá hafi hon-
um litist betur á verkefnið og viljað láta á það reyna.
„Þá fórum við að skipuleggja þetta og tengjast þessu
og það hefur tekið allt árið að finna veggi og listamenn.
Svo komu hingað yfir tuttugu manns eftir þessa und-
irbúningsvinnu sem tók marga mánuði. Þetta eru lista-
menn frá öllum heiminum sem tengjast Urban Nation í
Berlín og úr urðu þessir veggir,“ segir Grímur og bæt-
ir við að verkin geri bæði Reykjavík og hátíðina
skemmtilegri. „Við viljum halda þessu áfram, bæta við
veggjum og vonandi fá þeir flestir að vera.“
– Það væri synd að mála yfir þessi glæsilegu lista-
verk …
„Við lofuðum alla vega þeim sem sögðu já við okkur
að ef þeim líkaði ekki við verkin þá myndum við mála
yfir þau. En ég hef ekki heyrt að neinum mislíki þau,“
segir Grímur.
Synjað af Listaháskóla Íslands
Það kostar skildinginn að mála verkin og segir Grímur
að Urban Nation standi straum af stærstum hluta
kostnaðarins. „Við komum til móts við þau með gist-
ingu og fæði og vorum aðeins í lyftumálunum með
þeim. Þau borga allar flugferðir, efni og annað,“ segir
Grímur.
Samtökin Urban Nation vinna með borgarlistamönn-
um fjölda landa og segir Grímur að þau séu að byggja
sex hæða hús í Schöneberg í Berlín helgað slíkri list og
í því verði tónleikasalur, sýningarsalir, vinnustofur og
íbúðir fyrir listamenn. Mörg þúsund fermetrar verði
lagðir undir listina. „Það verður tekið í gagnið 2017 og
við hjá Airwaves munum skipuleggja kvöld þarna í
samstarfi við samtökin. Hugmynd okkar er auðvitað að
þetta opni líka fyrir íslenska listamenn sem eru í list-
sköpun af þessu tagi,“ segir Grímur.
Spurður að því hvernig hafi gengið að fá leyfi fyrir
að mála á veggina segir Grímur að það hafi gengið von-
um framar. „Við öfluðum allra leyfa en fengum nei frá
einum aðila, Listaháskóla Íslands, sem okkur finnst dá-
lítið hjákátlegt. Það var á Sölvhólsgötu þar sem er
mjög ljótur veggur,“ segir Grímur og hlær. „Það koma
hundrað listamenn fram á Airwaves, einstaklingar sem
eru eða hafa verið í Listaháskólanum. Tónlistin er svo
tengd myndlistinni, leiklistinni, tónlistardeildinni og
öllu þarna í skólanum. Við héldum að þetta væri sá
staður þar sem okkur yrði tekið mest fagnandi,“ segir
Grímur. Engin haldbær skýring hafi verið gefin á synj-
uninni.
Frekari upplýsingar um Urban Nation og Iceland
Airwaves má finna á urban-nation.net og iceland-
airwaves.is.
ICELAND AIRWAVES Í SAMSTARFI VIÐ URBAN NATION
Myndlist og tónlist
sameinuð í
veggjaljóðum
VERK EFTIR LISTAMENN URBAN NATION PRÝÐA VEGGI HÚSA Í MIÐBORG
REYKJAVÍKUR. LISTAMENNIRNIR UNNU ÚT FRÁ VÖLDUM LÖGUM TÓNLISTAR-
MANNA OG HLJÓMSVEITA SEM KOMA FRAM Á ICELAND AIRWAVES.
Helgi Snær Sigurðsson helgisnaer@mbl.is
Grímur Atlason
7
1
5
9
2
10
4
3 6 8
Staðsetning vegglistaverka Urban
Nation í miðborg Reykjavíkur
Loftmyndir ehf.
1
2
3
4
Menning
46 MORGUNBLAÐIÐ SUNNUDAGUR 18.10. 2015